是日清明節亦是西方兒童節，我地一行14人掃墓完畢就去食中午果餐。又係要趁機多謝我個好DADDY~佢一早就去左BOOK定位先再JOIN我地拜山~所以我地先可以唔駛等咁耐位咋!

12點幾去到酒樓，其實都唔係太多人等位~我地仲有間私家房坐添!!!間都唔算逼，仲有電視睇~惟一唔太好就係冷氣唔係好夠，熄左D燈又暗，開曬又熱....真係有D難攪

講番正題先，個部長介紹我地食喱個午餐全包宴。我地計一計咁多人，茶$都要2舊水啦，全包宴真係抵喎!!!

睇下有咩嘢食先~大蝦伊麵，估唔到佢咁好食喎~汁香得黎又唔會好濃味，大蝦好彈牙

燒味拼盤，唔錯，d燒肉同叉燒唔太肥唔太瘦，好咬口！

蝦餃王，喱個真係唔講得笑~我食左2粒，因為D蝦真係好正!!!

燒賣，原來黎錯左個菜餃，點知俾我個精靈姑媽發現左等到大家食完D嘢，人都走左幾個佢先黎....所以大家都好飽唔係好食得落~不過都係因為有彈牙蝦，可以唔錯!

燒雞，成個禮拜食左超多雞，所以都係咁食左舊....不過，隻雞都好滑

上湯浸菜，普普通通一碟菜，無咩特別好食唔好食

蒸魚，因為我個人唔係咁食魚，所以無咩COMMENT

菇炒豬柳，夠獲氣又多惹味！

食完喱餐午餐真係飽到上心口～

總括黎講：平，靚，正！

如果無房可能會嘈d

洗手間都幾乾淨

下午約了友人到荔枝角午餐，突然發覺很久沒有飲茶便提議到長沙灣廣場的富臨，大約1時15分到達，情況令人擔心，很多人我走到櫃枱前攞2位飛，心想答枱都好就同那位知客講答枱 ok想不到等了一會便有枱，真好彩。午市時份真係很多人，當然就係唔夠人 serve 客人，所以友人趕快地填了點心紙。

等了不消一會，來了個子薑皮疍及鮑汁鳯爪，個皮疍唔夠糖心，好實子薑又唔夠乾身，搞到成個碟都有啲水.....，鮑汁鳯爪就好好味，好味過稻香的，正跟住就黎左個煎讓茄子、黑糖馬拉糕、麻蓉包、蒸鯪魚球、燒賣煎讓茄子個魚肉好好味，煎得好透，茄子又好淋身真係富臨入食之選！黑糖馬拉糕就偏甜左啲啲，麻蓉包居然係流心的麻蓉，真係有啲驚喜，但如果可以再少啲甜咁就 perfect 燒賣就一般般，冇一大隻蝦放响面所以要扣分呀
反而個蒸鯪魚球就好好，唔係成舊粉咁，又有魚味，正 今餐都算係咁...只係有兩味差左但其他都 keep 到個水準。

超香脆, 入口鬆化, 內裡的菇味道很好, 以喼汁伴食, 真是很美味的小吃不過不失的餸, 味道剛好, 送飯一流! 豆腐很多, 軟硬適中, 沒有什麼爛的, 菜心尚可, 沒有渣又是色香味俱全的送飯餸,真難得, 足料足味, 令人滿意沒有什麼味道, 非常淡, 就像湯浸時蔬, 很失望

整體食物不錯, 服務OK

這個週日沒有多睡一點，因為約了朋友參加一些工會舉辦的本地一日遊，所以要早點起來。集合地點在長沙灣，所以就約好先荔枝角長沙灣廣場的富臨飲早茶，吃些點心才出發。三幾個老友記，不用叫太多東西，免得吃剩浪費，而且坐車時間不少，不要吃得太飽，所以，就揀選了5款點心，志在有東西到肚吧。

點心分別點了：順德煎藕餅、蘿白千絲酥、香麻流沙包、皮蛋瘦肉粥、蜜汁叉燒腸，茶位$8，新鮮即製，質素吃來也不懶。尤其藕餅及千絲酥，可能是煎炸食物，較香口，所以吃來特別滋味，不過，確實前者藕餅很鬆化，而後者很香脆。相反，較失望的是香麻流沙包，一點也不流沙，內裡的是芝麻糊大於芝麻流沙哩！

同媽來荔枝角; 其實自從10年前我冇再呢頭返工, 已好少來了.
回來真帶俾我不少回憶.
已變了不少, 呢區.

都係講返食物喇~

兩人飲茶, 都係叫幾個點心算了吧!

不過見有燒味飯, 好似好抵, 叫個一試先~仲快過點心上~ 當然係好迷你!
但都有肉食喇, 唔係骨架.
飯好食.

相對起來, 點心就比較一般喇.包及餃都係ok 水準.

服務不錯了, 好快手又有禮.

唔係去這間富臨
不過都係富臨集團的太子分店

入去問知客姐姐有冇得打邊爐
佢話因為有婚宴所以散客要等
唔知要等幾耐既
我地話ok, 我地肯等
於是留了名 電話
坐在大堂既位到等了差不多半小時
終於可以上去食
***1開始已表明係打邊爐and重申了幾次***

上到去waiter問飲咩茶
我話我地打邊爐既
waiter話今晚冇得打邊爐
我話 下面知客話有我地先等
這時waiter呆了同比唔到反應
不斷招手叫經理求助

經理只係同我地冇得打, 只可以食小菜
我就話 我地等左好耐同埋下面冇話冇得打我地先等
經理都係無言以對，只係不斷叫我地食小菜
雖然我地冇諗住幫襯
但我認為如果佢肯比d優惠客人條氣都順d
最後我地都係走左

雖然婚宴係好賺好多而且包左你個場
但係唔好因為咁而吊高黎賣
1早講冇得打邊爐免得客人白等

服務態度好有問題

長輩非常喜歡到富臨晚飯, 每次聚會都必定要訂係富臨, 我呢d做小輩ge梗係冇say啦.

其實已經無數次俾佢d離哂譜ge服務水平激到咩咁都唔出得聲, 費事搞串哂, 但係今次真係忍唔住要係度呻下....

我地一圍十幾人一早訂咗枱, 我早半個鐘去拎位先, 費事要同行ge 80幾歲婆婆等, 都好快俾枱我. 一坐低, 即刻點菜, 一路諗食乜, 個女侍應一路叫我食東星斑, 我話睇下先, 佢又繼續講, 重覆咗十次, 我話我地唔食斑架, 唔駛啦, 佢答我: 「唔緊要, 東星斑唔係斑黎架...」 咁即係點呀? 唉...我叫佢走開, 我自己寫菜, 我用咗佢d菜單, 非常清楚咁寫咗9個餸, 個女侍應又走埋黎, 佢跟住我寫ge單覆咗我一次, 好清楚, 咁就諗住等食....

好快就上咗隻燒鵝, 熱辣辣, 肉質鬆軟, 皮脆多汁, 一輪衝鋒就連頭都食埋....但係就一個餸都未上.....

叫個個女侍應催下d餸, 佢好求其咁答我地:「就得架啦, 黎緊架啦」
等多10分鐘都仲係乜都未有.....又叫第二個侍應check, 佢又求其咁「哦, 好呀, 我同你check下」就唔見咗人....
再等多10分鐘, 真係火都黎, 我地話要走, 唔食, 唔俾$, 佢至揾經理check, 一check之下, 係成張單都冇入!!! 有冇搞錯呀?! 我見佢即刻入番d單之後走過黎話 :「就黎架啦, 我催咗佢地即刻上菜...」我忍唔住問佢我明明聽到你同個待應講漏咗冇入單, 係唔係? 佢好無奈咁話「係呀, 誤會咗, 不過我入番架啦...」天呀.... 佢仲係覺得自己冇錯, 我真係唔明佢點做經理.... 當然, 同行ge 80幾歲婆婆已經等到攰得滯, 提早同佢返咗屋企, 冇等到食糖水.....

d服務水平真係令人接受唔到 lor....

我地family一直都好鍾意去富臨食飯,好多時做節都會黎食下d 1488餐呀,間唔中都去食下晚飯,都覺得好食,又底喎,而且去過咁多間富臨覺得長沙灣lei間係最好食tim...
點知...今晚去完...失望左喇...好似退左步咁,係咪轉左廚房呀?
6個人好高興咁叫到成台野食,又等我講下食左乜啦...
鹵水鵝掌, lei個ok,正常, 但咸左d...
叉燒王, lei個而家sale緊 108蚊碟o既叉燒王,諗住佢賣得108蚊緊係好有信心啦,黎到見到好都靚喎,好大碟,應該係每一隻豬得一條o既梅頭黎,食落...好甜呀,個汁超甜超漏,酒味重左d,我地食到嘩嘩聲呀,個蜜汁太濃喇,雖然個叉燒肥肥地,都幾林o既...但比佢咁整法就失敗左啦,叉燒變差燒呀!
蒜香燒雞, 本人最鍾意就係食雞,特別係炸子雞o個d,lei個雞預左係冰鮮雞,但估唔到d肉真係鞋到不得了,好難咬呀...點解會咁架....就算係冰鮮雞都唔好整到咁求其啦...
冬瓜盅, ok啦,好彩ja....同埋佢冬瓜唔係好大個,但就好多湯....
仲有食左炒芥蘭, 豆豉龍蝦球, 紅燒豆腐花膠...都係麻麻啦,個花膠係便但好似食像筋咁,係個豆腐叫幾好...翠肉生煎包,個包就煎得幾好喇,但個入面麻麻地呢,都冇肉汁o既,又唔知做咩整d薑係入面,都唔夾...
係咪轉左廚房呀..以前好少令我失望架...

一月下旬．晴

下午飲茶，每人六十五，吃得飽的，怎說也是便宜吧。

跟跑友飲茶，剛練習完畢，當然是一條牛也可以吃得下的。要了不少的點心，而吃的速也太快了一點，故只可以將其中區區幾味拍下來。總括而言，點心的水準是不算很好的，但因為價錢不貴，也總可以說是經濟實惠。

叉燒酥不行，油膩膩的不酥化；豆苗餃不錯，有蝦粒在內的，吃起來幾鮮美；馬拉糕吃起來鬆軟，也很香甜。雖然不是傳統的一類馬拉糕，但也吃得過的了。最喜歡的就是最後的炒糯米飯，幾乾身，吃起來香口，大家也吃過不停，追加了兩次！

最後是吃了五十多個點心，滿足。

今早,我們一家人和奶奶及姑仔相约到墳場掃墓。 直到11am便行去富臨飲茶, 嘩! 我估工廠區會無咁多人, 點知......

有位啦, 叫點心, 總共叫了18樣, 结賬總共$4XX, $4XX????, 後來喺唔知那–張點心紙才見到價钱(绝不是正式那張), 小點$14.X起......

我們叫了:
蝦餃(4粒): 普通貨式
烧賣(4粒): 普通貨式
雜菇餃(3粒): 菇菇好味, 用澄粉做皮(超透明, 好像玻璃般), 但一夾便黏筷子, 一分開筷子便爛餃。
菜苗餃(3粒): 用澄粉做皮(超透明, 好像玻璃般), 但一夾便黏筷子, 一分開筷子便爛餃。
柚皮排骨: 他們說柚皮甜(我無食), 排骨的骨多過肉
鳳爪: 超鹹, 未煮淋
蜆介鯪魚球(6粒): 不是即炸, 淋的
义燒腸粉: 普通貨式
炸兩腸粉: 普通貨式
燒腩仔: 太鹹
潮州糖醋麵: 最好吃, 可惜是凍的
粉果(3粒): 普通貨式
蘿蔔絲蘇餅(3粒): 算好吃
南瓜露: 熱的, 普通貨式
红棗糕(4粒): 普通貨式, 都有棗味

可能是我麻煩, 我覺得一點兒也不值及不好味, 可是我奶奶就很是喜歡。另外是時常漏單！