要了一個二人餐，有：

菜飯 X 2
西蘭花菜湯 - 好油的味精湯，味道似雲吞雞湯咁
酸辣湯 - 得個辣味，好唔 balance 既67味道呢
油豆腐粉絲湯 - 呢個都幾清
蝦仁抄蛋 - 這個蛋夠滑真不錯
醬汁豬軟骨西蘭花 - 呢個豬軟骨亦不俗，係西蘭花比較無味

overall 個餐都算可以既呢，for a quick dinner

叫了一個set~
有菜飯~
有上海排骨~(西蘭花底)
有酸辣湯~仲有2粒鍋貼~而且送豆漿

嘩~三十幾蚊~洗唔洗咁多嘢先

以量來看~羸晒...
但...菜飯得幾塊菜...
西蘭花冇味到唔想食.....又好似未夠熟咁...(我好鍾意食西蘭花的...)
排骨一般
酸辣湯好酸又唔太好飲
鍋貼唔太差~但唔夠熱~

絶對夠你食飽~
但質素真係...很麻麻...

$24一個SET LUNCH 好抵呀
揀左一個擔擔面,一杯豆漿同一個北京餅
一個女仔食都覺得多呀

覺得個擔擔面好正WO,好有花生味
個北京餅仲脆嫁, 入面D肉既味岩岩好
BF都話好味呀

食過2次都OK呀,唔係其他人講得咁差姐,可以試下呀,又平WO

到旺角逛街
lunch時間四周人頭湧湧
決定到food court進行高速快食!!

好難先搵到空位....
呢到選擇唔多
想食上海野
自自然然行到黎呢個counter

$38一個set
燻魚+豬扒米線+酸辣湯+豆漿
燻魚唔夠乾
味道唔夠甜
同金滬庭差好遠

豬扒凍冰冰
煎得唔脆
豬肉好林
難食

米線夠哂大碗
一個人食到捧住個肚

酸辣湯太杰
酸、辣味都唔夠
唔係正宗酸辣湯的味道!

雖然呢個set水準極低
但係俾左$$
食唔哂好浪費....
不過下次一定唔會再食呢間...
水準太低
好掛住金滬庭!

我同女朋友見呢間野係成個foodcourt最平，咁就幫襯佢地啦。

佢叫左$22的上海粗炒，有一杯豆漿，有個粉絲湯。個上海粗炒就又冇肉又冇菜，淨係得麵，仲有陣水味；杯豆漿就溝哂水；粉絲湯就不過不失啦。

我叫左$28的回鍋肉套餐，有個菜飯，有個酸辣湯，仲有杯柑桔蜜。我都係貪佢有酸辣湯飲，點知一飲落去，嘩！得個酸字，仲要係不尋常的酸，好似變壞左咁，飲左兩啖就頂唔順；個菜飯硬掘掘，又係有怪味，都唔知D飯熟未；回鍋肉還可以，但杯柑桔蜜應該又係溝左好多水。

o係我地講緊D野有幾難食o既時候，原來隔離兩位小姐都都中左招，又係買左返黎食左幾啖就頂唔順。隔離位小姐好似係食糖醋魚，話D野食"肅"左。佢仲話見到之前有人叫左個雲吞雞，食淨成三份二就走左……

我女朋友頂唔順，食左幾啖就食唔落，話要買其他野食。咁我條氣又唔順，就拎返我個餐同佢講話ｄ野有問題啦，佢地D態度又差，我話個酸辣湯有問題，有個阿姐仲話「酸辣湯梗係酸架啦！」唔好玩我啦，我又唔係未飲過酸辣湯，都未飲過咁難飲的酸辣湯。有個阿姐態度好差咁問我想點，另一個阿姐就話「佢都係想唔俾錢姐」，咁就退返錢俾我。

本來都算啦，退返一個餐錢，我同女朋友買碗雲吞麵share就算。我都唔好意思叫佢退埋另一個餐，當自己唔好彩就算。不過見佢頭先態度咁差，咪拎返盤上海粗炒俾佢，同佢講「D野咁難食，我還返俾你」。點知個阿姐仲聲大大咁我玩野搞搞陣，仲叫我報警！又話淨係得我一個覺得佢地D野有問題。我咪話唔係呀，係四個人都覺得你地D野食有問題呀！

跟住仲好笑，佢話我隔離個小姐都唔係幫襯佢。果兩位小姐都睇唔過眼，出黎幫我口，個阿姐仲係咁鬧鬧鬧，結果個小姐打埋去食環署……我本來都想投訴埋佢碗酸辣湯同菜飯，不過食環署個職員話佢退返錢俾你，就即係冇賣過俾你架喇！原來係咁，所以順便提一提大家，如果ｄ野食真係有問題要call食環署，千奇唔好俾人收返D野食。

總之呢間野就呢世人都唔會再去架喇！

P.S. 抵食係1分，因為佢雖然係平，但成盤都唔食得，即係白俾錢，我捐左ｄ錢好過。

叫左SET LUNCH..
$22, 幾平呀
有主餐+湯+餐飲
酸辣湯一般啦
餐飲叫左柑桔檸檬,都幾難飲
個醬汁軟骨菜飯,
D菜飯OK啦, D骨係骨多過肉..-.-

味道真係麻麻,
我最中意係食D西蘭花點汁食-.-

但我個FRD個茄汁班腩好似OK的
我個餐就麻麻,
得個平字~

今晚叫咗一人小菜套餐($28),包括:
1. 酸辣湯--普普通通,沒有什麼驚喜.
2. 鳳梨雞球--賣相不錯,味道都ok!
3. 菜飯--十分唔掂,飯很硬,而且只有數條菜,失望!
4. 豆漿--十分十分唔掂,好淡好淡,無味,唔好飲.

上次o係呢度食過下午茶堂食
兩件煎餃係凍既唔係唔夠熱而係真係凍架喎

咁今日無端端好想食餃子同銀絲卷咪再去囉諗住試多次
嗌左水餃上海麵燻魚蕎麥麵北京餡餅牛肉餡餅一炸一蒸銀絲卷一杯豆漿同埋一杯柑桔蜜
因為我打算外賣番屋企食因為要過海所以叫佢將d麵同湯分開擺
跟住o個度全部人都話唔得話會唔好食
我話要成個鐘我會自己番去加熱佢地話唔緊要最多稔少少
講左好耐最終都係唔肯分開擺同埋d熱野同凍飲一齊擺
個膠袋打左死結如果我想拆開執一執同數下有咩就要撕爛個膠袋
即係我上面所講既全部野係放落同一個袋度我一路行一路驚個袋爛於是全程捧實佢

好啦番到屋企一開冇晒湯d麵索晒d湯
上海麵係一pat的夾唔起蕎麥麵勉強食到d水餃麵都已經浸到爛晒
再開北京餡餅變左蔥油餅
見兩杯野飲暖晒就放入雪櫃啦之後拎番出黎一開呆左
我媽問做咩呀兩杯野有咩分別呀? 我話個分別係杯柑桔蜜變左做豆漿(!!!)

中肯地講番句其實我覺得佢d野食係okay的即係廚房係okay的同埋都真係算幾抵
但係出面既人唔okay d服務態度非常唔得於是影響左d食物水準

諗住food court都唔方會好得去邊, 但又想快快食完, 最終嚮揀左呢間, 要左個2人餐$55
酸辣湯2碗：味道適中, 材料豐富, 略嫌唔夠熱
菜飯2碗：好驚有d菜飯食落去淨係油, 咁佢食落都冇乜, ok
椒鹽骨：椒得幾香, 新鮮整唔係整定嚮度果d, 大排檔水準, 夠火氣
糖醋魚：呢個麻麻, 整到唔三唔四咁
上湯時蔬：加埋應該都有6舊西蘭花既, 所謂上湯其實只係白灼囉, 但而家要健康, 清清地都可接受既
總體黎講，55蚊食既2人餐, 算係有意外收穫架喇

那次到旺角, 希望快快吃飽去買東西, 到新世紀, 到FOOD COURT覓食(其實一向對FOOD COURT沒太大信心, 唯女友堅持)

我們想來想去也不知吃什麼, 女朋友說想吃餃子湯麵, 因此就選了薈江南, 我想了很久, 都想不出吃什麼, 最後叫了一個雲吞氣鍋雞餐, 女朋友要了一個雲吞麵配煎餃子。

雲吞氣鍋雞真的是令我欲哭無淚, 三粒食而無味的雲吞, 加上六份一隻雞, 小得可憐, 而且老得要命, 一點雞味也沒有, 到最後我只吃了一口就放棄了, 草草的吃了雲吞, 吃了些菜, 加幾口飯就已經沒心機吃。

女朋友見狀也知不妙, 我眼見那些雲吞麵比那些泡麵更差, 碎得連夾也夾不起來, 我問女朋友如何, 可她還說可以, 但再吃煎餃子, 我們同時吐了出來, 我吃的那一隻「叔」了, 女朋友則覺得太難吃而吐出來!坦白說, 不論平貴, 我們一向都以感恩的心態對待食物, 一向不主張浪費, 唯太難吃兼變壞的食物再厚道的人也難以接受吧!

我們連向它投訴變壞也省了, 反正換來的也是不吃也擺的食物, 最後提一提餐是包了一杯飲品, 那杯豆漿是一點豆味的糖水, 我們也沒喝了, 反正有時間想想再吃什麼更好吧!

新世紀foodcourt 眾多選擇中，以薈江南最為抵食。

55元二人餐，有湯(油豆腐粉絲湯和酸辣湯任君選擇)、有飯(兩大碗菜飯，多到朋友仔可以打包一碗返公司做lunch)，有兩加一小碗油菜(是日選了蝦仁炒蛋和醬燒豬軟骨)，有飲品(兩杯豆漿)。

這樣的價錢，這樣的份量，大商場內是極度難找。所以食物質素只要不太差也算是可以接受了。

醬燒豬軟骨可以用美味來形容，甜甜的汁醬是拌飯佳品，軟骨不太「淋」，保持了應有的咬口。

蝦仁炒蛋是油了點，但總算是炒得可口。本以為雪蝦應是味如嚼蠟，但吃落又覺有蝦味，是加了一點分。

唯一要彈的是兩杯豆漿，味像加了糖的水。這樣的質素，情願餐內放棄豆漿，送兩杯白開水更好。

同個friend每人叫了個1人餐
my friend:
擔擔麵+煎鍋貼+豆漿
me:
上海雲吞麵+牛肉餅+豆漿

擔擔麵—好"鞋"口
上海雲吞麵—未食已聞到d味怪怪地，食過2啖麵同2粒雲吞後成碗擺低，完全唔好味
牛肉餅—夠熱但好"un"

雖然這店於food court內，但環境很舒適，food court的員工非常好禮貌&有效率執，保持乾淨
同埋有幾部大電視播緊鳳凰4重奏，唔怕miss左電視劇

呢個foodcourt多年前裝修後一直無再幫襯過
咁o岩琴晚黎睇決戰魔道王
外面大風大雨當然最好留o係商場入面
朋友仔話呢間好抵食就決定試下
叫個二人餐3號($55)
有雞絲粉皮,豆腐粉絲湯,糖醋骨,菜飯同豆漿各二
雞絲粉皮～粉皮唔夠滑口,雞絲得少少,幸好花生醬味夠,只係前菜,份量好少
豆腐粉絲湯～湯底本來好清,但因為有豆腐泡關係整到油晒,魚蛋彈牙但無味,煲底仲有豬腩肉但味道一般,好在有菜心同粉絲o係底o岩我胃口
糖醋骨～十足十係豬軟骨,味道酸酸甜甜好開胃,而且炆得夠淋好味道,推介
菜飯菜量唔算多而且油又無味,食左兩啖都唔想食
豆漿根本就係糖水,無豆味
下次都係試下其他店先得
雖然係foodcourt但地方大
又有電視睇

15蚊一個下午茶餐,有麵+豆漿,我叫左碗上海雲吞麵,碗麵都有三粒雲吞,雖然冇咩味,但少少地當下午茶都算不錯!

有幾次lunch沒有帶飯,都在這店賣外賣.試過醬燒排骨菜飯,豬扒麵配菜肉餃,還有湯和豆漿,外賣加一元,只$23,是十分抵的.醬燒排骨的汁幾好味,撈飯不錯.排骨又不會韌.豬扒麵味道一般.不過菜肉餃幾好味,還有三隻.那個粉絲豆卜湯都不俗,豆卜很淋,很滑呢...
這個餐份量幾大,女孩子應吃不完的.