有個朋友帶左我黎哩間野都食
我地４個人叫左３餸一湯

蜆湯
個湯真係好好味呀,,辣辣地
4個人都唔夠飲咁

黃金蝦
好香咸蛋黃味! 又唔會覺得漏
唔錯架,不過就有要連埋蝦殼食
都有d唔慣

滑豆腐
d豆腐真係好滑呀,本身自己好鐘意食豆腐
不過係出邊食好多豆腐,好多都唔滑架
哩個豆腐就唔同喇...真係好滑,真係食唔停架

椒絲腐乳通菜
哩個都唔差...

整體黎講真係好低食..值得一試

尋晚同班friend去葵芳行街,唸起呢度間金潮,搬左咁耐都未黎過,咪叫班friend一齊試下,點知....
一黎到,多人到嘔,排到人到癲,不過唸住好食冇所謂啦(仲叫左.2個friend一齊等)
點知d野食.............
黃金蝦:放入口,完全唔知自己食緊咩,面個層以前好香,而家非常普通...唔係難食,但絕對唔好食!
炸豆腐:上台時已經散,放入口,成口脆,咩味都食唔到啦.....
胡椒蜆湯:講真,全部最好係呢個,不過都係以前好咪d
炒聖旨: 爽口,但咸得滯,冇咩特別
啫啫雞: 普通料,我平時o係大排檔仲好食過佢
唔知係咪唔同左師父,同以前差好遠,排咁耐隊以為好食,點知真係好失望~~~d人唔知係咪又係見多人排又以為好食又排埋一份呢~~~~haha~~~搵笨

快樂星期五，放工又係時候跟老友去飲飲食食，今期既地點在葵芳。坦白說，對新都會廣場的食肆無甚興趣，想起一間以前經常幫襯，現已遷址的小廚，請老友馬上打電話訂座。

現址在恆景花園地下，與舊鋪只差幾步路的距離，亦尚算方便。想當年不少明星光顧的食店，晚上七點左右，門口已有人輪侯，由於我們已預先訂位，等也不用等，直行宜入，多好。

隨便翻閱餐牌，吃什麼大概心裡有數，對於細食的我們，三餸加一個荷葉飯，絕對夠食了，點太多只會浪費。

$10三枝懷舊樽裝汽水，雖然是細樽裝，都算幾抵飲，先每人來一枝。

蟶子是侍應推介的，半打要$98，不便宜，但以前吃過又真的是好味，頗懷念，所以也點了六隻，以豉椒炒。蟶子並不肥美，也稱不上彈牙，不過用上豉椒炒，夠鑊氣，十分惹味，可以收貨。

另一味惹味小菜是美國桶蠔，砂鍋上的，「沙沙」聲，熱呼呼，香噴噴，而且隻隻蠔都好大件頭，看著聽著聞著已滿足。咬開桶蠔，肉汁豐盈，又香口，夾著蔥吃是相當不錯。

蔬菜又是少不了，繼續是香口的，干煸四季豆。咸香度對辦，四季豆爽脆，若然可再弄乾身一點，會更美味。不過老友就話已經足夠了，太乾身會好熱氣，大槪是各人的喜好不一。

最後是荷香鮑粒飯，打開荷葉，確實氾出荷香，米飯軟熟好味，材料十足，已很難得。

誠然，質素是比以前稍稍下降，但比起最近急劇跌Watt的小菜王和奇味小廚，這裡又算保持得到。

我地一行六人在葵涌廣場SHOPPING後, 便到此處食DINNER
我地既總食家領導人評語是以呢個PRICE食到呢D菜是OK, 合理..中規中矩

成幾個月無來, 又再試回D野食睇下得唔得, RESULT是好似沒預期中的好.

最好食既依然是黃金蝦, BUT已給之前無咁好食, D蝦好似有D霉咁
第二位是胡椒湯浸蜆, 無咩沙, 好入味既湯
第三位是荷葉飯, 有小小荷葉香, 在HK已是難找到的了...
第四位是沙拉骨, 不是以前的一條過, 食落好似無咁美味, BUT方便了大家咬,
第五位是啫啫雞煲, 料好多,好香, 雞好滑, BUT無咩雞味
第六位是金銀蛋浸時蔬, SELECT了菜芯, OK啦..只可SAY PASS, 無驚喜
最LAST, 是炸豆腐, 用了太多脆獎去整個外皮, 好似怪怪的, 麻麻

SERVICES是快, BUT也有禮貌, 是迫了點, 但也坐得COMFORTABLE
抵食在於收呢個PRICE, D野既味道叫中上, 唔會過咸又唔過SWEET又唔過酸又唔過SPICY
有冷氣歎, 有人SERVICES埋..

自己生日, 阿媽出到聲話要為佢當年辛苦生我出黎慶祝下, 所以揀左經濟實惠又好味的金潮.

一早知道佢排隊排到出哂名, 所以 6:30 已經去到攞籌, 但當時已經爆到連門口等位 d 凳都坐滿哂, 只好企住等.

佢個派位制度真係幾唔公平, 唔係叫 number, 而係叫 "有冇兩位, 有冇四位", 之後 d 人就擁埋去, number 最細而人齊 (一個都不能少!) 就入得去. 初初我地唔知, 係咁等左大半個鐘, 發現唔對路先去問佢叫到咩 number, 但佢點都唔肯講, 淨係話下張到我地

不過入到去就好興奮啦, 因為 d 野食真係好香, 一行四人叫左四樣野:
1. 椒鹽炸豆腐 - 感覺好得意, 炸到粒豆腐大大件, 可以點淮鹽或者喼汁食, 兩種食法都好好味!
2. 咕嚕肉 - 不過不失, 無驚喜, 不過分量頗多, 每人都最少有5舊肉以上
3. 蒜蓉炒通菜 - 炒得唔均勻, 有 d 菜超好味, 但有 d 就完全無味, 可能係星期六晚廚房太忙
4. 黃金風味雞 (即係黃金蝦的雞柳版) - 全晚最好味的一碟, d 咸蛋黃漿炸得剛好, 雞肉鮮嫩, 十級推介, 必食! (適合對海鮮敏感但又想試黃金蝦的食客!)

最後四個人食左 $217 (連埋四碗白飯@$7), 真係超抵超好食! 等位等耐 d 都係值得架!! 不過要求有 "今時今日的服務態度"的食客, 就唔好黎食或者寫衰人啦, 因為呢度定位係做街坊大排檔生意, 唔係 sell sevice 的高級食肆!

黎到遙遠既葵芳.....為朋友慶生...黎到一望.....
wa....好多人等rrrr.......
好彩友人預先拎定籌..........
不過都要等一陣先入得

胡椒蜆湯:奶白色的湯十分鮮甜....有濃濃胡椒味.....辣味十足....
蜆細細隻....無咩沙.....
賽螃蟹:滑滑的蛋白加入帶子粒....貴妃蚌....拎黎撈飯....正!!!
啫啫雞煲:一上檯就聞到香味......煲內有好多洋蔥....干蔥.....
雞件好香......仲有d大大件豬肝.....不過我無食
黃金蝦:蝦炸得香脆....俾薄薄既咸蛋黃包住.......好惹味...又唔會好油....正!!
一口牛:好稔...一d都唔"un".....醬汁味道好特別..ok ge
椒鹽鮮魷....好大件....好似天婦羅.....點d唯鹽食...好味d
蒜蓉蒸珍寶聖子:真係好大隻...蒸得剛剛好...完全唔un....
沙拉骨:好正路既沙拉骨........就是這樣.....

原本想叫炸桶蠔...不過無貨..............好可惜

在這兒已吃過好幾次，感覺上是較便宜而也有一定水準的「大排檔」餐廳。

這次一行10人來這兒吃晚餐，就可以試多一點別的食物了。

必點的胡椒大蜆煲：水準依舊，夠辣夠味道，而蜆味十足，真的是每次也要點的。
黃金蝦：蝦的份量比以前少了，也更細隻了...另外，炸得不夠脆，外面的咸蛋黃也沒甚麼味...可說是水準較差的一味黃金蝦。
啫啫雞煲：豬潤煮得很爽和入味，雞也夠滑，彌補了本身沒有雞味吧！味道頗濃，送飯最得宜。
香橙豬仔骨：份量剛好，內質也頗淋，有些像是煲湯吃到的豬骨一樣...那個香橙汁調得有點怪，吃上來和豬仔骨沒甚麼化學反應。
馬拉炒甜豆：這道菜的味道很咸，但甜豆還能保存原有味道！但我認為下次不要再叫了。
酥炸美國桶蠔：每隻蠔大得一分為二也不覺得小！炸漿稍嫌有點厚，但這桶蠔還甚有蠔味，雖知道一定是超級市場那些入口貨，但入口覺得還不錯的，蠔的確夠肥大！滿足了吃蠔的慾望！
鹽水雞：又是過咸的一味菜，肉質也不滑，完全是「鞋」身的呢！不值一提。
海鮮炒粉絲：味道都幾咸，海鮮份量則頗多！

吃完覺得好口喝，似乎真的是「師傅」上身！相對舊店，這兒的服務的確是退步了...多了位，但還是要等很久！排隊的系統也不好！

吃完真覺得...如無必要，絕不Encore了！

曾幾何時，金潮剛剛開業未搬之前試過一次，印象還好，幾回味果時個煲雞粥，但奈何坐得唔係太舒適，所以之後都無去過……只係間中經過見到好多人等位，成日諗住再去，但最後都無試。
上星期約咗亞媽食飯，原本諗住去福好打邊爐，六點幾去到，發覺福好下有間菜館，六點幾已經好多人，於是走埋去睇吓，原來金潮搬咗嚟商場……哈哈~~~
於是就同亞媽入咗去試，坐滿八八九九，我同亞媽兩個人要坐十人搭枱，揀咗三個餸，黃金蝦、海味什菜粉絲煲同大鱔煲加一碗飯。原本我哋在考慮叫兩碟餸，後來問伙記 d 嘢大唔大碟，亞叔話「隻碟就好大」，聽到咁講就決定叫三個餸喇~~
如果去一般酒樓，呢三個餸一飯兩個人食應該都食得晒，但今日我哋食唔晒呀！因為碟碟都好大碟呀！
海味粉絲什菜煲 – 看似普通菜式，但菜類豐富，加埋海味粉絲，都有八、九款嘢，最正係個湯底，好好味，唔係只係咸味，亦充滿海味粉，而且好好好 >>>>>>>>>>>>>>> 大煲。
大鱔煲 – 鑊氣夠，原煲煮，唔同有 d 地方煮好先裝上煲，大鱔件頭大，而且份量多，我同亞媽都鍾意食魚都食咗一半覺得夠，味道、汁嘅稀度都啱啱好，好香口，一 d 都唔腥。
黃金蝦 – 又係大大碟，蛋黃同蝦都整到好乾身，但又唔會「干爭爭」，可以連穀食，好香口，又係好好食丫~~
三個餸都好味，大部份餸平均都$50，我哋最後埋單都係$176，如果去酒樓加埋一、茶芥，起碼到二百多 d 先埋到單。而且無咁大碟，即使大碟都係芫茜、䓤、青椒、洋䓤果 d 多囉。
唯一要彈就係出餸太慢，我哋先嚟什菜煲，食晒先嚟大鱔煲，再食咗一半先再嚟黃金蝦……有點美中不足~~

夜晚六點幾去到, 都已經好多人要等位, 好在, 等咗15分鐘到就有位.
店裏面d 位都真係幾迫, 不過, 無礙食野的興緻.
要了一個大蜆湯 ($48), 鮮魚皮($32) 及雜菌炒班球($55)
其實, 我就唔覺得碗湯好大, 但味道都幾好同埋d 蜆就真係好多, 食極都食唔完噤. 不過, 都幾辣.
第一次食到鮮魚皮, 好爽, 好好味, 見好多枱都有叫, 唔使問梗係必食之選.
今次冇試黃金蝦, 試咗個雜菌炒班球, d 肉質就唔多似班球. 但係都唔係太大所謂, 呢個價錢唔係班球都好正常, 況且味道同碟頭可以搭救.
下次要試吓其他菜色.

等位唔緊要但咁樣嘅派位方法真係超級不知所謂!!!!!
四人叫左:
1)黃金蝦-香口旦黃分佈均勻
2)帶子賽螃蟹-一般無驚喜
3)冰梅骨-梅味不重酸甜適中排骨脆口
4)豉椒蟶子王-汁香濃料新鮮
5)荷葉反-勁香!!材料足反濕潤蓮子鬆化~必食推介~~~!!!!!!
6)清炒西蘭花-超硬....
嘢係好食但派位方法有待改進....

對於各位葵芳街坊嚟講，金潮係一間你食過一次後，耐唔中又想幫襯既菜館！！但相信所有幫襯過朋友都知道，佢個等位制度 - 不論你有訂位冇訂位，有輪籌冇輪籌，前枱姐妹花都係用先到先得或先近先得等位法，有時真係想以後都唔再嚟!!

為此，我哋兩公婆好耐冇選堂食，通常都係買外買返屋企，尤其係星期日，一路睇電視一路食外賣！！

今日食左
　招牌黃金蝦　（除左份量好似少左外，味道依然保持到)
　沙拉骨　（唔再係以前大條既一字骨，感覺上老左啲）
　桶蠔煲　（成個禮拜都好想食蠔，所以即刻就order蠔煲，冇失望，啲蠔好大隻好漲卜卜）
　再喺隔離街潮洲餐廳叫左個潮洲粥送，Very good (下次同大家講吓嗰間响葵芳邨既潮洲餐廳，都唔錯架)

個標題話又中招，點解呢？因為諗住叫外賣會冇事啦，但結果居然要等四十五分鐘，但唔關廚房事，純粹企Reception 對姐妹花，話說响第二十分鐘時已經開始問啲外賣有未，佢話就得，到三十分鐘及四十分鐘都係就得，結果我哋再問另外一位做Services 姐姐，佢話啲外賣一早就得，放左係對姐妹花附近既Cashier，同場仲有數位等外賣人仕，真係!! 呢個係佢哋既特式嚟既！！人客都係羗太公釣魚，願者上釣啦!!

係一間能夠長期保持高水準的小炒皇

胡椒蜆湯 : 湯底應該係魚湯，加入大量胡椒及蜆，辣辣地非常好味，如果冬天飲更加暖胃。

啫啫雞煲 : 一上枱就香噴噴，雞件好入味﹑豬潤亦好香口兼剛剛熟，煲內既蒜頭亦好香口。

南乳雞件: 好乾身﹑豐富既南乳香味，但我朋友唔鍾意乾雞件所以我唔係次次都有得食。

鼓椒炒聖子： 聖子唔屬於大隻兼間唔中有少少沙，但味道夠濃兼夠鑊氣。

咕嚕蝦球: 大大隻蝦球(應該係雪蝦)加上惹味既酸尾尾汁，好味道。

黃金蝦 : 我嫌蝦太細，不過鹹蛋黃整成既醬就幾好味兼尚算夠乾身。

魚皮 : 我唔食魚皮，但席上所有親友都讚口不絕，我地每次黎都必定預留。

蒜茸炒白菜仔: 幾夠鑊氣配足料蒜茸就一流

總括: 這小炒皇差不多所有食物都較味濃，有興趣者不妨一試。(搬遷後食物或多或少加左價，所以不算好抵好抵食，只屬價錢可接受但食物好好味)

註: 環境較迫，多人且較噪。

今次係第 2 次去﹐可能因為星期二﹐都唔使排好耐就有位。

黃金蝦 - 點咗咸蛋黃之後炸嘅蝦﹐好好味﹐岩岩炸完就上枱﹐好熱氣﹐不過都忍唔住食多幾隻﹗之前試過呢度嘅避風塘炸蝦﹐其實兩樣都唔錯﹗份量又多﹗

沙拉骨 - d 醬應該係千島醬﹐好夠味﹐份量都係好多﹗

干炒四季豆 - 肉粒同醬都好夠多﹐都係嗰句﹐份量都係好多﹗

胡椒蜆肉湯 - 胡椒味好重﹐仲有好多蜆﹐夠晒份量﹗

汽水 - $10 / 3 支

3 個人食岩岩好。

咁嘅質數﹐$288 埋單﹐唔算貴﹐應該會再去﹗

食過好多次了..多數都要等..但係食品有保証呢!

胡椒蜆湯......夠刺激..愈飲愈想飲既感覺!!

凍食鯇魚皮....要早D 先有..夜D去多數都買晒..爽口..加埋辣椒豉油就好好味..

黃金蝦....味道做得好好..唔會太咸..蝦身又爽口..送啤酒一絕呢..

避風塘饍片..不太辣..夠香口..次次都會ORDER呢..

生蠔煲..最貴LEE樣..百一蚊..份量唔多..味道都係一般..下次不會再叫..

睇完金潮食評後即晚拉左媽咪去試下
晚餐時段08:30 可能得兩個人 即有位

因為得兩個人只好叫三道菜
金銀蛋白菜仔
唯有挑剔係白菜仔根部有沙 , 洗得唔太乾淨
蜆湯(小辣)
有d 奶味 小小辣好惹味 !!
雜菌炒斑件
呢個真係想俾10個"good" , 意想不到佢入面有翠玉瓜
雜菌炒得好入味 , 斑件不過不失 整道菜配合得好好 ! 比招牌菜仲出色

兩個食完仲有剩 , 第二日午餐再翻叮食
依然好味
果然冇令我失望 !