同班FRIENDS包左場..成1689.得9盆細的食物..十幾人食有一人食得飽, 服務態度差, 唔值得去, 我成班FRIENDS之後要再去食其他野填肚
我地話唔夠食,佢起初話加多個主菜,轉頭佢再同老闆娘傾完又話無得加
佢話收2點,1點未到即趕人走
唔會再去

同班FRIENDS包左場..成2000.得6盆細的食物..十幾人食有一人食得飽, 仲要得3個小時, 夠鐘仲趕人走, 服務態度極差, 唔值得去, 我成班FRIENDS之後要再去食其他野填肚

說真的, 本來是去另一 間cafe, 但那cafe遲遲都唔覆我, 於是才去了Pom cafe.

今早我才收到通知, 有些人唔去, 於是我立即打去cut人數, 那時負責人說: [ok, 冇問題.]

當我去到後, 發覺所謂的包場, 只是比個很細的角落我們, 食物又不是好, 可以玩既野又少, 很逼.

每次叫她們做野時, 手腳慢不是問題, 而是那態度很差, 問佢拎多隻紙杯都話冇.

之後又說我們很吵鬧, 要我地細細聲.

我們租的時間是2 p.m. - 6 p.m. . 還未到4點負責人便比張單我, 咦? 唔係cut左人咩? 點解...
我們只有廿幾人, 但她卻收足我們三十幾人的那個價錢. 我跟她理論, 她說她的廚師早已弄好了三十幾人的份量.

結果, 大家只好除番開, 每人比多少少, 唔夠我再包少少咁.

到5點五十分左右, 那女負責人便已經開聲趕我們走了, 我們也不太喜歡待在那角位, 於是走了

我以後也不會再去那間Pom cafe.

因朋友生日而去...
那天是平日夜晚...但都已經好多人....
環保不錯...但因為格離枱包左場..所以有點噪...
遊戲很少..可能人多..比人拎晒.....
服務都不錯...雖然好多人好忙..但都一叫就來...
出餐都幾快....態度都好好...
叫左個晚餐....長通粉+ 簿荷朱古力....
長通粉 - 一般...食到一半都唔想食..
簿荷朱古力 - 幾好//個杯夠特別之餘...野飲又唔會太淡多冰.,.
跟餐有甜品 " 焗朱古力多士 "
原來只是四份一塊掃左朱古力醬的焗麵包
一啖就食左....食完等於無食過咁
最後唔記得咩原因...+18元 可以要Cheese cake 或 多一杯野飲..
都唔錯唔錯....

本來想去另一間Cafe, 但奈何被包場, 於是黎左呢間。

食物方面, 我要左蜆肉意粉, 幾乎全碟都係意粉, 得4, 5 粒睇到睇唔真既蜆肉, 味道好一般......
飲品方面, 大部份跟餐都要加錢, 唔駛加錢既只有XX紅茶/綠茶。
甜品方面, 跟餐加$18叫左件佢地強調自家製既藍莓cheese cake, OK既, 唔太甜。
服務都OK既, 唔駛加一
環境方面都不錯(第一張枱only)，我地5個人食食下野叫我地轉左張明明最多坐到四個人既細枱, 第二張枱矮到會頂腳又迫, D布椅都幾污糟, 玩具幾殘舊...... 不過最火都係我地入去果陣無話有限時, 之後一位有D似泳兒既待應話夠鐘趕我地走, 仲要總共趕左3次, 我地只不過想睇清楚幾多錢夾返, 唔駛咁掛!?

其實d野食同野飲都ok既，
我要左:
巴黎汁煙鴨胸意粉，個汁都ok，係意粉煮得唔夠淋。
士多啤梨朱古力加雪糕，士多啤梨配搭幾好幾香，只係唔夠朱古力味。
New York芝士餅，芝士都幾滑，我覺得食落唔夠香。

玩果方面幾令人失望，
之前見到佢d介紹，話有生命之旅、ps2、karaoke等等，
起pom度唔見有lo，
好似全部起樓下既pom2度，
唉，d board games, 啤牌都幾舊下tim…..
玩同環境都係真好一般lo。

早幾個星期日同朋友們想找個地方玩半天，前一晚上網search了這間café，於是打電話book，staff提議我們攪party形式，立即透過email選了食物款式，好efficent呀~ 6個人可以選10款食物，我們選了4款意粉、飯，6款小食。另外飲品任飲，但只限兩款綠茶呢…汽水都沒有，綠茶又難飲。

什果沙律、蜜糖雞亦較好吃，其餘一般，飯同意粉超難食，無味…

環境就唔錯，我們預訂了帳篷位置，坐足5個鐘，玩足4個鐘大富翁。
服務唔錯，不過附送大量煙味。

如果一班朋友聚聚，想坐耐少少，這裡都算是好選擇。

每人$120，party形式可自訂budget…

尋日同朋友黎慶祝生日, 依到d食物, 飲品同服務態度都好好, 特別係依到有好多遊戲玩, 有層層疊, 麻雀, 卜咭 及其他嘢玩, 有些仲係我地未玩過架都幾好玩, 不過有d無電無得玩有d掃興. 但係整體上依間cafe唔錯, 幾有家既感覺

個日行完街諗住搵間cafe坐下
見呢間個門口幾靚咁就入左去
點知...咁就比佢呃左啦!!!>/\<
d裝飾又唔靚..d公仔又dirty..服務又差!!
落order叫極d人都唔黎..等左勁耐囉!
叫左個下午荼d野食好普通..叫左杯蜜桃乳樂冰..唔好飲..淡味到死!
我寧願去落下茶餐廳呀!!
我以後都唔會黎呢間野!!

第一次黎呢間cafe食係今年7月, 印象中係唔錯既除左等得耐之外....但係上個月再黎既時候, 我完全要black list左呢間cafe, 原因有4個:

1. 等...等...等...野飲等左約15mins, food等左約半個鐘有多
2. 等左成三幾四十分鐘, 上台既食物全部係微暖...
- 一杯意大利咖啡: 唔好飲
- 一壺紅莓花茶: 味道好似細個時食既冰條同羅拔臣啫喱, ok啦
- 一杯金桔蜜: no comment
- 小吃拚盤: 一般
- 酸甜雞柳帶子飯: 暖既, d飯好硬, 送就ok lor

3. 食野唔比用具, 自己羅都算...但係勁dirty lor, 支spoon係成支都有漬...仲有d公仔ar, sofa ar, 全部都好dirty, 又黑...

4. 食物款色唔多, 又貴又唔好味....

service係唔算差, 但環境同食物既質素咁既樣....衰d講句, 遲早摺埋, good luck la

我係另一個cafe網頁見到好多人讚依間cafe...

上星期終於有幸試到...不過最終失望而回....
先講環境...佢地真係好污濁...上一個客走左野執完又唔抹木台...d毛公仔先恐怖...黑蚊蚊...水吧果邊都好d..但轉左入去大木台果邊就唔得...成個環境唔似間cafe...又霉又爛咁...

到野食..唔係好多款選擇..印象中得4-5款..叫左個最出名0既燒餅同一杯唔知咩野pineapple +利賓立+唔知咩野我都唔太記得...個燒餅真係唔得,,,好粉...味道唔見特出...但可以飽肚...杯野我食完個餅已經分開晒一層層...可能依就係層次感...

整體唔會再去...

自己亦諗唔明點解咁多人讚...

o係另一個網見呢間cafe o的相唔錯，而且佢係旺角少數1 p.m.已經開門o既cafe，所以尋日上o左去試o下。

我同朋友1:15 p.m.去到，開o左門，但我o地入o左去打算坐低時，侍應哥哥好驚訝咁問﹕「你o地咩事﹖」我呆o左一呆先識答﹕「o下﹖o黎食o野o架囉﹗」雖然佢之後o既服務態度都O.K，但呢件事點都扣o的分~~

食物方面，我要鴨肉沙嗲長通粉，朋友要椰汁雞絲飯。前者同我想象中有o的出入，o的汁水溶溶咁，而且成碟o野得好寡o既沙嗲味。後者o既情況差唔多，只係一埋雞肉絲浸o係開o左水o既椰汁之中......兩碟都只可以勉強話係「唔難食」。

飲品方面，我叫o左焦糖朱古力咖啡，唔知係咪我唔慣焦糖陣味，覺得match起o黎有o的怪怪o地~~而朋友o個杯香蕉+7 up+益力多(大約係咁)o既飲品，o的味道真係「好有層次」囉~~

跟餐送兩個o者喱，但我o地加$18將其中一個轉做藍莓cheese cake。呢件cheese cake可以話係成餐最正常o既食物，做得比唔少cafe出色，仲有New York cheese cake同Oreo cheese cake可以揀。到最尾佢無俾到另一個o者喱我o地，而我o地都無問佢拎，所以唔知究竟係咩o者喱~~

環境方面都不錯，係某o的檯比較矮會頂腳，同埋o的公仔同布椅都幾污糟......

前排同一班朋友去gathering.

我地order左$150 per person既package.我地有成22個人,講明話有unlimited drinks同埋我個fd好辛苦先至bargain到有10盤野食.

個日一去到,個waiter催生晒,叫我地order野飲.我地7.30pm order左第一round野飲,點知成9.00d野飲先黎,中途我地仲已經催過幾次.我地一班人即刻覺得佢搵笨,呃我地俾多d錢要unlimited drinks既package,但係就專登唔出野飲俾我地,拖得就拖,一係就扮漏單.

跟著我地嗌2nd round野飲,佢又係咁,到我地問佢係咪冇杯出野飲,佢先面懵懵話整緊,但係佢地廚房d人好多時係到傾計.

總之一句講晒,我地由7.00pm坐到11.00pm,佢都出唔足2 round野飲,因為到我地11.00pm要交番個場(所謂既場係我地22個人迫係唔夠250呎既地方)俾佢個時,仲有唔少人個2nd round未黎.

仲有就係間野裝修唔掂,地下係石屎,同埋勁熱,個冷氣開左等於冇開.同埋佢offer所謂既board games,大部份都殘缺不全.

總結就係:環境差,服務差,搵客笨,咪使旨意我地再幫襯!

夜晚同一班同學去食野，一行13人。我地電話訂位，o係電話入面佢地話收費係人頭計，每人$100，佢會就住呢個價錢預備食物。上到去第一個感覺...好黑，不過呢個冇所謂，問題係食物。13個人，總共係$1300，佢offer俾我地o既係每人一杯野飲，另外有一盆(錫紙盆)飯、一盆意粉、一盆日式丸子、一盆雞翼加炸油角。係咁多。13個人得四盆食物，我地個個都覺得唔夠(我地一半男仔一半女仔)，於是問個waiter，佢就幫我地問廚房啦。跟住一個著圍裙既staff走過黎，我地問佢可唔可以整多o的野食，佢竟然只係話「要另外加錢wor」，仲一d關心客人o既意思都冇。我地問有冇甜品啦，佢話「甜品係$120至有架」.....&^&#*^#.......今時今日咁既service點做生意呀...$1300 wor...俾d咁既食物同服務我?! 做生意應該靈活變通，我地又唔係有咩過份既要求。我之前去食私房菜，人地都問我夠唔夠食啦。完全唔掂。

前排同朋友去慶祝生日
本來開開心心的
點知一去到就俾個waitress催叫野飲!!
咩事呀岩岩先坐低咋喎!搞到氣氛很不愉快!
算....我地一人叫起碼一個set lunch....
但係...我地由5點去到10點走呢短短時間俾佢催促叫set dinner叫drinks不下數百次了!help!!
我地會叫呀!但岩岩食完set lunch唔通又要即刻食set dinner?!果陣7點幾咋!
呢間野d裝修又唔掂係石屎地黎架!公仔又污糟!好多塵呀!連最基本既波子棋都無!!

最後,冇氣氛,大家黑口黑面之餘...大家(共12人)各叫了一個set lunch+一個set dinner! 位位$90丫唔該!d野又難食!個田園通粉.雖然個look好紅,但d粉其實又un又無味囉,

臨走之前,其他waiters仲要用''嘲笑''既口吻同我地講多謝哂喎!激氣!應該係笑我地用左成''千''大元係佢間cafe!
好嬲呀!成千蚊擺圍酒都得啦!!做乜要去呢間咁'up'dup'既cafe仔喎!

當然啦,大家可以繼續揀呢間野,如果你係太多錢/ 太開心的話!!