晚上原本諗住去赤丸, 但係有點震驚, 9點幾都要排隊?! 雖然條隊得1,2個人, 但都知入面地方唔大.
講講下又有d 想食吉野家, 太耐冇去, 所以都係走上兩層

邊爐冇晒.. 真係可惜
叫左特盛牛肉飯同可樂. 依家先知得牛肉飯先有特盛... $33.5

碗飯就咁睇好似好少咁, 但食落又幾飽...
突然間覺得d 牛肉幾好食, 肥瘦適中. 肥既部份好彈.
開頭睇d 牛肉好似好少咁, 好彩都撈得晒碗飯.
7味粉... 以前覺得好辣, 依家哩d 變左獨立包裝, 落左成5,6包都仲係冇乜味...

天氣涼涼地，又想去打邊爐。不過是晚一個人，只可以選個簡單的。

之前試過大快活的火鍋，雖然很多料，又是牛肉又是豚肉，不過，個烏冬實在太不好吃了。令我想去吉野家，因為它的烏冬算是這止快餐店中最好吃的。

要了濃湯，因為以前吃過清湯，覺得比較淡。
份量很夠，其實如果兩個人，再加一份牛及一碗飯，都會夠吃。

唯是當晚的牛肉肥了點，不過都可接受，配上那個芝麻醬真的很好吃。

另，要讚一讚 APM 的 staff，見我手上拿著不少東西，主動幫我拿食物到我的座位。

很滿意的一餐。

天氣開始凍，我同女朋友係咁去打邊爐。

吉吉又出返火鍋，平平地一定支持，
不過印象中今年同以往既火鍋料有D 唔同：

從前：牛肉、鳴門卷、豆腐、菇A菇B菇C等等，而且仲有烏東同埋飯........

現在：牛肉、鳴門卷、豆腐、菇A菇B菇C等等.....但係就得返烏東 OR 飯比你揀.......
不過好似多左粟米同埋一個豆腐包包 : )

我喜歡濃湯湯底，貪佢甜D，用來撈飯一流

當然唔少得既係醬汁芝麻醬好惹味呢!!!!

主角肥牛都真係幾肥.....但諗諗下，平時吉吉D牛肉飯都係咁架LA.............

39蚊仲想點喎.......加多19蚊仲可以加一碟肥牛 TIM

(過期食評之四)

好耐無進行既例行工事，吉野家有親乜野新野我都總係想試下，見倒呢度有所謂既雞翼餃子，其實我自己都試過整過，一味出左名好花功夫既野，其實都好懷疑呢d快餐店可以整成點，答案原來係取巧，人地正宗果d要成隻雞翼好小心咁去骨，然後讓d餡料落去，呢度就咁切開，起走少少骨跟住就讓餡料，細隻到一啖就食倒一隻，兩隻跟餐加十一蚊，單買十五蚊，真係超級唔抵食。

5/08我最唔開心既一日....發生左一件事 我永世難望

男友過左黎哄我...順手去睇電話

睇完電話...我個人好肚餓因早上冇胃口食野

叫左個牛肉飯同雞雞飯 (外賣)

雞雞少左..而且好唔方便..分開2層..好難拎起..

牛肉飯好似同以前冇咩分別

可樂太多冰

服務既人好好..因為我下單時錯漏百出..佢都包容我

今日起身點幾. lunch 出街解決
整下哩樣整下o個樣出到去已經3點.
原本諗住食kfc 個19.8, 佢出左咁耐都未食過
但之前睇forum d 人話吉野家個烏冬好食, 所以都想去試下.
講真大熱天時食烏冬真係唔係好想, 但如果同朋友既話多數唔會去吉野家. 所以今次趁機獨個兒去試下
$18 一個雞粒烏冬, +$3 轉凍奶茶

個凍奶茶好多冰, 同埋好淡, 但求其啦, 口渴既時候咩都好飲了.
講返烏冬, 雞粒比較鞋, 湯係味精, 冇乜好飲.
昆布整得幾好, 仲係爽爽地, 未至於林晒, 好好咬口.
烏冬係有少少煙煙韌韌咁, 但未至於話好彈牙好好味.
以煙韌度同赤丸比, 吉野家哩d 烏冬算係咩. 所以我個人會喜歡赤丸o個d 烏冬.

當試過就算, 下次食返19.8

前日早餐食左呢個烏冬，呢幾朝都對佢0的烏冬念念不忘，呢朝好有誠意的特登走去再吃﹗

今次要左個雜菌海苔烏冬，都係配熱coffee $20﹗

烏冬質感同味道都依然係咁好彈牙煙韌又有嚼勁，早上我覺得吃呢個雜菌烏冬比起牛肉雞肉等叫做更健康，始終一早起身就食肥牛個心總是有0的過意唔去似的﹗

雜菌有金菇、秀珍菇等，清清的是吃得出的鮮菌味，配烏冬早餐吃來不會太油太膩，好吃﹗

今日行開apm, 下午來左呢度食tea兼坐下.
叫左野菜煎雞飯. 煎雞的雞皮有點脆但脂肪很少, 雞肉味欠奉. 那個汁十分杰, 但味道怪怪味的, 甜得來又有點假, 多年以來也未見改善.
以可以填飽肚又便宜的標準來說, 肯定及格; 但以美味的標準來說, 還有很大的進步空間.

吉野家 由細食到大 一直鍾情於佢既牛肉飯

覺得佢既煎雞飯奇難食 其實佢D雞係冇咩問題 係個汁超難食啫

我叫咗和風牛肉飯套餐(大$23(原價$28 不過有cupon)
唔洗多諗 次次去親吉野家都一定係食牛肉飯
水準keep到 牛肉夠肥 但唔會肥到好溜好濟
而且數量多 唔會唔夠喉
洋蔥唔多 合我胃口 雖然我都會比曬Ｄ洋蔥媽媽
最怕唔夠牛肉汁 但係今次夠 夾埋Ｄ珍珠米食 正！

媽媽要野菜煎雞飯套餐(大)$23(原價$28)
因為佢生痱滋 怕牛肉毒 所以食雞
我試咗舊雞 雞皮脆脆的 脂肪唔多
可惜有雪藏味 同埋D汁真係好難食
媽媽都話牛肉飯好食好多 不過生痱滋 冇法啦
媽媽飲麵豉湯 我都唔明麵豉湯有咩好飲 得個鹹字 重要係超鹹

和妹妹逛完街,又肚餓,於是去了吉野家食午餐啦!妹妹叫了細的野菜煎雞飯,我偷了一件雞試,皮煎得幾脆,雞肉嫩滑.有少少配菜感覺健康一點,泡菜微辣用來送飯啱啱好,加了6元換特飲,飲品有好多雜果加埋有汽的汽水夏天飲真的好消暑,

我要的蟹子三文魚飯,三文魚加埋蟹子,再加埋芝麻和芥苿醬,真係好好味.每次來到也必點呢

今日第一日出品, 放工後急不及待地湧去 apm 分店，
好辛苦咁上到頂層，二話不說要左

野菜饅魚飯 $35　
大大件既饅魚同青青綠綠既野菜放係大大粒既珍珠米上，令我食慾大增　
，再加上甜甜饅魚汁，好開胃呢　～　

以呢個價錢實係抵食次作

30/8探完麻麻又肚仔餓,最好和妹妹去了食下午餐.今次點了海苔珍菌米粉($15)加6元要了草莓梳打.先講這個米粉配埋海苔真係好好味,清清地不錯,至於草莓梳打起初飲好甜,等一陣再飲無乜味道,再加埋我唔喜歡有蘆薈,所以唔太喜歡飲呢

近日成了夜間動物, 而且不太喜歡吃白飯, 所以常會在家庭晚飯後偷溜出外夜宵~

昨晚吃過烏冬, 想吃餃子又售罄, 惟有跑回吉野家吃

這間逄五, 六都有夜宵套餐供應, 始終吃夜宵不太健康, 而且會叫人發胖, 所以不能heavy

叫了牛肉米粉+$6 特飲草莓梳打

米粉是正常size沒錯, 不算細碗, 夜宵來說分量足夠有餘

但牛肉分量真是超級超級少, 只得3-4片, 吉野家未免有點吝嗇

米粉的湯是少許味精加大量清水, 無所謂, 有七味粉調味~

牛肉是相當好吃的, 但我只吃了一塊, 餘下的留給男友吧~

其實男友也吃了一半米粉, 早知應該叫$25的普通牛肉飯, 感覺較化算

至於飲品, 沒什驚喜, 七喜加草莓醬, 無草莓香味, 但味道還可以, 有椰果, 好咬口

好食既~
一個招待菜就可以起家
吉野家就係一個好例子

牛肉飯有幾好味~
都唔洗我多講啦
一定要加牛汁~~
好味好多架~!
下午茶十六蚊有個"細牛"~
都算幾好啦~~

其實午餐既話~
有個飯都好好味~
唔知你地又有冇食過呢~
三文魚蟹子~
我午餐經常食的~~

ps: 我鍾意加雀擰，女友話茶飲完好舒服~

仲有~食完落下muji 丫~
野食特價中~!哈~

之前同兩個FRIEND行完街喃住番屋K
跟住突然喃起屋K冇人
就同咗佢地去吉野家吃
我吃咗雞扒飯
就系D雞扒好似有少少吾入味
不過D飯都OK好味GA