很有朝氣的去這店.

都有不少人在用餐.

走進去, 叫了一個蛋撻拎走, 伯伯入落白色紙袋便走人.


上課不想嘈, 所以break才吃.

但冷了少許...

仍很好吃呢, 我不大喜歡酥皮, 但這兒的酥皮, 一層一層 層次分明, 不會夾埋晒, 一口咬下, 卜卜脆.

蛋雖冷了但仍可做到震盪效果.


$4

自從上星期看了阿蘇介紹這間海鮮飯店後，立即冒名前來幫襯。

到了飯店門前，侍應已即時問要幾多個(可能很多食客為了蛋撻而來)。

買了2個熱辣辣的酥皮蛋撻，回到家中仍然暖和。

蛋漿滿滿的，甜度適中而不膩；皮薄而多層亦不油

感覺比肥彭喜愛那間的出品更優勝

平日只愛曲奇皮蛋撻而不喜歡吃酥皮蛋撻的我，

相信日後唯獨這間才會吃，可況只售港幣4元

四個人叫咗:

例湯一窩 (海底椰紅蘿蔔煲豬展) - 普通, 偏鹹
豉椒炒聖子 - 無乜味, 偏淡, 好在聖子無沙
椒鹽瀨尿蝦 - 好味! 瀨尿蝦細隻, 不過隻隻都有膏
京都骨 - 好味!
薑蔥美國生蠔煲 x2 - 非常好味!! Encore 咗一次所以totally兩煲. 第一煲好味d, 五隻大蠔. 第二煲d蠔細隻咗不過有八隻.
魚香茄子煲 - 普通, 多油
涼瓜炒鹹肉- 麻麻
紅燒豆腐 - 普通
白飯 x2

無茶芥加一

十一月二十八日(星期五)

是日五點半多才放學

跟友人特地來這裡買蛋撻,皆因早前見到門口貼上的''亞蘇介紹''

捧著那熱騰騰的蛋撻,心裡也覺充實

一走出門口就忍不住打開紙袋要趁熱趕快吃掉

唔,酥皮鬆化,蛋漿香滑

的確十分讚

一行6人....食左:
椒鹽瀨尿蝦 - 好細隻...冇乜肉食....可幸味道OK....
薑蔥霸王雞(半隻) - 上檯時以為自己叫錯一隻.....半隻份量都好多.....雞夠滑....好好味....只可惜點的只係薑蓉...而唔係平時見慣的蔥油
蒜茸A菜 - 一般
薑蔥炒蟹 - 佢個獻整得好好味....好味到我連蔥都"損".....雖然D蟹細隻左D....但係都幾好肉地....
沙拉骨 - 估唔到的好味.....塊豬扒好入味....個醬又調得好...
蒜茸粉絲蒸扇貝 - 不過不失...不過 $8 隻真係好鬼抵
椒鹽九肚魚 - 我冇食到...所以唔知
豉油王蝦 - 味道不會太鹹...我連蝦殼都"損" 埋.....好正....
白飯 + 啤酒 + 飲品 = 埋單 $795...都好抵食
門口貼住亞蘇介紹的酥皮蛋撻雜誌.....差不多每檯臨走都會叫一兩個.....又會見到不時有人走入黎買走...係咪真係咁正就要下次試過至知.......

呢間食店我幫襯左好耐，時不時落旺角都會去食，好彩阿蘇剩係介紹佢D蛋撻好食，無介紹小菜，同埋佢唔多就腳，所以到而家去食都唔會等好耐。

講返野食，尋晚兩個人去食，叫左次次都叫既貴妃雞，一碟芥蘭炒臘味，一個中例湯，一碗糯米飯。雞唔使講都好正，雞肉係剛全熟，骨還帶少少紅，怕生可能唔慣，但係太熟雞肉就會鞋。芥蘭炒臘味一般，臘味比較肥，怕肥就唔好叫啦，好多人以為例湯係味精湯，但呢間真係真材實料，檯檯都叫，尋日係茶樹菇煲老雞，少少藥材味，但雞味都好濃，中碗都有四五碗份量，正。

埋單唔使兩舊，而家咁既環境真係唔算貴啦，可惜真係唔多就腳，唔係成日黎。

行經這裡，見招牌上寫著「酥皮蛋捧王」的，一時興起，又進來看是不是真的好吃。

甫坐下，一盤熱辣辣的蛋撻，真有食神，就來一個。見雞批也對辦的，也來一個，加杯咖啡。

酥皮蛋撻果然不錯，酥皮鬆化，層次不及檀島的多，但也不油膩又層次分明。內裡的蛋香滑，不過甜，整體來說，滿意；吃雞批就知這裡的牛油皮做得如何，也是焗得香鬆可口，雞肉餡也美味，也不錯。

熱咖啡反而不夠香濃，還是平時早上喝到的滿意。

埋單22蚊，來吃個簡單的「三點三」，也不錯。

27/7(日) 7:30pm
組長雙親回港度暑的兩星期瞬間即逝,肥肉厚酒的時光應適可而止.最終回的歡送飯局,來回旺中帶靜的"富威".

照舊20人分兩席,點了紅蘿蔔木瓜煲雪耳湯,貴妃雞,炸子雞,燒乳鴿,咕嚕肉,魚香茄子煲,梅菜扣肉煲,通菜炒牛肉,菜遠炒斑球,蒸斑腩,椒鹽尿蝦,蒜蓉包.

紅蘿蔔木瓜煲雪耳湯--真材實料,加上火侯足,伙計醒目地為我們追加了多一大湯碗,熟客仔的禮待!

炸子雞--於鄰桌棄置良久,放涼了的雞件並不對勁,雞皮再不香脆,肉質粗糙得很!

貴妃雞--貴妃雞肉極其細緻,雞皮薄滑,爽口海哲伴碟,跟炸子雞的水準誠然是兩碼子的事!

燒乳鴿--乳鴿皮潤肉細,肉汁豐富,也不失香口!

咕嚕肉--咕嚕肉披上一層薄薄的脆漿,纏滿酸甜適度的咕嚕汁,而且不帶過甚的肥膏,肉質入口鬆化;很瀟灑的咕嚕肉!

魚香茄子煲--甫上桌已給其賣相嚇住了!那層油膜教人望而卻步,輕嚐小口,的確惹味,但請恕我無法為力!此味該是吳師傅至愛!

梅菜扣肉煲--扣肉肉質確且鬆化有層次,富微量梅菜之香;美中不足是,酒香略欠,若有所失...

通菜炒牛肉--另一味油水十足的菜式,幸虧鑊氣夠,牛肉香盡迫入爽脆通菜之中!

大斑兩味--菜遠炒斑球及蒸斑腩--屬較輕清的兩道菜,斑塊肉厚味鮮;煮法不花巧,簡樸味美!

椒鹽尿蝦--乍看來平凡的尿蝦,剛一口,奪目鮮橙色的蝦膏毫不吝嗇的溢出,味甘香;而其蝦肉彈度強悍,甘鮮透頂,豐美甘飴的椒鹽尿蝦!

蒜蓉包--最後追加的一味;蒜蓉包除蒜蓉香稍遜外,其香,酥,脆的程度屬一級棒!水準遠凌駕於一般麵包店!

伙計對熟客之周到無庸置疑,花消不足二千元的小菜飯局,令人樂道!So long...

去呢度食茶餐. 叫個豬扒薯條+凍檸茶($26)

上見到份餐. 一塊豬扒加好少急凍薯條,
薯條即炸, 但炸得耐, 用一拮就斷,
豬扒無乜特別,
成份餐唯一可取之處係熱, 但個價錢唔值

最難頂係個廁所, 佈滿水漬, 又無廁紙, 而成個餐廳地板都痴淋淋, 十年無拖地.,
待應態度都ok, 但真係唔會再

原本特登渣車去試勝利小廚，但門口勁多人，決定放棄，去咗附近既富威食中菜。

裏面有九成檯都滿，好好彩都有張卡位坐。

今次點咗三餸一飯，有皇牌貴妃雞（例牌）- 果然係名不虛傳，貴妃雞肥美，肉質嫰滑，點埋薑蓉食簡直一流，例牌份量啱晒兩口子食。滑蛋蝦仁- 蛋炒得滑，有蛋香味，配上大大隻既蝦，令人再三回味。紅燒豆腐- 大碟，豆腐新鮮，味道不錯。

侍應服務就一般，不過預咗嫁啦！

免茶芥及加一，埋計$156。

26/5(六) 5pm
午茶過後,飛馳到旺角,車子停泊於自由道,順理成章闖入此小菜館嚐嚐阿蘇推介的蛋撻,$3.5個,撻皮乃酥皮,不是格外鬆化;蛋心呈淡黃色,微隆起,入口尚算滑溜,弊病是蛋香不足,過於液態,水準不過如此!

今晚8點同家人一行7人到此食晚飯,眼見都8成滿,其實吾book位都會有位,但就有搭臺(最終未至於要搭). 環境極嘈吵.

我地要左蒜蓉蒸蝦$192---麻麻,蝦吾夠爽及大隻(埋單先睇到咁貴,侍應話$12兩,但果碟蝦點睇都無一斤既$192),蒜蓉炒菜心---一般!西蘭花炒帶子$88---味道吾錯!但份量過份少!帶子得4-5粒.枝竹炆頭腩$88---呢款最好味!頭腩爆得夠香夠鑊氣且無腥味.粟米羹$48---麻麻,過稀.

埋單$550,無加一茶芥.雖吾系貴,但比咁既食物質素同份量絕對要blacklist!

富威一直都係我的"節慶"飯堂
雖然d伙計就串串地
但係都無所謂啦..都習慣lu..

今晚得3個人食..我地叫左:
- 例湯(木瓜,紅蘿蔔.豬展,蜜"早")..好足料,好夠味,好飲,飲完唔口乾
- 炸子雞(皮脆,好食)
- 炒蜆(蜆好肥,好大隻,無沙,個汁好好味,但係有少少salty啦, $42)
- 椒鹽九肚魚(好好味呀..次次都差唔多會叫..$55)

這是一間街坊菜館,

但高質素,而紅燒乳鴿炸子雞為我所好.

琵琶豆腐的汁是另上的很有心1
召鹽尤魚并南瓜好下酒.

海鮮收費合理.
行開那兒要試一下啊