是日友日和我慶祝pre -Birthday
咁去左銀座藏人等位
我手上的是100 號飛
等左好奈咁我由佢叫number 80 幾開始留心聽
佢叫得好怪, 80幾之後跳左十幾個number去叫90幾
之後90 幾咁叫左幾個个叫得好快(3秒一個), 我一聽到98 號飛, 咁我心諗下一個到我啦
之後就無啦啦叫3號飛, 咁我都有d怪, Boot 頭女帶位Waitress 望左一下d人就即刻叫6號(前後3-4 秒)
咁我諗佢跳左我, 咁我即刻上前問過究竟點解飛左我number 無叫, (我只係o係個前兩個身位), 咁個3號插過我前面,
咁Boot 頭女帶位Waitress就帶左佢入去, 咁我只好等佢出來先問佢,
我等佢時有個5號飛既先生都上前話無叫過5號

Boot 頭女帶位Waitress出到來, 我問佢做乜唔叫100 號飛就叫3同6號飛,
5號飛先生也加插話點解唔叫佢就叫6號飛,
Boot 頭女帶位Waitress: "我有叫係你地自己聽唔到"
我話:"我聽到你叫98號飛就3號飛同6號飛,, 我就企係這兩個身位的距離"
Boot 頭女帶位Waitress: "你過左就過左, 係你聽唔到"
我話:"咁點解我同5號飛果個先生都聽唔到呢?"
Boot 頭女帶位Waitress: "你地自己聽唔到咋wo "

我地兩對唔同飛唔識既人, 4個人8對耳 叫聽錯,
佢一把口講晒仲要串人我地都即時覺得唔對路去已經即時問佢，又唔解釋仲要串客人, 真係第一次見waitress 服務可以咁好！

咁5號飛果個先生話:"咁而家即係點?幾時先比番位我地"
Boot 頭女帶位Waitress: "等多幾張啦"
之後我等左成4-5 張先岩比番張桌我地，我不排除有人玩野
(我見佢飛左number 我同5號飛已即時上前, 我兩個身位行前只係幾十秒都話我過左，我一上去未問就佢3號入, 唔明點解仲要過4-5 張先比番我地，定公報私恨我地話佢???)

我希望貴餐廳認真對待事件和作內部調查, 給客人一個回覆!!!

尋晚第一次去沙田呢間百人一朱食（唔睇佢個筷子套都唔知原來佢都係屬於百人一朱...), 味道唔錯, 個人覺得真係好抵。
'
原本諗住去和民, 但等左大半個鍾一張枱都無郁過, 所以就拿拿臨就去第二間, 見到呢間咁0岩有張兩人枱, 就即刻走左入去。

由於勁耐無去過百人一朱, 一直都覺得佢係好貴, 所以一打開個餐牌就覺得好開心, 因為有好多個set, 我叫左兩個set, 一個$72, 一個$78, 兩個人百幾蚊埋單, 但食到超飽。
最衰掛住食唔記得影低佢, 惟有寫低有咩食俾大家參考下:

$72 0個個set有6件都幾大件既壽司(三文魚、吞拿魚、帶子、斂魚、八爪魚, 仲有一舊唔記得係乜), 跟住有一大碗稻庭鳥冬(凍冰冰, 好好味), size係已經食得飽一個女仔, 再有一堆天富羅, 6 、7件左右(都有2隻大蝦、幾舊蘋菜類既野~~~)

$78 0個個set仲抵, 有一大碗冷面 (可以揀稻庭鳥冬/綠茶冷面), 我揀左綠茶冷面,好香呀~ 跟住再有一碗滑蛋豬八飯(好似可以揀滑蛋牛肉), 因為我食左0的冷面先食飯, 所以食既時候0的滑蛋已經凍凍地, 再有5-6塊刺身, 有碗湯, 仲有碗日本蒸蛋 (呢個蒸蛋好滑, 好好味)~~

總結就係真係好抵同好好味, 3個女仔既話可以叫兩個餐都夠食~~

其實味道係pass....
佢一份餐中.個菜不新鲜食落苦
的壽司中上...都食出鮮味,但的飯好硬......
服務一般的待應.要叫幾次...先會理人

今日同朋友豪豪地
黎左銀座藏人食dinner

<三色飯定食> $98 >>三色飯(鰻魚飯+魚生飯+牛柳飯) + 蒸蛋 + 麵豉湯
鰻魚飯 >> 好味...飯係用左鰻魚汁去煲
魚生飯 >> 有3片不同魚生+蟹子+鰻魚
牛柳飯 >> 半生熟牛柳, 如果係燒牛柳會更好, 飯最好加番個汁
蒸蛋 >> 好滑, 好好味
麵豉湯 >> 不錯, 仲有2隻蜆


<天婦羅+冷烏冬+壽司x5> $86
天婦羅 >> 有2隻蝦&4款菜, 2隻蝦好大隻
冷烏冬 >> 彈牙, 不過d冰好快溶, 冰水浸烏冬
壽司x5 >> 三文魚+吞拿魚+帶子+魷魚+鰻魚


服務不錯~~waiter會不斷幫客人加茶~nice~

因 為 知 道 份 量 其 實 都 唔 少
所 以 3 人 先 share 2 sets

Set No.1 - 牛 肉 烏 冬 + 7/8 件 sushi
sushi 望 落 不 錯, 感 覺 是 新 鮮 的, 不 太 細 件, 可 成 舊 放 入 口 中
牛 肉 烏 冬 的 清 湯 頗 油, 只 能 怪 放 了 大 量 炸 天 婦 羅 的 碎 粒 吧, 其 實 是 好 飲 的 清 甜
烏 冬 並 不 是 所 想 的 彈 牙, 挺 腍 身 的, 可 能 是 因 為 本 身 是 比 較 薄 身 同 幼 身 吧
牛 肉 是 肥 牛?? 有 一 半 都 是 fat 來 的, 所 以 入 口 會 即 溶, 不 用 多 咀 嚼 的

Set No.2 - 烏 冬 + 天 婦 羅 + 牛 肉 飯
牛 肉 飯 很 多 汁 , 比 "x野家" 的 牛 肉 飯 還 要 多 汁 同 濃, 但 食 完 發 覺 是 碗 底 是 超 級 多 油 的
牛 肉 不 是 烏 冬 那 種, 比 較 厚 身, 但 又 煮 得 唔 腍, 更 有 少 少 硬 的 感 覺
天 婦 羅 炸 得 過 了 火, 不 是 應 有 淡 淡 的 黃 色
蝦 是 細 隻 的, 沒 有 味 的, 但 青 椒, 南 瓜 之 類 的 天 婦 羅 又 是 不 錯 的
烏 冬 同 set 1 一 樣 吧

因 為 未 飽, 所 以
後 加 Set No.3 - 滑 蛋 豬 扒 飯 + 烏 冬
吉 列 豬 扒 是 厚 的, 不 是 炸 粉 厚, 而 是 本 身 豬 扒 是 厚, 很 好
加 上 滑 蛋 同 汁, 很 好 吃

其 實 份 量 真 的 不 少, 最 後 都 食 不 完 個 飯
以 這 個 價 格 能 有 如 此 多 的 份 量, 是 很 不 錯 了
可 惜 未 能 嚐 牛 肉 烏 冬 鍋 set, 要 再 搵 一 次 來 吃 了 (以 前 百 人 一 朱 是 我 必 叫 的 食 物)

其 實 都 幾 細 間
所 以 居 然 呢 到 係 有 share table 呢 回 事
與 不 相 識 既 人 面 對 面 一 起 進 食, 就 是 會 吃 得 不 自 在
幸 好 我 們 不 是 要 搭 table 的 一 台 人
如 果 介 意 的 話, 就 盡 量 不 要 一 兩 個 人 來 了

終於攪掂歷年來做得最正經既事...真係放下心頭大石
之後..當然係搵個地方坐坐...食下野啦

烏冬七件壽司定食:
前菜: 整體有點過鹹
烏冬: 烏冬尚算彈牙...我最欣賞佢既湯底..好鮮好甜..令人回味
壽司: 賣相吸引...但滿有期望之下..最後卻失望
魚生算新鮮...飯就好有問題..好乾..好似超市買番黎個d咁...差

埋單$63連加一服務
相信呢個價錢應該可以食到更好質素既野

同朋友仔去完附近買烘焙材料~ 搵地方食野~ 朋友仔試過幾次~ 雖然好似貴左少少，但我就未去過，去試下啦!

8點幾唔使等位~

叫左2個SET SHARE~ 再加個雞軟骨

雞軟骨好夠味又熱~ 份量都算幾多!

牛肉烏冬+天婦羅+SUSHI
牛肉烏冬好彈~ 湯好味!
天婦羅有2蝦及幾件蔬菜
SUSHI有魷魚/旦/吞拿魚等等~ 我個人唔食生野~ 但睇個樣好新鮮!

石頭鍋飯+蒸旦+涼菜+麵士湯
石頭鍋飯夠熱夠味好大份!!!!
蒸旦好滑
涼菜+麵士湯 (冇食)

樣樣都好好食!!!!! 已經約緊其他朋友再去 XDDD

PS
SERVICE 幾好~ 但可以再好D~ 希望下次會密D加茶! ^^
檯面火鍋板手拉位凹左落去...其實都幾DIRTY 下....不過D野食好大盤~ 遮住左睇唔到就好D

食了「銀座藏人 Ginza Kuraudo」

除了個芥末魷魚有點鹹，其他都很正，尤其是個雜錦海鮮石頭飯，超正，燒花魚都係，啖啖肉，燒得好靚

但個燒餅就普普通通，已經食得太飽了，食唔晒

叫左五樣野...個炒noodles係最最難食既...我後來見到隔離d人都係冇食過碟noodles ge..... 好酸, 有怪味...冇乜noodles, 只有好多好多既配菜。*__*

salad-- the sauce is tooooooooooooooo thick. not good at all either.

sushi-- same as the quality at Park'N Shop... no need to eat sushi here...

BBQ stuff is all quite ok... worth trying.

Crab Hotpot--- DUN ORDER IT as it's very very salty and it's simply NOT worth it again...

I actually have been here since its opening yearsss ago but I guess this is my LAST visit... Goodbye~~ Hopefully, some better restaurants will be opened here soon. *U*

星期日晚,和朋友二人到此晚膳,雖則我們九時半才進去,但他們仍在營業中,亦不是last order,沒理由服務可以如此差!

一進去,已覺得不大對勁,地面有一撻撻水漬,我們隔籬的卡位有人在添加醬油牙簽紙巾那些東西,砰砰嘭嘭嘈了整頓飯,還有眾侍應懶懶散散地吹水閒聊,對顧客愛理不理....

我們點了三道菜: 1) 三文魚生飯; 2) 日式海鮮pizza; 3) 串燒免治雞柳.

三文魚生飯很快到,朋友將原本反轉的木匙羹拿起來分飯,發現匙羹上有數粒黏著醬汁的飯粒,立刻有點反胃,叫侍應來更換,他們只顧行來行去,不肯望我們一眼,最後,要找來supervisor.

換了新的匙羹,我們開始吃三文魚生飯,味道還可以,雖然跟menu上的樣子差得遠,然後,整個飯吃完,pizza和串燒仍未到,我又要叫侍應,同樣是沒人理會,又再次找來supervisor,今次我未開口,她先說:「我幫你地跟跟.」

她行開後,有另一位女侍應自發走過來說:「幫你地收左D碗先.」我初時以為她的意思是:幫我們換過些新的,原來她是以為我們已經吃完(趕住收工吧!),朋友說:「我地仲有野未黎喎!」女侍應有點不知所措,想將原本已經堆作一團的碗筷放回給我們,我瞪著眼,她才說:「我俾過D新既你地....」

之後,supervisor拿著剛出爐的pizza過來,見我們沒有碗筷,跟其他侍應說:「邊個收走哂人地D碗呀??!!」

好不容易拿到了新的+潔淨的碗筷,supervisor再走來問:「你地個串燒黎左未?」我沒好氣答:「未!」

最後串燒終於來了,匆匆吃完叫埋單,盛惠$209,說老實,pizza和串燒的味道不錯,但服務就....!!! 朋友說:「好在唔係好貴,如果唔係,就真係激氣呀!」我覺得:雖然$200這個價錢不算貴,但快餐店幾十元一個餐也不會如此多錯漏呀!!

一定不會再來!!

今日lunch同細佬黎左呢度食

打開menu 見到有好多set選擇, 最後決定要左壽司烏冬set再加一個雜錦天婦羅

壽司烏冬set: 烏冬幾好食,可惜面頭o既天婦羅黎到果陣已經淋晒 跟餐o既6舊壽司都過得去啦, 係三文魚子比較失色, 太鹹喇

雜錦天婦羅好大份, 夠熱又唔多油, 幾好啦

碗烏冬食到最尾見到有條鐵線... 即刻同waitress講, 最後佢地cancel左lunch set o既錢

總括黎講價錢唔算貴, lunch set大大份, 味道okay

02.09.2008
3人來了這間藏人=百人一朱滿樂亭?
韓式料理?!吓..除左有一兩個石頭飯外還有什麼韓式的??
如果韓式的話..為何沒附上泡菜等?
日式就日式na

叫左3個set餐,,
覺得這個迷你滑蛋豬扒飯+烏冬定食最抵食,,
沙津+[厚切三文魚3件,2吞拿魚2件,魷魚2件]+湯+蒸蛋+冷烏冬+滑蛋豬扒飯 ($78)

刺身幾鮮
冷烏冬既份量幾多,,但唔彈牙唔煙un,,好快停手
雖然豬扒飯係細size,,但其實都多架,,三人分來吃也有剩[因為仲有其他食物ma],,
但D豬扒其實麻麻,,好薄,,冇豬味,,冇咬口
蒸蛋,,好一般.
好鐘意食蒸蛋,,沙田黎講,,覺得金沙既更好食!

天婦羅+壽司烏冬set餐($7x)
天婦羅唔夠熱,,不過都脆既,,吃到點海鹽味,,ok na
壽司飯幾散..

北海魚生飯牛肉烏冬御膳($118)
雜錦魚生飯,,個menu有甜蛋ga,,不過黎到,,轉左蟹柳wor!友人想食蛋多..
牛肉湯烏冬,,吉野家好味d~

在懶得諗的情況下再訪一年前幫襯過的店。
炸蝦非常好。
滑蛋鰻魚窩是一窩好像出水般的鰻魚/金菇"奄列"(雖然滑蛋是半液態的)，鰻魚這個食法非本人杯茶，可幸沒有太強腥味。
海鮮芝士麼登燒是燒餅夾炒麵上加醬料，炒麵不多，餅皮一般，海鮮芝士都吃不出，醬料味實在太強了。
最好是石頭飯御膳，附有麵豉湯，茶碗蒸與冷吃茄子，石頭飯與附上的酸酸又微辣的醬"撈"來吃非常惹味，最重要是鍋邊和鍋底的飯焦。

環境ok，服務不錯。
不知menu是否變了，西日菜式選擇好像少了很多。

原本朋友們打算去地下那間Ｓｈａｋｅｙ試他們的薄餅，但那兒實在是太多人等候，因此改了來這間。以往在中環上班也有去他們另一間分店，但沙田這間還是第一次來，而且兩間鋪的餐牌好像有很大分別。細看餐牌發現他們原來和百人一朱屬同一集團，今次就試試他們的晚餐如何。

我們一行五人每人選了一個菜式，叫了三文魚籽飯、海鮮薄餅（雖然是日式，算是還了個心願）、燒餅、彩虹卷和多春魚。大致上各款菜式都不過不失，但又沒甚麼特色，而且份量偏少，女士都略嫌不夠，因此大家決定再去其他地方吃甜品補數。

服務方面，侍應小姐頗勤快，而且對答有趣。環境則略為偏暗，令人昏昏欲睡，而且隔壁鉄板傳來的香味頗令人分神。至於價錢來說，雖然五個人三百幾元不算貴，但以食物份量來衡量又不算抵。

星期六約七時左右於新城市開飯，見此餐廳尚未見人龍，餐牌上的食物亦算吸引，便與男友決定在此進餐，不料換來一肚子氣!

服務員馬上把我們引領至入門右邊的一個"二人"餐桌，可是未坐下已感覺不對勁，因為那裡原本有三個四人的固定卡位，隔著一條一呎闊的小走廊(可想而知如服務員拿著熱菜，對旁邊的顧客是很危險的)，有三個"二人"餐桌，那些"二人"位很明顯是臨時加建的位置，枱面約有一呎半x兩呎半左右，小得要命，整體感覺比坐長途火車的餐卡更糟。

我一坐下，便因空間太小，肩膊撞上了那幅凹凹凸凸的水泥牆，很痛。男友見我坐得不舒服，適逢其中一個卡位的客人埋單，便主動要求服務員給我們換枱，並獲得答允。

坐在另一臨時枱的一對couple亦因感覺不良好而提出調枱要求，可是他們不如我們好運，因為已沒有吉枱，要在外面等位，他們最後決定離開。

這時，一位貌似經理的四眼男士走來，問我們是否想點菜，我們便回應欲轉枱後才order，這時經理面色有點一變，走開幾步，帶責備的口吻大聲問其他伙記:「係邊個俾張二人枱轉四人(枱)架??」，剛才的服務員回應，經理跟她談了一會(從表情看來應該在責備對方)，之後告訴我們:「唔好意思，可能我個同事唔清楚，張枱已經有人訂咗。」我們表示可以坐其他坐位，他則以沒有吉枱為由，要轉枱的話則要再等位。

聽到這裡，好好的一頓晚餐，再無食慾可言，便向經理表示要離開，他最後都有提意可給予我們咭片供日後訂位之用，可是，我們心裡早已black list了這餐廳。

在此懇請各飲食界朋友，不要為了多掙一點錢，而出賣顧客服務，這不止包括服務，還有一個令顧客吃得輕鬆自在的環境。