49
44
29
港鐵太和站 A 出口, 步行約12分鐘
繼續閱讀
開飯介紹
刺身新鮮, 壽司即叫即做, 飲品特品, 服務優良。
繼續閱讀
營業時間
星期一至五
11:30 - 15:00
18:00 - 23:30
星期六至日
11:30 - 15:00
17:30 - 23:30
以上資料只供參考, 請與餐廳確認詳情
招牌菜
事隔十年重遊富山，餐牌都是大同小異，食物質素有所提升喎，可喜可賀啦 ﹗隔離檯三條村民食到拍檯，阿爸阿媽加隻染金髮帶眼鏡胖虎。漏單遲上菜鬼殺咁嘈，要投訴就出去 cashier，勁滋擾呀﹗影響我心情。現時係我心目中大埔日本料理排名表，鮨一、旭川、御和亭、武藏、德美、板長、元氣、富山、爭鮮、岡本、八戶屋。香辣螺肉，厚厚醬汁包到半透明螺頭實一實，質地勁爽，但本身無任何味道，所有來自辣汁的呢，外購貨間間差不多啦，只求過過口癮的前菜小食。八色刺生盛，先來個精采既醒醒神先啦 ﹗八段錦，帶子、八爪魚、油甘魚、吞拿魚、海膽、甜蝦、北寄貝、三文魚刺生。帶子棉滑甜味濃郁，八爪魚脆脆嚥韌咸味可口，油甘魚淡淡然的魚脂味道，吞拿魚太冰凍影響味道與質地，三文魚沒什麼甜味呢，甜蝦的骰細細隻爽爽黏黏甜甜，北寄貝腍劈劈沒味道。刺生拼盤除帶子食得下外，其他都非常淡口麻麻地。海膽刺生，鬆軟微腥微鮮可接受，用脆卜卜紫菜捲住食加分不少。牡丹蝦刺生，終於有款讓我讚口不絕喇。大條黏爽濕潤，新鮮度不容置疑，沾上芥辣豉油更甜更鮮。甘香蝦膏塞滿蝦頭，大力吸啜盡收嘴裡去，津津有味。火炙芝士生蠔壽司，沒什麼味道的生蠔，炙完有點焦香，加上芝士咸咸地都入得口。芥辣墨魚軍艦，簡單是美，爽脆的墨魚鬚粒粒撈埋清香芥辣，辣辣的濕濕的十分開胃。蟹棒壽司，雪水味濃濃的蟹棒，一咬爆水，no good。鰻魚壽司，腥味濃烈，味道死實，搽上甜甜鰻魚醬都無補於事，質地乾硬，鰻魚乾？甜蝦壽司，正常的黏彈甜。腐皮壽司，激甜的腐皮，每口都釋放濃厚甜味，受不了。赤貝壽司，爽爽的質地，沒味道的。軟殼蟹手卷，其實軟殼蟹炸得好好喎，金黃鬆脆乾爽不油，又會無味道咁奇怪既？無蟹味無咸味，滾上芥辣豉油隊晒去吧。壽司及手卷既白飯好采全部都不黏不濕，雖淡口無醋香，免強合格。鹽燒鯖魚，不需技巧的菜色，只要時間不過火，都好少機會難食既。魚味特濃，魚肪甘香突出，脆皮包著結實滲著肉汁的嫩肉，做得好﹗牛油粟米，兩位美女都非常喜歡，甜甜的牛油加甜甜的粟米，飽滿卜卜脆又多汁，我都覺得煮理得不錯。辣酒煮大蜆，不知辣味從那裡來，七味粉嗎？沉實的 BB 辣，免強食得出，沒有酒香。蜆還未浸得過火，要快快食喇 ﹗肥美保有蜆汁，富彈性，可口清甜。牛肉火鍋，豆腐、冬菇、金菇、小棠菜、娃娃菜塞到滿瀉，等待上湯滾開就可以放雞蛋撈勻食得。牛肉火鍋，平價肥牛片，烚一烚都變到乾乾鞋鞋，過過口癮還可以。反而雜菜雜菇好好味呢，滑彈爽甜又多汁。
繼續閱讀
13/3 周年紀念日，與女朋友到大埔附近的日式和食料理屋食晚飯。鋪頭內人流不算多，見場內的枱大多也是空的，有點冷清。好處是不用等位。兩個人下單：栗米壽司，火炙三文魚壽司，軟殼蟹壽司，鰻魚飯，蟹籽沙律和鹽燒牛脷串，買單時總共$340 。首先是頭盤蟹籽沙律($40)蟹籽很多很飽滿，但是沙律醬味道不夠濃郁，青瓜絲切得很幼，很考刀功。總體來說有7/10。然後是鹽燒牛脷串($45)不太惹味，味如嚼蠟，牛脷燒得太韌嚼不動。3/10分 吉列炸蠔($46)的炸皮很薄，上台時也是熱騰騰的。但是蠔不夠新鮮，咬下去有蠔味但因其放置太耐而扣了分。5/10分 栗米壽司($12/per two)有一般正常的水準，不過不失。6/10分 火炙三文魚壽司($10/per one)入口即化，魚油在口中與芝士融為一體，十分可口。8.5/10分 牛油果軟殼蟹飯卷($68/per four)雖然吃不出牛油果的味道，但炸軟殼蟹的香配上特製沙律醬，一口咬下去很鬆脆香口。8/10分 最後是鰻魚飯($82)，比起一般的日本鰻魚飯，飯的比例比較多。醬油也沒有充份沁入飯團中。另外使用的不是高質珍珠米，煮起來有點兒糊了，所以沒有吃光飯。 但是鰻魚燒得不錯，醬汁比例合宜，甜度適量帶出鰻魚的燒香味。8.5/10 整體而言，不過不失。如果是想吃一頓還可以的日本和食，加上它不太高昂的價格，這間餐廳也是不錯的選擇。但如果想要品嚐精緻甜美的高級日本和食料理，那這間餐廳可能會令你有點兒失望。
繼續閱讀
又貴又難食食放題都抵過佢完全中伏！！！叫個刺身便當又貴又少個lunch menu 又乜嘢都無好心你唔好擺上抬啦得咁少嘢浪費時間浪費金錢完全唔掂呀！你計下條數食放題200 蚊d quality 鍾好啦
繼續閱讀
日本料理一向是我的最愛之一，簡唔中都要食一食一呢！今次就到了屋企附近的日式料理開餐去！富山日本料理在大埔區內已開了數年的時間，我也光顧了多次，但質素真的是有點走下波呢！雜錦魚生丼～魚生份量偏小，而且亦不夠新鮮肥美！很小魚生丼會配上蟹柳及玉子呢！😑滑蛋吉列豬扒飯～雞蛋算是煎得滑身，但吉列豬排粉漿卻十分厚身，而且一點也不香脆，像是炸了一段時間一樣！雜錦天婦羅～分別有蝦、蟹柳、茄子及南瓜等！味道普通沒有十分驚喜，不過不失！與舊日質素相比，真的是下降了，大埔區有更多抵食好味的日本料理選擇呢！
繼續閱讀
慢, 侍應態度差, 唔夠人手, 出野食勁慢, 等左35分鐘都未有野食! 另外, 係出面等勁耐位, 點知入面係勁多吉位, 只不過唔放人入去, 要人吹風, 我入去仲聽到個似係經理級既阿姐講, 由得佢地係出面等, 做唔切⋯ 連個大既都咁講咁唔重視d客, 好打極有限啦哩間野～ 索性執左去啦！ 我覺得富山個老闆應該落嚟睇吓啲員工點樣做嘢囉，完全唔係想同餐廳做生意，唔係幫餐廳賺錢，好唔明點解啲人會比好評，連刺身都勁耐未黎，真係冇嘢好講⋯⋯⋯⋯⋯⋯
繼續閱讀