見大家對喱度既評價都唔差，為食團今晚專程黎試一試。
１。豉椒炒蟶子：麻辣味好勁，有些少沙。
２。蒜蓉粉絲蒸扇貝：蒸到岩岩好，好味。
３。沙拉骨：煮到好入味，肉好嫩。
４。潮州拚盤
５。咸魚雞粒豆腐煲：熱騰騰，送飯一流。

Honey話要去銅鑼灣shopping，我立即話去祥正? 為食啲佢即時舉腳讚成~ Yeah!

因為下就同Honey一齊洗車，勞動左成2粒鍾，勁肚餓呀！6:30已經到左銅鑼灣，不如食飽飽至行街啦~因為我係九龍人啲關係，好少過海，所以都有成2年冇黎幫襯，心唸”仲響到掛?” 到左鵝頸橋街市後面見…嘩！擺滿枱呀!望遠少少…仲響到~不過6:45已經坐左一半枱有多啦…真係旺場~

一坐抵已經”唔該先黎一窩泥猛粥” 一面食粥就一面叫左豉椒炒蜆，紅燒乳鴒，薑汁芥蘭

泥猛粥大約10幾年前我朋友帶過我黎呢到食過，從此愛上；雖然我唔係熟客，但一有機會都會番黎幫襯，而每次都會order啲就一定係泥猛粥；一入口，果種鮮味就立即充滿左個口腔裡面，泥猛啲鮮、果皮啲香、再加上細細粒啲冬菜粒、軟綿綿啲粥底，泥猛肉完全溶化哂響D粥入面…而且食到尾個粥都唔會出水，確係水準之作！

豉椒炒蜆D蜆好新鮮，冇一隻唔肯開口；辣椒同豆豉啲比例啱啱好，好鬼惹味~個芡汁唔多，但係就完全黏住響隻蜆上面，師傅炒功一流呀！

紅燒乳鴒好耐冇食過乳鴒，呢隻比記憶中的乳鴒大隻，不過D肉質又唔鞋啵，係個外觀肥膩左少少，所以我食左好少啫，大半隻鴒係我honey隊哂~

薑汁芥蘭話明係薑汁芥蘭，但係就變左做薑粒芥蘭…一睇張相就知D芥蘭幾咁”爽”口啦，又9唔答8咁多左D蒜蓉啵…廚房入面有個post叫”針板”，我honey話可以炒得(炒左個”針板”呀，唔係條菜)，D菜切都唔切下，成棵樹咁，點食呀? 個師傅又炒得鬼咁”爽”口，呢碟菜完全唔合格呀！(仲要漏單呀！)

伙計啲服務都OK，最起碼有番D禮貌，一叫就應，唔似我上次幫襯果間大牌檔咁，離譜到一路煲煙一路做野(e~)；幫我地落單個亞姐見到我地碟菜未到就主動追單，呢D先至叫服務嘛；至於衛生情況就好似一般大牌檔咁，不過不失啦~

會唔會再黎? 唔好玩啦，幫襯左over10年啦~

與朋友暢遊東涌，行程由行山改為行街，荷包有損之餘又打亂了做運動減肥的計劃，不過良朋友共聚，齊齊吃喝玩樂，豈不快哉！血拼完畢回市區，想起雜誌介紹的鑊氣小炒，躍躍欲試，難得友人也附和，於是同到祥正開餐。小妹對廣東菜如品茗和和小炒自小有份偏愛，早上總覺吃碗暖暖的白粥比硬巴巴的麵包窩心，晚上舉家圍著幾餸一湯，彼此的感情不言而喻。雖然香港新奇的食品層出不窮，但回想在外留學日子，心裡惦記的還不是傳統的廣東菜，所以小妹總覺得一間廣東食店要留得住人客並不在於她有多少花招，而是有多少誠意做好本份，令人賓至如歸。

也許是受到雜誌介紹的影響，對此小店已存好感，食物入口後更覺是水準之作，此行真是滿足。這次我們一行三人，叫了小炒王、八珍豆腐煲、蒜蓉蒸蝦和豉油王炒麵。

小炒王幾乎每間飯店必備，作料各有不同，味道也參差不齊，祥正的鑊氣夠不用說， 材料豐富且配搭得宜，有枸菜花、花枝粒、蝦仁、菜脯、腰果和草菇等，雖似是把頭頭尾尾「炒埋一碟」，但吃得出用料新鮮，是小妹全晚的最愛。

豉油王炒麵也是水準之作，味道好，鑊氣夠，雖只用上一般送粥的全蛋麵，但比越華會的銀絲麵更能平凡中見真章。

蒜蓉蒸蝦也很滋味，蝦新鮮，蒜蓉也很惹味，只嫌份量略少。


很久沒吃的八珍豆腐煲作料豐富，豆腐也頗嫩滑，只是味道太咸了些。

話說今晚老友睇完屋企人之後就相約來呢度食飯喇﹗

一行四人，雖然熱得交關不過都堅持要坐街，這就是煙民之苦了﹗

先來個椒鹽九肚魚，呢樣魚我一向都接受到，當然係因為炸過啦，炸得金黃酥脆，魚身一咬即化，入口無魚味我最鍾意﹗今次食左兩條添﹗

再來半隻招牌鹽焗雞，雞都幾大隻喎﹗仲要件件都啖啖肉，夠哂嫩滑，皮下脂肪很少，蘸0的薑末來食，好味道﹗

辣酒花螺，細細粒的不過肉質好爽好鮮，都係0個個問題就係唔螺唔算好入味，個汁係辣係惹味不過只有挑粒肉出來再蘸番0的醬食啦﹗

蒜蓉蒜蟶子，雖然唔係咩大隻貨不過隻隻都好飽滿，最緊要係無沙，蒜蓉粉絲又多，好味﹗

點左個泥鯭粥，我就唔太敢食喇，佢地話好鮮甜0的肉溶化哂0係粥入面喎﹗

最後要多個菜同埋京都骨，京都骨阿姐熱情推介不過味道很酸很醋味，麻麻吧﹗

整體食物又比上次來吃好左好多，好味﹗

加多幾支啤酒埋單$500，合理﹗

無試過所有餸菜都感到滿意的...... 點了豉椒炒蜆, 蒜蓉蒸中蝦, 炒白菜仔, (本想叫豉汁蒸帶子, 可是已賣哂了), 改為蒜蓉粉絲蒸扇貝.

炒蜆濃味夠辣, 味道剛好. 全碟只有一隻是不開口. 在其他店好耐無食過咁夠味的炒蜆了. 中蝦十分爽, 都幾大隻. 白菜仔不油, 炒得剛好, 不會太林或太硬. 扇貝上的粉絲入哂d 汁既味, 同扇貝一起放入口, 真係一流啊.

店員服務有禮貌, 又不收小費. 唯一要彈的只是坐得不太舒服, 因為是坐在街邊食的. 不過對於第一次坐在街邊食飯的我, 感覺好特別, 又有風味啊

想起好耐都無去食大排檔，於是行去呢度﹗就係祥正飯店﹗感覺好似好耐無來呢﹗

蒜蓉開邊蝦，個高佬待仔激烈推介，又話咩招牌菜又話咩人人都叫又話咩唔食過會後悔等等.....

蝦細隻開邊，睇落八隻都無，蝦身蒸得過老不爽，肉質綿綿的﹗收我一百二十蚊﹗你地好野﹗

自從我落手下廚之後，而家食飯成日都會諗番如果0係街市買會值幾多錢，呢0的蝦街市臨收工我買過20蚊一斤仲要大隻過佢﹗唔抵呀﹗下次記住唔好叫.....

再來一個辣酒煮花螺

貝殼類好似帶子呀、蜆呀、扇貝等所有野我一向都好鍾意食﹗螺呢家野係好味不過當然最麻煩就係要挑0的肉出黎，對我呢0的連掃個地都懶的人來說真係十分超級麻煩﹗整到成手dirty哂﹗

第一次0係呢度食，螺很細隻，同出面食的差成倍size﹗

開始嗜辣但怕辣的我覺得一0的都唔辣，完全無辣味亦都無酒味，所以我美其名只能叫佢做豉椒炒花螺﹗不過肉質爽甜彈牙新鮮﹗總好過0的蝦.....不過辣酒唔辣就真係差0的喎祥正﹗

最後唔夠飽整多個椒鹽豆腐，呢樣簡簡單單味道就保持水準了﹗惹味夠飽肚佐酒一流﹗不過我都係鍾意出面食會切到一粒粒，呢度成舊磚咁大舊送酒唔夠自然﹗

好似比當年差左﹗

星期六，夜晚同朋友到銅鑼灣食祥正

兩個人就係食左呢三樣野，炒蜆、扇貝及蟶子，扇貝仲要意尤未盡order多一碟

開頭食落真係好好味，不過再要多一碟的感覺就變了好油膩

加多兩支大啤埋單一人一百蚊，抵啦，咁多貝殼

那天朋友帶我去的一間大排擋,也是我第一次坐在街外進食晚餐,不要以為在街邊進餐是沒有乾淨衛生,那種風味真是一試難忘,雖然是熱小小,風是大小小,但那裹出品的美食實在蓋過一切.首先是蒜蓉開邊蒸蝦,蝦是新鮮的海中蝦,蒜蓉同油份量恰到好處,油不會太多,蒜蓉亦不會蓋過中蝦的鮮味,其次是豉油王炒面,芽菜爽口炒面彈牙,豉油也不會太多,真是值得一試,之後登場就是豉油王吊桶,難得這裏還用上新鮮的吊桶,醬汁亦剛剛好,唔會太咸,如有時間一定會再試一次

今天特地去試泥粥，一小窩呈上來時軟綿綿，見到拆了肉的泥，點綴了小小的冬菜很是吸引！可能期望太大...有點點失望！泥沒有那天果皮蒸的鮮味，只是合格而已，避風塘喜記做得比裡好。
幸好叫了一個豉椒排骨炒米粉，這個不得了！米粉做得很乾身，表面是金黃色的，每條米粉都被那豉椒汁包庇著，味道濃烈又有口感。排骨鬆化美味，對於這個米粉．．．我實在無話可說，是我所吃過中最好的．
另外加追了一個醬爆白鱔片，可惜是鱔片切得不太厚及有小小碎骨，味道是可以的．

聽說此店的泥猛粥很不錯,特來一試...很可惜已售罄,惟有試其他出品.
我們2人點了4個:
果皮蒸泥猛: 鮮甜! 雖然做法簡單,但令人回味無窮.
避風塘茄子: 上碟時見到不是滿佈炸粉那一種. 還可以清楚見到深紫色的外衣.外表吸引,味道不錯.
京都骨: 夠味鬆化, 不錯的選擇.
潮式併盆: 自選紅腸,豆腐, 墨魚及雞翼. 好!
下次一定要試泥猛粥

雖然這裡的衛生環境不是很吸引, 但很有大排擋的特色, 價錢又經濟. 海鮮很新鮮. 炒蜆, 蒜蓉蝦, 泥猛粥, 鮮魷都是每次必叫的餸菜. 也喜歡這裡的粉絲蒸水蛋, 很滑.

不過廚師落油較為重手, 要多喝幾杯茶來解油膩.

2005年9月19日

行完淺水灣，發完傾城之戀夢(新傾城之戀爆到七彩，買不到票)，出銅鑼灣晚飯。

六時多不是很多人，我和x2三時多才吃下午茶，肚子還很滿，只叫一個套餐:
蒸扇貝- 6隻小型扇貝，但味道不錯，蒜茸豉汁撈飯好食。
鹽焗雞例牌- 薑蔥汁幾好，雞呢- 雪雞肉質較散和無味。
腐乳通菜- 好好味，菜嫩，腐乳汁惹味，炒得夠火喉。

31白飯，埋單$100，咁平仲想點。

旁邊的檯又蜆又蟹又螺又蝦，好似好好味，今日戰鬥力差，下次再來吃一大餐。

一個偶然的晚餐聚會, 朋友帶在大街小巷一嚐大排擋式的海鮮晚餐, 食店共有兩個鋪位, 伙計安排到比較隱蔽的一邊, 朋友先點了蒜茸開邊蝦和炒蜆, 開邊蝦肉質新鮮爽口, 蒜茸亦同樣香口討好略嚴蒜茸味道過重蓋了開邊蝦的鮮味. 炒蜆肉質不錯但同樣是豉椒味道重了一點; 在附近的酒窖買來一支匈牙利白酒相伴但相比之下還是喜歡新西蘭的出品, 再來朋友點了一個粥品和白灼肥牛, 粥品中帶有點泥猛的香甜; 白灼肥牛好像有點失色, 肥牛表面十分滑口但牛肉味道輕清; 吃了四個菜式尚餘下小半支白酒, 再加蒸了一對掩仔蟹作伴襯, 掩仔蟹體形較細但肉質嫩滑討好, 蟹糕亦比想像中要多用來下酒是一個不錯的選擇. 酒過三巡已在半醉之間.

外表只是一間大排鐺,真的好耐歷史.是我其中一間由細食到大的食店之一.不但小炒了得,最出色的是蒸海上鮮.門口放了不少魚,蝦,蟹給客人選擇.每一次都一定會食泥猛粥,白灼肥牛,豉椒鵝腸,手頭鬆就會叫過蒜茸開邊蝦,手緊就食過油鹽水泥猛,或食炒蜆.相中是白灼肥牛,沒有加工,灼熟就上碟,好食就要睇材料啦,原汁原味.有機會要試下.