公司部門於今天中午吃團年飯。

我們叫了廿多碟點心、兩碟菜及一碟炒飯：

雪山叉燒包：包面是墨西哥包那種白色包面。包面少少甜，不太膩，叉燒餡料香而飽滿。果然是名不虛傳！
蝦餃：皮薄，蝦新鮮彈牙。正！
瑤柱豆苗餃：十分多豆苗，餡料脹卜卜，好味！
鴛鴦燒賣：兩粒是紫菜皮，兩粒是雲吞皮。我吃了紫菜皮的，紫菜真是出乎意料之外的和肉餡那麼夾。至於雲吞皮的，看上去也有不少蝦。
紅油抄手：忘了是水餃還是雲吞，有點辣豉油的。皮很薄，肉很鮮味。
流沙煎堆仔：外面佈滿芝麻，炸得香口而不油膩。裡面的餡料雖不是十分滿，但甜而不膩。
星州蘿蔔糕：蘿蔔糕切細粒去炒，味道一般，有些很燶。
話梅排骨：不明白為什麼有「話梅」二字，因為完全沒有話梅味，感覺像是普通的炸排骨。肉較肥，一般。
腰果雜菌腸：腸粉滑得來不會太焾，餡料則一般。
魚湯娃娃菜：吃不出魚湯味，但菜很甜和很焾。
灼菜心：ｏｋ
皇府炒飯：用心形碟裝著飯，很特別。有不少瑤柱、蛋白和芥蘭粒，飯炒得乾身，完全不油膩。
桑寄生糖水：糖水是送的。不太甜，更有木耳，清甜又健康。

還有一些點心是同事吃了而我沒有吃的：脆燒五層肉（燒腩仔）、炸兩、牛肉炸兩腸（牛肉腸內有粒粒油炸鬼）、鮑汁雞腳、素鵝、金莎蝦丸、春卷

食物高質素有水準，地方及食具整潔。價錢是比較貴，平時不會來，相信只會在大時大節來吃。

好同事請飲茶, 佢自己又想食北園小籠包, 就去北園,
去到12點, 佢地d 特價時段去到12:30...食唔切, 只好比正價啦....
同事話無所謂就無所謂啦, 哈哈

叫左8個點心加一個飯
鮑汁雞粒煲仔飯真係好好味, 豉油+煲仔飯=一流
小籠包都好正, 一咬開勁多汁, 可惜得6隻, 想食多隻都唔得
炸蝦丸第一次食, 見到佢有張紙仔寫住小心熱, 就小心d 咬啦, 點知都係比入邊d汁熱親,
不過個味都幾特別
炸奶黃波, 用d 麵包粒包住個奶黃炸, 外邊d 麵包粒好脆, 都幾特別

埋單4人要407蚊, 都幾貴下, 不過北園d 點心都好特別,
有料到怕咩賣得貴?

今天約了老豆的朋友一起去配眼鏡，配之前先到北園吃個飯。
(由於長輩吃得很快，沒能拍到太多照片，請不要介意...)

第一道是鮮腐竹浸翡翠，有大量的小白菜和腐竹浸在鮮味上湯內，
兩者輝映成趣，小白菜煮得軟稔，但仍保翠綠，上湯的味道亦已入味，
每吃一口，就吃到兩種味道，美味的小白菜和上湯有著完美的融合。

然後的皇府炒飯，顏色配襯得漂亮，擺碟亦可看到其心思，
大大的炒飯放在一心形碟上，米粒已炒至啡黃色，並粒粒分明，頗有嚼勁！
而且，上面佈滿了蛋白粒，瑤柱絲及一點黑色的材料(我不清楚是什麼...)，
每種材料都運用得很好，吃下去不會感到油膩，會吃到師傅的炒菜功力，不錯不錯！

我們亦點了蜜汁叉燒皇，他的份量不是太多，大概只有7-8塊，
上面的蜜汁令叉燒閃閃生輝，吃下去，叉燒很軟稔，瘦肥平均，
不過過肥或過瘦，他的蜜汁亦提升了叉燒的甜美，是一道佳品。

這次的老火靚湯，貌似雞骨草煲瘦肉，湯喝下去很順滑，
有淡淡的雞骨草味，幫助減去油膩感，整碗黑色，不會太油，能令胃部得到一個很好的休息。

石頭魚卷是令我驚喜的一個菜式，他有四小卷，外表被炸過，脆而不膩，
本以為是包著蝦肉，類似蝦卷的質感，但咬下去才發現是天與地的不同。
脆脆的外皮內包著融熔狀況的餡料，味道有點像海鮮卷，我猜有沙拉漿在內，
魚肉也打至魚蓉，與少量的瓜菜絲混合，減去膩感，非常美味，加上甜辣醬的點綴，
令他的美味提升到另一境界，絕對值得推薦！

另外就是瑤柱荳苗餃了！這個令我吃一去便雙眼發光！
他與普通的荳苗餃不同，整顆脹卜卜，像有很多荳苗，而事實又的確如此，
吃下去，外表厚薄合宜，不會成幾mm厚，咬下去的瞬間，就能吃到荳苗的鮮甜，
一啖差不多有6-7條荳苗，很飽滿，荳苗也被上湯的味道沾上，還有瑤柱的咸香，
感覺就似在吃上湯燴荳苗，整個味道就呈現在一顆餃子裡，簡直神奇，超美味！！

再來就是特色的雪山叉燒包，一客在四小個，上面的皮有點像波蘿包，
整個包就像在吃燒餅，內裡亦有很多叉燒粒，頗美味，唯一要說的是，
這個包較甜膩，吃一個已有"濟"的感覺，建議不宜多吃，但可一試這特色糕點。

這次吃到的料理真的很美味，建議大家也去一試，可點另外一些美味，與其他人分享！

聖誕都要開工，成TEAM十幾人都話聖誕要食大餐食豪D，有人就建議去平時出名貴又人多嘅北園飲茶。

今日嚟到北園無人等位，樓上重勁多空枱，D客都係的上咗年紀或一家大細嘅。咁梗係喇，D後生嘅個個噚晚通完頂都未起身，有幾多個好似我地慘聖誕都要開工咩!!

同事不段推介雪山叉燒餐包同脆燒五層肉，真係好好食。十幾人叫咗勁多點心，每樣都真材實料，連點心嘅器皿都好有心思。

假日全部點心有75折，另有特價點心，抵食!

食物有水準，貴得合理

有朋友從美國黎香港旅行﹐上山頂之前帶她黎北園飲下午茶! 呢度平時返工日子飲茶都吾平﹐好在星期六日有優惠﹐點心全日大中小 $19.8﹐粉麵飯有75折!

由於大家都不是太肚餓﹐志在試下呢度D精緻特別既點心:

琵琶豆腐 (好味)
腐皮圈
紫菜燒賣 (招牌必食)
芋頭春卷 (每次黎都必食)
百花蒸魚肚 (媽咪的至愛﹐魚肚和普通酒樓既吾同)
炸凌魚球 (美國朋友都話好味﹐一碟有8粒 )

本來想叫多個叉燒包﹐但係已經食吾落! 唯有下次再幫襯
北園既點心確實有水準﹐如果吾想同OL 逼有想平D﹐WEEKEND黎就最好

星期五晚尖沙咀銅鑼灣等食肆均非常旺場，今晚為同事慶祝生日，想選個比較舒適的地方，中環的北園實為一個好選擇。

此酒家分為三層，裝修得金碧輝煌，魚缸、紅酒櫃均有格調。除大廳放滿大小圓桌外，還有十數別緻卡位 VIP 小房。我們一行十人被安排到一角落大檯，略嫌擠迫，但有幸酒家人客只得半滿，不致有椅碰椅人撞人的場面。

酒家有很多套餐可選，魚翅、鮑魚、燕窩、海鮮一應俱全，但我們始終鍾情散叫小菜吧。

足料例湯：忘記了名字，材料為散翅老雞等等。老火湯煲成奶白色，味道濃郁，很好。
金裝拼盤：有燒腩、叉燒、炸豆腐及海蜇。燒腩皮夠脆，炸豆腐更喜出望外，外脆內軟，推介之作。
西檸芝麻蝦球：大大隻蝦球以西檸雞方式處理，爽口彈牙，不過少量太小吧。
玉帶賽螃蟹：賽螃蟹蛋白嫩滑，加入帶子，清清淡淡，不錯。
清蒸東星斑：東星斑蒸得夠滑，但養斑質素只屬一般，可以啦。
德國咸豬手煲：整隻咸豬手以煲仔上，上菜時才由侍應切開。肉質味道不算出眾但皆可吧。
紅酒牛尾煲：牛尾以石頭鍋上，賣相可取，但味道則一般。
譽滿吊燒雞：以店出名之菜式，果然不錯。燒雞外皮香脆雞肉嫩滑，一流。
燕窩流沙大壽包：一籠一個很夠份量，掰開包面，大量熱騰騰奶黃流出，摻雜少量燕窩。作為甜品，半個已足夠。
紅豆沙：紅豆沙加入雲耳蓮子，味道煮成桑寄生茶般，很特別但感覺怪怪。

整體食物質素只屬中等，但服務卻不錯。我們帶來四枝紅酒為壽星慶祝，連開瓶費用也沒有收取，價錢亦算相宜，可以一試。

燒豬小骨
菠蘿叉燒包
腐皮卷（蒸類點心）
魚湯娃娃菜
石頭飯
石窩魚腩
煎堆仔

Lunch with clients for 2 so we ordered the above, was very impressed , esp the first one on the list in terms of quantity , yet too dry as a bit overcooked.

The 叉燒包 is maintaining the normally good level i.e. a must try!~
Same for石頭飯 & 魚腩, hot enough and tasty enough for people who love heavy taste.

煎堆仔 is always my favorite as its crispy outside and soft inside but at the same time not too sweet!!!

Waiters are efficient, environment are super clean and tidy like brand new!

魚湯娃娃菜 the soup is very delicious ( but is not adding MSG for sure!)

好彩, 今次我覺得好味
用啲"懶"靚嘅杯碟碗筷

紫菜燒賣,用紫菜代替啲皮, 原來好好食架好香紫菜味, 我就好中意啦
蒸蘿蔔膏,唔會太多粉,幾香可惜太細舊,唔夠食
蝦餃王, 好大隻吓呀中有2隻係1粒入面,嘻嘻,好正
呢味唔記得叫咩名,淨係記得好似啲蝦醬雞咁嘅味,好香,好野味,食到唔停口係豬肉泥架

一行買人來到北園, 因為老婆有張免費的魚翅coupon

北園裝修唔錯, 但台與台之間的距離都幾近, 有點壓迫感, 還好星期五的晚上, 只係半滿, 否則環境一定會好嗜

翅, 免費, 味道唔錯, 但翅的份量每人怕且都無一兩, 有點搵笨
黑醋骨, 有六件, 大大件, 醋味好香, 肉排新鮮多汁, 送飯一流
瑤柱什菜煲, 什菜上有幾粒原粒的瑤柱, 好好味的
三蝦海參, 有4隻蝦, 仲有些蝦干, 蝦籽, 但海參都係得4件, 多個人都唔夠分, 再下面的全部都係生菜
金裝拚盤, 有燒腩仔, 叉燒, 海螫同炸豆腐, 都好食

甜品 : 紅豆沙免費, 仲有切片生果添

另外再要了兩個 木瓜燉燕窩, 燕窩都有一兩以上的, 但個木瓜生左少少, 有點苦澀味

連茶芥加一, 埋單 $905, 老實講, 都幾貴
但招呼唔錯, 加上出品精緻, 都幾值呢個價錢的, 但間唔中來一次好啦,

上環舊北園酒家是我的心水餐廳之一, 價錢相宜, 點心款式多, 開心的飯局片段也是重要原因之一.

新北園地點比較方便, 裝修新d靚d, 不過點心size 細d, 價錢貴d.

我哋５個人食午餐，叫咗８個點心，一個炒粉．　

燒賣，奶黃煎堆，腐皮夾．．．　點心依意好食; size唔算細得好明顯;
不過個鬼馬腸粉就好欺人太甚, 直徑只有一蚊咁窄 (可能仲幼d! ), 我估最少幼咗三分之一, 長度也短了, 最缺乏誠意就是只有兩條 ,隻碟一片空白.

這個ok食評, 是因為新北園酒家地點比較方便, 給唔想行的人多一個選擇.
如果你願意行多幾步, 我提議去舊北園酒家, 你會食得開心d．

雪山叉燒餐包，外酥內軟，叉燒餡香甜，正！
流沙煎堆仔，小心進食，凍咗更香口，正！
脆燒五層肉，比較咸，無驚喜
鎮店小籠包，皮薄餡靚有肉汁，又係要小心進食，正！
翡翠蝦餃皇，勁大隻蝦，可能太新鮮有點腥，反而中間隻小菜餃好味啲~
蒜香牛柳粒，驚喜之作，咬落滿口油香，讚！

見有新酒家開張當然要黎試吓，而且有好幾同事試完都話佢既點心比ｘ心大集團既仲要出色，所以今日下午四個同事一齊黎飲茶。點心款式唔算好多，不過味道同款式都好有驚喜。
叉燒饅頭 - 明明係一個包，點解叫饅頭？！
菠蘿叉燒包 - 平時食開都只不過係面頭有ｄ好似菠蘿包既面，但係呢個係有菠蘿味架！個皮好似酥皮，好薄，包住熱騰騰既叉燒，非常好味。不過再食多兩啖就覺得佢甜咗少少。
燒餅 - 估都估唔到佢係燒餅，因為外形係一粒波，好似煎堆仔咁，酥皮包住九菜&肉，有ｄ似蔥油餅feel，不過食完覺得好膩。
琵琶豆腐 - 一般，唔係好食得出豆腐味，似魚肉多ｄ
臘腸卷 - 味ok，不過臘腸太肥
蝦丸 - 裏面會有個汁流出黎，同事覺得係咸蛋味，而我覺得係一陣陣咸魚味。最滿意係佢有個溫馨提示 - ”小心燙口”
流沙煎堆仔 - 入面係奶黃，真係會流出黎，煎堆皮都唔錯，芝麻好香
紫菜燒賣 - 估唔到紫菜同燒賣係可以咁夾，好特別，好味
蝦餃 - ｄ蝦大大隻，皮都好薄
魚湯娃娃菜 - 個菜好淋，味都唔錯，不過一ｄ都食唔出魚味

就算係繁忙時間，

北園酒家
地址:中環域多利皇后街5-8號鴻基大廈一至三樓
電話: 2526 3163


今日下午，同朋友去了新開的北園酒家位於中環，環境闊落、裝修豪華。 我們點了鮑魚石頭飯($98)、砵酒焗珍寶蠔($26)、堂煎星班扒($48)、蟹翅灌湯餃($38)、金莎蝦丸、芝士蝦春卷和生拆蟹粉小籠包($25)。

其中，我認為必試的有鮑魚石頭飯，材料有鮑魚粒、冬菇粒和豬肉粒，飯炒得很香和色澤均勻。而且，底部的飯焦很脆很香。堂煎星班扒外脆內軟，魚肉新鮮、肉質嫰滑，非常好味。砵酒焗珍寶蠔炸粉很薄很脆，蠔很大隻和肥美，加上砵酒焗，這個配搭不錯。

其他的點心也不錯，很美味。但點心款式不夠上環的總店多，選擇比較少。這餐兩個人共用了$345，以這個價錢來講，質素不錯。須帶一提，此店一至五早茶和下午茶有75折，逢星期六、日，全日點心和炒粉麪飯都有75折。