見食評不錯. 相約友人來此試蒸魚及鵝掌等名菜. 結果是頗失望.
王亭之推介此處蒸魚, 也是吸引之賣點之一.可惜事與願違. 又一次名大於實之體驗.

1.紅瓜子班 六百大元. 魚肉頗滑, 但欠魚肉觧味, 只叫可以.

2.每人一份$188 45頭飽參鵝掌. 毫無驚喜可言. 老實. 45頭糖唔糖心算把啦. 很多食堂也有此基本水平. 飽魚45頭只係叫黎試下佢既水準. 結果反而慶幸冇叫較貴套餐. waitress行埋黎不斷問"係唔係好好食呢?" 友人回應"唔太好食",同台幾人意見一至. 冇死錯人既. 名大於實啦.

下面咁多人大讚既鵝掌, 真係普通料. 更好吃更入味的大有人在! 甚至只是翠園亦已能做出更出色水平. 大家真係未食過更好的鵝掌?

4.豉油王中蝦, 一碟10隻左右. 有幾隻極細隻. 偏咸. 不可. 普通大牌檔煮得更出色, 上桌時已凍. 極之平凡.

5.瑤柱豆苗. 又唔合格. 豆苗太老.(仲要係經理推介既菜類!) 而且本身係叫魚湯浸豆苗. 叫得幾個菜都可以錯. 唔係化?!唔好玩啦.

另送生果及喳喳. 生果正常.冇得好評. 喳喳普通.好稀...

本來第一次黎. book 定位. 去到時經理第一句叫我去3樓, 明顯係book左所以應該去. 之後又話不如坐樓下. 我地只係一心黎食野. 所以冇問題. 但地下環境頗嘈. 經理係樓梯會幾大聲傾計加有粗口. 好地道特色.

3人行共銀$1500. 以此價錢而言, 可有更佳選擇.我思考唔到理由要再黎.

樓下食友所言甚是.去鏞記好過啦.唔好玩啦.

約了幾個朋友飯局，來了富東～

環境唔係高級餐廳格局，價錢都唔係好貴，不過餐牌的價錢都係減左一半價，大家都唔想食鮑魚，只係點左炸子雞，鮑汁鵝掌，阿林炒飯，炒貴花蛑

大部份食物都係ｏｋ，但個鮑汁鵝掌要強烈推介，因為真係好好味，用金華火腿煮出嚟個鮑汁用嚟送飯係一流！

鮑汁鵝掌 食完中獎

叫左幾味送

波羅生炒骨 + 金銀蛋時菜+ 鱔糊 + 鮑汁鵝掌 + 蒸肉餅 + 唔記得咩

波羅生炒骨...甜酸有序...開胃醒神

金銀蛋時菜...皮蛋整到冇晒味...失左 金銀蛋的精髓

鱔糊算香口...不過我始終唔係咁like 食多骨的野

肉餅蒸到太老...冇左柔軟口感

不過成餐飯的重點係係佢的 鮑汁鵝掌

呀一鮑魚的徒弟果然名不虛傳

鮑汁味強烈...濃而不澀

d 鵝掌係呢d 上等的 調味 醬汁之下 燒灼醞釀至 軟滑熟透

入味之情度可想而知

唔好講話d 鵝掌...就算淨係食佢d 汁....

我都可以送到一碗白飯喇!!!

不過呢間野的強項除左 鵝掌之外...就係海鮮...

可惜我地剛畢業...冇錢食呀~~~遲d再尼食過!!!

挾阿一鮑魚徒弟之名而開,想必係好野!

不過今次我唔係食鮑魚,而係食一些小菜,炸子雞要了半隻,講真,其實味道一般,因為炸得太乾,雖然皮幾脆,但雞唔知係唔係炸太耐,所以無哂味同鞋口

炒桂花蚌都算有鑊氣,味道ok,不過百幾蚊碟都幾貴,份量唔算好多!但係佢一味菜已經要我俾個笑臉佢,就係個鵝掌煲,首先鵝掌蚊到好淋,口感真係一流!其次係個鮑汁真係好好味,送飯十分美味!芥菜舖底,一味菜已經令人回味,都可以想像佢個鮑魚都應該好好食,個鮑汁咁正,下次再嚟食鮑魚!

以下「ok」之作仍為上作，只欠驚喜。優作先排。

焗魚腸: Excellent, 果皮很香，不膩不腥，外脆內滑。平凡用料，上乘烹調。
鮑汁海參鵝掌煲: 鮑汁固然一流，鵝掌只得三只，入味非常，「淋」之餘，仍有口感。
海參薑蔥煲：海參軟綿綿的;薑蔥味濃。
杏仁茶(甜品)：依然出色，但比上回微微多了點苦澀味。
蟹皇翅：ok，蟹味香濃甜美、質滑。
豉油中蝦：ok
蘋果雪梨豬展湯: ok
砵酒蠔：乏砵酒味，不大喜歡蠔先炸過再焗的處理：外皮有點硬，內軟軟的，口感有點奇怪

除焗魚腸外，是夜精選為鮑汁撈白粥。

雖然富東最又名的是鮑魚﹑海參之類的高檔菜色﹐但是我們長期捧場的原因是他們的家常小菜出色。

上次老中青三代四人行﹐來到隨便點一些小菜啦﹐點了一份焗魚腸﹑蒜香牛利﹑瑤柱銀芽炒蛋﹑和必食的鮑汁鵝掌。

焗魚腸﹕外面很脆﹐內裡魚香撲鼻卻沒有魚腥味
蒜香牛利﹕雖然部份太"un"我外公不太欣賞﹐但係蒜味香濃﹐是一個中規中矩的選擇
瑤柱銀芽炒蛋﹕有意外的驚喜﹐那麼普通的組合﹐有一點瑤柱香加起銀芽的爽口﹐用蛋聯合﹐口感卻極好

必食的鮑汁鵝掌﹕鮑魚有名的地方鵝掌必定好吃﹐炆的剛好的鵝掌不會太淋﹐有口感﹐鮑魚店的鮑汁更加不用推介都知道是極品。最好就是附有芥菜﹐芥菜獨有的菜香平衡鮑魚的膩﹐剛好﹗

$128一份45頭加隻鵝掌!味道..十分好!上次已經大力推介個鮑汁鵝掌煲,今次真正食鮑魚,味道比上次更好食!鮑魚真係糖心,炆得都幾林!我好少食到咁富貴,所以鮑魚唔算好識食,純粹係自己條脷嘅感覺..不過我下次都係食番鵝掌煲..嘻嘻!

試左燴牛尾,都幾林,幾入味,重茄味,都係食番鵝掌煲好!

成年冇嚟食飯，再返嚟呢到食晚飯試下水準是否一樣，因為只得五個人嘅關係，唔可以叫太多嘢，有下面幾樣：
半份燉湯（＄４００要預訂）：冬瓜萬壽果燉螺頭雞腳，自問對湯水興趣不大，但都覺得個湯正，火候夠料足，因為用上冬瓜同萬壽果，所以湯夠清甜不太膩，煲完湯嘅螺頭同雞腳好淋又好味，點ｄ鼓油食好正，成碟食晒咁滯，淨係個湯都飽咗一半．
蒸藍瓜子班（一斤十四兩＄５７０）：未食過呢種魚，第一次食，蒸得有少少過火，魚身都算唔錯，但唔係太甜，雖然唔差，但下次都係穏陣少少叫星班好ｄ．
鮑汁鵝掌：好食，鵝掌夠身夠淋，炆得好入味，必食之選．
阿林炒飯（＄１８０）：睇價錢好似好貴，但其實絶對物超所值，飯用一ｄ好似蝦醬嘅嘢嚟炒，碟飯一炒好拎過嚟，己經見到師傅功力：飯不油夠乾身而粒粒分明，碟底只見到少少油，而醬汁均勻分佈每粒飯上面，唔太咸而又惹味，ｄ飯好食到一粒到唔淨。一碟飯可以整到咁好味，完全表現到中國烹飪嘅藝術．
杏汁蛋白：唔太甜而帶有杏仁嘅香味；唔鐘意食甜品嘅我都食晒．
其他重有一ｄ小菜同餐前小食，樣樣都ｏｋ．
一句講晒，好正！雖然價錢好似唔平，但絶對值得．

這間飯店標榜著阿一徒弟主理，似乎想走高檔路綫，賣的鮑參翅肚，價錢都很貴。不過，來這裏吃的，大部分都是街坊鄰里，如果吃家常菜式，則不太貴也可吃得豐富。午市更加平民化，賣埋碟頭粉面飯。

要了個牛腩炒米。大大碟的米粉煎炸至兩面都剛剛金黃色。煎炸的油够滾，牛腩連汁放上後，米粉的表面未有被浸淋，依然香脆，中間的粉則保持軟身，而且隔油時間足够，碟上沒有多餘的油。說得容易，這樣高水準的炒粉面底，現在已沒有很多酒樓飯店做得到。

牛腩也做得好，柱侯底，够火候，又入味。不過，牛腩有膠質，也不免帶一點肥，跟飯或湯麵較佳，配炒粉麵則感覺較膩。炒粉面都是用傳統的肉絲或牛肉炒更配合。

最近糖心風暴咁hit,今晚終於鼓起勇氣一試鮑魚了..

$128一份45頭加隻鵝掌!味道..十分好!上次已經大力推介個鮑汁鵝掌煲,今次真正食鮑魚,味道比上次更好食!鮑魚真係糖心,炆得都幾林!我好少食到咁富貴,所以鮑魚我唔算好識食,純粹係自己條脷嘅感覺..不過我下次都係食番鵝掌煲..嘻嘻!

仲未試燴牛尾,因為過左budget..下次試完再評!

叫左鮑汁鵝掌煲，炸子雞，炒菜心，XO醬桂花蝆，都不算是貴價野！我會極力推薦鮑汁鵝掌煲，因為個汁實在好好食，我叫左兩琬飯嚟撈汁，其他水準一般，不太差，鮑魚無叫到因為唔平，但係食個鵝掌煲已經好有鮑魚feel...

下次會試吓燴牛尾，張相影得正，不過唔知好唔好食...

平時夜晚行過清風街已經心思思，見佢claim自己係"阿一"從弟吖嘛，阿一徒弟喎！夜晚幾爆吓架。
咁食晏緊係冇食海味啦！咁义貴。。。

小菜就抵啦，淨叫$38，套餐$48，跟湯同２ｘ白飯，仲免加一，抵食喎！$92埋單

例湯冇哂，轉塞米魚肚羮，冇魚肚嘅？
魚香茄子煲，唔錯，但對面"仔仔"魚香蒸茄子更香口，又冇咁肥膩
果皮蒸牛肉餅，咪睇佢冇汁咁，其實好juicy

　上星期平日，又嚟咗呢度開飯，因為記得上次病到個人無晒心機兼無胃口，但竟然比佢個"富東炒飯"同埋個"海棠滑豆腐"call番個魂番嚟，連埋單尾個"蛋白杏仁茶"，簡直即刻醒晒，所以比起以前又加咗唔少分，今次繼續encore．
　其實初初幫趁時，都覺得佢D小菜係幾得，價錢同鏞記差不多，但可能今次坐樓下（以往坐上一層），覺得Ｄ服務明顯唔對板，覺得食得唔舒服，相比鏞記(已經唔記得幫趁過幾多次),無論係lunch"粥粉麵飯"，樓上飲茶，定係食晚飯，又無論你叫貴價野，定普通小菜，甚至乎追加碗"靚仔"，D侍應都會好好講聲"多謝晒"，兼且絕對唔會比面色你睇，對我而言絶對覺得貴都唔太計較（本人都幫趁不同大大小小老舖，有D老夥計係會粗聲粗氣，但會分得出只係佢地閱人無數，唔講無謂野，但唔係要踩低你個隻），總之我諗我唔係好想再幫趁呢間囉!!!

由於我奶奶同老爺係富東熟客,所以一個月都有三次係富東食晚飯.本人最喜愛佢哋o既鵝掌柚皮,燜得好好,亦都係我奶奶同老爺o既至愛.

富東有分三層,一樓同二樓係食普通嘢而三樓裝修有別於一樓同二樓,有VIP房,通常食貴價嘢,個肘子雞燉翅勁得,不過就貴咗o的,要$1800一煲,過時過節食無妨.佢哋會附送糖水比每人枱,一樓及二樓係喳喳,不過勁難食,好水,無豆味,我寧願去對面甜品鋪- 晶晶食好過,三樓糖水係熱杏汁燉蛋白,即刻係你面前做,好香杏汁味,好滑!!

豆腐班腩煲也很好味,但佢哋o既招牌"阿林特色炒飯"就唔係好得,又貴又唔好食,成$100一碟,又炒得耐,對上一次晚飯足足成咗成二個鐘,就係因為要等個"阿林特色炒飯".

清風街天橋底富東是另一間水準滑落了的酒家. 雖仍然標榜由阿一徒弟主理, 但近兩三年我都無見林先生在店內出現了.

班腩煲經常都好得, 但近年用魚無咁新鮮, 水準差了. 鮑汁鵝掌曾係必食之選, 早幾年差唔多檯檯都食, 鵝掌好腍起膠, 汁又好味, 送飯一流. 今時今日, 鵝掌仍然好腍但係汁就走晒樣. 今日食仲好似有陣油"益"味, 不復當年囉. 反為平價小菜鹹蛋涼瓜肉碎仍然不錯, 涼瓜爽口味道調和, 可見廚房都應係有水準o既. 飯後送甜品渣喳, 料足唔太甜, 不過不失.

此店尚有一牛尾煲, 食友們可以一試. 去年有個花膠會蛇羹、羊腩煲, 都相當好. 不過今年未試過, 留待各位食兄食姊發掘了.