37
4
1
港鐵佐敦站 A 出口, 步行約5分鐘
繼續閱讀
電話號碼
23846106
營業時間
今日營業
17:30 - 23:00
星期一至二
17:30 - 23:00
星期三
全日休息
星期四至日
17:30 - 23:00
以上資料只供參考, 請與餐廳確認詳情
招牌菜
食家推介
相關文章
任飲任食大堆頭的火鍋店成行成市。單是講醬料，都是一籃子十款八款任落，混醬成了火鍋的指定動作。合興火鍋呢，非常高傲地只提供一小碟豉油和指天椒。加多碟都要收$5。咁夠薑係因為對自己的湯底同生料充滿信心。料夠靚新鮮，不沾醬汁也好吃。合興是很傳統的火鍋店。沒有古靈精怪的選擇，湯底也是很平實的果幾款。但憑住招牌沙嗲湯底同頂級牛肉，又吸引到一班重質不重量的死忠食客，如我。重點講幾款推介：牛肉分3個價錢，$288, $338同$388。我食過$288同$388, 兩者牛味都濃，但$388真是無得傾，油花靚到暈，入口腍滑，正！$288的口感就比較紮實。如果口味問題無得講，但唔好為左平$100而唔叫$388, 真係食得出好大分別！呢款$388, 連唔太食牛的朋友都忍唔住連食幾片。海鮮選擇不算多，但款款新鮮。要大讚佢地嘅白鱔（$88）， 刀 工好片片晶瑩，食落口肉質細嫩，魚油油香豐盈在口中爆發，沒有半點泥味，點少少辣椒豉油，正到不得了！阿姐非常推介呢個白鱔，話呢個時候鱔好靚，果然非常好食。佢地嘅桶蠔（$78）都非常新鮮飽滿，例牌有3-4隻，淥完都冇乜大縮水，蠔味鮮濃，抵讚👍手打丸又係必食。佢有牛丸、貢丸、墨魚丸同蝦丸。我推介墨魚丸拼蝦丸（$72），每款4粒。真材實料，爽彈鮮味，無得頂！湯底方面，我建議食雙拼湯底。佢嘅沙嗲湯底唔係方X記果種濃得化不開，是越食越濃郁，香得嚟唔會喧賓奪主。佢個雙拼湯底設定左是拼清湯。拼其他湯（如芫茜湯底），就加$10。 我建議要有兩種湯底。芫茜湯漾海鮮同菜特別清甜特別夾！ 沙嗲卻是牛肉同響鈴的好朋友。所以要兩種湯先可以食盡靚料的滋味。環境方面，乾淨企理，冷氣夠凍。阿姐招呼貼心，幾乎是人盯人🤣，你郁吓個身佢已飛身撲埋嚟關注你，所有嘢自動波，唔駛勞氣。阿姐提醒我地食埋墊碟的生菜, 佢話都係靚嘢唔好浪費，果然又真係好食😂。由於是逐碟叫，消費豐儉由人。如果想經濟啲，可以唔叫牛，叫個雙拼丸，加個桶蠔白鱔加個響鈴，平平地都十分滿足，叫埋牛肉當然大滿足啦！ 即使叫埋貴牛，兩個人食人均$350-$400, 同去連鎖任食差不多價錢，但質素絕對雲泥之別。食嘢，真係貴精不貴多，好嘢食到8成飽都可以10分滿足。
繼續閱讀
去咗佐敦合興食餐新鮮地道火鍋。手切鮮牛肉，爽口彈牙手打丸，即包脹卜卜四式餃，超肥大生蠔，火鍋生料樣樣超新鮮，碟碟有水準，一定要配埋個招牌金牌沙爹鍋底，咁先係無懈可擊嘅配搭！
繼續閱讀
同朋友間唔中就會即興約埋收工一齊衝落合興打邊爐，我哋兩個人七點前去到好大機會有位。呢到成日滿座，建議兩個人以上已經要提早book位。合興算係我地其中一個最常去嘅聚腳點，呢到嘅餐牌雖然未必好似出面其他店咁多選擇，咁多姿多彩，但質素真係有保證，佢放得出嚟嘅都係高質選擇。一坐低阿姐就遞上醬料👍🏻👉🏻紅蘿蔔馬蹄粟米湯底 ($48)湯底簡簡單單，清甜好味，飲落冇味精。👉🏻西洋菜 ($30)第一樣就落咗西洋菜先，咁樣就唔會索哂打邊爐肉類嘅油份，啖湯更清甜，飲翻幾碗先再打邊爐。西洋菜爽嫩，冇渣👍🏻👉🏻超頂級手切肥牛 ($388)色澤亮麗，顏色鮮豔，好新鮮👍🏻油脂分佈呈雪花狀，入口油脂甘香，肉質嫩滑彈牙，好正😍👉🏻鮮製生牛丸/鮮製香菇貢丸 ($72)手打鮮製，肉味香濃，實淨彈牙！👉🏻九龍吊片 ($58)好濃郁嘅魷魚味，土魷嘅味道，鮮魷嘅口感，食落非常爽脆。👉🏻酥炸魚皮 ($38)唔油膩，冇多餘油份，乾身酥脆。打邊爐必飲可樂😍
繼續閱讀
踏入打邊爐既季節撞正星期五要訂位既時間度度都無位位即刻諗起呢間老牌火鍋店因為每次去都冇乜人去到walk in竟然有最後一張枱 😆.今次點左招牌湯底($65)入面有蕃茄 紅蘿蔔 馬蹄同埋粟米湯底好足料 不過一開頭會比較淡味之後會越滾越出味 不得不提粟米真係超甜.頂級手切牛肉($338)手打蝦丸拼墨魚丸($72)娃娃菜($30)牛柏葉($40)新鮮鵝腸($78)鮮肉韭菜餃($45).呢度湯底同嘢食都唔係特別多選擇但係勝在新鮮同埋性價比好高另外姐姐服務一流 感覺親切 加分 👍🏻
繼續閱讀
已經第二次幫襯合興，同第一次感覺一樣，地方企理，碗碟乾淨。一打開餐牌，選擇不多，冇太多新奇野，不過感覺實際。阿姐介紹我地食沙嗲清湯鴛鴦鍋，我地叫左餐牌無嘅牛肉，4寶丸，4色餃，響鈴，雜菜一碟。碟牛真係好有牛味加厚薄適中，配埋個沙嗲湯，真係好好味。4寶丸出色，一向對鯪魚丸有排斥嘅我，竟然對佢另眼相看，好新鮮，無腥味。4色餃中，本人最鍾意韭菜餃，因為有馬蹄，好清爽。最後叫咗烏東，魚皮，生菜，好飽。呢度d野夠新鮮，用心，實際，姐姐服務又一流，值得一去再去。
繼續閱讀