又一頓生日飯 , 本來打算吃西餐 , 訂檯時又說明只可以吃個半小時 , 最不喜歡就是限時限刻 , 最後決定改地點 .

朋友提議來這間強記 , 他們說好好味 , 真是孤陋寡聞 , 從來沒有聽過 . 一坐下 , 有個說自己已經在這裡打了 20 多年的員工幫我們下單 , 不說還以為他是老闆 , 好好人 , 又有禮貌 , 最重要是懂得和客人打好關係 .

我們 5 人叫了 4 個菜再加一個蠔仔粥 .

辣酒煮花螺 , 好入味 , 如果再辣一點會比較好 .

椒鹽骨 , 老員工說是這裡的招牌菜 , 一定要點 , 炸得剛剛好 , 不肥不乾 , 又不多油 , 好好味.

馬拉盞炒通菜 , 份量好多 , 菜又翠綠 , 好味 .

手打墨魚餅 , 打得好均勻 , 不會只得麵粉 , 好彈牙 .

這裡雖然是一間大排檔 , 但是服務也不差 , 食物味道又好好 , 而且地方乾凈清潔 . 只是離地鐵站也有一段路程 , 下次再過來深水埗的話 , 一定會再來 .

梅菜蒸魭魚$48
椒鹽骨$45
蒜蓉西蘭花$40
合共$133.00

想食蒸魚，嗌咗梅菜蒸魭魚，條魚唔新鮮，啲肉霉，仲有怪味，梅菜唔香，豉油汁冇味
椒鹽骨，諗住唔想食成舊肉，所以要排骨，點知係豬扒咁，肉都係有化學嘢醃，都唔係好重手，炸得香口，面頭啲蒜幾好食
西蘭花爽口，幾大碟頭，不過好油
呢度價錢平取勝

一個懶洋洋的星期日，十一點幾起身，等齊全家人已經差唔多一點，總動員又出去搵食去。第一站先到強記，今次唔係食小炒，係食粥。叫了一個白粥、及第粥、艇仔粥、油炸鬼同腸粉。

白粥不過不失，加左少少鹽味道已不錯，但可以更綿。艇仔粥也是不過不失，鮮味不夠，魷魚一點都不爽口反而係過腍呢，看來係材料的問題。油炸鬼係一早炸定的，也難怪的，已經成點幾了。已炸好的關係，不脆之餘亦唔夠鬆，有啲太韌了。

腸粉簡直是不知所謂之作...腍到差不多爛的程度，醬汁唔駛講亦唔夠香。食食下就見到阿姐攞住一大桶李錦記的醬料經過，難怪的。禁不住即刻話爸爸︰「叫你唔係叫架啦...一陣間帶你去間好食十倍的。」講既，當然係指合益泰。

之前晚上到強記食過小炒，一家人都讚口不絕，點知早上食又係另一回事。本來對佢好有信心的，所以點左咁多野，早知叫少啲。以後還是晚上來好了。

同朋友去唔成坑口村的大排檔，反而同家人來左深水埗的強記，又係一間想來好耐既地方! 因為突然決定來，唔肯定點樣去，搵左一陣先搵到。雖然個廚房係出面，但原來大部份枱都係室內，同想像中有D出入。同埋原來佢係潮州打冷（睇其他食友點既菜唔似打冷），有滷味又有粥食! 又係因為冇做準備既關係，唔係好記得有咩好食，去到之後又唔識叫咩好，唯有亂試搏一搏啦。

先來了一碟蠔餅。可以更脆，但已經算好香脆。蠔唔腥得來有鮮味，配上蔥花，美味到不行，食到最後的一粒粒殘骸都要食埋。伙計其實有推介到個墨魚餅，但因為已經叫左人個蠔餅所以冇試，下次一定要試埋個墨魚餅，相信一定都好出色。之後係焗魚腸，爸爸話好香好好食。個焗魚腸好重果皮味，不過魚腸就少左D。小弟未試過食焗魚腸，第一次試未係接受得到，但面頭有D好似油炸鬼既野都好香口好特別。

椒鹽白飯魚係唯一比較差的一味。粉有D厚，亦炸得唔係特別出色，下次可以不叫。沙丹蝦（唯一有印象大家話好味的一道菜!）冇想像中咁一鳴驚人，但都非常之好食。D蝦好大隻好爽而且個粉唔太厚，加埋個汁酸酸甜甜幾開胃。最好既係墊底既魷魚絲，煙煙韌韌，同D蝦一齊食好正。最後的金銀蛋浸莧菜雖然係好普通的一味菜，但絕不馬虎。蛋白既味道啱啱好，蛋黃就好香，皮蛋都唔錯，全部都食得出係靚野。

本來貪心地諗住試多D野（爸爸話D滷味睇落去都幾靚，仲有D粥同油炸鬼!），但四個人食左五個餸後都好飽，再食唔落，唯有下次再試! 雖然係大排檔，講到服務，我覺得簡直係一流。伙計們都自動攞凳畀我地擺袋，落單時好有禮貌，而且有求必應。有車既朋友更加可以安心泊係出面，因為伙計們會同你睇實。一有人抄牌或者要你駛開，就會通知你，食都食得開心D。

埋單$293，全部都係海鮮咁濟，算好抵食。食完後到出面耀東街望一望，發覺原來成條街有好多野食，仲要有幾間都係之前係OR睇過，下次一定要來食晒佢! 再望一望強記既廚房，個屋頂上面有兩隻小貓坐左係度。可能連小貓都聞到個廚房夠晒鍋氣，坐左係度唔捨得走。

四月二十一日

一星期前後要和別人食足數餐,忙過不停.要說大牌檔自己有一段沒有光顧,更說大排檔成為歷史.在這裏開五圍之多,一同坐在石油氣店.來得特別風味.位置雖然擠迫,難掃一眾的興致.

來這裏不飲啤酒成何體統,藍妹在場當然要飲[藍妹].當然第一款菜式就以椒鹽蠔來比人看一看,咬下來得脆口,而內部的蠔來得鮮味.一碟份量不多,總想食多件都不行

金銀蛋浸波菜來得清淡得多.雖食金銀蛋,但自己身上沒有該有金和銀,來得淒慘.可以中和剛才的炸物.接著的雞煲沒有食.炆班翅和前者一樣,這個只食一點兒.但印象記不起.

沙丹蝦反觀做得出色,炸得脆口,不失蝦的鮮味.和之前相比.這個好吃得多,焗魚腸和前者同樣做得出色,蛋焗至金黃色,食下去滑溜.魚腸下得不算多.這些都係趁熱吧

聖子來得有點疑惑.食下去凍的.厲害在於炒完後還是凍,食下味道頗為缺乏.沒有味和凍之下難道真是要同時炒五碟聖子之關係?

再來得拼盤.有豬頸肉,魷魚等,數款份量來得不少,魷魚炸得美味,鮮魷用來炸亳不爽口呢?但豬頸肉來得咸過火了,即想要杯水救火.不過不失的拼盤.

炸墨魚餅,賣相的確做得不錯.但是吃不出墨魚肉,只感淨是食到那脆漿的感覺,來得有點奇怪.

來碟炒菜,反觀炒得熱燙.不禁為全場的油炸之物清理一番.

最後生炒糯米飯.飯來得不黏.要說生炒這裏是做對的.但沒有糯米飯的綿.如其說糯米飯更像炒飯多一點.

全晚來得熱鬥盡興.幸好這裏與世隔絕.不滋擾到樓上的住客.人生得意須盡歡.食物實屬一般.但來得開心.每人一百元來得平價.和其他食友一起去綠林再戰.

當初手痕地在Facebook上,創立了個窮鬼飯局社群,不經不覺已經有半年時間,其中的大局小局加埋都有十多個,最近的一個大局,在石硤尾耀東街"強記大牌檔",繼兩個月前牛下金利來之後,再次聚集了來自五湖四海的"窮鬼".五圍共五十五人,差點逼爆間"石油氣"房.

其他人未到,先去檔口外面打個轉,看看發泡膠廂內有什麼海鮮,上幾次來也吃不到蠔,今次終於能夠補中.其他菜式也是即場才安排,是夜為大家安排,也是那些椒鹽菜式,煲仔菜,古法當道的今天,小弟也順應一下,為大家安排一尾"古法炆班翅",還有"古法焗魚腸".待大家無須付出高昂價錢,也能夠品嘗到古早味道.

第一道上的是椒鹽生蠔,很久未嘗此味了,用椒鹽泡製的生蠔,外表香脆之外,蠔身仍然保持著juicy口感,吃落很新鮮呢.接下來的是煲仔菜,熱騰騰的南乳雞煲,其實,身為配角的豬潤,比雞件更為好吃.第三味已經是菜類,是金銀蛋莧菜,湯甜菜滑.

沙丹蝦很多人也不知是什麼,用沙拉骨的做法來處理的蝦球,酸酸甜甜夠開胃.炒聖子保持一貫水準,聖子夠新鮮,不會差得去那裏去.古法菜式之一炆班翅,小弟問店主,點解叫古法?{這個名稱並不是小弟一時口痕而改的!}店主說是用薑絲,荵絲來炆,就是古法.斑翅本身的肉質,不算特別嫩,而個醬汁則很濃惹,點些小棠菜吃為佳.來到強記,人多的話,就要個大拼盤,內容頗為豐富,燒魷,炸大腸,豬扒等,實有一味合你心意.另一道名物炸墨魚餅,今次吃就略為失水準,墨魚餅整得太扁,吃不出墨魚膠的彈牙口感.

古法之二焗魚腸,色水對辦,蛋面金黃帶點微焦,將內裏掏開,蛋身不老,但魚腸比例不夠多,味道自然欠卻一份甘香,吃得未盡興,如果多一點魚腸就更為完美,同桌的D先生說過,吃過最好的魚腸,就在觀塘仁愛圍的"森記",問我可否在此再下一城?如果屬實的話,去到淨吃魚腸菜式,什麼也不叫,來個"黑白森林斷腸局"又如何?

結尾就醒大家一記生炒糯米飯,雖然是生炒,但糯米的質感疑似絲苗米,太軟身沒有一點口感.

在大牌檔的草根環境下,氣氛自然特別高漲,是夜席上有位新人,未飲酒已經daily natural high,不時開心到give me five.同其中一位資深的食友,有得比,可惜,那位朋友這夜不在陣上.否則就.....

現今經濟不景氣,開飯大局平均消費大多超過二百,並非每個人也能夠負擔得來,"窮鬼"的宗旨就是每人付出少少,來換取更大的回報.好像這一夜,每人剛好消費$100.除有得吃之外又可以"以食會友",結交下新朋友,擴闊自己的生活圈子,而且又可以卸下平日工作的束膊,沒壓力地盡情吃喝一番.

話之你係金融"才俊"抑或係個OA,總之,大家在餐桌上人人平等,沒有分上中下等,既然坐得低,就係"窮鬼"!

每次參加Smashing Pumpkins 的飯局, 總是嘈吵的, 像開Party 般, 食住玩. 今次強記亦不例外. 一行60多人, 是食大排檔. 坐的並不是街邊, 亦不是鋪內. 若不是有人早到同伙記名叔的帶領, 真不知石油氣行內, 原來已被改裝做餐樓. 5張檯, 一早set 好, 成間石油氣鋪給我們包下. 好難得, 大排檔都做到包房宴會. 是晚飯局, 更有一名新朋友, 因為樣貌極似某資深食友, 而旦新朋友 High 起黎時, 竟然比那位資深食友 High 上幾倍. 嘈吵的飯局, 搖身一變, 變成瘋狂的飯局,把是晚的氣氛推向高潮.

說食物了, 首當頭陣的, 是炸蠔一客.其實是椒鹽炒蠔, 粉皮不厚, 蠔充滿蠔汁. 內裡不失蠔味, 外面香脆可口. 頭炮沒有失禮人.

之後來一份清淡的. 金銀蛋浸波菜. 皮蛋雖不是靚. 咸蛋味道亦比較普通, 但因為剛吃了濃烈味道的蠔, 來一份清淡的. 一個 Mix and Match, 幾好.

雞煲, 叫什麼雞煲忘記了, 有濃郁的南乳味. 雞, 可能是普通的冰鮮雞, 但那醬汁, 那濃濃的味道, 完全可以補救返. 熱辣辣夠鑊氣亦是重要因素.

食物上得比較趕, 同一路在歡樂聲中渡過, 有一些菜式名字, 很快便忘記乾淨.之後一碟蝦, 賣相算是全場最靚既一道菜. 炸蝦, 加上沙律醬, 下面有一些像炸天使麵的鋪底, 非常香口的大排檔食物.

蟶子, 可能因為剛吃過榮興的蟶子不久. 有時覺得不好食往往是因為有了對比. 不過對不對比都沒有所謂. 因為豉椒味不夠, 是會直接影響到蟶子的好味程度的,

石斑翅邊, 一塊炸魚骨, 味道是好食, 但食下食下, 感覺太多炸點. 之後的大拼盤, 同 墨魚餅, 都冇食咁多. 而主題菜古法焗魚腸......根本唔想食.

最後有炒糯米飯, 不夠粘, 有點失望.

不過今晚的氣氛好好, 尤其是有位上左身既新朋友, 混亂得黎, 再加點歡樂.

一行七人星期日(1/2) 8點本來想幫襯附近的"萬發",點知去到成幾十人係門口等位。
第二天要返工，只好放棄"萬發"，試試這一間，本來見它有成三間鋪位以為不太差，點知原來是一間黑店。

我們被安排到附近的一個把非正式鋪位，一共叫左8個餸，8個飯，一支啤酒..total $ 610

雜錦拼盤 (大) - 有豬頸肉. 鴨舌. 炸大腸.墨魚餅和炸魷魚,每樣分量也偏少,而且比較油
燒風鱔 - 得8-10小塊,味道一般
煎蠔餅 - 很油, 蛋少粉多, 不好吃
啫啫雞煲 - 南乳味，雞外有豬潤，馬蹄，多油之外,味道中窺中距
魚香茄子煲 - 又係多油，好少肉碎
豉椒炒蟶子 - 蟶子一點也不肥美，殼多過肉，而且炒得又不惹味
蒜蓉炒豆苗 - 超多油
辣酒煮"超迷你"東風螺 - 明明門口有一大盤正常size的，上給我們食的竟然是size連一隻女仕尾指也不如的東風螺(連貝殼計)，所以食得的部份只有一粒豆豉般大

當我地離開經過正鋪時，看見門外一大盤正常size的東風螺，他們竟指我們沒有指明要大定小,所以給了我們貨尾，真令人氣憤，大家都決定不再幫襯這間黑店。

p.s.忘了拍照做個記錄,好可惜

因有朋友由美國回來旅遊, 星期天晚上選了來強記, 讓他可以一嘗香港大牌檔的風味,
自己也是第一次來強記呀! 一行 5 人點了: -

啫啫雞煲 - 第一次食有南乳香的啫啫雞, 味道不錯也夠乾身, 雞和豬肝也不算嚡口,
好食到大家都要再添食, 再來一煲

焗魚腸 - 很愛吃魚腸, 但也越來越少機會吃到, 話哂都是不能叫高價的心機菜,
已很少菜館供應焗魚腸, 強記的焗魚腸已算做得不差, 面脆內滑, 但還是最懷念
小時侯母親的魚腸蒸蛋和魚腸煎蛋, 但已成絕響

煎蠔餅 - 很油, 蛋少粉多, 不好吃

雜錦拼盤 (細) - 有豬頸肉. 鴨舌. 炸大腸.墨魚餅和炸魷魚, 全部普普通通, 又係好鬼油,
需是 5 款不同的東西, 但吃落都是一樣味道

臘味糯米飯 - 失敗, 又淡又無味, 糯米飯夠乾身但不知為何飯粒卻是散修修的,
近期吃過最差的糯米飯

蒜蓉豆苖和蒜蓉菜芯 - 又係好油

其實強記真係麻麻哋, 也犯了一般飯店的通病, 樣樣餸都太油膩,
像全部經走油才下鑊, 偶一為之尚可, 多吃實胆固醇超標

深水埗好多出名0既大排檔，今次特登嚟試吓強記。

四個人叫咗︰
蠔餅 - 見到人地食好吸引咁，忍唔住叫咗碟，點知唔掂，好粉漿，成碟炸粉咁
焗魚腸 - 本身唔食，佢地話唔香，唔新鮮所以腥得嚟仲有d苦
燒風鱔 - 本來好期待，點知一上枱，$70個碟好大，d鱔勁細，得十小舊，份量細得驚人，而且味道普通，好失望
小食拼盤 - 樣樣都麻麻地，好似用油浸咁，魷魚又唔新鮮
八寶啫啫煲 - 有田雞腿、粉腸、豬膶、雞、豬肚、馬蹄等八樣嘢，勁咸勁油，唔掂

哩餐好失望，冇一樣嘢好食，繼小菜王&增輝後，又一間令人失望0既大排檔，而加真係好難搵到間好食0既大排檔喇...

為左同一個好朋友慶祝自由身, 唸左好耐究竟食西餐?日本菜?東南亞?cafe?
終於決定黎呢度食飯, 相信冇一個地方比大排檔可以把酒暢談的更好了

蝦醬通菜 蝦醬味唔太濃, 又唔太咸, 菜嫩, ok~
啫啫雞煲 係一個不可不叫既煲, 香濃既南乳認真冇得彈, 而且整個菜係乾身o個種, 唔會有太多汁醃住d雞, 食到尾都唔會變咸, 唯一唔好既係雞肉幾鞋口, 如果可以嫩滑d更好~
炸墨魚餅 睇人地食評始終冇親身感受既咁好, 一食之下果然彈牙到爆, 炸左都唔覺有油, gd job~but 大塊d / 多幾塊就好喇~
砵仔焗魚腸 門口大大個既招牌餸, 其實我未食過魚腸, 亦唔係好敢食, 不過都忍唔住試下, 舖面既唔覺脆, 下層既蛋同腸就幾滑, 不過食到有d苦澀同好重胡椒味同陳皮味, 仍然係有d腥, not my cup of tea~
辣酒東風螺 冇花螺變左東風螺真係差好遠, 食落一d都唔覺"辣"/"酒", 係敗作!!!

P.S. Wed晚上食飯冇咩人, 唔洗等位坐indoor, 位鬆動伙計招呼相當好, 見有龜抄牌都即刻大聲叫車牌搵邊個係車主, 唔會叫兩聲冇人應就算鬼數
呢餐加多4支生啤$18@三個人埋單$327, 朋友唔夠喉叫多兩支, 總數$363, 坐左成晚, 猜左幾板, 暢談甚歡, 真係一樂也~抵呀!!!

今晚又再出動去尋找大排檔
係深水埗既話,耀東街我就未試過,所以都特登走一趟,
去到耀東街都有好幾檔,有食粉麵,粥,小菜等等,都有好多選擇,
不過我地今日既目標係強記.而且選擇坐門口,免得抄牌都唔知.

點菜後,小菜都好快送到上枱,
椒鹽豬扒一上枱,果種陣陣椒鹽蒜蓉香味,實在令人食指大動,香到不得了,
每件豬扒都係細細件,底面都有蒜蓉粒香味,送飯一流.

豉椒炒蜆好大碟呀,蜆既size適中,我食咁多隻之中,只食到一隻有沙,
都算走運,個豉汁好濃.

蝦醬炒通菜賣相比較亂,不過係好好味,好夠鑊氣,蝦醬味道啱啱好.

臘腸糯米飯(細)有分大和細,這個份量都應該有兩個飯碗,糯米炒到乾身,
煙煙韌韌,有一粒粒既臘腸同花生,好香口呀,不過油比較多.

今餐都好滿意,4 款都好好味,份量都幾大碟~~~

今天繼續約了食友一起開飯，地點為深水埗的其中一間較好的排檔。雖然名叫排檔，但在面對現實之下，有很多座位也得移入地舖之內了。對於怕熱的客人當然增加了吸引力，不過在另一層面上卻失去了排檔原來的風味。

拿起了菜牌，點了幾個耳熟能詳的小菜，一邊看著奧運女排的直播賽事，一邊等著小菜奉上。

先來的是<<豉椒炒蜆>>，如男侍應所說，蜆肉不算肥美大隻﹔還好豉椒醬汁帶辣頗治味，味道和食慾也因此有所提升。
接著來的<<墨魚餅>>，色澤金黃、味道和口感依舊的彈牙鮮味，不過餅的厚度少了差不多一倍，或者又跟物價高漲扯上關係吧......
香味四溢的<<啫啫雞煲>>，份量反而沒有改變，在煲底的醬汁依舊濃烈又惹味，雞肉的口感好像比從前的嚡口了一點......
<<馬拉盞炒通菜>>，排檔出品自然夠鑊氣，加上炒得惹味，跟白飯一起吃著，顯得份外美味。
食友指定要的<<皮蛋莧茜魚片湯>>，味道清香，湯底充滿著魚肉鮮味，反而皮蛋味道比較薄弱，該是跟皮蛋的質素有關。
<<椒鹽白飯魚>>的魚身是大條那種，調味足亦頗香口，不過還是用上小型的白飯魚來製作此品，味道更勝一籌。不過要額外多花不少功夫，可不是每間店都願意去做，真是可惜。
這次的<<砵仔焗魚腸>>，沒有腥味，水份足而魚腸頗肥美﹔表層炸得脆口，不過陳皮味欠奉是唯一敗筆之處。
N年沒吃的<<骨髓炒三鮮>>，水準尚算不錯。骨髓柔軟沒散開口感嫩滑，配以中蝦等材料醬汁，算是比上不足，比下有餘吧。
這個<<生炒骨>>的味道有點特別，因為味道有點像是話梅而不是一般的酸甜。排骨肉有用梳打"招呼"過，還好是醬汁不是死酸死甜，味道算是頗自然的。
最後的<<燒風鱔>>，皮脆肉嫩，魚肉味夾雜著一點點的蜜汁，既鮮且甜﹔一檯為食朋友才每人一塊，實在有點不夠喉。

一眾食畢全部食物也只花不到一小時，既然大家也好像意猶未盡，那就到下一個站吧~

今晚，又到強記開飯啦!

點了下列菜式﹕

啫啫雞煲﹕真惹味!!!鍾意豬肝，也鍾意馬蹄，更愛雞!!

沙丹蝦:彈!好味!

腐乳通菜:好味

白飯兩個

汽水一枝

盛惠$154

九號波之前夕,突然接獲友人之訊息:{今夜大排檔呀!}

上個月先去過強記,在暴風女神"鸚鵡"未殺到之前,又再來一次.小弟非中國女排的球迷,無獨有偶,這夜偏偏又與她們相遇.今次對巴西,再一次"女排送飯".

吃甚麼好呢?生蠔是夜繼續暫停,來到就繼續吃些椒鹽菜式,煲仔菜又不能少,很久未吃過住家菜,要煲莧茜魚片湯來解一解愁好嗎?再炒點蜆啦,又如何?又要咕魯肉又要牛仔骨,不如雙拼吧.

蜆肉細小偏瘦,沒有甚麼肉吃,為的是幫助一下啤酒妹,賣多幾支啤酒,不過份屬生力的她,我們就向她要青島.差不多每次來也吃墨魚餅,香脆彈牙.熱辣辣的雞煲,雞肉入味兼不失嫩滑,不錯.大排檔的鑊氣,是最引人入勝的地方,炒碟菜也好吃過人,好像這夜的馬拉盞炒通菜.良久不喝住家湯,這一碗皮蛋莧茜魚片湯,正好能一解相思之苦,除此之外,飲大兩杯後來碗湯,有解宿醉之效用.

香口的椒鹽白飯魚,都是用來送酒最好.缽仔魚腸回復本色,比上一次吃的好.牛仔骨也不俗,燒鱔脆口肉嫩,骨髓三鮮上次吃過,不再多講.

估下吃罷以上菜式,要用多久時間?答案是一小時之內.果然是香港精神之一 - 勤快.

埋單之後,又再到下一站去.