之前聽朋友講呢間野唔錯，
所以當日我和同事一行四人去o個到食lunch。

大約十二點半到，我地已經入左去la，當時無乜人，但環境已經唔多好，張枱黐沐沐，無乜人都唔清潔下。

然後開始點野食la，我就點鹵水拼盤，本身有四樣野既，有雞翼丫、雞蛋、鹵肉、海帶，但係當order既時候佢已經話無雞翼 (一開鋪就無)，都無乜所謂la，佢話會每樣加多d，咁我地落完order叫埋野飲，就吹下水等佢d野食到la。點知一等等左成半個鐘d野食先整好，而且仲見到我地d食物係入面廚房姐，係雪櫃攞在幾碟放係個煲煲熱比我地食，成陣雪味。

d食物呢，就真係其差，d飯似bb仔食既餬仔咁，不但止，我個鹵水拼盤，竟然變左鹵水豆腐拼鹵海帶，問聲佢先加番幾片蛋同鹵肉
食落d豆腐仲有d酸= =
整體黎講d食物真係差，又無特色！

到食完大家都好口乾既時候，居然野飲都仲未到，問佢先知係漏單
當時只係得四枱人到食飯...咁都漏單...，但係佢地唔好意思都無講句

仲見到個侍應同個經理互相對駡仲要好大聲，(仲要係個侍應惡過個經理@@)
咁既食物質素，咁既服務態度，點會再去ar....

突破想食台灣野．就黎左尼度。
環境幾好．都有幾多選擇～

叫左糖醋魚套餐．仲有花枝丸

糖醋魚都ｏｋ．不錯

花枝丸就普通左ｄ

最有問題就係杯　苿香珍珠．．．不是味兒的。但都可以入口
同仙跡岩那些真的無得比~

又有電視睇．真係幾好～可以hea耐一點　

今晚練完歌後同弟兄姊妹一行6人來此食飯
店內冇乜人,只有2枱客,加埋都係得3,4個人

由於我不太餓,只要了一杯芝麻珍珠奶茶
芝麻味無疑是有的,但飲落去甜既味道較重
飲哂成杯後覺得好滯
不過D珍珠就幾好,幾有咬口,份量亦多!

我地幾個邊食邊睇香港小姐,大聲講大聲笑
成個場突然變得好熱鬧,哈

有下次,但一定唔會要返今次杯野

上星期六去左土瓜灣附近幫老闆娘取藥取報告, 順便就到此區搵吓有咩野食...無咩心水之下就來左間叫台灣蝴蝶既食店食台式野.

2個人叫左一碗肉躁滷肉新竹米粉, 台式A菜, 蚵仔煎同埋珍珠奶茶.

老實講無一樣好食..D滷肉又唔好食D肉躁又無咩..A菜都唔算好食...最最最差係碟蚵仔煎又腥又唔好食...至於杯珍珠奶茶更係出面街$10杯都正過佢.

星期六路經土瓜灣就順便入一間食個lunch先回公司...2個人就決定來此店食台灣野.
叫左個A菜, 肉躁滷肉新竹米粉, 蚵仔煎同埋珍珠奶茶..老實講無一樣野係岩我食...成碗米粉D料同米粉都可以話難食, A菜一般貨式, 最差係個蚵仔煎又D腥腥地完全唔得, 飲品係街$10杯都好味過佢.

我個日同我男友去試食下啦.
見到新裝修都不錯.
但...食物方面就差啦.
叫左個魯肉食..俾我覺得好細碗同埋
差不多$30一個餐.同旺角差不多價.
所以..我試過一次就夠.唔會再去食.

今日lunch叫了卥水豆腐雞翼飯加珍珠奶荼(飯24+3熱飲), 卥水豆腐好入味, 送和白飯分開上,覺得汁不夠(因我喜歡汁撈飯吃) , 同埋不夠熱, 飯份量很多, 只吃了大半已很飽. 珍珠奶茶不錯, 如茶味濃些仲好!下次應要試粉, 看隔離台叫的都不錯. 因為中間沒有台的, 所以感覺不太迫, 不過人手方面午市來說就不太夠, 一個負責廚房另外兩個要收銀落單整野飲四圍走,幸好她們有耐性, 算係不錯的了~

這間餐廳是我們完了church後常到的餐廳, 不過教會暫遷後就很少來. 教會附近的台灣餐廳越來越少, 這間已經是較好食的一間.

我叫了無錫排骨飯, 味道不錯, 不過d汁就油咗d.. 朋友叫了糖醋雞球, 這個餸好入味. 我們還叫了少食台灣a菜和皮蛋豆腐,皮蛋豆腐very good, 糖心皮蛋, 凍豆腐幾滑, 不過台灣a菜只是幾條菜, 麻麻地.
飲品方面, 叫了胚芽珍珠, ok 啦! 不過不失..

8月13日中午去佐敦這家台灣蝴蝶吃飯，遇見這位無喱頭且無禮的妹妹仔。

我吃了28元的肉燥飯，拿30元給她找。誰知她把應該找回的2元，放在找贖夾裡，自把自為在收銀機處即叫"多謝"。她並沒有把錢親自拿到我面前，由客人自行決定給不給小費。

雖然2元不算多，但這種不尊重客人的行為，頗叫人失望。這間餐廳的生意很差，相信與服務人員有很大關係。全店只有2位服務人員，全部都不會介紹菜色，要食客自己勞神，很累!去了一次，很難再去第二次。

昨晚和男友行過這裡，見到這間鋪頭都幾舒服，加上已經肚餓，沒有留意到它跟茶軒是同一集團．

我地叫左個二人餐：－
１．皮蛋豆腐－唔知果ｄ係咩汁，好濃，怪怪地．
２．煎籮白糕
３．蠔仔粥－依家ｄ蠔唔係咁靚，不過都整得好好味，保持到蠔既鮮味．
４．肉澡飯－一片片既肉，硬硬的飯，麻麻地．
５．我要一杯凍青蘋果綠茶－好香，男友要一杯熱水蜜桃紅茶－都唔錯．

今日來吃中午飯,爸爸點了午市套餐~鹵蛋肉燥飯$23(包冷熱飲品一杯),飲品選擇都有十幾廿款(紅/綠茶,珍珠奶茶,還有一種我忘記了),而我選擇下午茶餐~酥炸排骨麵$23(包冷熱飲品一杯),當落完單後才發覺下午茶餐是2:30pm開始,(其實落完單後才2:15分左右),隨即揮手叫侍應,查問後,那位侍應小姐還面帶笑容說,沒關係當下午茶餐計.
排骨同麵是分開上的,這裡的排骨即豬扒,不是即炸的只是微暖,但肉質鬆化,豬扒面上還灑上椒鹽,都幾入味,湯底好清香,因為加入了爆炒過的蔥頭(我好欣賞它不會因為加了炒香的蔥頭而令整碗麵好油),麵是上海的幼麵,麵身不會煮得太淋.爸爸說份量好大味道幾好,我還笑他是不是最近減少食量才這麼認為,因對上一次來吃時他還嫌人家太少,但實際上這裡食物份量對一般女孩子來說是足夠的,但男孩就未必夠.

記得它開張不久來吃的時候,我同那位侍應小姐反應過食物總類好像少些,今日見到餐牌明顯多了些小食,甜品.
在這舊區來說,難得有一間這樣的餐廳,雖然不是華麗的裝修,但如果你並不是趕時間的,,吃完你會有一種想再坐坐的感覺,食物質素又不錯,價錢又合理,侍應都很有禮貌同親切.以後又多一個地方選擇了.

平時行開都覺得客人唔多,不過住在附近都要試食一下......
食物及飲品都過得去,但係份量真係太少了點,對女孩子來說就剛剛好。

P.S. 個廁所真係好嗅!

呢個食評係比佐敦吳松街分店(位置係新兜記斜對面),因為無記低詳細地址,所以將食評寫係土瓜灣呢度。

星期六去六榕仙館買齋餅,行過見到呢個"台灣蝴蝶"招牌,了起我條台灣癮,係門口見到入面人唔多,望落都幾對眼,就呢度啦。

趟開玻璃門,店員已經同你講"歡迎光臨",good!

睇左下午茶同午餐餐牌,見到好耐無食既菜式--大腸麵線,又即時諗起台北西門町既阿宗麵線!! =p

百香果紅茶先到,味道就係一向百香果糖漿個種味道,甜度ok。

大腸麵線稍後至到,橢圓形碗仔唔係太大,下午茶份量都算ok。

面頭有大約十片大腸片,木魚碎+芫茜。湯頭有胡椒粉味,麵線唔係太淋,食落有d似食緊蝦子麵感覺=p 大腸切得太薄,無乜口感,味道一般鹵水味道;稍為失敗係個獻推得唔勻,因為我食到一舊粉團。

食完之後更加掛住阿宗麵線,唔係因為阿宗更好味,而係食到阿宗等於我身在台北!!

上次的食評,距離現在已超過五年了
幾乎忘了曾在此留下食評
給我評語的餐廳在原址也結業
我亦已搬離土瓜灣了
因為工作的關係
再次踏足土瓜灣
看到"台灣蝴蝶"
感到與全區的餐廳很不同
吃的也是非一般餐廳的食物
吃過兩次,
食物都是很地道的台灣食物
(以我的知識範疇來說)
食物入口的感覺,真的很有台灣味道
令我想起在台灣的日子,很懷念
第一次吃的是米線,份量很大
料很足,味道不錯
而且也超值,才二十二元,
加三元還有一杯茶
第二次吃魯肉飯
味很濃,不過飯本身比較軟
不太合我口味
總括來說,很欣賞這裡的是
不會掛著台灣餐廳的牌
吃的卻是本地食物

天氣開始轉涼~~<br />
最好就係食煲仔飯喇~<br />
上個星期就與男朋友到\"興記\"食煲仔飯<br />
之前已經來過好幾次~~ 發覺這間水準<br />
都ok~~叫了1個飯share「鳳爪排骨飯」<br />
鳳爪略嫌小了點~~ 其次點了炒蜆和<br />
蠔餅~~~一貫水準吧~~又不算超級好吃..但又不算難吃唷^^ 吃過這一餐\<br />
我們便去占卜玩玩了~~