世杯期間每人最低消費50蚊
相信好多人睇波個時都會飲酒,但係佢呢間野只提供1隻啤酒,就係細支裝藍帶,其他任何啤酒都無嫁喇
其實呢間野坐得幾辛苦,一有人坐中間D圓枱,就好難出入嫁喇.

四月二十五日 (星期日)

之前看過雜誌介紹過蘭香園,老公仔見到他們牛尾看來好吃,一直都想試,不過比較少會經過牛頭角
今日到了斧山道後,就過來了!
時間比較早,還擔心未有晚飯吃!因為六點也未夠呢

問好了店員,我們坐下來,看過menu,見到有二人餐,包木瓜紅酒牛尾,但是老公仔不吃木瓜,就問清楚店員木瓜味重不重,他說都重的,所以最後都沒有點了

連忙上OR看有什麼推介,有千島蝦球,我們加了個肥牛馬介休炒通菜,加兩個白飯和湯-$118

先來了中湯是冬瓜湯,很清的!...健康呢
再來千島蝦球,份量很多!上面有十幾廿隻蝦球,加上底下的大堆西蘭花,都知道吃不完的
蝦球美味,有一碟千島汁可以點!下面又有沙律,一個已經夠了
肥牛馬介休炒通菜,肥牛份量不多,但美味,通菜份量多,而且加了馬介休炒,很香味!

這店子都有球場看的!下次有機會再來吃和看呢!

今晚又黎左蘭香園行過黎知時都想叫粥食.
不過諗諗下... 呢度d粥好似食過重要麻麻woo.
咁岩朋友想叫送食飯,所以叫左2個小菜.

真係估佢唔到可以無晒菜都有...蒸魚又賣晒...
叫左個魚腩煲同肥牛金菇.
味道唔係太多味精都ok,又唔太大油大味.
都幾ok;份量都幾大隻woo.

好在2個男人都可以食晒.

奶茶就唔夠香滑不過都合格,一般茶餐廳水準. 60分

好耐沒有來 已往都因為尼道食物可以 坐得舒服 但上一次食了碗餛飩麵給赫怕了 餛飩裡D蝦好臭好梅 久久未平伏心情重來
某食物做得不好 不代表今天也是 但是 今回令我心死..
簡單如茶市既三文治都差 更加唔使講晚市添 叫份餐蛋治都冷冰冰 餐肉薄蛋更薄 完全求奇 同食水又深
同事叫熱狗也不見好 麵飽一點也不熱 醬汁少配菜得一小片青瓜 連普通麵飽店水準都無
熱奶茶 無味無奶香 茶仲唔熱 凍既好似奶水 想點? 係咪下午茶就可以馬虎 既然晚市撐得住 不如放棄茶市 一來不會做壞名拖累埋晚市 二來食客肚皮不用受罪

同朋友好想搵地方傾下.
牛頭角真係無咩地方可以揀所以諗茶餐廳.
蘭香園食過幾次小菜幾好粥都係第一次食.
只係合格水平...
唔太香都叫錦不過唔係用時間煲出黎的綿.
我叫艇仔粥不過材料真係好少,菜反而最多.
朋友的雞粥話d雞好咸...

下次都係唔好係度食粥.
唔係人家強行...

蘭香園早餐勝在款式多, 眼見好多人叫腸粉套餐, 我地叫碎煙肉炒蛋厚多士, 煙肉鹹鹹香香, 超好味, 創意十足. 香矛豬排公仔麵物有所值, 再叫三代同堂, 是用蝦米造成腸粉皮包著蝦肉, 上面再放上一堆蝦籽. 蝦米腸粉皮包蝦肉不錯, 但最失敗係D蝦籽; 無味甲唔香. 下次再試晚飯.

成日去隔離的珍味軒食晚飯, 今日試下蘭香園. 叫了$98的二人餐. 有2頁餐牌的小菜可以選 都算好多選擇. 最後選了牛尾煲 (大) 及魚香生根茄子, 跟2碗白飯及例湯.

例湯一大碗, 是青紅蘿蔔煲排骨, 有好多料, 但因此為聲明是不加味精的, 故味道比較淡. 但為了健康點無所謂.

2碟小菜都好大碟, 牛尾煲多汁, 送飯一流, 牛尾唔肥又好 "林", 配有蕃茄及紅蘿蔔, 好開胃. 但要等好耐.
魚香生根茄子都OK, 無特別. 因為好耐無食生根, 今次有5片, 覺得都好入味.
白飯唔算大碗, 勝在餸多.

有LED電視睇. 侍應都好快手. 但唔夠冷氣, 好熱, 個侍應話其中一部冷氣因滴水所以唔開得, 咁就快D叫人維修啦, 仲想拖??

今日我要去觀塘辦事,唸起蘭香園,
我就同男友又觀塘行過去呀
常餐$35 香芒沙律, 牛展撈丁加凍啡($4) 加4元超貴呀
腸粉套餐, $38 义燒腸配蝦膠肉丸粥

上次食過蝦腸好好味,又不油喎, 但今次既义燒腸就好油呀, 腸粉係好滑,但係不及我第一次食咁好味囉.....

粥: 好味~ 都大碗既又不油, 好好味呀~ 肉丸有五粒咁多, 超開心, 肉丸又有鮮味好味呀~ 粥杰杰地好味

牛展撈丁~ 是男友食的, 他說幾好味, 牛展都大粒架,有口感夠淋~

咖啡, 差... 太奶又甜.... 仲要加4元真唔抵呀

舊街坊的我, 間唔中就會思鄉, 今日係到開個晚餐

西班牙炒飯 $33

等了又等, 又唔多客, 唔明仲咩要等咁耐

15 分鐘後上枱, 對我飯筒而言, 一眼就知係同個名有明顯大出入, 呢個係一碟加左辣椒既西炒飯 ......飯粒痴埋一墟, 用上西炒飯的用料, 食極都唔明咩叫 西班牙炒飯, 又 唔抵食, $33湯都無個, 下次返去大家樂食無咁嬲

After reading the featured article on the paper, I had a chance visiting this local Hong Kong cafe/restaurant while I was in Kowloon. The cafe claimed having 40+ years of history and it did not show any sign of aging at all. The menu was impressive, having too many choices. I could only order the set lunch during this 1st visit. I ordered the salted chicken lunch set - the coffee came with the set came a bit earlier - it was brewed coffee and it had freshly brewed taste - pretty nice. The chicken came after 15 minutes - the texture was a bit rough - I told the staff/boss there it was cooked too long. The service was alright with this place.

當晚去牛頭角上堂，search OR 呢間最好，就SUGGEST黎呢度
6點當然冇乜人

我同朋友都要個常餐,有:
1) 牛展撈公仔麵 - 似牛腩多，仲要係黑mun mun。汁又唔夠，冇咩好撈，最差係ｄ食物都唔熱，天熱咁熱好彩食完都冇肚痛
2) SALAD - 朋友話個沙律最好，係普通既薯仔雜果沙律…可以配mango/peach，其實兩樣我都唔好
3) DRINK - 要個可樂都要加$3

可能我地真係叫錯野食啦，menu好多小菜都好似ok，唔知喇，呢度十年都唔黎一次，下次再黎先算

用餐日期...已忘了...

很少茶餐廳有腸粉叫的,
那天二時多才吃午餐, 胃口不太好, 吃個腸粉o岩o岩好 ~

腸粉皮拉得不錯, 軟滑而不黏筷子 ~
餡料也有很多選擇 ~
不過還是堂記更好 ~

2月7日, 今日去九龍灣睇12點場嘅戲. 所以一早起身同呀比就去咗牛頭角嘅蘭香園食個早餐振奮下精神先!

::: 沙爹牛肉撈公仔麵 + 熱朱古力 ::: $26
撈公黎講d麵底咁多水其實就唔合格架喇… 但係個沙爹牛肉又真係好好味wor~ !!d牛肉夠晒鮮嫩, 個沙爹醬好夠味, d蔥花更加起到畫龍點睛嘅作用, 好惹味~ 不過食下食下會覺得鹹咗d, 味精野係咁架喇... 熱朱古力非常重手, 味道香濃又夠滑~ 其實可以落少d粉添!

::: 五香肉丁公仔麵早餐 + 熱奶茶 ::: $23
叫肉丁麵係貪唔怕佢個湯底冇味. 不過佢落肉丁唔多, 公仔麵都係冇乜味… 煎蛋火腿都合格,不過塊煎蛋有d求其. 熱奶茶嘅茶味比較多, 苦澀味比較重. 咁嘅價錢喺牛頭角區都係貴咗d.

咁樣食個早餐都要廿幾蚊, 牛頭角區我地都覺得係貴咗d! 不過依然有好多街坊捧場, 食物當然係有一定保証嘅~ 有機會要再黎試埋個三代同堂先得!

於牛頭角工作了四個月以上,
看到openrice中對這間餐廳不少的絕讚,
決定來蘭香園, 這是第一次.

叫了個三代同堂及焗豬扒飯,
三代同堂是用蝦米造成腸粉皮包著蝦肉,
面上再放上一堆蝦籽.
創意十足, 味道算是不錯吧~

一向都焗飯情有獨鍾,
這次的焗豬扒飯味道也算是很好,
跟活記有得輝!

不過我想這間餐廳出名主要是在於用料夠新鮮,
以及相當不錯的服務.

有機會會再來吃

每人吃了約$50,
午餐黎講, 算係貴,
不過勝在性價比例正常.
誰料現金不足,
那位櫃台阿姐見到我有張 惠康現金券$20,
就當$20 咁用左,
佢話廢是我地去襟機囉 $ 行返轉頭@@

專程驅車前往，主要是為令到自己的腸胃可以喘息一下....

出街吃得油膩東西多，有陣子也想清清哋就攪掂一餐，所以近來的午餐都主要以清淡為上，吃的大多是粥品。自己一向很喜歡吃粥，就算要我天天吃也不會有太大問題

這裏的出品一向標榜無味精添加，那就更合小弟的心意了。每次來都是例牌吃粥及腸粉，是日就吃了碗魚片滑牛，魚片尚算新鮮，牛肉雖然很滑，但欠缺鮮味，而且切得太細件太碎，咬上去總有點似有還無的感覺；粥底頗見綿滑，不錯....

要了個新出品翡翠黄金腸粉，即是以粟米粒拼免治肉碎作餡的腸粉。甜甜的粟米粒混上鹹鹹的肉碎，味道頗匹配；可能是粉漿開得太稀的關係，皮好像缺乏一點彈性，用筷子一夾便黏黏的，感覺不太好；豉油調得帶點甜味，並不死鹹....

這兒的出品收費一向都不便宜，但偶一為之，也未嘗不可也