一行7人鄉下仔試下米芝連一星推介,結果可以用"不值一提,不外如是"來形容
燒雞肝$135---- 都ok因為唔太硬,
义燒$140 ----本人未食過難食的义燒,但哩一碟絶對沒有驚喜,我比較懷念10年前英記,好食好多
皮蛋芫茜蒸蟹箝-------時價(當日$120一隻)因為太貴只叫了兩隻給爸,媽食
迷芝連推介---炸乳鴿 ----- 無特別
火腩??魚尾-----唔記得幾錢 ....基本上都幾好味,不過條尾好似唔係即炸
炒飯---唔太油而且香算唔錯
干燒伊麫------因為大家食完都唔飽,所以要多一碟干燒伊麫,都ok,因為都唔會好油

總括來說,這間一星推介適合環境,和裝修之人士

在食物和價錢上未能成正比,

因為老闆要趕住出trip，所以要早一日食farewell lunch。地點同事選擇左佢地話好好味既
滿福樓。

未去之前我以為我未食過，原來我食過一次架啦~ 不過之前食完唔覺得好好味喎，今次再試真d先。

阿姐叫野食最耍家，所以佢發板叫左以下items: (因為我坐得好遠，其實都唔知叫左d咩，希望無記錯啦)

xx燒餅︰鹹鹹地，我食唔出裡面係咩，不過幾軟熟
點心拼盤︰有牛肉燒賣及蝦餃，我唔食牛賣唔知好唔好食，蝦餃ok，皮薄微暖
燒味拼盤︰乳豬唔肥，皮脆，叉燒超好味！外層竟然脆口，麥芽糖下得好重，好有甜香，肉質較軟。
湯，又唔知係咩喇
黑椒牛柳粒炒菜︰牛柳粒好淋無渣，唔油。
炸子雞︰皮脆，不過應該用左雪藏雞，無雞味。
瑤柱蛋白炒飯︰呢個好食呀！炒得乾身，最犀利係唔知點解有一種脆口的感覺，好特別。

這些看似平凡的菜式，全是師傅已臻化境厨藝的見證。
每碟餸，食至最後一件，仍是熱暖的。
每碟餸只有足夠的餸汁，沒有多餘的芡汁。
餸菜有足夠的光澤，而沒有半點油膩的感覺。
每碟餸的份量也足，沒有一般五星酒店餐廳的弊病---只扮高深，食水重深
環境清靜，服務勤快。絕對是享受食物的好地方!

啱哂啲鐘意扮野既，金玉其外．．．

個廚仲懶醒咁出尼寒暄．．．真係想打沉佢，礙於有長輩喺度，佢好采．．．

上菜慢到死，差啲訓著．．．

我都係鍾意酒家大排檔，實在好多

叉燒牛利拼炸魯豆腐，　豆腐好實，　牛舌好騷，　差燒同美心差不多
乳豬全體，好脆好香口
海皇冬瓜盅，清甜
榨菜銀牙炒三絲，不樓唔食三絲，　無試到
鮑汁菱魚肉釀原條茄子，煎得幾香口入味既釀茄子
紅蚊班尾，呢個班尾超唔得，　腥既！！！
古法鹽局雞，唔錯既鹽廓局雞，　皮脆肉嫩兼夠鹹香
梅菜介蘭，　啲梅菜完全無梅菜味，　失敗
原褒臘味飯，臘味一般，　膶腸則同蛇王二差幾皮，個飯反而做得好，　粒粒煙韌分明，　充分吸收臘味油香
楊枝甘露，好味，　好滿意
奶皇流沙包, 真係流沙

上星期再次book了枱同媽咪去食晚飯, 服務差了, 遲遲無人過來幫我們寫菜, 叫他們他們總是好像很忙以的, 無人理會!叫了盬焗雞, 味道怪怪的, 叫waiter幫我落條東星斑仔,佢話幫我地秤下幾多兩, 轉頭問佢秤左未佢話唔記得左!!!
炒唐生菜無火候, 不過叉燒都仲keep到水準, 如果咁樣嘅價錢我唔會再去lor, 話晒都係酒店呀, 完全無酒店嘅服務同質數lor!!!!

The pecking duck in Dynasty used to be very good. Went there for friend's birthday. Total disapointment. I booked 1 wk in advance. The duck was cold when we ate. The meat was rough. Service was not good. There were 2 dishes (in the dim sum container) of dumpling skin for the duck, they leave first on table initially. After a while the skin was hard and cold already, no one care to bring up the second dish (which was steaming right next to us). We realised when we had the last piece of duck on the table and they pull one hot slice from the container and was going to take it away. So it was a waste that we ate 1/2 of the duck with cold and hard skin. With a restaurant charing $600 for a peking duck, this kind of service in not acceptable at all! 3 of us just order a peking duck (2 serving) plus 2 dessers. Total cost us $700

同男友上完律師樓搞完d野, 開頭以為會同律師食lunch所以book左四人檯, 但係律師臨時有要事唔得閒, 所以我我同男友去食.

我地叫左xo醬露筍炒桂花蛘, 海膽蟹肉蒸水蛋同兩隻bb鴿.

兩隻bb鴿- 最周到係俾埋膠手套同剪刀俾你, 等你唔使食得咁"呢hea". 話明bb鴿, 當然肉嫩多汁, 即叫即炸, 皮又夠脆, 好味.

xo醬露筍炒桂花蛘- 雖然xo醬味唔濃, 但係露筍夠新鮮爽脆, 桂花蛘又爽口, 正!

海膽蟹肉蒸水蛋- 海膽蒸完之後都食到海鮮既鮮甜味, 你地大家想像d海膽真係好新鮮, 不過蟹肉就小左d, 水蛋唔使講梗係滑啦!

我地仲叫左支法國紅酒! 埋單九百幾, 一分錢一分貨, 抵!!!

只係1圍人有房坐，吾係我book, 菜式吾知係邊個選。

食物係有水準，但當然係貴。

最好味係荷葉飯，條東星都好好。

比較失色係飽魚(上臺隻隻吾同樣) 同壽桃包(東海好味好多)

但整體係非常好。

我比個Waiter 淋少少翅湯落隻手同條褲度。佢地好禮貌地道歉同比布我抹。

完全吾覺個水果盆好，但成臺人都話好。我情願係將d瓜切好1片片，呢道係切1大件，芒果就切開兩邊就上臺。

做左呢份工後, 成日都好有食神, 有好野食, 好好運呢! 今次又係"無離啦更", 有位高貴女士同埋佢囡囡請食滿福樓.
高貴女士非常客氣, 叫我作主點菜, 我梗係要返食過返尋味o既名牌叉燒啦! 另外我就由佢話事--
名牌叉燒-- 由於東家係熟客, 所以叉燒特別大碟, 而且肥瘦得宜! 而且另外兩位都正在減肥, 所以不斷叫我食多d. 我都毫不客氣, 個人包辦左半碟!
叉燒酥-- 一客三件, 酥夠香脆, 叉燒又高質素, 正! 因為怕肥, 佢地唔敢食, 我食左兩件!
煎腐皮卷-- 香口, 香菇餡有汁, 但唔係好特別.
炸蝦丸-- 幾香口, 不過都係同其他地方o既差唔多
椒麻茄子-- 本以為係脆炸o既香口野, 點知係蒸茄子, 唔椒亦唔麻?!
竹笙上素-- 幾清
金銀蛋莧菜-- 好多蛋, 湯好清甜
番薯糖水-- 好薑...
蛋散-- 高貴女士o既至愛
食飽飽, 多謝左高貴女士後繼續努力上班!

大老闆請食飯, 近近地黎到萬麗o既滿福樓. 聽過滿福樓o既馳名叉燒好多次, 今日終於有幸一嚐. 坐低已經要求要一碟例牌叉燒, 之後再叫點心同埋炒粉麵飯. 叉燒半肥瘦, 蜜汁略甜, 正係我杯茶, 平日唔食肥肉o既我都破例包辦左1/3碟呢!
點心選擇唔多, 侍應推介蘿蔔絲酥-- 同上海o個種口味有d唔同, 蔥味較濃, 而且係焗唔係炸o既, 所以無咁熱氣. 至於蝦餸燒賣等, 我就覺得不過不失啫. 仲有一個滿福炒飯, 其實係福建炒飯, 比較細碟, 味道唔係好特別.
飯後甜品食左個蛋撻仔, 佢地係用曲奇皮, 蛋餡唔係好甜, okay咁啦.
如果會再黎, 都係為左o個碟叉燒^_^(笑都係俾碟叉燒o既)

有人請食飯, 好o野!

首先, 這裏環境和招呼都無懈可擊, 絕對滿分. 選料新鮮, 烹調得法, 菜式由頭到尾都好好味, 而且不會太多調味料或油膩, 吃得健康. 最有印象的有:

花雕蛋白蒸蟹鉗- 清香甜美, 先聲奪人;
鮑魚燉竹絲雞- 湯很清, 十分清甜, 湯渣都好好味;
蝦子扒北菇遼參- 海參軟滑, 惹味蝦子用量適中, 既不喧賓奪主, 亦能加強鮮味;
蒸東星班- 以這裏出品的質素, 當然不會失拖;
上湯米粉- 有靚靚上湯, 連齌米粉都令人回味無窮;
甜品係蛋散- 雖然好食, 但略嫌偏甜, 算係全晚最水, 不過生果盤陣容強勁, 又有水準, 爭回分數.

可惜, 我無份俾錢, 食了多少錢完全不知, 抵唔抵食無從講起.

今晚請客食飯，冇房，座大廳，望住個維港，ichban。
點6 個普通菜、1條海斑、湯及煲仔飯，2支紅酒及生果盤，埋單6000冇找。
食物水準很好，環境理想，不失為請客地方。

老細放完產假歸隊日，約埋幾位同事同佢食個靚晏。其中一位同事及其老公係呢度常客，話星期五去食會有九折。以前都o係尖沙咀店飲過茶，印象中水準幾好，見同事咁推介，就即管試下啦！成十二點至打電話去訂檯，當時只得番吸煙區有位，只能話非吸煙區一有位就幫我地轉，不過同事話果度地方都闊落，而且樓底高，應該都OK喎！結果去到，又真係幫我地轉左非吸煙區檯，值得一讚。呢度有無敵海景，環境相當舒適，唔怪之同事夫婦當佢係飯堂啦！

打開菜單，見都有二人套餐，價錢係九百尾，包老火湯、幾個小菜同甜品，有點偏貴。由於拍檔係食素o既，我地結果都係散叫。五個人叫左五人份o既點心：叉燒包、素粉果、上素卷同滷豬腳仔，此外，再叫左個順德排骨、南乳粗齋煲﹝另加白飯一碗俾食素果位﹞同鮑汁撈粗麵。

先講第一個上o既滷豬腳仔，一上檯已聞倒好香鼓油味，食入口，質地係剛剛好，外皮爽而滑，內裡富於膠質o既肉同筋唔會煮得太腍，好味！叉燒包細細隻，味道都唔錯，不過亦冇咩特別之處；素粉果外皮厚薄適中，內餡亦幾清甜；上素卷係用節瓜薄片包住蔬菜同鮮東菇，幾位同事都非常讚賞，我就反而覺得調味濃左D，掩蓋左蔬菜本身清甜o既味道。順德排骨有D似炸豬扒，用o既係切片靚五花腩，肥瘦適中﹝怕肥人士就當然會敬而遠之啦！﹞，同乾蔥一齊煎焗過，非常香口，係有水準o既一道菜。南乳粗齋煲都好夠味，食素o既拍檔讚不絕口，我就覺得略嫌煮得乾身左D，想「不」啖汁撈飯都難，而且又係調味重手左，犧牲了蔬菜本身o既味道，個人認為不及益新o既溫公齋煲好味。鮑汁撈粗麵係另一道有水準o既菜式，加左唔少蝦子，中和左鮑汁o既濃膩感，整體味道都好好。

臨尾少不了叫個甜品，各人都要左腐竹糖水，我就同另一位同事分食一個西米布甸。西米布甸o既質地偏濕膩，內餡o既栗茸反而唔錯，幾香，整體味道係不過不失咁啦！同車品品就當然冇得比啦！

食飽埋單，一人都係$170，OK啦！