3
1
3
港鐵觀塘站 A2 出口, 步行約4分鐘
繼續閱讀
營業時間
星期一至日
07:00 - 00:00
以上資料只供參考, 請與餐廳確認詳情
百樂門盛宴同朋友食個家常便飯，去酒樓食唔洗自己煮。唔洗等位，人少少坐底就叫左幾個小菜，炸子雞，菜心炒牛肉，同清蒸海上鮮。等左十五分鐘左右上菜，先襯熱試個魚先，賣相ok, 但一夾落就去散，食落口感好似“梅梅”地呀，連個豆豉味都補救唔到呀。再食下菜心炒牛肉，菜心爽脆，不過食下食下有苦味同有渣，而牛肉就鞋左D同咸左少少。最後試埋個炸子雞，個皮相當脆，雞肉食落淋同滑既，連骨都脆，唔錯。不過總括而言對酒樓黎講真係好麻麻，下次再揀我就去第二間喇。
繼續閱讀
今朝兩個人去飲茶，諗住百樂門都有保証，點知極失望！點了咸水角，豉汁蒸鳳抓，布拉腸粉，蒜蓉蒸排骨。最先到是咸水角，望落去已經有點唔妥，其中一隻好似炸唔起索晒油，都諗住放棄嗰隻，選了兩隻賣相較好的來吃。點知一咬落去凍冰冰都算，仲要成口油，二話不說一齊放棄。跟住來的布拉腸粉都是食落凍的，同部長講，佢粒聲都唔出攞走左，以為攞入去加熱。跟住點心姨姨送來一碟新的，是微暖. 再投訴應該都唔會有改善，雖然唔熱但不至於太硬不能入口，所說都照食了。蒸鳳抓及蒸排骨都熱辣辣，不過鳳抓質地同百雲鳳抓差不多，最正常就係排骨，只係咸左小小，呢間酒樓真係無下次☹️
繼續閱讀
今天國慶假期，計劃去上次親戚話好抵食的觀塘茶樓飲茶。可是遲了出門，到達時已經10時。但來到好快有位.原來10點後入座，會額外上多2碟：豆瓣醬及鹹酸菜。茶樓點會免費送給客人呢!每碟收10元呀!熱水自己斟.既然無可奈何之下，都要硬食。倒不如看看特價點心紙。發現8.8元蒸飯系列，有3款可供選擇。剔除不喜歡的款式，唯有鳳爪排骨飯了。鳳爪排骨飯蒸籠內就是一個小瓦盅小瓦盅的大小，就如快餐店一人份量的紅燒碗仔翅的大小。個人覺得份量足夠! 還點了其他點心呢!鳳爪排骨飯一隻鳳爪(無食到)及數粒排骨,排骨是鬆肉粉乸到無肉味的雪藏肉.幸好醃料夠味! 飯亦不太生不太腍, 是剛好粘著瓦盅呢!再倒上豉油, 撈飯.剛起身極度飢餓, 第一口嚐到的, 自然覺得很好味!但夾硬質多左2碟醬芥, 就收每碟十元, 有點唔GUR.這個早茶全單90有找.即是原價70有找啦.
繼續閱讀
Tissues on the floorvery dirty...waitresses were very rude...發哂脾氣...唔怪得lunch time 都唔full!!!!Don't even get me to start on the toilets man...!!!!very very very dirty!!!!!!!!!But I have to say food was okfried rice was very nice!!!!reasonable prices for set lunches但係每樣野都有莞莤.......why????I hate it!!!!!!Fried Rice was ok腸粉滑燒賣very nice!!!唔錯, 冇肥豬肉够實身蝦多過豬肉令個燒賣更有咬口一個有1隻蝦!!!
繼續閱讀
此飲食集團近年頗為進取, 開了不少分店, 就觀塘來說.. 已經開了2 間. 這店就在APM 旁, 交通方便. 點心質素可以. 星期六不分時段, 大中小點劃一價錢. 茶茗要10 元一位..也設有前菜費, 長者可能會覺得貴一點. 幸好設有特價點心. 要在12時前下單.我們吃了 雪山叉燒包, 皮脆餡味正, 叉燒大小剛好. 必吃之選 脆瓜蝦腸 , 加了脆瓜健康點, 蝦子也不小, 但沒有蝦味. 明顯是冷藏貨. 但以 20元以下可以吃到的價錢, 也真不能要求太過份. 幸好腸粉頗滑. 也應加分 蝦肉燒賣. 每個燒賣除在面上放了一隻蝦外, 燒賣的豬肉也混了蝦肉, 除不鮮味..也無蝦味..但豬肉刴得不錯. 吃得過 鳯爪排骨飯 飯量不少. 排骨也有三大塊. 但只供應至早上11 時.. 一盅也是10元以下, 必搶之選 潮州粉果 普普通通. 沙葛清甜. 鴨腳紥 這個是令本人最满意的, 份量大不在話下, 包了竽頭, 非常入味, 但不太鹹. 服務也合格. 可能較新開業, 不用等位, 也是飲茶之選. 小小提示:- 酒樓冷氣頗強, 切記要帶足夠衣物, 要覆查單才付帳, 我們吃了六個點心, 郤有七個蓋章. 幸好及時發現, 酒樓也馬上把多算的刪去.
繼續閱讀