昨日與友人下午茶,由於未食午餐所點左個拖羅飯,
友人點左一個不知名甜品.
一上菜, 我哇左一聲...一個拖羅飯竟然可以咁細........
碗面大過我隻手掌少少, 隻碗仲非常淺....而且舖面o既魚肉好薄...
大致份量係出面食o既一半.
well......我寧願你餐牌list貴d比返個正常份量, 至少客人會有個心理準備.
之後點左兩杯cocktail.
味道一般
埋單$180.
只此一次, apm 會有好多開心選擇.

大型活動之前，還是先打好底，約了行家來apm談點事，又想起吃簡單西日料理的白木屋。

後生仔女的居酒屋，四點幾人不多，二人坐到舒適的卡位，飲杯葡萄乳酸梳打，又看看餐牌，炸泡菜魷魚、蟹柳焗薯蓉，一系列「潮食」，如入大觀園，還是老實地叫些傳統小品。

螢光魷魚沖漬、極好味日本蟹膏、佐賀縣有田名物．吳豆腐天婦羅、自家製豆腐，試試幾味簡單小品，又專心地談起一些要事。

幾尾螢光魷魚墊以蘿蔔蓉，並非相中物般魚身連著黑線，醬油味很重，略帶鮮味，口感不怎差，吃起來亦美味，作為後生居酒屋，價錢這骨節位即打得好，只收卅八，滿意了。

日本蟹膏伴以青瓜絲及蟹柳，相比起紫菜，蟹膏量不少，現成蟹膏雖不夠鹹鮮，勝在不化學，配清新的青瓜也是個不錯組合，可惜幾片短身的紫菜要包起蟹膏都幾有難度，設計上可以花多點心機，看看價錢，四十元左右，都吃得過。

幾喜歡吃自家製豆腐，這裡的是軟豆腐，口感幾天然帶微微豆香，配以偏甜的木魚醬油，也不錯；至於熱食的豆腐天婦羅，口感極為黏溜，如吃炸鮮奶，配末茶海鹽較木魚汁好，是幾特別的菜式，可惜炸漿做得太厚，亦炸得太油，否則可以替餐廳加分。

閒談個多小時，幾味小品價錢相宜水準亦不錯，喜歡簡單西日料理的話，這裡是APM最好的選擇了。

同朋友去食左:

1. 姜汁豬肉 - 豬肉很肥,味道還可以... 但好細碟...
2. 牛油帶子 - 很多油,味道ok,但帶子size好細...
3. 香菇年糕豆腐 - 年糕得2小塊,似細粒既棉花糖一般大小,豆腐就幾滑...
4. 炒西蘭花 - 幾硬,但味道都唔算差... 都ok
5. 三文魚菠菜意粉 - 最好食呢個,不過又係份量好少...
6. 黑芝麻醬炒菠菜 - 黑芝麻醬係酸既,菠菜唔知點解係苦架... 最差呢個菜!
7. 煎蠔餅 - 味道一般但好膩,食4份件已經唔想食!

一入去就要收5蚊茶錢感覺很差,因為係日本餐廳,茶葉仲係低質素... 之前叫既2個菜又缺貨,份量又少,朋友都覺得唔抵食,下次唔會再去!

見到個評分一般般, 我又寫下我上個禮拜食完既感覺, 等大家可以多個參考~

果日食左4樣野 :

石頭炒飯 - 正正常常算唔錯, 唔會太辣又夠熱, 略嫌唔夠材料, 不過比叫果時想像飽肚

煙三文魚PIZZA - 外邊熱食都夠脆, 三文魚無根整體唔錯, 不過又係比想像中大個, 搞到我同女友又飯又PIZZA食到好飽

金牌牛肉片(大慨係類似既名~~凍食既) - 依個就唔係好得, 可能我唔鍾意食生牛, 個賣相比MENU果個差得遠, 唯一好係唔太像根, 唔難咬

吳豆腐天婦羅 - 依個入口感覺好似炸鮮奶, 所以口感都幾好 點少少鹽味道更佳

雖然同和民有些少上下, 但係百多元和食, 係晚飯時間不用等餐死, 我覺得又尚算抵食, 有這些理由已經好足夠了

尋日有少少唔舒服, 惟有係番官塘區度搵食~

經過紅X蟻, 個MENU唔算好吸引, 加上多人, 放棄左

諗住白木屋少人, 可以坐耐D等睇戲, 於是無睇MENU就衝左入去

之前都係度食過兩次野, 質數都OKAY, 價錢都可以

點知......

首先要畀$5茶芥己經令我有少少反感

點野食, 叫左豆乳意粉, 炸明太子芝士雲吞同廣島薄餅

個雲吞真係太差, 學bf話只係似有D野夾住所謂芝士O來炸, 一D味都冇

個PIZZA, 只係厚底燒八爪魚小丸子, 我寧願用1X買半打小丸子, 好食過呢個PIZZA多多聲

意粉亦令我好失望, 上兩次食子入味, 今日就乜味都冇~

食緊O個時同BF講, 最衰都係我, 揀埋哂呢D地方食野呀~又貴又唔好味~

我覺得好難食, 我d朋友都覺得好難食, 埋單一人一百六十幾, 不過我唔覺得飽, 少少都唔覺...最大問題, 系食咩都唔好食...

由於老豆身体唔舒服入咗聯合，同老婆探完佢之後落咗嚟apm食飯，嗰日咁啱係母親節，周圍都好多人，本來想同埋媽子一齊食飯，但佢話唔肚餓同埋想陪老豆，結果得翻我同老婆二人世界。

出奇地唔駛等位，安排咗一張L型梳化位俾我地。我地叫咗一個串燒螺肉、蚝餅、薯條、豬肉炒拉麵同埋幾件壽司。

呢度每杯茶要收五蚊，但叫嘢飲就唔洗收，所以我地叫咗杯黑牛同提子梳打。

要推介的是串燒螺肉，燒得十分香口，炒拉麵、薯條同壽司就ok啦，但個蚝餅就唔得啦，好似剩食麵粉，好難先揾到粒蚝出嚟，醬汁太多太甜了。

日式居酒屋我都係鍾意和民多啲。

不過呢度都ok啦，唔係好差

去到apm食lunch, 都唔知食咩, 最尾簡咗哩間 ... 睇menu其實佢有D似和民, 不過和民好小小. 當日食咗 : -
1)芝士日本年糕 - 冇咩味, 唔知係咪年糕貴, 所以唔多搵到年糕, 仲要一"住"菜zip底
2) 鹽燒鷄串 - 乾到阿媽唔認得
3) 醬燒螺 - 唔覺係食緊螺, 得D汁有呼
4) 鷄pizza, 個邊脆, pizza底濕濕林林咁, 雞正正常常
5) 牛油帶子 - 好油但食唔到牛油味, D帶子細粒到爆
6) 我同朋友各叫一杯嘢飲(因唔叫會計你$5茶錢, D茶唔好飲, 又多細細粒茶葉碎, 所以都係叫嘢飲) 我果杯係巨峰提子乳酸飲品. 叫咗小冰但都好多冰, 嚟到我即拎走晒D冰. 飲咗一啖, 淡而冇咪, 冇乳酸味亦冇提子味. 我問侍應姐姐可唔可以加番D提子味落杯嘢度, 佢話係照份量加, 我話一嚟我就拎晒D冰出嚟, 但都冇理由淡到水咁o架. 佢話幫我問. 跟住番嚟話幫我加番D提子汁落去. 但加到出嚟都係好輕微提子味.

總括嚟講食物唔得, 姐姐服務態度好hea, 話埋單, 起碼十分鐘都未比到單我. 咁嘅餐廳我唔會再去

晚飯......與朋友食餐好嘅 ......
三文魚雜菜沙律：三文魚好好食，沒有根的......
新推出的星鰻壽司一絕。
雜菜大蝦天婦羅，不油膩，一定要趁熱食。
日式煎蠔餅，也要趁熱食，蠔幾大隻，不過很飽肚，宜多人share。
飲品：紅豆綠茶奶昔 - 紅豆只有幾顆，喜歡吃紅豆的我有點失望。

Menu 的設計顯示菜式多樣化，但實際不是，竟有些是重覆了。飯類和麵類選擇很少，How come?

我係星期一lady's day去食, 因為個frd有cupons.

食o左魚生, 蟹粥, 燒餅同雞肉腸.

魚生不過不失, 尚算新鮮; 蟹粥幾特別, 係自己落配料, 基本上係自己煮既, 個火係煮到o岩o岩滾就自己熄o左, 真係較得咁準??! 燒餅細細個, 但係好濟! 雞肉腸都幾特別, 要o係個竹筒度自己"筆"出o黎食, 不過個menu寫住話係辣, 但係我就唔覺囉......

佢好幾個餸都有生雞蛋, 加o左係滑o的, 如果唔鍾意食唔落可能會無咁好食.

最後食o左個甜品, 綠茶芭菲, 就係一個綠茶雪糕加o的無味o既粉團+ 粟米片.........

埋單三百幾, 扣埋cupons二百幾, 抵好多!

不過我o地坐外面, 好多人o係身邊走o黎走去... 想傾o下計就麻麻喇....

去看戲前原本想去foodcourt醫肚, 但太多人又不想浪費時間等位, 於是便攻選這裡.

這裡人不多, 食完便知原因吧!

沒有set lunch, 便散叫了三款食物.

年輕侍應態度傲慢, 又好像未睡醒, 完全不濟.

牛油焗帶子- 帶子無味, 也過油.

日式煎餃子–不香, 似中式窩貼多些.

三文魚pizza –底雖算薄, 但除了邊皮有些脆外中心部位全部軟腍腍, 餡料有椰菜絲和三文魚, 三文魚又是無味, 幸好肉質不會粗鞋.

真是想掉落“廁”所的“選”擇.

其實黎過呢到食過幾次, 野食就普通啦, 起碼我食左幾次之後都無乜深刻印象- -

d 環境都幾舒服~ 值得讚下d 服務, 待應個個都好nice, 上次去食飯, 有個女待應唔小心倒瀉水, 雖然無整到我地, 不過佢狂講唔好意思, 埋單時佢仲比左8 折我地. 哈~

招呼同環境都唔錯。唔好睇佢門口好似好少位，入面仲好大，幾舒服嫁。待應都okay，算有禮貌丫。

第一次食，估唔到menu有好多選擇，好多唔同既地道野食都有，好多野都跟番日本，唔似其他日本餐廳，扮曬日本野，扮d唔扮d。特別係鍋物既選擇，居然有關東煮!!係香港好少地方有。

所以叫左個關東煮同新出既鰻魚飯。仲叫左杯臣峰酒。

關東煮同紀文食個d唔同，係真係有個火係下面燒住既，比較特別。材料方面，都係傳統個d喇，加埋芥末醬。味道唔係話好突出，旨在係香港好少地方有得食，本人覺得紀文好食d，可能係湯底問題丫。
鰻魚飯唔錯丫。不過可以落多少鰻魚汁，大致上都幾好味既。不過就貴左少少$78一個飯!
杯酒既酒味唔夠出，似飲緊提子汁多過酒。不過可以試下既。

下次會再去，因為有太多得意既菜色，好想試。環境住得幾舒服，台與台之間隔得開，傾計都okay =)

今日下午同成班同事一行十人去白本屋食lunch,其實呢度又唔係特別好食,又唔係平,我地黎呢度o既原因都係貪佢實有位,食物水準真係不敢恭維,估唔到連服務態度都咁差......經今日一事之後,我地決定唔會再幫襯!!

話說有個同事叫左個雞扒定食,食左一啖之後發現味度古怪有問題,經過幾個同事試食之後,大家都覺得唔掂,於是要求佢地cancel左個餐佢啦,有個staff埋黎叫左個半碟食剩o既雞扒話要俾廚師食左睇下係咪真係有問題,如果真係有問題,先可以幫我地cancel個餐喎...等了一陣,個staff出番黎,笑笑口咁話,我地都試過真係無問題,同埋都未試過有客人投訴雞扒味怪喎,佢一於企硬唔係減番個餐o既錢,點都要收番個杯飲品同埋個餐湯o既錢喎,我地先頭聽都佢話收番$15都算啦,因為要趕住返工嘛...點知,原來係飲品$15,餐湯$10,加埋一即係淨飲都要成$27,係無野落過肚都要收$27,成個餐都只不過係$38...,我地覺得佢地今時今日咁o既態度真係好唔得呀,而且我地又唔係存心要玩野,佢話試過無事,但其實佢又唔係係我地面前試,佢話塊雞扒有無怪味都得架啦,咁o既做法實在小家,佢雖然收番$27,但係就失去左我地一人十個客o既信心,以後都唔會再幫襯!!

無記錯呢個星期第三次行過呢度，因為係戲院附近，第一次因為睇戲唔得閒試，第二次一點幾黎到排晒隊，當時已經好肚餓所以都無試，今次中午十二點三左右黎到出奇地無乜人，計埋我得四個人，咁就唔諗咁多試下，先黎叫一個日式漢堡扒定食，見倒跟飯同麵豉湯仲有飲品好似唔夠，所以叫多個日式餃子，我諗呢度唔會用某國出品急凍餃子應該無事吧，十五蚊三隻呢d地方黎講算ok，不過味道無乜特別，d醬油又無乜味，然後個定食就到，首先個白飯唔錯，麵豉湯係比較濃味但我喜歡，件漢堡扒整體黎講係相當好味的，只係肉質有d唔平衡，有d位好正有d位麻麻地，埋單連加一六十六蚊，都係滿意的。

走既時候大約十二點九，本來水靜河飛，d客呢個時候就蜂擁而至，呢度既座位唔小，但好快已經坐滿仲有人要排隊，下次黎知道乜野時間最好了

呢度全程播放緊B'z既大碟「ACTION」，雖然呢度質素無B'z咁神，但已經相當不錯

曲目

01. 純情Action
02. 黑青春
03. Super Love Song
04. 滿月照
05. 
06. 一心不亂
07. Friction -Lap 2-
08. One On One
09. 僕君
10. 幸
11. 
12. Hometown Boys' March
13. 光芒
14. 
15. 新季節
16. 永遠翼
17. Buddy