曾經風光過既一平安, 潮味已經不如昔日以往, 但味道其實比從前更好。 相比那些大brand咩堂咩王, 我覺得一平安最好。
沒有古零精怪既斜碗, 沒有誇張的市場推廣, 沒有特別裝璜既室內設計, 精神都落於湯與麵。 如果大家有留意的話, 全球既拉麵檔都喜歡sell個師傅, 係咩咩第幾代傳人, D麵係手造, 又呢又嚨。 我每次食拉麵都儘量迴避呢類市場炸彈, 免得混淆試聽, 過倒自己條利果關最實制。
先不談麵, 我非常喜歡同欣賞一平安的服務: 3個字, 有誠意。 我記得係銅鑼灣食Sanpachi, D夥計同我講英文, 我以為係日本人同佢講日文, 點知話我聽係尼泊爾人, 想了大半天也摸不著頭腦, 全餐廳只得1人懂廣東話, 究竟搞乜? 反之一平安成team日本人加香港人, 而日本人亦會盡力用廣東話同你溝通, 這才算誠意。 呢度既服務員無論日本人好香港人好都好有禮貌, 我會用專業尼形容。
鋪頭裝修舒服, 但悶, 無特色。 我記得佢敵人一瘋狂一入去全部N95幾禁eye catching(新港店), 呢度以為入左一澡堂。
今次我地叫左
豬腩飯, 出奇地好食過麵, 女友給我一淡, 好稔而且入味, 香料味足並非簡單一包味精能代替。
豬骨濃湯叉燒拉麵: 叉燒少硬, 紫菜襯托下湯顯得更濃, 可惜味精不少, 麵軟硬適中, 湯非常熱, 整體不錯。
串燒盛合: 第4次世界大戰, 這樣的presentation很難讓人接受, 味道不討好。

這裡的豬腩很出色, 想起台灣的曠肉飯的曠肉 (呢個字真係唔識寫) 味道非常相似, 應該係台灣被日本統治遺下的味道。

唯一不喜歡的是餐廳位置, 同埋座位有點不知怎樣的不太舒服, (其實空間感係好夠的) 個所謂的bar台反為舒服d。

係幾年前朋友既推薦下食過係尖東既一平安，係好食喎

時至今日見到美麗華商場既一平安有超過100個笑臉，

成日都想黎潮聖，

終於有機會黎試一試

係星期日8點後黎到都唔洗排隊

坐左係最埋面既2人座，傾計都幾好首先，食物夠熱已經係一個好優勝既地方

必點既係長崎拉麵，大大碗，香噴噴，熱辣辣

依然係以前既味道，有保持水準

拉麵上面有兩隻擺放得好有美感既鮮蝦

入面有各種蔬菜，腐皮，等等

最讚係個湯底，鮮味十足

友人都話湯底很鮮甜日式燒餅：呢個係呢餐既小食，

放既木魚一點都不吝嗇

鐘意呢個簡約既燒餅，

雖然入面無想像中既海鮮，但食落厚度適中

即使食左半個都唔會膩日式蛋包飯：呢個係友人點既，佢好鐘意食呢

個人都覺得幾好食，蛋煎得幾滑，上面落左茄汁

包住落左醬汁既飯同肉碎

但送哥個麵豉湯就好普通了但都係很滿意既一餐!呢度傾計同坐都好舒服

店員服務都唔錯,加茶很頻密,有禮認真

消費：$130

建議先訂位
但之前試過星期五晚淨係可以訂6,7點既檯,其他要WALKIN

跟友人shopping一天, 正在煩惱食咩好既時侯, 突然唸起好耐無去既一平安, 即管去博一博睇下有無位~
好彩只有兩個人, 好快就有喇... ^^ 太好~

水準仍然好好~
叫左一碗叉燒拉麵, 一碗冷麵, 串雞, 燒冬菇, 燒corn
食物好新鮮! 好味!

兩個女仔食唔到好多野... 不過好enjoy嗰度好靜, 可以好relax咁傾計!!!!

辛勞工作後，最高興莫過於食碗熱辣辣嘅拉麵啦！
每次都幾乎會叫叉燒拉麵食。兩塊叉燒，日本叉燒同廣東叉燒真係非常大分別。呢度嘅叉燒有d肥，不過食落一d都唔油膩。可以接受，湯底方面，好濃味，但可以少點油會更好呢！

睇到評分咁多good 先試下，食個時已10點幾，都要等左一陣先有位。

1.睇餐牌覺得種類不算太多
2. 叫左一碗雜錦拉面，但碗面好普通，無特別。
3. 再叫左日本燒餅，味同同街邊d 日式墨魚丸差不多，反而墨魚丸仲有墨魚好食d 添。
4. 仲叫左4串串燒（鹽燒豬肉，明太子雞胸，雞肉，xx雞胸）。但味道唔入味，雞胸又（鞋）。
5. 叫左一杯益力多石榴梳打，呢杯野就好飲~ 不過2x 元一杯，有d貴，size 普通。

另服務，都叫左一段時間先叫到人幫我地落單。但之後人少，會幫你裝下水等。

埋單：2人食，270元
唔好食，且呢個價錢唔值。

今期想吃日本拉麵, 幫人化完妝後與HONEY吃麵屋一平安, 拿着幾斤重的用具很想快快坐下, 於尖沙咀又覺得無地方好選揀, 就試試這裡吧!
肚皮在打鼓的關係, 快速點了兩個餐: 熊本豬骨湯拉麵配咖哩豬扒飯+ 豉油拉麵配豬腩飯
熊本豬骨湯拉麵: 叉燒方面，煮得不夠稔，而且只是全瘦叉燒，日式叉燒如果有一點肥肥的會更香口。麵質方面，彈力十足, 麵身都幾煙韌。湯底方面，不夠濃味，九州拉麵的賣點是香濃的豬骨湯，可是這家店的湯底略為淡味，味精味道比豬骨味更濃郁。
咖哩豬扒飯: 豬扒太稔, 吉烈皮立即吃是脆, 一般日式咖哩都不辣, 飯就稀稀地, 給他的評價一般。
豉油拉麵: 湯底太鹹, 鹽味太重, 跟之前的熊本豬骨湯拉麵一樣, 味精味道會較豉油味濃。麵質方面一樣，煙韌彈牙, 唯一讚賞的。
豬腩飯: 豬腩正, 一肥一瘦的豬腩好稔, 卥水味很重不鹹, 蚊得好入味。雞蛋半隻, 有小小卥水味的, 中間的蛋王不太熟, 有汁流出, !!

見到咁多人話好食 , 所以去試試,

order 咗個拉麵 , 湯底味道一般

日本蛋卷...... 無 " 一遊 " 既咁好食

燒魚......不過不失

經過又唔洗等位,都可以去食 ~~~

當天致電訂位，過程中店員尚算親切，估計是日本人吧，中英文並用地與我確認訂位詳情。其實閒日六時多店舖也有不少空位，相信WALK-IN 也可以的。到達時服務一般，不斷強調1.5小時後交枱及要主動叫才添茶。
店內環境頗為舒適，特別喜歡店方用紙托托起筷子，頗為美觀，不過有少許浪費紙張呢!
首先出場的是鐵板豆付，素來愛吃豆腐製品的我，與友人不約而同覺得太咸了! 是廚師重手了麼? 之後登場的鐵板拉麵，這算是整個晚餐較為可接受的一道菜，麵身較其他地方吃的淋身，幾滑溜，味道不俗。配料有酸薑絲、紫菜碎、椰菜及肉片。最後奉上的串燒，店方要求至少柯打3串，點了:梅子雞胸肉串、雞翼串燒及蘆筍肉卷。味道很一般，尤以子雞胸肉串最難吃，肉質非常鞋口及欠缺調味。蘆筍肉卷太過乾身，蘆筍無出面食開的juicy，朋友則嫌雞翼燒得不夠火喉。不好味之餘，翌日相信因這串燒而令我喉嚨痛起來了.... 為不美味的食物而喉嚨痛真不值得.....

總括而言，覺得這店只是地點便利而已，個人認為出品大多偏咸，只屬一般。未有機會品嘗其拉麵味道，可能應該留待下次試埋其主打食品才可作最後定奪既! 比多次機會佢，不過唔係我首選.

聖誕正日的一天, 個女友一起床便來這裏吃lunch.

1:45pm便來到, 竟然有很多空位! 也許大家昨天都玩得太晚了, 還未起床 叫了豬骨濃湯叉燒拉麵和辛味叉燒拉麵.

上星期才吃過一風堂, 今天再吃一平安, 正好來一個比較 !!

先來女友的豬骨濃湯叉燒拉麵 - 女友話叉燒好似硬左d, 豬骨濃湯夠濃夠晒味, 又唔會太咸 再來我的辛味叉燒拉麵, 反而我覺得d叉燒ok worr 辛味湯底辣味適中, 我唔係食太辣都接受到

d 拉麵感覺上比一風堂嘅拉麵再軟d, 但依然係我接受範圍內, 所以兩間嘅拉麵我都幾 like

仲有一個分別 - 一平安嘅拉麵會跟大大塊紫菜gaaa 有興趣可以睇返我一風堂嘅食評&相 laaa !!

今次特別映左個一平安拉麵嘅 close up 最後, 祝大家 Merry Christmas !!!!

星期五放假出開尖沙咀去試一平安.
之前見佢有咁多好評所以一直都好想黎試.因為係星期五既TEA TIME..唔洗等好快就有位坐.
裝修幾靚.好有日本居酒屋既feel.
見到個afternoon set.
叫左一個set (細)熊本拉麵$46+煎餃子$8個樣黎到個時都幾吸引.話哂見到日本人都黎食.
一食佢個麵.唔彈牙.好粉.
我覺得同味_拉麵差唔多.
個麵底整體黎講係味_個隻黎.
再講塊叉燒.我同友人都係叫左熊本拉麵.
大家一致覺得個塊叉燒係有陣膠味.
仲差過日本杯裝拉麵入面個塊肉仔.
咬左一啖就無再食埋佢.
不過佢個湯就okay既.幾濃.
可以讚既係佢用個隻七味粉.好香.唔似得味千咁樣無味,

整體個麵好唔吸引人食埋落去.本身諗住佢$46都算平.
但個質素就真係令人覺得唔值呢個價.同埋真係非常之細碗.
夾2啖麵就無哂.個set可以揀+唔同價錢食唔同既小食/細碗飯.
我叫左煎餃子,個餃子好油但就無煎到香脆咁樣,
個味普普通通.可以食下既.
而友人就叫左佢新出既炸蝦滑蛋飯(細)$+12.
試食左一舊炸蝦.非常地差.
好似食到一口炸粉咁.完全搵唔到蝦既肉係邊.
只可以感受到一pat粉入左口.
而友人不時要加豉油落個飯到.因為佢話完全無味可言.
service就不過不失啦.可能因為無咩人.所以佢地都唔係好active.

就係咁.食左一餐令人好失望既lunch(tea?). 一定唔會再去食.-_-