男友駕車帶我同佢家姐、佢甥女去呢度食午餐，佢黎過一次就成日話要帶我地黎‧
因為今日係星期六而且時間仲早，車可以直接泊入去，不過係星期日就會泊滿晒。
入到去就見到柵欄下有一遍草地，養住四隻羊羊。
佢地見到人就會衝上黎柵欄，男友的甥女超鍾意同羊羊玩。

玩到咁上下就有東西食，因為平日得老闆娘一個所以人手不足，食物當會慢d。


這是我點的:
鮮奶奶茶 好滑的奶茶，好好飲!!
餐蛋麵 餐肉好正，是一塊一塊圓型的餐肉呢。
芒果布丁 因為用了新鮮牛奶，所以超滑!!超正!!

男友跟姐姐點的:
鮮奶咖啡 佢地都好話超好飲。
回鍋肉米 好味!荀片好爽脆!!
薑汁撞奶 即叫即撞的，而且超滑!! 每食一啖都不會一個洞一個洞的，而是慢慢陷下去。呢d先係即撞的薑汁撞奶先做到。


雖然山長水遠，但剩係食環境同食物，就值回票價啦!!
呢度休休閒閒的感覺，可以消磨一個下午!!

原本呢日係同朋友去大欖郊野公園燒野食,點知比我地發現呢個好地方,二話不說要試一試呢到D招牌野.

餐蛋麵: 老實講冇特別,不過有趣既係呢碗麵放左係呢個地方,方圓十里都冇埋食,而且天寒地凍,食到呢碗麵我先至知咩叫做甘露

薑汁撞奶:奶味好濃,但薑味略嫌唔夠,如果再多D薑汁同再熱D就100分

雪糕我未試,因為當日太凍,待天氣回暖番我會再去試

順帶一提,雖然看似小本經營而且地方比較簡陋,但係人情味濃,好有鄉土氣息,對於見慣高樓大廈既我地,呢到絕對係一個可以好好放鬆自己既地方

回港後第三天，正式開始私人活動，節目是遊「濕地公園」。
山長水遠由港島去到天水圍，到達時已是十一點多，終於到了，吓！今天休息？#＊XYZ
都是怨自已無check清楚，不過原來有好多盲毛和我一樣摸門釘噃
細路嗌肚餓，惟有在天水圍食個lunch先，跟住計劃如何消磨這個下午。

忽然想起新界有個牛奶農場，知是立刻打電話給朋友，叫他在網上找地址電話。
今次我冇咁笨la，打個電話去問吓有冇開先，亞姐話日日都開到六點，重教埋我點去添。
事不宜遲，馬上去錦上路轉的士，司機大佬都唔識路，好在我以前睇過食評，知道路口有個巴士站零零舍舍在行人路裏面，否則都幾難揾。其實路口對面就是石崗軍營，有兩名解放軍站崗，好易認。如坐巴士，在「石崗軍營」站下車便可。

沿引水道直入，行二十分鐘，經過兩個燒烤場，再過埋公厠便到。

地方很簡單，兩三座平房。看不到牛牛，聽講話啲牛養在山上吃草。門前有大片空地可泊車，旁邊放了三兩張枱。今天是星期二，遊人不多，感覺很優閒自在。

在小賣部買了兩碗薑汁撞奶，一碗燉奶，一杯芒菓雪糕和一杯奶茶。薑汁撞奶是即撞的，兩三分鐘便凝固了。選了一張枱坐下，開始試一試這些評價甚高的甜品，是否真的那麽好。

將一匙薑汁撞奶送入口，啊...乜奶可以是咁香ga ？這裏的牛奶和超市的行貨真是兩回事。
奶中滲着薑味，辛辣香濃共冶一爐。個人喜歡勁薑，不知下次可不可以叫亞姐多落薑汁呢？

喜愛單纯奶味的一定要選燉奶了，它比薑汁撞奶杰些，但一樣香滑無比，而且吃到底都冇出水。

十五元一杯比「蓮花杯」還小的雪糕似乎贵了些，還笑女兒來到這麼遠食雪糕，但試過女兒的雪糕後，才知錯了，那種清甜的味道告訴你它是用新鲜芒菓做的:，與市面的貨式完全不同。奶茶我沒有試，但半唐番的侄仔頻說好飲。

顛簸了一天，能坐在這裏談談笑笑，吃着美味的甜品，可算不枉此行。若沒有來過這裏，我這次香港行將會失色不少。

今日CHRISTMAS, 仲以為佢會唔開或者收早,,哈哈, 我事先打去問, 原來佢話XMAS 假唔休..營業時間一樣.

我們一行三人下午出發, 去左錦上路西鐵站, 再搭72 小巴, 總站下車, 仲耍行十幾分鐘至到,
一坐底即買燉奶兩個, 薑汁撞奶一個, 芒果布甸..呢D 都係招牌,緊係必食 喇叮..我食薑汁撞奶,
感覺一般, 未有咩大驚喜..之後嘗了媽媽既燉奶, 真係好囿滑喎.驚喜呀...連亞爸都要叫多碗.

.芒果布甸其實都幾好食, 但如果以價錢相同$13同燉奶比..咁佢都幾貴..燉奶底食D lo..


見到d人碗餐蛋麵好似真係好正咁, 餐肉好大塊..可惜太飽,下次要主打呢個麵..
臨去走買多包全脂奶$12.5回家, 第二日飲, 唔知點講, 我覺得同其他牌子真係唔同喎,好飲d, 鮮味d, 但貴左d..

一共$64.5

To be very honest，我無去過北海道，不過看得多旅遊書介紹，印象中她是美好的，起碼食物新鮮、獨特，地方乾淨夠郊外feel，間中仲會見到牛牛+羊仔四圍走，氛圍寫意。

唔知呢，來到農場鮮奶第一個感覺便是這樣。

因工作關係，是日到了這地遊走。感覺別有洞天，仲有個小草地養了幾隻黑色羊仔，我看著同遊的model好開心咁跑去餵佢食草，令本來思緒沉重的我樂得開懷。

知道農場鮮奶的奶品出色，一口氣叫來全脂和脫脂，另外柯打了芒果布甸、燉奶。

我是愛奶之人，所以全脂牛奶最o岩，入口濃稠，奶味香而不羶，喝後滿口香味，好喝！脫脂相對地稠度、奶味遜色，但也奶滑不俗。

燉奶...... 不吃！我從不吃熱奶品~ 但model說滑到不得了~

芒果布甸就一流！記得小時住香港仔，常去金滿樓飲茶+吃她的芒果布甸，那裡的果肉很多，果味甜味自然，是現在很難吃到的。在農場鮮奶就讓我尋回昔日滋味~ 啖啖果肉，味道清甜，不加奶也好吃。

有機會去開/ 行完山，記得去一轉咯~~ (仲可以睇埋附近的駐港解放軍營tim~ ^^)

多謝 '為食夫婦+肥冬' 帶我去呢個咁難搵的地方食好野

因為肚餓, 去到即叫碗餐蛋麵! 唔知係咪因為肚餓呢? 我覺得呢碗麵好好味! 特別要讚果兩片煎到香噴噴的餐肉, 連我平時不太愛餐肉的也覺好味! 唯一要彈係隻煎蛋過熟! 下次要叫佢 '太陽蛋' 先得!

點知四個為食鬼! 食完碗麵未夠飽, 叫左燒賣同埋茶葉蛋! 燒賣我覺得好難食!

去到重點喇! 雙皮奶, 香滑, 奶味濃! 正~~~另外朱古力雪糕超正! 下次要帶定保凍袋去買d返屋企慢慢嘆先得!!

下次去試埋芒果布甸同埋薑汁撞奶先~~

又越過高山,又越谷....
坐巴士再轉的士,再行走15分鐘....
終於搵到呢間穩世小店~~
傳說中的薑汁撞奶我來啦!!!

原本老板娘會好神祕咁在廚房裡面撞...
係唔會俾你睇到吔....
拎出來就叫你等2分鐘.....

1,2,3,4,5,6,7........
我: 食得未吖??
男朋友: 好似未得....

1,2,3,4,5,6,7........
我: 食得未吖??
男朋友:........你食囉..........
我: 好似未得.....(食落去)...........
我記得睇電視suki話燉奶好味d~~
唔該~想要多個燉奶~~呢個留俾你吖~~

燉奶好味好多~~夠香夠濃~~
又唔使等~~~哈哈哈哈~~~
芒果布丁都好香奶味~~可以一試~~
去嗰度一定要一試的當然係餵羊啦!!!
highly recommend姐姐同bb~~~

近月身體唔好.
去大自然玩下...的奶淡淡地...都幾正
餐蛋麫即煮..好熱..好餐蛋又脆
外賣布甸都好足料
呢間店好正...又做下運動.食下野.....

"good...goood...goood....goood" , 飲牛奶既聲音, 近日被某大牌子既廣告渲染了....我們遠征完甲龍古道之後. 到了雷公田/甲龍村. 尋找是次event的第二站, 農場鮮奶.

大家大概經過了近三小時的暴走, 除了左大帽山公園小憩外, 便腳步不停的, 為了我們的目的地, 農場...

在葛場門口不遠, 有一個小玨燒烤場, 有公廁有其他, 大家倦了, 入去補充體力前, 先梳洗一下. 再入去農場既小食亭, 會合行頭的一大班朋友. 一入去, 領隊之一的Joe, 己高呼大叫, 呢度有位.

各人喜歡食乜飲乜, 各自攪掂. 有人叫一大支1litre, 幾個人分, 有人整個燒賣雞亦. 仲有胃力的一些, 黎多一客田園公仔麵. 我們在這兒, 邊等行甲龍林徑的另一team人, 邊佔著人家的地方, 實行慢慢食.

我呢, 首先是雙奶, 一杯鮮奶, 同一個凍雙皮奶, 鮮奶要了全脂, full cream的奶, 是最原本, 只經消毒處理的純奶. 是不是不太commercial的原故, 這裡的鮮奶, 比外面任何一間full cream 鮮奶, 更濃香滑. 相信係香港, 除左呢度, 沒有可能飲得到咁鮮味既奶.

飲奶, 仲要食奶, 一碗雙皮奶, 等住我去食佢. 這次, 第一次感覺到, 義順被比下去了, 這是我食奶咁多次, 最有奶味, 最 cream口的一碗. 不過, 行到有點熱, 實不想食熱既炖奶. 熱既應該更好食.

之後朋友子陵兄拿來一份茶葉蛋, 同一杯仔農場自行研發既雲呢拿雪糕. 茶葉蛋, 夠濃夠入味. 大家笑說, 不知此農場有否養雞, 若是新鮮雞蛋, 更正. 冰淇淋, 奶味太重, 搶走了雲呢拿味. 雖然夠Creamy, 但有點過了火.

在等朋友食埋個麵才走時, 飲水補充水份之餘, 我亦要補一補咖啡因啊. 鮮奶咖啡, 用咁creamy, 咁新鮮既鮮奶沖咖啡, 盡管只是雀巢咖啡, 用上熱鮮奶沖, 感覺甚是不同. 加少許糖, 充滿奶味的咖啡, 又暖胃, 又提神.

Team 2 的朋友先行離去. 而我們Team One, 再行埋落上村. 去尋找是日的第3站....以前為了服務軍營而開的公路西餐廳.

由川龍行山徑徒步到雷公田的路段，約花數小時的腳程，這時一眾行山友人，都略帶倦意，幸好攪手們預先計劃了路程，大家再行多一小段路，繞過大欖的燒烤場後，到達甲龍村這「農場鮮奶小食亭」稍作歇息。

事先張揚的賣點，是這裡的大部份食物，都由附近農場供應的鮮奶和雞蛋所製造，效遊者的心態總是心廣體胖，坐下後二話不說，立刻來一杯其自家的牛奶，呷一口鮮奶，果真既濃且滑，雖然是入了紙盒，相比超市的大牌子，直覺少了很多不必要的添加物，總覺新鮮了一點。

食友D另有一番意見，他用日本北海道牧場的新鮮牛乳比較，說這裡的濃香度都遜了不止一籌，但問心一句，本地貨的質素也實在不差，自己未去過日本，但論兩者的成本和代價，這樣的比較欠了點公允。

另試其他牛奶製品，有燉奶和薑汁撞奶兩味，論軟滑程度，又勝於市區所謂的名店，另外用這裡的牛奶來沖製咖啡和奶茶，也多了兩份滑口和奶香，自家製的雪榚則差了一點，口感不夠軟滑，奶香倒算重，從食友「打劫」得來的鮮奶芒果布甸，對少吃甜品的我，真的不錯。

餐蛋麵也是這裡的名物，由於要留肚的關係，沒有吃到，聽回來的口碑是不錯的，麵質雖淋了一點，那太陽蛋和餐肉從賣相看，煎得也佳；自己則買了兩隻茶葉蛋，表層吃出滷水茶香，又不會搶去雞蛋原味，是一個小驚喜。

大家稍為坐歇，吃喝東西，約半個小時後，亦回覆體力再繼續旅程，自來行山活動，已預了心理準備會付上體力、耐性和意志，正是「沒有付出，那有收穫」，正因遇上這處境，加上身處這清新的效野之地，食慾一佳，東西自然好吃。

臨走沒見到雞隻和乳牛，山羊倒有數隻，得意還得意，我還是愛吃羊的。

呢幾日有朋自遠方來. 所以帶朋友來這裡早餐. 3個人叫了3碗餐旦面, 2個薑汁奶, 兩盒奶 & 2杯ice-cream.

ice-cream 以後可以唔再試, 太少又太貴... quality 同出面買既差唔多, 但就貴人成3倍.

面真係唔錯.

奶同薑汁奶 真係值得一讚. 奶味濃. 好味. 薑汁奶超滑~

同其他人一樣都係山長水遠,專誠到此一試.
食左熱燉奶,芒果布甸同餐蛋麵.
個人覺得個燉奶澳門過江龍做的更出色.
芒果布甸就一般.
餐蛋麵就最好食,有驚喜.

另外,喂羊羊食草亦好過引.不失為郊遊好去處

由元朗去好近....去石崗軍行十多分鐘....好方便...
or於錦上路站搭九巴51...石崗軍營站落...行十分鐘入去...
芒果布甸真係好好食....好多芒果粒....又滑....又濃郁的芒果味....可惜冇淡奶比你撈黎食...
我食左個熱的薑汁撞奶....個日唔太熱....同埋薑汁撞奶都係用溫和的溫度黎整....所以夏天都唔怕食....
薑汁唔會蓋過奶味....滑過豆腐花添....一碗真係太少喇...
我fd的薑汁撞奶係凍的...佢話都好好食....
我個fd食多左個燉奶....佢話好正....好滑...有牛奶的香....又唔似得澳門食個d食到個人個肚飽晒....
之後佢d小食都係同出面冇咩分別....
牛奶就反而唔太特別....比市面買到的稀身同淡口...
最後我食左個芒果雪糕....我個fd就食左個芝麻雪糕...一杯仔十五元....
芒果雪糕唔會好似Hangan Daze 個d好種奶味...食到個口好''流''....反而有d芒果味的清香....
我fd就話芝麻雪糕的芝麻岩岩好喎....

食完之後就可以去睇羊仔....餵羊仔....
附近冇咩玩....得d bbq場....

我地去之前迷路....我地問左d外國人...佢話佢地去一個waterfront...可能上山之後真係有....

總括來說.....呢個地方都係夏日好去處既....

今日係暑假最後一日,亦即最後一天假期,心情有點緊張,於是約friend出去走走。之前係openrice睇到呢度,都己經好想去,不過好似好遠,今日一於去行一行,散散心。乘72號小巴到雷公田, 然後行15分鐘就到,都唔算好遠,當行山,沿途見到的人不到五個,似為去到應該無咩人,但去到就見到約十個人,原來咁多有心人。午餐未食,好肚餓,叫0左個餐旦麵同熱鮮奶,我一個住港島的朋友食過呢度0既餐旦麵,話係佢食過最好食既,當我食過後,都好認同,蛋同餐肉都煎得好有心機,外脆內軟,其實材料好簡單,就係佢煮0野食0既誠意,令d食物咁好食。另外,仲叫0左一個芒果同朱古力雪糕,兩個都好食。
呢個旅程唔單只有好味0既野食,周圍山明水秀,令人心曠神怡,充足電,又可以有精力返學喇!

薑汁撞奶---帶苦, 薑味唔夠, 唯一係夠滑.

芒果布丁---香而清甜, 值得一試.

芒果雪糕---自家制, 清清甜甜, 奶味唔會好重, 幾 fresh.

全脂奶---冇乜"酥"味, 幾好, 又唔會好啖口.

地方係隔涉左d, 不過環境就幾舒服, 又可以餵下羊羊, 親親大自然.