*出旺角買完野,諗住食個燒味飯同飲杯凍奶茶*
剛好經過陳記同一隔車路既太興,最後都選了太興
剛巧下午茶時段,有叉燒飯或四寶飯,2選1,我選前者
叉燒飯$26,加埋招牌冰鎮奶茶$3 都算合理
叉燒 切有7件半肥瘦,少少燶邊加埋蜜汁味 幾惹味
飯底 下午茶價,飯不是太多,飯質一般 好正常
配菜 一大條菜心,入口爽甜 夠老實
冰鎮奶茶 唔洗拆招牌,夠茶味又夠奶滑 大滿足

選太興而不入陳記,因由是"陳記"伙計會安排你坐東坐西,專蝦單身食客,無得你選位不特止,連有多張吉卡都唔比你坐,做法勁討厭..邊有人喜歡幾條友唔識對住食飯,仲要四圍係吉檯呀,老細!!

這日逛金魚街順便到太興吃午餐。第一次光顧這間太興，原來店內座位都幾逼，相比起其他分店來說，感覺沒那麼整潔企理。不過既然來了，就吃完這餐再說吧。從餐牌中選了碟燒鵝叉燒雙拼飯和奶茶，$52。叉燒雖然瘦但肉質頗軟，吃起來有叉燒香，好吃。不過燒鵝就較失色，肉質很硬實和沒什麼味道。奶茶頗有茶香，喝起來順滑，滿意。總括來說，滿意這餐的奶茶和叉燒，不過燒鵝和環境就很一般。下次再來這附近搵食的話，應該會到先考慮其他食店，才會考慮再來這間用餐感覺很一般的太興吃飯。

突然想食太興燒味, 所以下午茶時段與同事走左去食個tea 吹吹水.

幸好下午茶都有燒味飯提供仲要茶餐內叫最便宜, 其他茶餐都要$40左右.

我叫左個又燒飯+凍奶茶($29); 同事就叫左個四寶飯+鴛鴦($26)

就算下午茶此店既價公比一般茶餐廳貴少少, 但同樣都多人幫襯, 証明食物味道真係唔錯.

我既又燒單睇賣相都好吸食, 帶少少濃濃地半肥瘦係我至愛, 而且d飯好香煮得軟硬適中, 最怕有d餐廳提供既飯過淋一pat pat.

估唔到此店既凍奶茶都好出色, 茶香濃夠滑.

至於同事既四寶飯都話唔錯, 墨魚都整得好有水準唔會好難嚼.

下午2點半黎食個tea.多人得要等位。
等左10分鍾有得入座, 但要跟人撘枱, 坐位迫迫。
2個人叫左2個tea set
1) 公司三文治 + 華田 $28, 公司三文治大大份, 餡料夠多, 有芝士, 火腿, 生菜, 蕃茄, 蛋, 雞肉, 烘底更加香脆, $28 抵食
2) 奶醬多 + 熱柚子 $24, 奶油+花生醬, 至match

This restaurant was introduced to me by two relatives tourists who came to Hong Kong to visit. After I took them to the busy restaurant around the corner famous for their pineapple bun and milk tea, they've brought me here and said they have found something even more pleasurable and delicious. I can't believe it until I tried it.

The place was clean and in booths. There's no rush for you to finish the breakfast. You can actually enjoy it and taste every bit of it. The eggs are super yummy and just right and tender.

One thing I think it can improve is that there is KETCHUP!!! How can we have no ketchup to go with our eggs???? They said they usually do the "siu mei" dishes and only offer western food in the morning and they don't have ketchup. Anyhow, the eggs were good on its own and did not really need it, but how perfect it will be. =)

Makes my day!

其實自己好少去「太興」食嘢，因為一向覺得呢間已經變成連鎖店嘅茶餐廳，雖然薄有名氣，而且生意仲愈做愈大，開埋做高檔少少路線嘅「太興新世代」，個別食物好似「焗青芥辣燒肉飯」同「冰鎮奶茶」咁又廣為人知，但係自從佢出左名之後，價錢就收得愈來愈貴，所以都已經好少幫襯。

不過呢日路經太子附近的這間「太興」分店，見好耐都無食過呢度的「頂級午餐肉滑蛋公仔麵」早餐，心思思想食吓，就入去幫襯啦。

唔知係咪呢日遲左出門，店裡面已經幾乎無位，只係得番一兩張細檯未有人坐。伙計招呼自己坐低之後，都覺得坐得幾逼狹。其實自己一心入去都係想食呢個好耐無食過嘅「頂級午餐肉滑蛋公仔麵」啫，所以二話不說，就叫左佢，餐飲當然亦離不開呢度最出名嘅「冰鎮奶茶」啦！

呢度嘅早餐以茶餐廳來講，都真係算收得幾貴，好似呢個早餐咁，要成$27落樓，只不過係一間比較出名嘅茶餐廳早餐啫，，都收咁嘅價錢，真係唔係成日都咁捨得咁食法。雖然，呢個「頂級午餐肉滑蛋公仔麵」早餐的確係比一般茶餐廳嘅同類出品質素稍勝，例如兩件午餐肉都係厚切，夾著真正火腿喺裡面嘅火腿豬肉，滑蛋亦都係炒得火候尚佳，包有蛋汁的滑蛋，公仔麵相信亦係比較好的品牌，食落唔會勁腍或過硬，仲有條菜心做點綴添，論顏色賣相，與其他一般的茶餐廳相比，的確係稍勝一籌。不過講到湯底，呢度就真係太過重手啦，次次食都覺得鹹得要命，仲要係間間店都犯同一個湯底過鹹的毛病，搞到連平時喺屋企煮出前一丁都會飲一兩啖味精湯嘅自己都頂唔順唔會飲。各位太興師傅，煮公仔麵使唔使咁重手呀？乜味精唔使本嘅咩？

雖然呢個早餐除左湯底之外質素係比較好，但收到咁嘅價錢我就覺得係價錢與食物質素不相稱偏貴嘞！收平幾蚊就差唔多。

話時話，因為怕左湯底太鹹的問題，所以喺落單嘅時候特地同個女伙計講話個湯底要少鹹，但係佢聽左好耐都唔明白我想點，簡直係雞同鴨講，我又唔覺得有乜咁難明喎，結果唯有死死地氣同佢講話乜都唔使，要番正正常常的就得，唉！點解我會喺「太興」遇到火星人嘅呢？

至於杯「冰鎮奶茶」，話晒係呢度成名之作之一，茶味唔會因為有冰喺奶茶裡面而變得愈來愈淡，呢招的確係成功嘅，不過杯奶茶就稍為甜左d囉。

算啦！就算物非所值，都係一次半次啫，「太興」，都唔會成日去架啦！

第一次食，亦係最後一次，因為物非所值，$52八寶飯連熱飲。

紅腸紙咁薄；
燒肉皮唔脆；
咸蛋唔太好；
叉燒太淋；
雞亦係太淋；

最好食係燻蹄。環境好。

　　小芬今午要應付考試，她懷著戰戰兢兢的心情，左思右想，恐怕自己的表現未如理想。她想吃一頓好吃的早餐，讓自己的精神抖擻起來。

　　侍者安排單人卡位，小芬隨即點了「人氣早餐」。兩分鐘後，店員已經端上熱騰騰的火腿絲通粉，外觀不俗，份量不少，火腿絲、生菜絲並存，清雞湯味道為主，烹調的通粉是軟硬適中，整體及格有餘。而香草腸、多士，雖然香腸有少許破皮，但香腸的肉質與味道，更勝坊間的“早餐腸”，體積較少也不要緊。雖然店方烘烤多士的時間較長，導致表層過啡黃，但真的如餐牌述說香脆。各分店的出品有別，相信品質控制方面仍有待進步。

　　店方推薦的出品，冰鎮奶茶，奶茶以奶味為主，滑度兼而有之，但茶味的濃郁度減輕，而甜度亦不能由食客控制，質素不過不失，偶爾一喝也無妨，小芬相對地較喜歡熱奶茶。不過小芬吃了這頓豐富早餐，相信午餐亦不用吃，可專心致志地應試呢。

最近旺角雅蘭中心附近開左間新既太興，好似都幾受歡迎，正正係翠華再過d，擺明打對台。不過呢間新既我就未食過，前幾日就反而黎左太子呢間食。

去完church已經差唔多兩點多，入到去已經係下午茶時間，佢都有多款下午茶餐。另外仲有d燒味粉麵飯餐，都算幾多野食，難怪佢都幾受歡迎。不過呢間店鋪實在太細，檯既數目十隻數指數得哂，所以坐卡位佢會迫你坐埋一邊，咁樣佢可以坐多d人，不過環境真係幾迫夾，下次都係寧願去雅蘭個邊個間好過。

由於我地未食野，咁肚餓當然要叫個飯食，最後我地就要左個叉燒燒肉飯，另外叫左個下午茶餐，其實幾款都好吸引，最後要左「頂級午餐肉滑蛋公仔麵」，其實都只係想叫個飽肚d既食物，加 $ 6 要左杯鮮奶忌廉紅豆冰。

叉燒燒肉飯係最快黎到，燒味份量幾多下，反而飯既份量較少，唔係好合比例喎~ 叉燒偏瘦，但唔會好靱，有少少炭燒香，又有肉味都算幾好食。燒肉個皮好脆，皮與肉中間有一層薄薄既脂粉，食落好香，肉質幾嫩又肥瘦適中，唔錯喎~~~ 不過豉油汁少左d，如果再多d就正啦。

呢個「頂級午餐肉滑蛋公仔麵」索價都唔平架，所以都唔會俾d太差既材料。公仔麵食落係出前一丁，麵淥得幾好，硬度適中亦有d彈牙，唔錯。午餐肉食落似係天壇牌，哈哈，不過真係幾好食，咬落去真係見到d火腿係入面，食落好香，加埋隻炒得幾滑有蛋汁既蛋，呢個都幾好食~~

不過加$ 6既紅豆冰就麻麻地，飲到鮮奶味，不過唔夠濃，甜度亦不夠，飲到後期越來越淡。紅豆都算大粒又夠多，不過成杯野既味道都係爭左少少。

由於呢度幾多客人，食完都拿拿聲走人，廢事阻住人地做生意。不過太興既食物質素都唔算太差，但呢間太迫，下次我會去另一間食好過。

去完金魚街買金魚,本應係想去漫畫屋睇COMIC.
但原來我都未食飯.
行行下.見到太興.咪入去醫咗肚先.
個套餐如圖.
有油菜.湯
一碟飯.
雖然都幾均衡,
但都要成$56.
都幾貴.
所以都係無下次.