109
50
71
港鐵銅鑼灣站 E 出口
繼續閱讀
營業時間
星期一至日
11:30 - 00:00
以上資料只供參考, 請與餐廳確認詳情
招牌菜
情人節同肥髀拍拖，佢又堅持食壽司！見板前唔使排隊咪快食個壽司！而家板前都唔係迴轉揀壽司，主要係同平板電腦揀選，呢個有好處係新鮮，但又無咗在迴轉帶上揀壽司嘅開心（對肥髀來講），不過可以自選走芥辣都幾好！落單好快就陸續上菜！正常有：飛魚子軍艦--卜卜脆好味！芥辣墨魚軍艦--唔夠攻鼻！三文魚腩壽司--唔夠肥美！唔似腩位嘅肉！備長吞拿魚壽司（特價）--食唔到炭香味！只係好普通嘅吞拿魚！赤貝壽司--雖然薄但爽口，平時赤貝好易出事，今次正常！火灸魚背壽司--燒過出晒油！好嫩滑！正！松葉蟹爪壽司--正常！一口帆立貝壽司--雖然唔及珍寶嘅厚肉！不過都淋身唔膻！加州卷（3件）--蟹籽多！卜卜脆！好味！極差有：珍味廣島蠔壽司--隻蠔好似營養不良兼變型，唔知點解可以接受上比客！味道唔膻！但太瘦無口感！蔥粒吞拿魚腩軍艦--未試過見蔥粒吞拿魚係咁少，顏色仲要唔係粉紅色，係瘀紅色！仲要無蔥！點解？味道當然唔夠鮮！珍寶赤蝦（特價）--本來頭兩件咁失望都無出聲，見到呢隻珍寶蝦真係忍唔到，成條尾無咗都比我，真係好難接受，因為特價所以要我接受咁嘅貨色，問經理佢去同我換過件正常賣相！蝦爽口唔膻！今次真係覺得板前差了很多！唔會再去食！
繼續閱讀
火炙沙律醬秋刀魚壽司火炙秋刀魚壽司love them!!!cheap and tasteful燒得啱啱好very 肥美鰤魚腩壽司I have to say this one is quite nice!!!ok freshvery 肥美有少少彈牙芝士飛魚子軍艦my favourite! very lovely!火炙魚背壽司燒得啱啱好珍寶赤蝦not so jumbobut quite 肥美蒲燒秋刀魚壽司燒得啱啱好the sauce is abit sweet安康魚肝lovely!!!tasted abit like 鵝肝但冇鵝肝咁肥very 滑大拖羅壽司this one? HK$30???come on!!!!!!you can tell from the photo it was not that fresh already!油脂分佈在哪儿????????????not nice!!!will not order the expensive ones ever!!!鰤魚刺身I have to sayok fesh and 肥美有少少彈牙I waited for ages for this...師傅們寧願'喱'喺枱底打機都唔切俾我食
繼續閱讀
今餐同男友食sushi，去到即刻叫左自己中意食ge。三文魚壽司ok厚，好味！凡立貝都好鮮味，肉厚。但個芝士飛魚子軍艦個芝士味唔夠濃郁，但係都接受。講到要改善嘅地方，的確有唔少。首先，個墨魚壽司同圖片不符，無界花到原塊上不特止，仲要係無光澤乾爭爭，睇見到唔多開胃。叫左兩件黃金墨魚軍艦，泥到個外觀好醜樣，整得好求其下。成餐最差ge係個冷烏冬，我同男友都愛食但又驚中伏，所以叫左一個。個冷烏冬汁無味，加完豉油同wasabi依然無好食到，d烏冬入口即爛，可能已經擺左好耐or煮過龍，下次真係唔會再叫！另外，個場有好多蚊滋飛飛下，影響食欲，建議要改善衛生。
繼續閱讀
平民壽司之選…………想食平價又方便既壽司，板長板前絕對係首選……其實放題都幾好，不過質量就太冇保證了……而且夜宵時間既價值平好多……確實低食……肚餓時見到部落單機確實開心，甘多美食選擇…落單後等吾切，等我食住迴轉既先……火焰既壽司永遠無敵……好好味……燒玉子……我覺得一般，味道已經冇以前甘甜……三文魚腩，好好味……記得要腩先好味……的確好肥美咖……食完要再叫……
可能係夜宵特價，人又多，我覺得上面這幾款好一般，飯又熱……紫菜又吾脆…快速來了一大碟，蟹膏同蝦膏係我最愛……不過老實講我又吾覺得真係好夠味，只不過口感好好，比起成日都刺身加飯……我覺得有D真意………………手卷可以讚一下，因為D紫菜好脆好好味，令成個手卷升級了……食吾落去既一個沙律……十分怪……千萬不可叫呀……吾知係咩變左味…食左一啖，馬上放厎了……
叫了兩個相同，不是因為太好味，錯手禁多左……總結…………平靚ok,夜宵之選，兩個人食到好飽都係三百五十左右，比食放題好得多……
繼續閱讀
真係唔敢相信哩間嘢有109個 笑臉, 好懷疑d 人係咪打手嚟架 噚晚睇完戲行過去, 大約7點左右, 估唔到好少人等, 去到等咗一陣就有位, 平時一定係大排長龍入到去坐迴轉檯, 但迴轉帶唔開, 全部要落單, 做乜我地拎籌嗰陣時個侍應唔出聲架, 入到去先知 佢安排座位真係好有問題, 要我地一行4人對住個出壽司位嚟坐, 仲不停喺我地身邊穿插, 喂, 你地唔識咩叫禮貌架, 人地講緊嘢又插入嚟, 人地食緊嘢又插入嚟, 仲要有次係拎住d 食物喺我個頭上面過, 痴線架!!!!!唔該哩間餐廳d 高層, 唔好淨係識搵錢, 服務質素都好緊要架, 你地d 嘢一d 都唔平架, 好心拎多d 錢出嚟培訓下d 員工, 或者索性出高d 人工, 請D有質素o既員工返嚟啦, 要客人接受哩d 服務, 真係離晒大譜講環境, 冷氣唔夠, 我地前面有2 個師傅又輪住咁用火槍燒食物, 焗到我地差d 暈低再講食物, 算ok, 雖則有d 嘢食食唔出佢個鮮味, 得賣相同大件頭做selling point, 不過佢有塊牛舌入口即溶, 可推介, 但佢D 壽司飯全部都真係不敢恭維, 一夾就散, 我知你地好多客, 好多單, 但唔該顧下食物質素先啦食到一肚火, 好唔掂, 會black list 哩間, 以後都會叫朋友唔好去哩間
繼續閱讀