呢餐冇諗過咁.............
門口個條友見咁落力, 我地咪入左去try 下..
點知, 仲蕉....
入到去開頭冇乜野既, 但我地叫完野食又唔收走menu, 張枱又冇位; 飲晒d水又唔refuel, 要叫先做.....好, 諗住算la。
等左兩個字, 先有一個沙律, 味道可以接受既,,,,,
跟住又等2個字, 先再來雞軟骨, 味道似kfc 咁lor..... 跟住開始多人, 但even全間full 晒, 都唔係好多人0者, d waiter 拎d野食由廚房拎出拎入, 都見係同一樣野, 跟住d單就亂晒, 一碟野起碼拎住行左5分鐘以上先搵得返張枱比人客...死la, 若果生野咁食完就肚痛...
又等左4個字, 先來埋尾數....
曼魚susi- 千其唔好食, 好硬呀..........
翠玉瓜雞亦- 呢味野間直冇腦, 冇味, 又9唔搭8, 入面d肉有水+血ga......
芝士茄子- 冇話可說, 好難食........

食完我地叫埋單, 等到發毛先有張單.......
唉, 以後一定唔會再來, 冇心機去做食物.....

從來未食過咁差既sukiyaki......

今日我地一家原本打算去食新城市廣場既印尼餐廳，點知已經關門大吉。你知逢星期日商場都非常多人，費事等位，就貪快入左呢個陷阱！

我地都已經唔系叫左好多野。。。但就無樣好食。我自問都系一個幾有衣食的人，但食到一半，就真系要放棄。

我系好鐘意食sukiyaki 既，但從來都未食過咁難食既。Sukiyaki 個湯應該系好香，好甜既，但呢度既就淡到唔知系mud. 得3快好肥好蘇既肥牛，由頂到底都系食唔完既椰菜。真系10個差！

其他菜式，包括：

1. 燒豬頸肉
唔知d調味料系咪好貴，呢度d野樣樣都無味無道。。。。燒的好硬。。。唔掂.

2. 松葉蟹沙律
毫無驚奇，個dressing有少少辣辣地，但又系thousand island，怪怪。蟹肉當然無味。。。

3. 炒野菜
真正系椰菜炒椰菜。。。全碟都系椰菜。。。只有少量芽菜同冬菇。。very consistent地無味。

4.芝麻冷菠菜
唯一較可取的菜式。。。因為個汁應該系現成既。

食完我地仲好肚餓。。。。

那天和女朋友在「Bee Japanese Curry Shop」吃過炸日本蠔咖哩飯後（詳情請參閱食評---《女人心，海底針》），不知怎地一直很想吃吉列蠔（那天看到雜誌廣告，Teppan舉行廣島蠔祭推廣云云）雖然Teppan在Openrice的風評不甚佳，但也顧不了那麼多，一於和女朋友去試一試。

在沙田吃飯，真的不一敢偷懶，第一時間訂位才是王道，冒險Walk In的話，只會等到變成望夫石。約六點，我們準時到達餐廳，侍應安排了我們坐在店內的卡位（不知是否晚市才剛開始，店員忘記了開冷氣，我和女朋友坐著越來越焗，正想向侍應反映時，見到一位像經理的人跑入職員專用的房間，不一會，冷風就吹出來了．．．．．．）

說回食物，我們因蠔祭而來，當然是吃蠔了，以蠔製作的菜式不在少數，我們點了店長推介的黃金廣島蠔，脆米廣島蠔；另外女朋友知我最愛有Wasabi的食品，於是點了山葵吞拿魚刺身沙律（二人前）。

黃金廣島蠔

賣相一般，蠔殼很大，蠔肉卻不合比例的小，食味方面，蠔味不彰，沒什麼鮮味，芝士味倒是很濃（但如果蠔本身質素夠好，蠔鮮是不會輕易被芝士味所蓋過的）相信蠔味不彰與蠔的鮮度及質素有莫大關係。

脆米廣島蠔

脆米廣島蠔賣相算做比較吸引，看起來蠔的Size算大，色澤淡黃，蠔身上沾了一粒粒的脆米，食味方面，配合我最喜歡的Wasabi沙律醬，味道還是比較淡，蠔味始終不太突出，反而吃到了脆米的米香（真的令人哭笑不得．．．．．．）而且蠔身並非相像中的大，與脆米的表層太厚有關，食味方面，與吉列蠔廣島蠔確有一段距離。唯一好處是沒有吉列蠔般油膩，可能與脆米沒麵包糠般吸油有一定關係。菜式的意念其實不錯，但礙於用料的質素未能將菜式意念有更好的發揮，實在可惜。

山葵吞拿魚刺身沙律

賣相吸引，食味方面，出乎意料的是完全沒能吃到山葵的味道，是一丁點也沒有。我和女朋友還以為自己看錯了餐牌，但餐牌的確是寫上了：山葵吞拿魚刺身沙律的。說回食味，所謂吞拿魚刺身其實是吞拿魚蓉，尚算新鮮，吃起來亦有淡淡的魚香，沙律菜新鮮爽脆，兩者味道還是蠻配合的。但不能改寫的事實是這個沙律配不上山葵吞拿魚刺身沙律這個名字。

吃了三個菜式，的確叫人失望，我們兩個當然沒吃飽，女朋友本想就此離去，但我說再叫一個飯吧！千挑萬選下（因為可以選擇的已經不多）我們點了鮮蠔北海道蟹肉蒸飯（點菜時，侍應已提醒我們要留意製作需時，約十五至二十分鐘左右）可我和女朋友等了半小時也沒有來，細問侍應，侍應說因為由生米蒸成熟飯，因此要多點時間（好一句生米蒸成熟飯．．．．．．我也沒好氣駁斥了）約等了五十分鐘，那個鮮蠔北海道蟹肉蒸飯終於來了。

鮮蠔北海道蟹肉蒸飯

蒸飯包括了前菜及麵豉湯。蒸飯賣相還算可以，蒸飯用一鐵鍋盛載著；不過餸料甚為稀少，鮮蠔只有小小的3只，蟹肉2條，還配有一些蛋絲，及一些漬冬菇。先說鮮蠔，今次的蠔總算叫吃得到丁點蠔的鮮味，但蠔的Size實在過份細少，食味大打折扣。蟹柳，的確是用真的蟹柳無疑，可蟹柳吃不到有太多的鮮味，食味很平淡，其他蛋絲，漬冬菇也只是聊勝於無的裝飾而已。飯沒有因為由生米蒸成熟飯而變得出色，米飯一點味道也沒有，是否用上珍珠米也令人懷疑。

前菜只是普通的一些青瓜，麵豉湯也是雞肋貨色．．．．．．

枉費我和女朋友專誠到沙田試一試鉄板，這個所謂廣島蠔祭實在教人失望。點了三款蠔的菜式，不是蠔不夠新鮮，沒有鮮味，就是蠔太細只，完全吃不到蠔的味道。店內環境尚算舒適，可是侍應的服務卻跟不上，加茶添水固然有欠主動，查問落單情況亦石沉大海，杳無音訊。其實鉄板的菜式收費（特別是蠔祭的菜式）不算便宜，可惜的是跟食物質素有嚴重的落差，令人失望。印像中，鉄板200曾在apm開過分店，及後關門大吉，現在想來完全是意料之內。今次實在是狠狠的栽在鉄板上。

Berlin

握$架, 叫左個蠔湯, 用個紙沙茶壺裝住, 份量少成咁, 離晒普! 仲要一打開, 冇蠔架, 一隻都冇, 得幾條菇, o的湯又似至一般o既味精湯. 另一個煙蠔串, 佢一碟得一串, 一串得兩小粒, 真係冇病下話! 仲有個蠔鍋, 冇火o係下面度燒都算喇, 冇烏冬底, 個湯底好似白開水咁, 一味勁多菜. 仲有個燒餅太多粉, 好實, 但算係難食之中最正常o既一樣. o的茶唔熱, 仲要o的侍應叫極都唔應人, 有o的好似復康人士, 對答有問題o個o的, 咩事呀, 我去左間咩餐廳架究竟.......!埋單$308都唔知食左咩落肚, 早知去番隔離間藏人好過. 呢世都唔會再去呀!!

今次係我第一次去依間野食 . 因為同行既朋友話食過覺得OK ..
咁今次就叫左個牛肉HOT POT同埋溫泉蛋炒飯 玉子&三文魚SUSHI ..

因為我唔太肚餓就淨係食SUSHI同個HOT POT ..
個感覺食落去覺得好似食緊吉野家之前果個牛肉HOT POT咁 -0-
但係就貴好多 .. 肉又唔太多 .. 好多菜 佢話FOR 2人但其實一個人都食得晒 ..

我就覺得吉野家果個好味好多又抵食 .. 多好多送 ..

朋友話個溫泉蛋炒飯好難食 .. 本身好肚餓都攪到食唔落 .. -0-
SUSHI就不過不失啦 .. 唔會話特別好食 ..

仲有好想投訴服務差到爆 !!!! 想要佢加水都要叫左勁耐先有人 .. D WAITER又唔醒水 !!!!
碗又要叫佢拎先拎俾我地 ..

反而一叫埋單就數都唔使計即刻拎張單俾我地囉 .. 果下真係啞左 !!! 連個WAITER自己都忍唔住笑 .. 話唔好意思頭先果陣比較忙 .. 但依D唔係藉口囉 ..

埋都咁都二百蚊 ... 完全覺得貼錢買難受 . .
早知都唔黎依間食啦 去食地下果間HIP SUSHI好過 .. 不過沙田真係唔係太多日本野食 .. 可能食和民都好D無咁嬲 ..

無樣好食!

尤其碟溫泉鳥冬, 餐牌上有其他海鮮, 但實際剩得尤魚, 仲好腥! 幾乎入唔到口!!

星期日係沙田搵嘢食, 好多地方都多人等位, 而沙田又真係無咩特別嘢食, 見依間又幾大, 裡面又有位, 雖然之前未食過, 但都去咗試下, 不過唔知佢哋點帶位, 因為我係見有2人坐4人檯, 而裡面仲有4人檯吉嘅, 心想我哋都應該係咁, 而我又有袋, 應該會安排一張大D嘅檯, 點知佢哋係安一張2人檯, 係叫多樣嘢都好迫果種!! 我立即問一位侍應, 佢居然答我, 話果D 4人檯唔可以比我坐? 但我見有2個人明明啱啱先坐底, 佢哋都可以坐4人檯??佢話依家多人, 唔可以安排到喎? 真係有D攪笑!! 咁都得!?

因為都肚餓, 所以都算, 佢哋有個drink list係$40兩杯, 但係果杯羅漢果桂圓蜜真係唔掂, , size細果茶餐廳嘅熱飲, 而一粒圓肉都冇架…

去一次就夠

今日係出左糧既第一個星期日..決定同老公食番餐好...當然係食我最愛既日本野啦! 見到呢間有set lunch喎...價錢又唔算貴..環境都唔錯...就一於試下啦..我同老公每人叫左一個set...

排骨湯拉麵+三文魚小卷+前菜 ($48): 第一樣黎既三文魚小卷已經令人喜出望外...三文魚好新鮮..好好食.......拉麵湯底係濃濃既豬骨湯...排骨好淋好入味...但略嫌拉麵唔夠彈牙..煮過龍左少少...

燒鯖魚飯+菜碗蒸蛋+前菜+麵豉湯 ($56): 抵食...每樣都好有水準......鯖魚好厚身, 燒得岩岩好...配埋特製醬汁更能提出魚既鮮味....雖然菜碗蒸蛋只有一粒蟹柳, 冬菇同蝦仁, 但d蛋真係好滑好滑....一放入口就滑落喉嚨...好好味!! 估唔到連麵豉湯都咁正...好足料..好香麵豉香...真係好好味...

兩個set連加1...$114.4....絕對抵食!! 下次會再去...

兩個人係沙田行到大約7點幾, 肚開始餓. 於是上左新城市廣場7樓搵食. 發覺間間都要等位, 唯獨黎間唔使. 叫左:
溫泉蛋鐵板炒飯: 個飯幾香, 又夠味, 可惜鐵板唔夠熱(li度要扣分啦), 因為我唔多鐘意太生既蛋, 諗住靠個鐵板整熟少少, 結果當然唔得啦. 不過對個飯既味道無太大影響既. 我身邊個位就非常受落喇對li個飯.
炸雞軟骨: 份量好足. 亦唔會炸得太燶. 味道適中.
燒豬頸肉: 好夠熱, 醬汁惹味.....正!
三文魚/油甘魚壽司+三文魚刺身: 三文魚好肥美. 油甘魚普通啦. 都可以接受
荔枝梳打+巨峰特飲: 兩人一致認為好味, 我既荔枝梳打飲唔出有水喉水既味道. 非常好. 因為以前飲過一d有飲水喉水既感覺. 黎杯算係現時為止最好飲既....good!

今日朋友生日，提議黎呢度食晚飯。食物味道就一般般，但我地傾得好開心，重飲左兩支大吟釀。
海膽壽司 ($38)：好鮮味，正！！
蟹肉厚燒玉子 ($32)：聞落好香，但玉子味道甜左些，食食下覺得"濟"。
鹽燒鯖魚 ($48)：魚肉燒得 “乾爭爭”，沒有鮮味，差！
明石燒芝士燒餅 ($68)：鋪面的芝士好香，加埋酸甜甜的沙律醬幾 fresh，而燒餅再熱辣辣些就更好了！

星期六, 晌沙田搵食有點難,無book位walkin好多都full哂,男友想食日本野,沙田無幾多選擇。

最後去左呢間,walkin等15分鐘,都算好彩。

唉,點知一食就奶野! 個豆腐鰻魚,真係唔得,好腥,不知所謂。

炒飯,惟一好d,但都係是但炒,加左隻蛋, 晌屋企煮都係咁上下味。

凍既半生熟牛肉,勁難食,似全熟多d,肉質極差,真係離譜到...

豬頸肉不過不失,好彩個sauce幾正。

出奇地得杯巨峰有99分。

無咩事都唔好幫襯,就係咁多。

五個朋友仔, 響沙田新城市兜左個圈都唔知食乜好, 見到呢間鐵板200夠大, 所以唔使等位, 價錢又唔係太貴, 決定入去一試...

個waitress安排我地坐門口位, 佢話入面無位喎, 咁算啦, 都係俾人望住食尷尬D je, 如果唔係都無乜問題ge, 但係我同一個fd去廁所途中, 見到入面明明仲有位, 有D係未執好, 但係有張枱已經執好哂, D碗碟都排得靚靚, 做乜要逼人坐門口je, 即刻叫換位啦, 順利搞掂! 可能門口帶位同入面溝通有問題?

跟住講下D食物! Exactly個名已經唔係好記得喇, 大概啦...

燒餅拼炒麵: well, 好似將兩碟唔同ge野溝埋一齊咁... 不過D燒餅汁真係幾好食, 無論點燒餅又好, 點炒麵都好, 都好好食, 一碟仔燒餅汁唔夠食, 叫佢拎多碟! 不過我個人認為燒餅好味D, 建議淨叫燒餅, 或者試下其他口味ge燒餅又得...

溫泉蛋炒飯: 真係唔係好知呢隻蛋同普通半生熟蛋有咩分別, 亦唔知碟炒飯同普通炒飯有乜分別, anyway, 炒飯炒得幾香, 不過真係唔好為左試下咩係溫泉蛋而叫呢碟炒飯, 唔係會失望...

串燒: 最唔抵食, 叫左個中等分量ge雜錦串燒, 有D真係好難食, 好唔抵食, 唔好叫: 青椒 (苦ga!), 應該叫: 燒牛舌(好味又特別), 其他就自己諗喇, 唔係太難食亦唔係太特別...

牛肉卷: (唔記得影相呀!!! 因為好似好好食, 所以我第一個食左, 食完之後先至記得, 算啦!) 味道好好, 趁熱食更good! 不過係用肥牛包ge, 怕肥ge唔好諗住可以將肥膏分開, 我試過, failed, 因為包得都幾實, 算, 少少肥膏, 我豪俾佢!!!

海鮮炒烏冬: yummy! 全程最好味最抵食! 多海鮮, 多汁, 反而唔係太多烏冬, 唔似平時咁大堆頭, 炒起上黎味道幾好! 可以一試!

蛋包炒麵: 係製作得幾精緻, 但係無乜味, 唔好食, 我要加返先前剩低ge燒餅汁先至覺得有味...

個人平時食開和民(不過唔係新城市呢間), 覺得都幾似, 不過呢度每碟大碟D又貴D, 味道就好似我食開銅鑼灣間和民好食D... 不過和民每碟少, 兩三個人share一碟每個人都試到, 5個人就呢度每碟份量足夠D, 保證足夠每人試少少...

23-02-09 選擇了呢間叫TEPPAN200的日式餐廳同honey dinner.
叫左一客豚肉露荀卷 - 呢個ok啦
一客串燒牛舌 - 煎得都夠香,外脆內軟!!!唔錯!
一客劍魚腩 及 八爪魚 魚生就真係麻麻啦 , 但一味大件.
一客蟹肉炒飯,炒飯就一般, 冇咩味咁.
最好咪就係個燒蟹腳 - 味道salt salt 地, 好正.

price就覺得貴小小.

尋晚諗左好耐都唔知食咩好,決定上7樓睇下~
行完全層之後,我地決定試下里間~
因為我地6點就入去,所以唔駛等位兼無咩人~
入到去坐位都幾舒服,唔會逼逼夾~
侍應o既服務態度亦好好,每次加水同上菜都會提醒我地小心熱~見到我地o既骨碟滿左都會即刻更換~~加水亦都加得好密~~
不過食物就.........
講下我地叫左d咩la~
叫左餃子、豆乳長腳蟹鍋、鐵板海鮮炒烏冬、燒雞翼
首先講下個餃子.....餃子皮雖然薄,但係唔知點解好硬....好似番煎咁~~又唔熱喎.......
鐵板海鮮烏冬.......炒烏冬個汁係平時食章魚小丸子o既汁,無咩特別~
燒雞翼(佢個全名我唔記得左)不過應該算係最差......第一次食燒雞翼係苦o既~集雞翼仲要得個皮有鹹味,入面d肉完全無味,好明顯係無醃過law~~
最後就係豆乳長腳蟹鍋......成鍋入面只係得......我諗係一隻蟹腳,佢將佢切開三截.......
然後下面係好多好多菜、粉絲、豆腐、菇.....湯底係好濃好濃o既牛奶味~~不過可能我唔識欣賞.....飲左兩啖後已經無再掂過~~~

每人食左$120.....里個價錢食里d野.....我覺得唔抵law~

個之同我fd去食lunch~叫左個lunch set
佢跟三文魚sashimi~個人認為味道ok幾好~但係好厚....
我叫左個滑蛋雞飯...佢個name改得好好(不過我唔記得左),不過黎到先知佢個份量少,味道淡而寡!!好難食!!,同埋佢d蛋好水!!!
佢d環境暗得又唔舒服~一d都唔好坐....