同事一行七人到此吃午餐, 由12:15坐到1:15, d餸都未嚟齊, 一早去到得幾張枱都要等15分鐘先有嘢食, 仲要唔係新鮮熱辣咁攞出嚟, 小籠包, 黑醋魚塊, 回窩肉, 都只係和暖, 跟住又要等15分鐘先出到其他餸, 但實在無法入口, 因為四季豆和上海粗炒都是凍的, 叫待應攞番去翻熱, 等咗10分鐘先有人嚟, 最搞笑係翻熱後蝶餸仲凍過之前, 於是大家都唔想再等, 取消未到的餸便走人, 之後大家就要一齊買麵包嚟填滿個肚!

話先說在前頭，今次呢間真係好好食，好似比我o地食開o既金滿庭有得fight

這條街，不時都會經過，但往往沒想過要向左走，就會有這麼一間的食店


訂了檯，十個人，進了一個有兩張檯的偏廳，客人還不是很多，寥寥數檯
點菜是以點心紙形式，倒是有點特別

一坐低已經有o既前菜豆腐絲，淡淡的油香已經令人增進食慾
紅油抄手 - 我唔食辣，而佢辣o既程度對我就剛剛好！而且餡料的豬肉亦不失鮮甜
雞絲粉皮 - 可幸沒有像坊間般被一大堆濃味的麻醬蓋過雞味及青瓜的爽脆
肴肉 - 呢個我就嫌失去那jelly 的特點
蜜汁火舫 - 第一次食，好新奇。同事教的吃法是一片包，一片脆腐皮，一片火腿，數粒蓮子。幾種味道一口咬下去就好有層次，尤其要夠多蓮子先係重點，正！

還有幾道如擔擔麵都不錯，但脆鱔就很不濟……
甜品要了的八寶飯都好得呀，甜度低於平均，但自行食埋面頭o的糖就o岩晒我。暖暖的，飯粒也不會黏在一起

服務：當人一多時，就好難搵到侍應喇，人手真的不足，八寶飯是叫了埋單才來。另我o地發現脆腐皮比火腿少了一塊，佢o地都肯不情願地給回一塊，但就明顯炸得唔夠火候


可能想o黎梗團年飯o黎呢度食呢

同同事去食附近一間叫花滿樓, 以為會有幾好味啦

擔擔麵, 花生醬可以分開上, 算唔錯, 可惜唔夠熱
紅油抄手, 唔辣既, 而且6隻雲吞無咩特別, 有d唔開心
仲叫左個唔記得左什麼排骨撈麵, d汁ok既, 不過好油, 但排骨超唔得, 無咩肉咁濟...
最後同事話唔夠飽想叫高力豆沙, 點知無only豆沙, 一定要有香蕉個種
賣相ok啦, 已經算係拎到黎最熱既一樣野, 但入面加香蕉真係唔掂...香蕉有少少酸架嘛, 同豆沙撞晒囉...

最慘係佢d服務!
個場係好長既, 佢竟然同一個area有8張檯得1個人識得落單!
但呢個人又成日行黎行去都唔望d客, 淨係行!!
落單埋單都等左唔少時間!

最恐怖係, 佢第一壺拎黎既茶, 竟然有隻昆蟲!!!
叫佢換個壺, 佢就竟然一句道歉都無, 加上全程無笑容...
我真係好懷疑到底佢有冇訓夠...lunch先剛開始, 唔係咁快就忙到唔識笑下化...
真係呀...

仲有呀, 我11點幾打去book12點幾3位
去到我見仲有好多卡位無人坐, 問佢可唔可以轉去卡位, 佢話唔得, 有人book左
咁我地以為佢係指有d 4人黎既就俾佢地坐卡位啦
點知我地食到中途竟然見到唔少卡位都係坐3個人!

唉...係中環開舖咁既服務...

放工後到中環一趟，一直也不太熟悉香港區，原想在威靈頓找間餐廳吃飯，但挑選期間，看到花滿樓，便去碰一碰運氣。
由於walk in ，沒有預約，也不能對座位有太大要求，放眼望去，其實座位尚算舒適，略嫌通道有點狹窄。
侍應問要甚麼茶，點了鐵觀音。
由茶說起吧！
一頓飯中，我會不停地茶，茶總會越沖越淡，但這壺鐵觀音，入口不太濃，有茶味而且清，最重要的是，添了很多次水，茶味仍在。
兩個人，點了五道菜。
前菜：雞絲粉皮
單看外表和夾起時的質感，有點黏黏的，不過，吃的時候卻是有點彈，頗特別，味道也不錯。
主食：
1. 松子魚塊
此松子魚塊非松子桂魚，兩個人，點桂魚好像太多，所以點點魚塊，先炸好，再淋上松子汁。魚塊魚軟，但表皮不脆，可以說，一夾就散，但味還是不錯的。
2. 大蝦韮菜水餃
湯濃，味道十足，一口咬下餃子，感受到那餡料的肉汁，水餃皮也不會太厚。
3. 蒸銀絲卷
銀絲卷軟軟的，拌著煉奶，真的不錯。
4. 蔥油餅
這裏的蔥油餅，不是一個扁平的餅，而是一個類牛角包般的圓形餅，材料就在圈圈中，我不太喜歡吃蔥，但這蔥油餅，實在很美味，入口鬆化，像是酥皮，蔥味不太濃，吃完後不會弄到口腔充滿蔥味，不錯啊！

下次再約朋友一起到花滿樓吃飯，不過，真的要訂位。

朋友想吃上海嘢，提議到花滿樓午膳。我們一行三人被安排坐卡位，地方寬敞舒適。因大家在不久前才吃過早餐，所以只點了數款菜式。

鎮江肴肉：和平日吃的肴肉不同，顏色比較深紅，味道普通
涼伴海蜇頭：海蜇頭夠爽脆，幾好
宋嫂鮮魚羹：魚肉比例不夠多，但其他餸料配搭得宜，湯底稀杰適中，味道ok
嫩雞煨麵：頗大碗，湯底香濃，嫩雞ok，煨麵亦算彈牙，不錯

[13/12/2008, Sat]

公司有同事生日，我哋就齊齋出去食飯慶祝吓！
有同事話想食上海菜。結果選擇咗呢間 ，我都曾經嚟過食晏。都OK啦！座位就有D壁，晚市就未試過咯！
真係意想不到啦！我D那晚9位同事去到食飯，佢哋仲留左VIP房比我，環境好好、坐得好舒服........
點菜時，侍應介紹我哋食﹤片皮鴨﹥，佢話好好味.見佢咁有誠意、又咁好笑容、咁既管試吓、點知道真係好好味。Ｄ皮好脆、Ｄ餅都好薄、包起嚟唔會太大件、容易入口。
仲有一個小菜更值得介紹﹤京燒羊肉﹥。本人從來都吾鍾意食羊架、因為我最怕蘇、我都吾知我同事叫左羊、當我食左之後、發覺好好味、佢做得好脆架。我見咁好味當然想知係咩肉嚟啦！點知佢話係羊肉、最初我仲吾信佢講、羊肉都有蘇味架？後來我就問那位侍應竟然真係羊肉嚟、所以我覺得呢道﹤京燒羊肉﹥最值得一提..........真好`好味

上星期某日晚上我同友人去試下位於中環既花滿樓食野,
一入到去,個waiter就問我有無訂台,我答佢無,3位..
之後佢又再問多次我有無訂台..我再答佢..3位,無訂台..
跟住個waiter就跑左入去唔知邊度..完全無交代過..我同友人們就呆企左足足1分鐘..
成間餐廳得一個樓面?
跟住終於有人帶我地坐低左..
之後果個無交代既waiter又來了,
w飲咩茶呀咁多位)
眾:香片..........
話未講完,佢就一支箭咁走左去唔知邊度....全場坐唔夠10%客,發生咩事!?
結果到最後都係無人開過茶..仲要埋單果陣計埋我地茶錢...
好戲在後頭..我地叫左醉雞..素鵝...松子桂花魚,小籠包,清抄蝦仁,砂鍋雲吞雞,桂花糕
當我地食到一半,果個waiter又黎..
w:呢個仲要唔要?(素鵝)
眾:要
w:呢個仲要唔要?(松子桂花魚)
眾:要
w:呢個仲要唔要?(清抄蝦仁)
眾:要
w:呢個仲要唔要?(砂鍋雲吞雞)
眾:我地全部都未食完,擺低先好無?
w:哦,好丫(一副黑面)
.........................................
請問餐廳入面係咪好唔夠碟用?當時全部送菜都剩番3分1以上!!!

之前有朋友帶我來吃過，安排了卡座，覺得舒適，裝修別緻，這天與家人到中環便來再試，可能是週六晚，人較多，等了約十五分鐘，被安排了一張加檯，在最埋的房門外的路中央，四人坐在那裡，相當迫夾，每當有人進出VIP房及上菜，我都要側身閃避，尤其大盅熱湯。可能店方的想法，幫你想辦法找到有檯，夫復何求？

我們點了松子魚塊，和菜戴帽，砂窩雲吞雞，x溪脆鱔(忘記甚麼溪)，小籠包，鎮江肴肉等，和菜戴帽是木耳粉絲菜蔬等用薄餅包著吃，有酒香，材料簡單，但利錢甚高，為好味好利的菜式，雲吞雞的雞很淋，沒有雪雞的影子，美中不足湯水偏咸，很多時廚師(並非淨指這一間)的味覺可能試得多，弄至口味重了也不知，脆鱔太乾太甜，炸得太乾變成苦，即外甜內苦，完全吃不到鱔味，也許原本是這種味道，祇是我們不懂欣賞，無論怎樣，這種做法浪費了材料，也浪費食客的金錢，其餘食物不過不失，食物份量不大，與中環鋪租和賣價掛勾，餐後甜品頗為「精緻」，小型馬豆糕是也！

這店的弊病是負荷過重，如印度火車超載、菲律賓渡輪超載，弄至出品不好，招呼不好，環境不好，但人不多時到老板不好！

噫！沒有想過如真的發生事故，我們的位置不知怎逃生？

3 of us went there last night and ordered 松子桂魚、云吞雞、年糕毛豆蟹 and siu lun bao.
松子桂魚 arrived first and the taste is worse than the one we ate in "American Restaurant".
Then it came 云吞雞, and it's vet salty.
年糕毛豆蟹 and siu lun bao are just soso.
To be honest, we will definitely not visit this restaurant again.

We also heard the guest from next table to complain about the salty soup.

It's quite a disappointment.

We spent ~160 per person.

早陣子曾光顧過在旺角的分店，今天就來中環分店看看中午套餐有沒有甚麼分別。

較早的中午用餐時間，往常地人流十分少，店內的間格有點迫夾，不過如果選擇卡位的話，會舒適很多。坐下後環顧四周，感覺這店雖少但都比一般酒樓來的優雅，不錯。

點了菜後，便安心的坐著，品嚐著那壺既香帶甘的香片茶，一邊在想結婚的事宜，還剩半年的時間，生活上的一切將會大大改變，還真是讓人期待。

先來的小吃<<麻香豆乾絲>>，輕輕的麻油香味混進了切得大小一樣的豆腐乾絲，加入了一點點的鹽來作調味。簡單的小手作就能帶出豆腐的味道，這樣的小吃比起一般的食店來說，來得更有誠意。
跟餐附送的<<山渣茶>>，味道恰到好處，甜度也剛好，正合炎夏消暑之需。
再來就是小拼盤，內有<<拍黃瓜>>、< <<烤麩>>和<<五香牛展>>，黃瓜拍後切粒再加入絲絲瑤柱，頓時味道增升了不少，瓜爽味鮮﹗烤麩則比較踏實，甜中帶著混在一起的冬菇香味。而牛展加進了一點點黃油浸製，酒香味四溢，口感上有一點點乾硬，味道是可以更加的。
主菜<<京式熗羊肉伴麵>>，湯底帶著點點的羊羶味，麵身是北方的富有口感又帶點煙韌，一口羶湯一口羊肉夾著麵，不消一會就已經吃光了，實在痛快。 雖不知是否正宗，但是其味道倒是很合自己口味。
甜品是<<桂花龍眼紅棗糕>>，味輕甜桂花香而龍眼潤，一小件剛剛好~

又一個三號風球的晚上，因為唔想太夜返屋企，乾脆喺中環dinner算。

已經唔係第一次喺呢度dinner，不過上次俾我既印象都幾好，食品唔錯，坐得又舒服。

例牌又係小籠包，皮薄餡靚，保持到水準。和菜戴帽，配四件薄餅，份量略少，不過味道唔錯，略嫌粉絲較少，薄餅亦夠熱。雞絲粉皮，又係份量較少，味道正常。甜品高力豆沙香蕉OK，唔太油幾好味。

侍應招呼亦唔错，值得再嚟。

知道花滿樓在尖沙咀開了分店，本約好同事去見識下，有人突然話唔想過海，但又想到花滿樓，唯有臨時變更去中環的那一間。

平日的晚上，預料中環晚市也不會太多人。大概八點鐘左右去到，怎料都是要等位，好在輪候時間不算太長。被安排位置後，大家就馬上看過餐牌，準備點菜。Order了一個湯，一些涼菜，一些熱食。

黃瓜，不是手拍的，確是有少少失望。幸好的是黃瓜都夠爽口，還有些小的瑤柱絲，增加口感之餘也賣得起價，值得參考；另一道涼菜是蒜泥白肉，白肉下面是一堆的粉皮，上面則是醬汁。醬汁不辣，微甜，也吃不出蒜泥味，絕對是廣東式的做法。白肉撈粉皮，甜甜地，雖不是正宗，卻又是幾開胃的。

眼見每檯都有一盅雲吞雞，質素應該不錯，當然唔好執輸要叫番一盅。先一人一碗湯，湯吸收了雞和火腿的精華，很清甜；雞肉經煲湯後肯定沒什味道，卻出奇地嫩滑，雲吞皮薄料足，屬高水準。大家都讚不絕口，還想添飲，難怪檯檯也得要來一盅。

隨後來的是宮保大蝦，也是新派的做法，有些青椒和燈籠椒及腰果，有如廣東菜的生炒骨。對蝦敏感的我，只能吃配角的腰果和青椒。小甜小辣，也是一道醒胃的小菜，送一碗白飯最合適不過。

黃金炒飯是後加的，所以也等了一段時間才到。賣相如其名，金金黃黃的，我幾鐘意。炒飯加上大量的咸蛋黃，很香口，也對本人口味，其他材料也頓時成為了配角。已飽得七七八八既我，也吃了兩碗。

埋單每一百幾蚊，大家都認為物有所值。

價錢比同類食肆較高一點. 有些外國人來幫襯. 環境雅緻, 有點古色古香.

小籠包($40, 4只): 很一般. 湯汁都蒸乾了!

担担麪: 極大碗. 有一種少有的麻辣香味, 其麪有靭性而不過粗, 比其他許多店舖優勝! 除有肉碎和花生, 麻醬等外, 最特別是有蝦米! 邊吃麪邊嚼蝦米, 令其更香也更惹味.

嫩雞煨麪: 極大碗. 材料充足. 很多雞肉, 很香濃! 忍不住喝了點它的湯.

桂花糕: 4小塊. 極佳. 內有龍眼肉, 杞子. 又香又甜, 聽說是這裡的名點. 吃起來像一粒粒啫喱. 必試!

詳細價錢記不起了. 以上四菜連前菜, 茶芥加一不用$180.

我地陪阿媽買完衫，記得上次黎食過雲吞雞好味，一於帶媽咪黎試下！

小籠包 - 上次食過蟹粉小籠包既蟹粉一般，今次小籠包反而幾好，皮薄肉稔，夠湯汁！
醉雞 - 嫩滑，酒味香濃，不錯的冷盤。
雲吞雞 - 白白既雞湯鮮甜，飲得出金華火腿，雲吞皮薄而滑，算係必食。配上小棠菜同埋仲幾滑既雞肶肉。
擔擔麵 - 人手拉麵彈牙，麻醬湯底濃味，有花生蝦米粒，幾好。
水煮魚 - 魚片唔多，加上葱椒芽菜。沒有麻，只有中辣，很多地方都煮得比它出色。
酒釀丸子 - 桂花算香，但唔夠熱，丸子煮耐左。

有甜品杞子糕送，但太甜所以無乜食到。今次唔會人多，靜靜地，三位坐卡位闊落幾好，阿媽滿意。

星期日和老媽兩個人去吃晚飯。很多人，很吵，根本連討論點什麼菜都說不清楚。可能是太多人的關係，服務員根本都做不切。

下了單，不過過了20分鐘才發現原來漏了單。菜色比較多油，可能是客太多做不切所以也做得不太好，偏油。最後就吃了20分鐘，取消了沒上的東西後，部長順便快速拿單叫我們埋了事.