我頭先去街, 想食野見到有兩間差唔多係連住既茶餐廳

一間夜晚呢個鐘數係主要賣潮州粉麵, 另一間係車仔麵潮州粉麵果間係門口睇到 D 麵幾錢碗, 跟野飲/油菜又幾錢(當然係平過就咁叫) 車仔麵果間無得睇係咩價錢

因為我好耐無食過車仔麵, 所以揀左車仔麵 (但係我既習慣係, 唔列明價錢既餐館我係一律唔去, 今次係例外, 係一次好悲哀既例外 )

入到去車仔麵間野粗幼麵果 D $9 出前一丁 $11 "食送" 貴既 $6, 平既 $5 我食開三 "食送" , 淨係碗麵已經 $28 野飲無得平, $11 凍飲

食就要埋單 $39, 仲未計我計劃叫埋油菜

我再望下佢個 "廚房" (車仔麵通常係o係出面架嘛) 一定唔算係乾淨果隻

我問佢有無平 D 既野呀咁

有, $10 腸份, $10 粉果(佢建議) $10 三隻粉果

我--->即走

跟住去左果間潮州粉麵雙拼麵 + 油菜 + 野飲埋單 $35

仲要食左好靚既豬手 三舊有半個拳頭咁大既豬手, (仲要我碗係雙拼麵, 有兩樣 "食送"), 三舊豬手食晒

係深圳工作回港, 夜歸至旺角街頭. 在找車坐之前, 突然夜宵鬼纏身, 先帶領我去搵野食 than 搵的士.

夜晚, 旺角仍然是美食天堂. 尤其是亞皆老街兩旁那些泊滿小巴既橫街, 有小食, 有甜品, 有茶餐廳麵檔夜粥. 果然是要乜有乜.

夜, 反正只想食碗麵算, 久聞呢個10元碗, 大大碗既招牌. 咁就睇睇10元, 有什麼好食. 黎雲吞成, 當然食雲吞啦.

10元碗, 果然是大大碗, 麵既份量其實同任何一間雲吞麵檔冇別. 雲吞只有三粒而且又厚皮, 又沒有任何鮮味香味. 湯底更加不用說, 湯面有些浮游的東東, 感覺是沒有害的, 算吧. 豆漿.....應該是交來的, $3一杯, 當解渴也好.

10元碗的話, 好似家樂好過佢.

在現今環境下，依然能生存的十蚊面確實不多，云吞成能keep住多年溥利多銷的原則實為抵贊，雖然衛生，地方舒適麻麻，味道份量還可以 的，另加油才、豆漿3蚊、架啡茶5蚊、轉個彎去海景食條油炸鬼都要七蚊啦！仲要係旺角Ｄ人流咁高既地方，望能為大家提供一個便宜的加油站。

呢間最早賣$10一碗雲吞麵嘅食店都可以算係經典，咁多年不論經濟好壞都係賣$10一碗，貫徹始终，值得稱讚。有日非繁忙時間行過見到仍然好多人幫襯，4個大男人坐埋一張細檯，座位好逼唔多舒，不過貪平就無辦法喇！食咗雲吞麵同牛什米，雲吞並不是好大粒，豬肉多蝦少，而且將貨就價唔係用生麵；至於牛什就得過咸字無乜味道可言。水準真係好普通，響旺角是但一間都可以好過佢，但係始终價錢取勝，今時今日只要價錢平就一定有人幫襯。

十元一碗雲吞麵是雲吞成的賣點，想來想去，它能賺多少？舊式屋邨的雲吞麵也要十二元一碗以上喇；究竟還有沒有十元一碗的雲吞麵舖？

別管它了！十元一碗能有沒有要求？答案當然有吧！如果不好吃的話，環境和衛生方面也應注重，不應該因為便宜而忽略這些食肆的基本問題！

雲吞成的環境絕對是：差差差！一踏進店舖，地上是黏黏的，油膩膩的，腳步稍一不穩更容易摔倒！此外，檯面上也不見得乾淨，抹檯的侍應真的很隨便，求求其其交了差算了的，人家吃完的麵碗，拿起之後，見沒有什麼渣滓，更索性連抹一抹都省回！

大熱天時，空調又不夠，冷氣機很舊了，馬力自然弱，看看冷氣機身便知，滿佈塵埃污穢；再加上風扇，吹得人仰馬翻，吃一碗麵的時間活受罪，救命！

好了，一大堆評語，到了主角出場，雲吞麵十元真的難做，可以這個價錢供應，算是它的最大恩賜！不過，雲吞裡的餡料將貨就價，蝦沒有蝦味，豬肉也沒有豬肉味，麵質一般，很重的鹼水味！我想，究竟我吃了什麼進肚子呢？加五元有一碟油菜，一般；加三元一杯的豆漿，如果朦著我的眼睛叫我去猜，那我真的猜不對它是一杯什麼東西！

不是朋友要吃它的豬手米，自己絕不會光顧哩！

今日同阿妹黎食下午茶......

叫左個牛根面同魚餃面, d湯勁多味精, 鬼死咁咸, 咸到食完要飲野.
d服務又唔係好, 頭頂又滴水.

除左平之外, 無樣得..........

呢度跟沾仔記如出一徹，賣點都係大大粒雲吞，但水準就差得太遠la...

河粉太淰，一夾即散；雲吞大而無當，蝦肉只得個爽字，一D鮮味都冇，肥豬肉亦欠奉；梳打牛當道，好似食緊一件件冇味嘅膠一樣....

叫碟魚皮，勝在夠多，但大部份都係碎sup sup ge...

水準極差...

$10蚊雞,沒有期望沒有要求走進去!
來一客水餃面!朋友就吃雲吞米!
等了一會,面送到!
一看,一粒粒黑色的不明物體在浮!心想:"不是虫就ok"
朋友給我雲吞一只,朋友說好吃,但我就覺得味道怪怪!而自己的水餃沒什麼特別..心想$10蚊貨式果然是$10蚊貨!!
點知.....食到一半,一隻曱甴死屍浮起!!小女唔怕昆蟲,只覺很嘔心!叫那個男的待應來,他什麼也沒說,以九秒九速度倒左碗面,我呆呆的坐著(因第一次遇到這種事)
之後要我自己問他準備怎樣做,他才草草說一句"黎緊"!我沒說要再來,而且誰遇到這事也不想吃吧!!
面送來了,我說不要,那男的說不可以不要,說落了單就要吃!!簡直是迫人吃~ 零服務態度!!
最後我說"錢照畀"才可走人!!
面沒吃.郤吃了一肚氣!

抵食?畀都唔食!!

想不到這樣的食店還可以在香港生存!!

ps可惜沒有影相給大家看!!

10蚊碗.....抵就一定架喇....
質素亦都低番好多咁law....
不過...都係果句....十蚊想點?
牛筋面....之後食過都唔覺...今次就真係覺得.....呀...又真係冇味架wor....
算啦~~哈

做facial 前試了一個水餃河和油菜!
油菜就是油菜但水餃以12一碗麵來說很是不錯呢!
之前打算去食茄牛麵,但好像有點膩就退而其選對了這裡的水餃河啦!
晚上七點多, 客人絡繹不絕..價錢和質素均好..但環境就認真麻麻.但一次半次都無妨呢!

記得上年去過另一間一樣名既麵食度食過十蚊麵牛肉麵，份量小亦唔算好食，今次呢間試食雲吞米，講味道都算ok，但食得出d餡入面好多味精，再加上佢呢度環境同埋工員都非常之唔衛生，我諗都唔會再黎。其實呢d十蚊碗既麵有無一間可以做倒物超所值呢？我都想知.......

昨晚朋友胃口不佳, 跟他在旺角找點輕食量的食市, 經過雲吞成麵食見十元一碗便進去一試. 第一個感覺是以價錢平吸引食客的麵家, 反正不是來吃他的裝璜, 只要食物清潔好吃便可以. 結果整體評語是: 像富士山一樣, 一生人可以去試一次, 但試過了你不會再去, 再去的不是想排毒便是犯賤!

食物味道: 魚皮餃確實味道不錯, 以十元一碗來說尚算是抵吃.

餐廳環境:
1. 枱面抺了跟未抺的唯一分別就是食物渣不見了, 但枱面依舊水漬斑斑, “油淋淋”…
2. 空調加風扇開動了但感覺就如廿八點八度一樣, 求生不得求死不能
3. 男待應(也分不出是太子爺還是打工的) 大汗的, 邊抺邊落單, 經典畫面全數重現在眼前, 一串手指插在碗邊浸在熱湯中, 手指就像石頭被一時潮漲一時潮退的海浪般在碗邊盪漾..

最令我大開眼界的是, 那名外表三十有多穿著已發黃的汗衣男待應, 十足像電視節目偷拍食客反應般, 勒令每枱食客輪住‘坐過D’讓他在你的頭頂取下空調的隔塵網到洗手間清洗, 以及牆邊的風扇, 均在食客面前拖行到洗手間清洗, 拿著的同樣就是抺枱用的那一塊布…邊取下隔塵網邊大聲讚嘆每塊隔塵網上有著多麼的塵, 在食客面前炫耀一番…世界真的無奇不有

還是那句: 像富士山一樣, 一生人可以去試一次, 但試過了你不會再去, 再去的不是想排毒便是犯賤!

舖頭以雲吞命名，應該是標榜靚雲吞。以為是現今新派的雲吞，入面全是爽脆的大蝦，或者是傳統那種有大地魚、肥豬肉及蝦的雲吞，但完來雲吞裡面差不多全是瘦豬肉加小小『實的的』的小蝦，都好食的，有陣陣的肉香味，肉的質地都ok，不太實，不過唔係我想食果種雲吞囉。今天叫了雲吞鯪魚球河，鯪魚球都ok，不是太彈牙，亦吃到有鮮味。以個人來說不喜歡太彈牙的鯪魚球，感覺味道比較假。河粉出乎意料的好，比較幼細同薄身，好怕食到又厚又粗又糊口的cheap河粉。十蚊貨仔有咁的河粉，都算係咁喇，湯底清清地都唔錯，入到口，食味方面都ok，但15蚊雙拼2粒雲吞2粒鯪魚球，又不覺得太超值，而地方真係幾汚糟，所以可能都不會再來。

初頭到＄１０　都怕會不好吃，但見到咁多人係入面
試下ｌａ
叫了雲吞米線
雲吞有三粒，ｓｉｚｅ　都ｏｋ，豬肉味好濃，不錯
反而米線就麻麻地．．．不滑．．
不過只收十蚊，都ｏｋ　ｌａ

可一讚的是店員服務不錯
幾細心～

今日同朋友去先逹下面間雲吞成去食面.....
叫左碗雲吞粗....係二樓個阿叔幫我落單....隔左一陣
佢拎左碗雲吞幼面黎,,,,我同佢講,,,"我要粗面喎,,,"
跟住佢啤住我,,,仲口up up...好似想打我咁,,,
佢拎走左碗面,,,我諗住佢會同我換,,,點知,,,
條友竟然拎左碗牛肚幼面黎,,,,仲大大力放落張枱度,,
跟住繼續手指指,,,,跟住我又啤住佢,,,最後我都唔理佢
都係食左碗牛肚面,,,因為趕時間關係,,,> <