餐廳比想像中易搵~不過d野食比想像中普通...

叫左:
酸辣湯底韭菜豬肉淨餃 : 淨餃已經夠飽....因為足料~d韭菜豬肉都ok新鮮~唔會有"豬壓"味~不過真係好普通~皮係北京style~比較厚~我中意~出事就在於酸辣湯...唔夠酸亦唔夠辣...唔夠味...(註明:我唔係太食得辣...平時食米線都係叫少辣...) 個酸辣湯底係加左$6轉...都唔好味...失望

環境
細細間...食完d衫好大陣油煙味

總結
味道1般+酸辣湯尤其差+價錢唔算平(以地區同環境計) 所以麻麻地...

收工見有少少口痕想食野,但又唔係好肚俄
想食北京的餡餅...就行左去買,....去到見到門口有人排隊
我又走去排隊買餡餅食,
o係我排隊等緊時 見到老闆娘同一個阿姐好忙咁煎緊野
跟住睇睇下,佢地一邊收錢 收完錢跟住又去摸下個餡餅同d煎餃 =. =''
老闆娘仲要"辣"到隻手指...見佢擺去口邊吹一吹....跟住又去摸返d餡餅同煎餃..
嘩....衛生到佢丫....都係食第樣好d~~最後都係叫左件炸豬扒同豆漿
d豬扒香脆又鬆化 豆漿就個人覺得偏甜但豆味夠,唔錯!
d野雖然係好食,不過衛生就不敢恭維喇....老闆娘開左十年
都改善唔到祖國的習慣~

This store always come to my mind when I don't have any specific item wants to try in somewhere else. Down to earth store. Must try.

麻雀雖小，五臟俱全．食品選擇豐富．

到達時差不多收爐．沒有煎水餃．

只叫了酸辣湯水餃和土豆絲．

酸辣湯非常不錯－加了：豬紅，豬腸，木耳．不太酸．
水餃皮略厚，但豬肉挺鮮．

一流土豆絲：有花椒八角．小量指天椒絲．麻油香味．即點，即切，即炒．炒得剛好，土豆絲仍然爽口．比很多’高擋’京菜館來得正宗，美味得多．

食評中賣相飽滿的水餃，深深地吸引了我，擇日不如撞日，收工後立即前往，此店位於柯士甸路，離理工不遠，一點也不難找。店舖小小，見阿姐在門口煎製小吃，看似相當惹味，剛好有一卡座，遂入內坐下。

主打的韮菜豬肉餃 ($24)，一客十隻，水餃是即點即包，全都大大粒的，較平常的大兩倍，份量一點也不吝嗇，韮菜豬肉約六四比，輕咬一下即爆汁，味道不錯的，小小挑剔是比例實在大得過份，是抵吃，但卻失去把水餃一口吞掉的快感。女友不好韮菜，就要了拍青瓜 ($16)，見店員從雪櫃拿出一條青瓜即拍，實在誠意可嘉，瓜略嫌拍得太細小，不夠爽脆，濃油味道也太濃了。

貪得意試了蔥油餅加蛋 ($7)，幾有創意，無疑此舉令蛋味來得更加強，但蔥油的比例卻少了，得不償失，餅不夠油酥味，入口像是油立立的煎粉餅，而中間煎蛋部位更特別咸，半點也不討好，還是算了，始終都是正宗的好吃，蔥油餅多蔥才是皇道吧！

吃dumplings，在家我只會吃灣仔x頭，倒下窩裡煮就好，雖然知道味精多，但不會包，就要忍一下。有一晚興起想吃水餃，就上來search，看到笑面頗多，第二天就來吃。

location比較遠，但仍然很方便易去，雖不就腳，但要吃就得花多一點點功夫。

店子不大，地方更窄，胖一點也不好進。dumplings是老闆自家包的，不是其仔地方都是買現成做好的，這更見誠意。

要了酸辣湯麵，北京水餃麵，紅油抄手，豆沙餅，就此。


酸辣湯麵，看上去對辦，豆腐、火腿絲、蛋絲、冬姑粒、竹筍，麵條打得有咬口，不易斷開，而且麵算幼身，幾好；
北京水餃麵，一樣的麵，換上餃子，肉汁極多，菜肉的比例亦平均，清清的一碗麵也好吃；
紅油抄手，這個不正宗，雖然吃上來夠辣，但餡料卻也都是水餃的料，好怪，但如圖所示，湯汁好多，我喜歡；
豆沙餅，小小的一份，不夠熱是敗筆，而且皮厚，不好吃。

由製作到服務，都是老闆親力親為，誠意可加，雖然食物的水準未算極佳，但此價錢吃一餐，也叫很滿意了。

叫左酸辣水餃米線, 好味喎, 同埋東坡肉菜飯 (好似係), 朋友仔都話好味, 仲有湯送, 不過就...麻麻地...豆漿都幾好

前日由佐敦沿柯士甸道行去紅磡, 同朋友講緊夜晚食咩.
之後就醒起柯士甸道轉入去條街仔有北京水餃食, 想食好耐. 今次既然經過真係要去一去, 哩個位勁多好野食, 但真係唔太就腳.

入面有位. 叫左碗北京水餃$24同牛肉卷$14.
叫完之後先發覺有煎餃子. 唔緊要啦, 有機會再試

水餃到, 一碗8隻
d 包好結實唔易爆, 而且仲好煙韌彈牙
咸係豬肉同韭菜. 偏深色, 好似落左老抽咁. 一食就好大朕韭菜味. 啖啖肉, 好正
而且咸料既空位仲鎖住晒d 肉汁, 勁juicy
d 醋落少少已經勁重味. 好北京style. 食食下真係會食上癮, 會愈落愈多
皮薄多咸, 完全冇偷工減料!
個湯原來都好正. 鮮甜冇味精仲有少少胡椒粉辣辣地. 我就咁飲下飲下都飲左大半碗了!

牛肉餅, 店長話係蔥油餅包住牛肉
都幾大塊, 蒽油餅煎得金黃色幾靚. 香脆唔油, 食落都好彈牙
咸料原來係牛展黎. 所以牛既味道更加濃烈, 雖然唔係話有好多塊o係入面.
但食o個時小心牛展跌出黎.

同朋友share 每人都係$19, 已經好飽. 原本諗住去紅磡掃街, 睇怕都唔駛啦

突然之間餃上癮,巧興雖然好,但總不會來來去去也是吃死一間水餃店,{比你日日對住李嘉欣,你都會厭啦.}

相約友人來飯後甜品,身處在尖沙咀與佐敦之間的邊緣,便來到柯士甸路,天香樓對面的"北京水餃店"試試其水餃,此店在早前曾經被電視台的飲食節目介紹,牆上更貼滿眾中,港,台明星的照片,多到當牆紙去貼.

或許是明星效應之緣故,小小店子,晚飯時間有數位食客正在等候,我一個人直入也能找到自己的位置,但要與人搭檯.

水餃店除北京水餃之外,更有一些小吃如炸豬扒,拍青瓜之類,亦有客飯,麵食等供應,既然說得餃癮起,當然是來吃餃子.於是便來一份煎北京水餃,一份走湯,北京人吃水餃一向沒有連湯的習慣,係南下之後要遷就愛湯的粵人,所以在香港吃到的北京水餃,十間有十間是連湯上,除非你事前要求走湯.

掛名北京水餃,實則上是韭菜豬肉餃,外皮很薄但不易穿,煎同煮是兩種態度,用煎的做法,韭菜的香氣得以盡情發揮,如果煮就令到餡內的肉香更加明顯.在個人口味而言,是偏向煎的一邊.因為我喜愛韭菜的香味,所以由細到大,吃韭菜餃也是煎.

在巧興有青蒜頭加醋的"臘八醋",此店沒有此一味,檯上的豆辦醬,同巧興一樣地惹味.

位於尖沙咀似近還遠的地帶,其北京水餃做得實在不錯,難怪受到要求私癮的名人上門,未來日子如果身在老尖,突然餃癮起的話,可以來此"上電".

好耐沒有來吃, 今日吾駛揍女, 決定再吃過痛快
今日(8日18日)叫了
1. 煎餃4隻, $12, 韮菜豬肉, 普通熱, 夠乾身, 但咬落有汁, 好味
2. 淨香茜豬肉餃8隻, $24, 好大隻, 皮彈, 入面多汁, 好香, 可能我鍾意食元茜, 所以覺得仲好味過韮菜豬肉
3. 熱豆醬1杯, 好似$6, 吾太甜, 值得讚是豆醬從凍機倒出再煲熱, 不是叮熱

其實之前也試過其他嘢的,好似
1.京芹豬肉餃, 味道ok啦
2 牛腩麵, 牛腩夠諗, 麵就無特別
3.酸辣湯, 好足料, 吾算辣, 因為食完吾駛即刻飲野
4.餃子的湯底無特別,(吾好有祈望)

老細好好人, 有次食完再買生水餃返家, 老細會仔細教你怎樣煮

今日同fd睇完套"毒蛇風暴"就過左黎吃野，點知天氣話變就變，落起雨黎。好彩d雨都唔算大，總算黎到呢度。

坐抵就嗱嗱啉叫野吃，叫左豬扒水餃麵($27)同埋東坡肉麵($27)，再黎豆漿($6)。

豬扒水餃麵：豬扒即叫即煮，煮出黎口感不錯，咬落去夠脆，又不會太油，味道亦都可以。水餃大大隻，餡都豐富，不過吃落卻覺得沒什麼特別。

東坡肉麵：東坡肉d肥肉入口已開始溶化，好味。

豆漿不錯，飲落甜味足夠。

環境方面就比較逼夾，所以擺設方面有點兒亂，洗手間都用左黎擺野。

吃完之後，見雨停左就埋單走人。

曾經被某雜誌介紹過的餃子店, 看過後對其包得像元寶的北京餃子產生濃厚興趣, 逐某日與彼得前來一試.

此行目的就是為了'餃" . 看見亞姐以純熟之閃電手不停在包餃, 包出來的全都像錢包一樣大大個漲卜卜, 吸引極了! 看回餐牌, 先點個前菜熱熱身, 就要拍黃瓜吧! 我可是一個為了呷醋而吃此菜之人~ 黃瓜爽脆新鮮, 精粹之處一定要放少許麻油加辣油, 那就包保胃口大開~

餃子種類不算很多, 白菜/ 韮菜 /冬菇豬肉 ....我全都不感興趣, 要試的話當然要試最有特式的---- 茴香餃及京芹餃. 聽說兩種菜都是用上來自北京的新鮮貨. 而且包餃前會先出水, 搾乾, 去防止餡料太濕而變得鬆散. 好! 就來個雙併餃.

不知從何開始, 我吃餃的方法改變了, 不喜歡煎餃和湯餃,選擇"走湯" 而且要蒜蓉醋. 一來食法最正宗, 二來最健康. 8隻餃中, 隨機抽樣選中茴香餃先吃, 餃皮是北方系帶厚煙而富彈性, 合格! 茴香味道果然夠強烈, 感覺如吃"唐萵"一樣, 並不是人人所好. 豬肉吃得出應是新鮮貨, 有肉汁. 可能餘韻未散, 再吃京芹餃時, 覺得味道太相近, 不過同樣美味.

區區幾隻餃子又怎能夠滿足我呢? 見蔥油薄餅是即叫即做, 又再追加. 身後的亞姐很快地用麵粉轆把麵團滾幾下就放在平板上煎. 蔥油薄餅充滿沈實麵粉香, 口感如餃皮一樣, 彈性十足,缺點是是蔥粒不夠多, 吃起來欠點香氣. 下次醒目要多蔥!!!

胃口比我大的彼得, 一定不會似我般餃吃飽的. 見餃類不錯, 於是再來一碗雲吞豬扒麵 .豬扒炸得金黃, 上枱時已代為切開, 試過一口, 肉質頗軟, 喜歡香口食物的人一定會大讚, 對我來說就太膩了. 雲吞皮比水餃薄一點點而已, 基本上餡料類同. 幼麵本身滑溜, 份量之多連他也有點吃不消.

最後還不放過甜點. 來個薯薯豆沙糕最好. 事前還以為是凍吃的, 又或者像擂沙湯丸般. 等了 10 數分鐘方知道又是我的天敵---炸物.!!! 算吧, 不想浪費,照吃可也. 這個外皮就明顯不太合格, 如吸了油的咸水角, 不脆身. 內層的豆沙反而有"流心" 效果! 如此物改為芝麻皮又如何?

整體而言, 絕對餃得過的.

星期二約了老友去圓方睇Harry Potter, 看過電視介紹, 睇戲前特意前來吃她們的酸辣湯水餃,
老友要韮菜豬肉餃, 我則點了地道的京芹豬肉餃。

酸辣湯味道很好, 酸酸辣辣得來又不會太辣, 材料非常豐富, 最特別是有豬肚在內。

餃子包得好靚, 每隻都包得又大又飽滿, 十足元寶。

對於京芹豬肉餃, 我原先還很有期待, 可惜那京芹豬肉味道我還是接受不來,
雖然餡料很多, 但味道怪之餘還覺得很鹹, 吃了兩三隻已經放棄了, 很可惜啊!!!

幸好老友讓我試了一隻韮菜豬肉餃, 我覺得她點的韮菜豬肉餃好吃得多,
吃得出餡料很鮮味, 如下次再來, 要回港人口味的韮菜豬肉餃或白菜豬肉餃好一點,
太地道的口味還是不太適合我。

小店環境衛生都麻麻, 油煙味強勁, 而且老闆娘當天可能心情不太好, 態度頗惡劣,
但老闆剛好相反, 所以服務分打過和。

老實說她們的餃子雖然幾好, 但我又覺得無需特意專程去食,
因為坊間還有很多同等質素或更好的餃子店, 將來有機會的話, 或許會再來的?!

上次吃過之後十分回味,加上原來電視又剛介紹過,這日來取衫,順便再食.

招牌水餃味道極好,這次要了酸辣水餃($30).酸辣湯不算很辣,但酸味很夠.而且豆腐,豬肚,豬紅,雲耳等份量又多又大,唯獨豬肉絲又乾又嚡,不吃也罷.餃子皮比較厚,餡料有韮菜,肉碎,調味功夫不錯,很入味,但加點黑醋會更好.

炸醬拌麵($30) - 拌麵上的肉碎有點咸,另有青瓜絲和蔥花.味道很一般,只有咸味而已.DIY加了些豆板醬,效果好了點.

豆漿($6), 豆味香又不甜,消暑解渴最好.

店鋪座位較少,只有5張枱,食完之後還發現原來有滴水問題,而且油煙味很強,食完後便急急腳走人.

上星期睇徐淑敏食到津津有味。今日就去試下呢間北京水餃。
地方吾大。好在冇乜人。
見到有好多老闆同明星既合照。好似真係好出名甘。

我地兩個人。叫左兩碗水餃。
一碗係香茜豬肉餃。另一碗係北京水餃酸辣湯底。
仲有一個北京餡餅同凍豆漿。

其實兩款水餃都冇乜特別。
同其他有得食水餃既地方差吾多。

個酸辣湯底吾會太辣。岩岩好。而且仲好足料。
但係好可惜食食下見到有頭髮。頓時食慾大減。

香茜豬肉餃同埋北京水餃個餡料都好足。
足到可以話係太多芫茜同韮菜。
食完成日。都仲有芫茜同韮菜味。

最後個北京餡餅係個老闆介紹我地食既。
個餅皮太厚。但係都不過不失既。

雖然吾知道會吾會去再食。
但係覺得食左一次就夠。
今日食完吾會有再想食既念頭。
單係睇電視睇老闆同明星既合照。真係覺得好吸引。
但係原來吾係特別好味。只係普普通通。
味道吾會好到要特登去搵呢一間北京水餃黎食。