47
12
3
以上資料只供參考, 請與餐廳確認詳情
再次翻桌的西班牙餐廳，喜歡這裡環境寧靜、傳統歐洲風佈置設計、華麗酒吧區域、店員熱情且細心服務。令食客有種舒適，可暢所欲言的感覺。食物方面 - Mushroom sopa︰西班牙式忌廉蘑菇濃湯咸度適中，香滑奶味，用附送白包沾粘吃，浠稠度剛好。份量充足，喝完一大碗已經開始有飽滯感。Salmon Ceviche︰煙三文魚與奶滑牛油果、清新爽脆青瓜、醃生洋蔥粒及微酸青檸沙律醬混合。味道獨特，屬於餐廳自家味道。唯獨因牛油果自帶奶油感，再加上青檸油醬，多重夾雜下，沙律變得油脂感濃厚。Rotisserie Chicken - Half︰點餐後等候需時，已調味烤雞很大隻，基本上骨頭都全去，肉部份極多。雞皮烤得爽脆，且能將部份油脂烤走。雞胸肉量多得吃不完，偏乾身及榎口，有點過火；雞腿位置肉質較好。菜色重點︰雞下的烤新薯新薯草青及薯味香濃，粉嫩薯肉吸入所有雞油汁液，很入味。經烤焗後，薯皮更加脆身，像烤薯片。愛澱粉的我，飽著也將所有小薯角吃完。飲品方面 - 店員推介 House red wine Elsa Bianchi Malbec (Mendoza Argentina) ︰味道偏強，甜中帶點濃酒精感，酒香味重。在愉景灣餐廳有這價位同時又高質的House wine，性價比是中高了。
繼續閱讀
🖼環境：一間要上2/F的餐廳，地下有店舖樓梯，但門面昏昏暗暗，沒有職員，只放了餐牌，還以為未開門做生意😅上到2/F,環境寬敞，客人不多，可以隨便揀位坐，每張凳都很污糟的樣子，我諗是因為舊，整個餐廳的裝修都很有歐洲風格，窗邊位都可看到海景，幾舒服寫意。🍽食物：摩爾燒海鮮-有三文魚、魷魚、大蝦。大蝦新鮮爽口，碟上有三色椒，普遍都很油膩和偏咸。紅燒牛頰肉-夠淋夠入味，吃了一半感覺很滯。雞肉餡餅-推薦外皮有點酥皮口感，香脆不膩，跟雞肉餡和醬汁配料很搭！
繼續閱讀
位於愉景灣的一間西班牙餐廳，裝修走優雅古典風，餐廳內外均用心佈置，連行上餐廳既樓梯都有配合整體裝修，務求每一個走入餐廳的賓客，都有仿似置身於西班牙小店既感覺.用餐環境非常舒適寧靜，侍應及客人均主要以外籍人士為主，服務唔錯都非常friendly，餐廳仲有户外露台/ 室內用餐區，配有開揚無敵大海景，可以好chill咁食住野嘆☺️.每枱前菜都有籃農夫包，麵包仲帶微暖，質感有彈性而非死硬，可以蘸橄欖油/黑醋.主菜方面都非常高質，試咗西班牙炒飯配雞肉、西班牙香腸，飯非常煙韌加上炒得好入味，煮出乾身飯而且仲有香脆飯焦！.另外仲有西班牙家常小食「餡餃」，炸得鬆脆剛好，入面仲有多款芝士，邪惡得嚟又夠哂滿足🤤***On the table:⭐️Paella Con Pollo Y Chorizo (Chicken, mild chorizo and mix green beans paella)⭐️Empanada De Queso(Deep fried stuffed pastry turnover, filled with manchego, tortilla, grand padano & mozzarella cheese)***💰預算: 人均約HK$200***📍Solera Restaurant and Bar愉景灣D’Deck 1 樓101號舖Shop 101, 1/F, D’Deck, Discovery Bay
繼續閱讀
為慶祝週年紀念，又想有d遠離城市既感覺，我地就黎左愉景灣staycation,不過今次冇揀係酒店食dinner buffet,反正愉景灣入面都有d餐廳入過黎幾次，次次都係食Z字頭個間，今次想試下新野，就搵左呢間黎試下，夜晚黎就睇唔到出面既海景景色，不過食食下，就見到係遠遠處既主題樂園放緊煙花🎆，不過真係太遠，就真係只睇到有d光飛上天😂食物我地叫左一碟薯條，係幼身個隻，再配黑松露醬，薯條熱辣辣，勁大碟，不過其實我以為會係粗薯😂 仲有三條烤既海鮮串，係幾特別，記得舊魷魚係好好味，下面既椒都好好味最後，就係西班牙海鮮炒飯🦐🐙
繼續閱讀
愉景灣絶對係周未relax時的好去處，呢個地方的生活節奏好慢好寫意，住宅區自成一角，同餐廳區分得好開。今次去完坪洲再搭船過黎食晚飯，同老公拍拖果時已經食過呢間餐廳，見佢裝修得好有西班牙特色，地方又夠闊落，可以揀室外座位對住個海景食飯，或者好似我咁樣揀室內窗口位，一路涼冷氣一路嘆街景，同樣寫意。烤羊架配雜菜 $248去西餐廳好多時我會叫羊架食，一來屋企好少煮，二來老公鍾意食。上枱有3件羊架，大約7成熟，份量都好足夠。外皮焗到有少少脆口，內層的肉仲好嫩口，唔會覺得乾同埋冇咩羶味。雖然餐牌係寫住普羅旺斯烤羊架，但係上枱時就轉左做紅酒醬汁，不過都幾好味，旁邊仲有烤得香口嘅薯仔同bb蘆筍。香辣鮮蝦意粉 $138呢道菜的鮮蝦係用左西班牙傳統大蒜奶油蝦的做法，蒜頭香味十足，加上用香辣汁炒出黎的意粉好惹味，少少辣得黎又唔會話好辣，令我忍唔住食完一啖再食一啖 。意粉軟硬度適中，比起羊架更顯得出色。西班牙小食炸鮮奶配雪糕 $66呢個小食岩岩炸起，食落個外皮仲好脆內層的鮮奶就好軟棉棉。其實佢同中式的炸鮮奶都差不多，不過就配埋個雪糕球，等你可以享受冰火感覺的時候有另一番味道。整體黎講，環境舒服地方闊落，可以用情人或者閨蜜黎享受美食的地方，而且有好多食物款型同酒類比大家選擇，值得再去的餐廳！
繼續閱讀