第一次依都ok耐以前,
印象ok...
今次同媽媽去食
唔洗排隊

叫左:
三文魚壽司(來貨已經係金三文魚)
夠曬肥美

蟹肉蟹膏(夠鮮甜!!!紫菜又脆)

油甘魚(最中意佢個陳皮醬)

食緊野時候,
見到佢地劏魚,
真係手起刀落
仲要磅下每一片刺身幾重
keep到水準原來就係咁解

曾經試過等一個多鐘只為食 板前,但是在最近一次受到很不禮貌的對待!
由於自己不慎將派籌的紙片遺失,儘管我記得號碼並反覆解釋,但門口的waiter竟然阻止我入內.我告知他已經等了一個鐘,結果他只給了我一張新籌讓我繼續等多幾個鐘.
真的無法忍受! 從此我決定再也不去板田或是板長了!

下午茶, 食壽司.
5點幾, 都仲要等, 真係勢如破竹!
坐下, 叫了幾味, 再攞幾碟必食的吞那和三文等.
今期的海膽真係好正, 比以前好了好多,
雖樣唔太靚, 但唔腥, 甜, 滑, 超讚!
可以keep住咁正咁好食就好了!

服務ok!

都系比較中意食壽司所以去板前
SERVICE慢左d,要叫成3-4聲先會行過黎i
不過d壽司就幾好味道
三文魚就價錢合理,推薦!

其實這兒基本上是的半個飯堂的了
因為大部份時候係cwb想不到吃甚麼時都是來這兒
不理這兒多唔多人,嗯

食物都是一貫的水準吧
其實是沒有甚麼驚喜可言
唯一要說的說那個三文魚優惠沒有了

吃的都是那些三文魚,帆立貝,蝦蟹吧

只可說,水準沒有下跌
大家可以繼續來吃吧
(只少係我心目中的評價是如此,嗯)

物以罕為貴 @.@ 同樣道理 壽司都係要間唔中食先顯出佢價值, 好耐都冇食板前 仲要係呢間...

來到門口依然要跟老規則 "排隊" 雖然中途都飛左好多number但都等左半個鐘...入到去係見到d員工好繁忙咁走來走去@_@ 但都安排好我坐定定..今次坐起bar台..鍾意坐因為我鍾意睇d師傅整野食..切野..燒野.. 拿d單一睇 呢期又有好多新野食...海鹽蝦天婦羅..鱆紅魚黑松露, 象拔蚌黑松露 稻燒宮城海鰻等, 平貝黑松露, 全部味道都唔錯 除左個平貝細舊左少少 ...

之後其他都叫左好多 但不能盡錄.. 帆立貝叫左大既同火灸既都好好食 基本上火灸系列都好好味 有少少入口即溶既感覺... 今次仲叫左平時少叫既野, 如綠茶冷麵..炸蠔.. 2樣都俾想像中 ok, 反而個軟殼蟹手卷就冇元x既好食喇, 點都好 補慶祝番母親節 媽媽食得開心係最重要 ^^

期待下一次同板x既相遇

拿了飛然後去WTC行下, 等大約半小時就有位(算快啦)
我和朋友一入去就想怒食壽司, 壽司味作怪~

吃了十五碟，in general 都算可以（但又未係非常好既其實），想特別講講：
- 冬陰公卷：小辣，貪過癮才吃，不算是好好味，配那沙律醬還可以吧
- 三文魚：冇晒，要金三文魚，但宜家既金三文魚冇我第一次食咁好，甚至食唔出同三文魚有咩分別。反而吞拿魚同三文魚一樣味，奇怪
- 生赤貝：冇味，只有爽口既感覺
- 鰻魚：太薄喇.... 食三上仲好
- 蟹棒：偶然食下都好，幾甜
- 軍艦三文魚、火炙三交魚、帶子：最愛
- 板前蝦、甘蝦：味道其實差唔多，只係甘蝦厚ｄ
- 魷魚鬚：口感特別囉，味道就冇乜特別
- 芝士蝦：幾好味，見隔離order我又order

偶然瘋狂食下壽司都好

經常一個人來吃，因為這兒和姊妹店《板X》一樣，不設訂位，可能想以那長得不得了的人龍作招徠吧？（白沙道某傳奇壽司店在未換主廚前更誇張，不知情者路過一定以為有錢派，筆者試過三過其門輪候而不得入之）多次光顧其他位於又一城、旺角、將軍澳的分店後，覺得銅鑼灣這家分店能保持水準穩定，而且「一位」幾乎從不用等，可以「長驅直進」。
分享一下本人以一百零一元吃下十四件有一定水準的壽司的要訣：火炙醬油漬三文魚（三元件）香濃肥美，帶微煙醺味，是得意之作。如果你不執意要珍寶的，那麼帆立貝（八元件）其實也鮮甜爽口。不妨一試各類叫不出名字的貝類（如：笊貝）和魚類（左口魚、「魚立」魚），少人點自然較經濟實惠，味道清新（吃不慣就加點青檸汁）。象拔蚌腹（便宜點那個）如果來貨新鮮時，比打邊爐更鮮甜。除非你對那特長的極上海鰻情有獨鍾，否則火炙鰻魚（九元件）的味道和醬汁其實也相差無幾。
對（自欺欺人地）覺得魚生、壽司、冷麵含較少卡路里的朋友（特別是女孩子們），這是一個好去處吧？

自從有咗板長之後，板前好似跌晒Watt，條人龍都短咗，於是有日就入去食下。隨便點咗一啲大路嘅壽司，發現好食嘅例如海膽、魚子佢話賣晒，連金三文魚都話冇貨，嚟咗嗰啲又認真麻麻，首先紫菜唔夠脆，啲魚又唔夠鮮，差唔多跌到去元祿嗰個級數。之後轉下叫其他嘢，算俾多個機會佢哋，但鵝肝佢哋又太油、烏冬就太淋、蒸蛋亦太稀，一句講晒就係無樣得，結果搞到我竟然要去世貿嗰間壽司派度補飛，我諗依間分店我都唔會再俾機會佢喇。

突然好想食壽司,而且今次5點去食冇人龍,等幾分鐘左右就有位


壽司吧可以好清楚見到師傅整sushi
menu有好多選擇,
板前果d就真係正到欲罷不能
推介灸三文魚、鰻魚、特上海鰻
好食到最尾都要來多ROUND
比較失望係佢個墨魚SUSHI,好差

價錢方面可接受啦~無就住價錢叫兩個人都只係食左$180
同埋其實佢服務態度真係唔差LAW,係少D笑容姐
至於等位呢....我諗大家都係唔好等算啦..
夜晚排親起碼都要粒幾兩粒鐘
等到一肚氣,D野梗好食都假啦~

下次我再幫襯都係會等無咩人排先會去呢~

今日特登同朋友走去cwb東角道既板前試下,
睇下呢間分店同其他既分別,
開頭去拎位既時候,
我地拎42,佢叫到36.
咁咪行陣總統先,
點知行完總統再走到老遠去禁埋錢返黎,
先叫到39...望入去明明好多位,
個reception又係鋪頭行黎行去,
完全不解佢既行為.
入到去,坐底冇幾耐,
就開始叫野食,
大致上食物既水準係中規中矩既,
海鹽蝦天婦羅值得一讚;
可惜既就係海鰻竟然冇貨,
好多壽司飯又捏得唔夠實,
同埋吞拿魚腩始終唔夠家樂板前好;
開始火既事就係問題一,個waitress好唔熟手,
加上落錯單,叫左兩碟鰻魚壽司,
佢同我落一碟,都算,
之後問佢一碟鰻魚壽司幾錢,
佢都要check機先再轉過頭同我地講幾錢,
呢樣都係小問題,冇影響心情,繼續食野,
問題二,落單混亂,
兩次副經理走黎問我地有冇叫到廣島蠔卷同彩虹果卷,
我地都好好地答冇就算,後來又問我地有冇叫到金三文魚,
之後發現原來係我地隔離枱叫既,ok,fine,
然後我地落左單既三碟三文魚都未黎就問個經理,
佢話幫我地跟,又冇回音,之後隔離枱黎左三碟三文魚,
佢地好愕然,之後我個fd見到就問係咪佢地既,佢地say no,
我地就諗係我地既,so就拎左黎食,最致命問題就係呢度,
問題三,態度惡劣+屈機,
食到差唔多,就想埋單,叫個waiter黎埋單,
比張單埋黎我地check單,發現有幾樣我地冇食過既野,
分別係三文魚醬油漬,三文魚腩同兩碟三文魚壽司,
我地check完就梗係同個經理講,
個經理竟然話係我地岩岩拎左人地隔離果碟三文魚壽司,
話係呢堆野,我即刻扯火,同佢講,岩先果度係三碟三文魚壽司,
從來都冇呢堆野黎過,我地亦冇落過,淨係落左三碟三文魚,
經理又話,三碟三文魚係幫你落左單,果碟係呢三樣野,
三碟三文魚亦都出左比你地,
我就同佢講,你地出左姐,但係我地冇收過,
講到火起,我直程問佢呢度有冇cctv,睇下我有冇收過,
佢冇哂野講,無計可施就去問個黑衫師傅點算,
個黑衫師傅就好不屑咁話:佢地話冇咪同佢cancel囉!
最後cancel左果幾樣,就拿拿林埋單走人,唔會再去第二次!
嘩,真係火都黎囉,今時今日咩態度先,講到我地好似特登食野唔比錢咁,
好老實,我要走單都唔係走你果幾十蚊啦,搞笑,
食左有就梗比錢,冇食到就梗唔會做傻仔,
何況你D員工做野亂七八糟,又落錯單,又落漏單,
唔諗下係咪你地自己員工出問題,首先就黎話係個客走你數?
呢間野咁既服務態度真係點叫人地come again阿!

無論任何時候經過都會見到大排長龍,
見朋友放假返黎香港提意去食壽司,就即管等下啦~
好彩成10點幾先去, 唔使等好耐...

三文魚壽司 - 不過不失
珍寶帆立貝 - 真係幾大隻, 不過毫無味道
蟹棒壽司 - 自己不嬲都鍾意食, 但今次好似食緊冰棒咁
板前蝦 -
燒玉子 - OK!!!
炸蝦卷 - OK!!!

不過佢漏左單呢...冷烏冬同埋鵝肝壽司~
朋有一心就係黎食鵝肝壽司...
要等到埋單先到, 佢話真係好好食, 哈哈

總括而言, 如果要大排長龍的話, 我唔會特登揀去呢間
因為只係不過不失, 同埋服務都唔係特別好

板字頭o既連鎖壽司店已經開到成行成市
去到邊都可以食到
而且佢地overall o既質素都可以維持到, 唔會跌得好厲害
但今次我幫補lee間銅鑼灣分店o既時候就非常失望
服務水準差到極點~~~~

我同男友坐左o向迴轉枱度, 一路都覺得冇乜大問題
但愈坐d問題就愈o黎愈多
lee度係由staff沖熱水去refill茶o既, 唔係另一d枱面上有水龍頭自己加熱水o個種
d staff refill茶o既時候係冇同你講野, 或者請你謝一謝俾佢加水
佢係自己插隻手入o黎拎起隻杯, 又或者杯都唔拎就refill熱水
我相信曾經坐過迴轉枱o既朋友都知道, 人與人之間o既距離已經好窄
有時我同男友坐得close d傾計o既時候根本冇位俾d staff做野tim
但點解佢地連一句"唔該謝謝"都慳番硬要左插右插咁難為自己呢???

好啦~ refill熱水都算啦~ 你order d sushi佢送上枱o個陣你仲驚呀
一路以為order完sushi佢地送上枱o既時候會話你知lee款係咩, lee款又係咩sushi
點知佢連介紹都冇做啦已經, 而且仲誇張度求奇搵地方"攝"碟sushi入o黎粒聲都唔出咁
嘩~~~ 莫非佢真係好驚打斷我地講野呀, 還是lee度d staff唔鍾意講野呢........
我真係完全唔發覺佢攝左碟sushi俾我law, 差d一肘掃左落地...........
d service簡直crazy~~~

不過d staff又好奇怪嫁wor, 佢地一唔洗serve你o既時候就o向你背後不停傾計, 仲要誇張度2個人refill住熱水咁傾計~~~~~
唉~~~ 鋪頭受唔受歡迎除左食物質素之外, 仲要有舒適o既環境, 滿意o既服務去配合, 真係缺一不可
或者lee間連鎖壽司店掛住投"吞拿魚王"而忽略左d員工培訓啦~~~
我諗唔幫親啦~ 費時一路食一路掃左d sushi落地下咁尷尬啦~

食親壽司其實來來去去都會去o個幾間
因為始終有保證d, 個水準唔會太差ma
偶然亦會試新店或者一d特定時段大割價o既鋪頭
不過真係強差人意, 好壞參半~~~

今次再o黎到一定要等位o既板前壽司
點解佢成日都係咁多人呢???

新割價 $3/件 三文魚壽司, $6/件金三文魚壽司, $4.5/碟三文魚醬油漬壽司....cool~~~ 以上o既item全部都係special price, 所以我地都唔放過一試!!!
$3/件 三文魚壽司寫到明每人只可order 6件 o者, 而且必需堂食.............其實佢同另外$6/件金三文魚壽司差不多, 只係薄身d, 不過食落分別更不大...哈哈, 所以$3件係超級超值.........真係一個人食哂6件 quota的話已經飽左一半

另外o既三文魚item仲有三文魚腩同三文魚卷...........cool~ 真係一次過食左好多款唔同o既三文魚, really各有不同...依, 三文魚卷好似叫親子卷, 佢口感最豐富, 因為有埋大粒魚子ma, 好鮮味啊~但完全唔可以一啖食哂, 因為好大舊啊~

軍艦: 龍蝦沙律 & 蟹膏+蝦.......前者比較好味, 後者略為有d腥, 可能就咁膏上我唔太鍾意啦~

枝豆........oh~~~ 完全唔夠鹽.....一d都唔夠咸, 必須知道佢o既精髓係外殼d鹽分, 我地已經叫佢加多一次鹽嫁啦~ 但都係唔夠. 乜依家d鹽好貴咩??? oh no~

帶子 + 海鹽、蝦、加洲卷、天婦羅蝦, 全部都average之上, 好味..................

我覺得咁多間有名o既連鎖式壽司店, 佢算係保持水準得幾好, 特別係有時佢亦會推出一d special offer, 唔錯....抵讚!!!

Sushi only tasted average, may be because the fish weren’t fresh enough. I can’t understand why there’s always such a long queue outside this restaurant as the food quality was disappointing and the price tag is not cheap.
The most alarming thing was that I saw a fly towards the end of my meal, it hovered around the raw food (which was not covered). Despite the fact that it lingered there for ages non of the staff seemed to care or thought it’s necessary to cover the food. They even pretended to not hear me when I told them that there’s a fly hovering about on the food…… how disgusting, I’ll not go there again!