今日本想試春原街那間出名的咖喱豬扒飯的..........但同事A 話佢今日要食齋.......SO一行五人就走左去多寶喇!!!

多寶個門面真係唔係太起眼.......如果唔係睇左佢個地址都找不到它。

入到去先發現係食得兩種選擇........1 四餸飯餐 2. 水餃面餐

寫明係四餸飯餐佢又真係得四種餸你揀…….今日有咖喱薯仔, 羅漢齋, 素鵝, and 水煮油麥菜。你可以跟鳥冬, 米粉, 麵 or 飯 (白飯or 糙米飯)

佢d 餸少油少咸清清地但又唔會太寡。咖喱汁唔錯….(頭頭都有少少驚cos 試過係大自然素食叫過咖喱海鮮南瓜, 難食到你唔可以相信………唔係咖喱味架….好似將成支黃薑粉落曬去甘…又苦又澀極之難頂…….每個人只係食左一啖……..)

最可惜係少選擇……..

要講一講佢個水餃……….我地食次叫左剰水餃跟菜…….
水餃皮似係自製的…….有雲耳粉絲紅蘿蔔絲做餡..有淡淡的麻油香味(佢個味有d 似堅島的山東大包的味道)食落又唔覺得係食緊齋喎……味道同質感都唔錯..可以一試

但個價錢就好似漲得太快喇!
四餸飯餐 $30
水餃面餐 $27
有湯飲…..(今日果個似涼茶多d…..都ok 啦)

提提你…佢地係要自己清番張枱架………

就我覺得甘先叫食齋架嘛.......坊間大多都重味重油.............想食清清地....又唔怕地方擠迫的可以一試..but 就冇得你揀攞.........佢有咩你要食咩囉..........

jul 25, 08,約咗齋友嚟lunch,2人叫咗 :

1) 午餐(4餸) x 2
-每日都set好咗邊4個餸,無得揀
-嗰日喺粉絲節瓜+鮮茄素牛肉片+豆腐卜+灼菜心
-友人同我都喺揀咗紅糙飯
-我自己鍾意粉絲節瓜因都幾夠味,唔知佢用d咩煨佢,個灼菜心就真喺好健康,搵唔到滴油出嚟,個鮮茄素牛個汁就帶小小酸
-個賣就唔講得吸引,但勝在好住家飯feel


2) 涼茶(免費)
-材料有無花果,南北杏,白木耳,羅漢果,淮山同陳皮

- 如果唔喺友人帶,都唔會嚟,亦唔識得搵到隱蔽嘅樓上

- 全店採取自助形式,自己去斟涼茶,食飽之後,要將碗,碟,筷子分門別類放好

食齋係件難事，一來係齋冇咩味難食，二來食完易餓，三來食完齋會有食肉既衝動

但我都keep倒o係'多寶齋'食左幾個月Lunch，可見佢唔錯，我講唔出呢間齋鋪d o野好好食，但一定入倒口OK，材料經過細心揀選(d菜幾嫩口，至少好過我屋企o個d)，而且冇味精，係賣相/清潔/服務態度方面係差d，但27蚊4 食送 入得口又健康既齋的確好難搵，咁我食左幾個月冇肚痛，咁都證明佢都乾淨o既

已不記得幫襯了麗姐幾多次, 食佢煮既齋唔會覺得油膩膩, 四餸飯豆腐配冬菇/ 清湯菜心等係必然既選擇. 我最喜歡既係豆豉炆苦瓜, 係好好食既, 苦瓜林林地, 索晒醬汁既精華, 真係食極都唔厭. 飯方面多數係糙米飯, 有時會有黃姜飯, 份量足夠. 一個 人都唔使30蚊, 非常經濟.

麗姐個人好隨和的, 同佢傾偈係一件開心既事.

麗姐的素食店在灣仔遠近馳名,
是老字號? 那次食過它的四餸飯,
有炆柚皮, 羅漢齋, 咖哩薯仔及烚菜配紅米飯,
味道不錯, 很是飽肚。最好的還是例湯,
好像有羅白和羅漢果齊煲,
很清甜, 喝了兩大碗,
捧著肚子走。
地方幾擠迫, 加上是自助形式,
身形正常的還可以, 肥肥的友人就幾吃力了,
又要取湯取筷子又要收拾碗筷,
小小論盡。外賣吃會好一點。
見旁邊有人吃素餃子, 幾的骰,
絕對會再來, 支持素食。

話說除了個「釗」字，「麗姐」也是另一個坊間幾普遍的行頭，除了茶餐廳、小廚、靚湯，這裡的齋菜，也指名是「麗姐主理」的。當然對於我，沒甚影響，未試過的，也有興趣一試，是日就獨個兒來了這裡。

這裡的舖面簡單，只有兩位店員，一位負責淥菜，一位負責收錢及盛飯盛菜，其餘的是食客「自動波」，即自己拿餐埋位，亦將食完的餐具放下膠桶。當然，只收25蚊一個四個菜的飯餐，大大碟包湯水，嬴的只是蠅頭小利，以此做法，無可厚非，亦絕對支持。

是日套餐的四個菜色分別是南乳炆蓮藕、醬油炆節瓜、酸齋及菜，配上紅米飯，一大碟的，份量十足。這裡的素菜，沒有味精，亦煮得夠味。蓮藕不夠腍及不夠粉，但南乳汁下飯又相當適合，加入眉豆，豐足；酸齋夠鬆軟，麵筋煮透才跟甜酸汁同煮，比坊間一些又韌又硬又油的酸齋，夠誠意很多；節瓜加上菜，健康第一。是日靚湯是幾種材料如苦瓜仁、羅漢果、粟米、紅蘿蔔等煲埋的湯水，相當清淡，亦沒有什麼甜味。

服務親切，要多飯或加減任何的菜色，出聲便行，眼見都是有求必應的。

環境雖然一般，但價錢實惠，味道亦有水準，也是茹素者的一個經濟食堂。

工作需要黎開呢頭
天氣熱熱想食清簡d
就黎食素
原來只係得素水餃或者四送選擇
但服務真係唔得
一早睇左食評知道要自己拎湯,拎食具
自己收拾呢d野
呢d都唔緊要
但係因為個四送可以跟飯,麵
我想問清楚撈米粉即係撈左d乜
佢都未答到我
只係答“淥一淥米粉之後．．．．“
咁就自己自動幫我畢飯
令到我覺得有ｄ被迫既感覺唔係咁好囉
而且又無乜禮貌可言
或者因為我唔係熟客啦．．．．．
四送有莧菜,麵豉炆南瓜,南乳花生蓮藕同咖哩齋
其實味道似住家菜咁
少油少鹽同埋幾入味
但我覺得做得有d粗糙囉
南瓜唔去皮感覺唔太乾淨
而且d汁太多
整到成隻碟都係
賣相好差
任飲既五花茶就幾好飲
試一次就算無下次
除左牆上貼滿佛相外
感覺上唔似一間佛教素食館

被友人拉來這兒食午飯。依然係招牌四餸飯（$25/份）。
是日係「魚香茄子」、「豆豉草菇涼瓜」、「紅燒豆腐」、「雜菜：菠菜椰菜菜心」，配胡麻飯/ 黃薑米粉。
對上那次「差、差、差」，今次誤打誤撞居然「讚、讚、讚」！？怪哉。
味道超好，絕不覺得正在吃素食！胡麻飯好好口感。
店主：敬請留意食物質素的穩定性。

不知從何時開始，「四餸午餐」漲價廿五巴仙？不知從何時開始，食物的質素插水式下降？
四餸午餐由廿蚊漲價到廿五蚊。
個人覺得，以前來這裡，有吃家庭主婦用心煮的菜肴味道，現在吃有爛賭婦人花十五分鐘由求其煮餐飯的味道。食物淡而無味，有時仲有未煮透便上碟的情況。
上週因為齋戒，吃了兩遍。炆木瓜、炆蘿蔔、炆南瓜、，都是半生未軟。紅燒豆腐、咖哩薯仔都是徒有顏色，淡而無味。
唯一不變，就是客人仍然斯文有禮，食物少油脂。

灣仔食開齋既都知道,佢係由以前船街既華夏素食館既麗姐開既.完全保持以前華夏既風格,價錢平,味道正宗,份量要幾多有幾多.入得去食都要知規距,全部自助,食完自己放碗碟入桶,自己清理好地方.佛教徒或非佛教徒都應該幫襯吓!

今日lunch吾知食咩,之前聽朋友講呢間齋舖吾錯,於是一試;選擇不多,叫左個4送飯$23---青菜,咖哩薯仔,蕃茄生根,冬瓜豆卜+糙米+白飯,overall 味道相當不俗!少油但吾會淡某某,個飯十分煙韌,有口感!另外,有紫貝天葵,伏苓加另外幾種藥材煲成既野任飲,紫紫地,味道微甜,好過飲奶茶咖啡啦!呢d先系正宗既齋舖!

前言：近日每天早上都要到客戶處開會，中午回公司前都會到這兒買個有「家庭feel 」的便宜素食午餐回公司。
食物和評語：每次都會點「四餸碟頭午餐」（$20），內有一款燙清菜和三款以燴或炆烹調的素食餸菜。至於伴食的粉麵飯，可從上海麵、米粉、白飯、烏冬、公仔麵任選一款。附送以多款蔬菜和水果煮成的清湯，任飲。味道一般，絕對係「家庭feel 」，少油、少鹽、少調味（或少味精）。曾經試過有黃薑飯供應，不另收費。（見許多客人都選，貪其特別吧！）以下是部份菜式以供參考。
1. 零五年一月廿八日：燙豆苗．麵豉炆南瓜．炆薯仔．炸菜煮豆腐
2. 零五年一月廿七日：燙唐生菜．南乳花生蓮藕．花奶炆芋頭．木耳煮豆腐泡
3. 零五年一月廿五日：燙菠菜．蕃茄煮麵筋．素蠔油炆燴草菇．炸菜煮豆腐
4. 零五年一月十日：燙唐生菜．炸菜炒菜心仔．羅漢齋．紅燒豆腐
註：
a. 我個人覺得幾好食，至少我會吃光整碟食品，兼且食完不會口渴。最正就是食物好有「家庭feel 」，跟家母作的差不多。食客多數都會吃光整份碟頭飯，不浪費。
b. 總覺得若果晚餐會吃得豐富，午餐就有必要吃得輕。（以免消化不良嘛！）
c. 食客有禮、店家算有禮。吃完要自己把食具拿到門外的收集膠桶。坐位迫，吃完要走，讓座給其他人。

今日十五齋期，於是來這裡吃晚飯。是日四飯:苦瓜，南瓜，糖醋麵筋，菜芯。先講苦瓜果然很苦，而南瓜是用甜麵豉煮成好入味。糖醋麵筋，係用人家煲薑醋的甜醋煮成，完全不油利。還有可配:白飯，公仔麵，上海麵，烏冬。只售廿蚊，非常抵食!!而我今日就配黃薑飯，這裡的黃薑飯是不定期供應的，有緣先食到架!

值得一提的是這裡的任飲例湯，務請大家必飲。(點解必飲?? 一字記之若~~心) 去到睇下你就會明。

p.s.: 臨走時見到佢地包緊水餃，下次試下先至得。

非常家庭式既舖,好似每日都set死左幾味比你揀.唔食飯既話除左水餃麵之外就好似冇其他選擇.
有煲素湯放左向出面,隨你飲(碗放向下面櫃),不過陣味我飲唔慣.
昨天試左個水餃麵,唔太濃味而且都有唔少蔬菜,係健康飲食之選.味道同屋企整既差不多.

$20四餸加飯麵米粉任揀，唔夠可添飯添餸，湯任裝．11月3號5號都黎食，3號有糖醋鴨，芋頭，涼瓜，油菜，5號有蕃茄肉片，青瓜木耳，甜酸叉燒，油菜，普遍味道幾好，唔油，自己唔大食，所以次次都係要剩餸，上次添餸要糖醋鴨同芋頭，今次可以師兄認得我上次添過餸，仲自動問有無邊樣要多ｄ，最鍾意糖醋鴨（因為鍾意用滑滑腐皮整既野），今日既青瓜木耳清清地都唔錯．補充一句，唔止做野既師兄好人，連去食野既客人都好nice，大家會自動自覺執番自己用過既食具，又會相就（因為地方有限）．