好多朋友介詔依間餐廳，話好特別，前幾日有人生日就約定黎試下。個日我地三個人7點幾到達，人唔係好多，感覺好靜局，唔係一般樓上餐廳唔嘈，佈置好有田園feel，我地叫左二款中式小菜（三杯雞和沙爹肥牛煲），一款豬扒焗意粉，當日餐湯係木瓜雪耳湯，都幾夠味，不過無選擇，得一種湯。值得讚的食物好夠熱，份量都好夠，味道都好好，當然唔可以同酒店級比啦，以樓上餐廳來說，真係好滿意架啦。七點幾開始有人唱歌，中英文歌都有，都係的經典情歌，唱得好好聽，最緊要係唔會好大聲嘈個隻，如果鐘意聽歌一定會鐘意，唔會有人嘈住，氣氛很好，系出面餐廳無既寧靜，居然系依度搵到，當然對一的鐘意熱鬧既人，依度就唔太岩。一百蚊唔駛一位有歌有食有飲，坐足三個鐘真係幾好，值得推介。不過我相信喜歡和不喜歡這地方的人會有兩極端反應，一係好鐘意一係好唔鋰意

真係超囉!!!
攪手之前打電話去book場,問哂價錢,而且仲講明一班baby係1-2歲嘅小朋友,咁個老細就話每位1-2歲嘅小朋友收$20...
到左gathering當日,我地一班mami,daddy同小朋友都玩得好開心,而且我老公仲話個場好好,有個空間俾小朋友走動,可以再番兜...
點知到左夜晚同返個攪手傾嘅時候先知個老細話d小朋友要收大人價錢,而且已經俾左錢,我地一班mami當然好驚訝啦,因為外面好多餐廳cafe都唔會收咁細嘅小朋友,就算收最多都係半價...
原來攪手講返話個老細講唔知1-2歲小朋友係識行識走喎,咁就唔叫baby要收大人錢啦,雖然攪手mami同佢講book左好多地方都冇話收咁細個小朋友錢,連disney去過都唔會收,but個老細竟然話 "冇收你？甘我貴定Disney 貴呀？",仲話 "邊有人過咗１歲仲叫 baby!無人咁叫啦！"...
由於攪手個仔真係好攰,佢唔想帶住個仔同老細嘈,而且當時我地一班人玩得咁開心,所以佢就俾左錢...
當然之後其他mami都覺得個老細唔老實唔會再去,而且仲係我地自己個討論區諗住xyz完個老細就算...
點知後來一位都係呢間"音樂人家"攪過BB1歲party嘅mami講返,原來佢都賴過野,而且個老細想收1歲bb當大人收費之餘仲坐地起價,咁點解剛去到唔講要到埋單先講...
其實佐敦/尖沙咀大把cafe,食物水準好過佢又有,價錢平過佢都有,都唔知點解個老細咁做囉,佢唔會以為佢咁嘅食物同態度+1-2歲小朋友收大人收費,我地會再幫襯嘛...
我地一班mami已經講到明唔會去第二次,同埋會同周圍嘅朋友講唔好幫襯呢間野啦,我諗個老細當初咁樣收我地小朋友嘅錢,都唔會希罕我地呢班客架啦...

本來想黎食飯好耐，不過成日被人包場，所以而家先幫襯到。樓上舖通常都唔會有期望，不過今次真的跌眼鏡，地方好寬闊唔會逼，檯好少（咁賺唔到乜錢），個日客人唔多只有幾檯，全部都唔係個的hea友，好斯文，唔嘈。原來有人唱歌，音樂同歌聲唔會太大聲，幾好。唱的歌中英都有，好有水準（應該講好有水準），原來個歌手係以前出過好幾好張唱片，係電視台都經常表演架，不過個時我仲未出世。講番的食物種類都好多選擇，我地三個人叫左兩個小菜，咕嚕班球同埋京都骨，再叫個焗豬扒飯，份量夠味道出奇地好，食咁多次樓上cafe都數依度最有水準囉。當然又唔係好都不得了，可能因為無期望所以好滿意啦，總之真係同一般小食肆唔同，值得一試。坐左幾粒鐘，真係幾舒服，尤其是可以輕鬆同朋友傾偈唔會嘈，己經係抵到極啦。鐘意靜局食飯既一定好鐘意依度，我話架！

想靜靜地和友人慶祝生日，有人介紹話依度幾好。三個人就黎試試。入去餐廳覺得氣氛好特別，放既音樂有風聲有鳥聲，好符合地方局格，客人只有兩二檯，台上有人唱歌，唱緊的英文歌，好正。之後又有國語歌同廣東歌，唱得非常專業，後來先知歌者以前出過幾張唱片，唔怪得++，點左兩個小菜，咕嚕班球同埋三杯雞，再叫個焗豬扒飯，味道合格之上。餐包飲品，我地叫左三種不同的花茶，好特別。成晚的招呼都好好。很愉快的一個晚上。值得推荐。

焗豬扖飯 唔掂 , 熱咖啡 唔熱 , 唔好飲 .
一個鐘得我一枱客 .
最難頂我以為去左八十年代 D 餐廳 ,
有人唱歌 , 我諗我真係唔識欣賞 .

一夠水一個人埋單 .

原本打算吃中式，突然其中一個朋友來不到，３個女仔又不能叫太多 , 最後我建議改吃西式，由於時間太急，馬上看下 openrice 有什麼好介紹．

首選尖沙咀，看見這間 Musical Studio 好像不錯，其實是被它的佈置吸引，之前已經看過介紹，今天就決定試一次．

雖然之前已經看過這裡的佈置 , 但是 , 去到門口還是有些驚訝 , 好有跳茶舞 feel .

選了中間位置 , 看看 menu , 沒有喜愛的天使麵 , 食物只是一般茶餐廳的焗豬排飯 , 意粉 , 非常失望 , 而且 , 價錢差不多 $90 , 有些貴 ! 既然已經坐下 , 算吧 , 點了一個焗豬排飯 , 咖哩雞再加一個意粉 .

這些套餐包一杯飲品 , 特飲要另加 $10 , 我們選了花茶不用加錢 .

食物來到了 , 味道還算不錯 , 相比茶餐廳好好多 .

咖哩雞的味道好濃 , 汁又 "杰" , 配飯吃好味 . 焗豬排飯也 ok , 3 大件豬排 , 如果是炒飯會更好 .

我選了工藝茶 , 問老闆是什麼來 , 他就說好靚馬上沖給我 , 其實我也沒有決定好 . 這個茶之前有見過 , 飲就是第一次 , 味道甘甘甜甜的 .

可能人不多 , 這裡坐得好舒服 , 不過 , 說話不可以太大聲 , 無謂騷擾別人唱歌 . 來之前 , 必須認真考慮 !

前幾日包場送朋友出國讀書，三十幾人包場。每位138蚊全包，雖然唔係帝皇式服務，不過要乜有乜，食物份量夠，味道真係唔錯。大家都玩得好開心，最抵讚個場夠大，冇柱好易一眼睇晒。包場都係自己玩既唧，唔好過份要求一定會玩得好開心。重有的音響好正。抵讚！!

我之前係呢度包場開PARTY...
餐廳環境真係好OK...
食品都係一般CAFE既程度..無咩特別

但個位亞叔真係...
只可說本人對於servcies係好睇重,
去得CAFE都係想有親切感同舒服D既FEEL傘,
但呢間野真係可以說...唔可以比到你囉~!!!

其實呢間都好多人都有包過場家啦...相信個反應都係servcies唔太好.....

我之前九月中同幾個朋友上去食飯，只係朋友話早前訂左桌
上到去，門口好細，我記得個度好似無Kitchen
入到去，有洗手間，都Ok舒服
o個晚唔算好多客人，但係真係好靜
一坐底都有個待應黎招呼我地，我起初以為她係男仔
原來她係女仔，她都好有耐性話介紹d花茶比我地聽
不過望真d個Menu，無咩特別，焗豬扒飯、楊洲炒飯...
好似都要$88，我唔知計左加一未，雖然朋友講好左唔使我錢
但係我都覺得唔抵，只係一個茶，飯，就收我地90蚊一位
不過o個度都幾特別，有得點唱，我自己都有教琴，覺得個叔叔扮彈琴扮得好假
不過他的唱功都不錯，女待應說他曾是歌星
最後還有個驚喜，突然有人叫我個名再唱生日歌
應該係全晚最開心的時候

最後埋單都要$700，平均都$100位
但係都真係覺得唔抵>.<
不過鐘意聽歌o既人，去都唔錯o既

ps. 其實個Kitchen究竟係邊?

星期一同大J去音樂人家傾計同食飯; 之前都有睇過食評, 有好有唔好咁啦。 都係諗住姑且一試嘅心態食一餐咁LOR
首先係定位, 電話嘅另一邊好FRIENDLY喎, 不厭其煩咁答左我好多古怪問題, 最後我都定左枱
跟住到個一日上到去, 好正喎個環境, 可能我鐘意咁嘅裝飾啦, 比我嘅感覺好WARM, 仲有個小舞池, 雖然小, 冇咩實用價值, 但精緻可愛。
我同大J食中式, 即係叫餸食飯, 咕嚕班塊同三杯雞; 唔錯架, 不致於熱騰騰出晒煙, 但係啱啱好LOR! 包一杯飲品, 唔記得大J叫咩, 但我個杯"工藝茶"就睇得又飲得, 攪到大J要攞個相機出黎影相添噃!
個餐認真唔叫貴啦, 話晒佐敦區, 咁嘅環境咁嘅服務態度, 比起其他大嘅餐廳叫好添嘞

看到顧客投訴必須作出一個回應，說明實際情況：
首先客人訂位時提出過有十位想開會，當時我提出過說會不會嘈到別的客人？因為我們這裡提供一個幽靜用膳空間。客人說不會嘈，會靜靜的。可能寫食評的客人不是訂位那位，所以不知道我們己經聲明過。我們己有規定；每一次超過八位客人訂座，任何一個接電話的員工都要先聲明本餐廳立場，以免大家不愉快。不是嫌生意太好，或者有生意都不願接，只是我們有很清淅的立場；既然我們有舒情歌曲獻唱，當然是希望提供一個浪漫幽靜的地方，讓客人可以寧靜地享用一頓晚餐。為了這個原因，我們都會提醒大聲說話的客人減低聲浪，以免影響整個餐廳的氣氛。我們也知道現在很多人都習慣大聲講話，寧靜用餐的地方很難找，也是這原因，我們既然承諾了大家提供一個幽靜環境，許多客人為了這個原因來光顧，總不能讓他們失望。我們宗旨是寧可少一些客人，也希望客人在這裡享受到很好的氣氛。我們過去曾經兩次收過一百元的小費（用餐費用不過兩三百元），給我們很大鼓勵和支持，証明用心做事是有回響的。但是有些客人訂座是因為認為我們這裡夠靜，他們可以自由地開會，卻不會想到他們大聲講話會騷擾到別人。我們不反對客人交談，只要不要大聲到足以影響其他客人就可以了。
其實如果真正要開會，討論大事的，根本不應該考慮這裡，應該是去錯地方了。
我們確實也做過一些十多人的聚會，大家都能夠很靜地交談不會影響其他客人。應該說聚餐沒問題，但是如果真的要開會；有些人要發表言論的，這裡真的不是個適合地方，那請考慮包場吧，包場沒有人會干涉你們自由。至於有人評批我們的食物如此不堪，我想有些不夠中肯，雖然我們從來沒有強調食物怎樣高級好味，但一般客人對我們評價平均還不錯。而一個套餐八十八元連湯、主食、飲品，還有歌手唱歌，地方幽雅，不限時段，價錢應該相當合理，當然對一些不講求環境，不介意熱鬧嘈吵的，光顧茶餐廳應該更化算。一個餐廳座位較少，人客較少，地方較靜就是一種成本，我們更設有最低消費$68元，也是不想人流太多形成複雜。我們承諾提供一個幽雅寧靜的環境，也希望大家支持和維護。

因為睇左openrice先去試, 但結果........

呢間野真係好難食, servcies又吾好! 吾明點解前面的人寫得甘好, 莫非係線稿?

$88一個set(未計加一), 可以有幾抵? menu全部都係D茶餐廳的款式: 焗豬扒飯, 海鮮飯... 收得呢個價錢連扒都無, 算有幾抵? 我都有叫個焗海鮮飯, 但係凍的, 一pat pat....好難食...朋友果碟咩意粉吾見得好去邊... 真係連鎖快餐都好過佢!

駐場大叔禮貌係最差的! book檯的時候已事先講明會飯後開會, 我地承認第一次可能比較大聲一點, 經大叔'教訓'後已將音量收細, 細到已經係坐檯中間的都聽吾到檯頭檯尾人的聲音, 但大叔好似未夠候甘再黎鬧多次! 話我地吾係包場, 講野甘大聲會影響其他人!!! 試問我地連自己檯都聽吾清楚講咩, 可以有幾影晌其他人?! 免得再受氣, 我地轉場開會.

不反對餐廳係可以選擇客人, 既然要求如此"嚴格" , 何必為一晚多一千幾百的生意額而接受訂檯?

去過這間餐廳好幾次啦，每次都好滿意。其實講食物質素普通，不過以樓上來講己經好好，選擇亦比較多，鐘意的係依度的服務和氣氛。每次想要搵一間靜靜地食飯地方都會想到依度，可以舒服咁幾個人傾下偈。除左有次周末黎人好多，平時都唔會好多人。所以唔怕太嘈。其實現家要搵個靜的既地方真係好難，相信佢地都用左好多心思先維持到咁樣，而家的人都大大聲咁講野，要保持一個地方安靜相信亦會有的人唔like，不過我淰佢地都無心使人唔開心既。如果要同班朋友癲既就唔會揀依度，要有心理準備至好。今次再幫襯一的都無失望，今次試佢地的焗海鮮飯同肉醬意粉，好大碟又夠味，配合的現場情歌，好正！如果你花得起近一百蚊一個餐，又同我一樣怕雜怕嘈，依度係唔錯選擇。

第一次係OPEN RICE 寫評語,原因係......

事縁昨晚同朋友仔慶祝生日,餐廳環境一流,當晩計埋我們只有兩枱客,場內有兩個搖椅可供拍照,故感到十分特別

食物~ok ~但有點似附近金鳯的味道和質素~(睇回大家留言既有人見過係發泡膠盒過碟比客人~~食過後都8成相信)
原價為88元(加一服務費)一個set,
但我食過後感$70元(加一服務費)一個set就差不多

最特別是花茶
服務生解釋十分清楚和向我們推介款式～這感覺非常好
工藝茶是由一個茶包放在水上會開花,好靚好特別,使這餐飯加上色彩(在美麗華無印也有這茶包賣,$45有6至7個,大家可買回家試下,或與情人在家煮飯仔時也有可買哩玩下…..)

與朋友共試了3款茶,可能是無茶葉的關係,故只有一點點一點點的味道,也因沒有茶葉所以不會因致失眠


我們明白場內是sale 靜,但年青人食到尾升有點high故說話和笑聲也大了，我們也感到自己的問題，故當老板大叔過哩叫我們細聲ｄ　和解說一段又一段的論文時我們也欣意接受，因真是我們的問題．．．．同時我們也有講不好意思和明白了．．．

立即同朋友仔的心情也ｄｏｗｎ　下來了，同時因自己問題故都感有點尷尬，但攪手的我當然不想ｓａｄ　ｅｎｄｉｎｇ　故諗住在搖椅上安靜地拍埋大合照就離開順便舒緩下個氣氛．．．

（前後都只是拍了兩張相姐）誰不知老板大叔又出招
它說“我不想你們有ｈａｒｄ　ｆｅｅｌｉｎｇ，你們不好唔開心，但平時的社會也好嘈，我們平時連巴士都要聽都他人講電．．．．．．．．．．．．．．．．．．．話．．．．．．．．．．．．．．．．．．．．．．．．．．．．．．．．．．．．．．．”又一篇論文出來，他這些不是叫傾計，:因沒有我插咀的餘地．．．．另外原本我們係無ｈａｒｄ　ｆｅｅｌｉｎｇ架，因之前真是我們錯，我們都立即安靜晒但為何要第二次連環炸我呢？？？ｈａｒｄ　ｆｅｅｌｉｎｇ更由此開始，係咪失卻了你當初的原意呢？？？

唔開心係有時ｄ　野講一次就得啦，唔使講完再講，同埋大家都大人，你講一回我們知錯了立即安靜晒，我們唔係小學生，不用再三説教，我完全ｇｅｔ　都晒佢開餐廳的意思和意念，ｐｌｅａｓｅ　有無諗過我想唔想聽呢？？大叔

最唔開心係我朋友仔生日但係最後比人教訓一頓來結束個生日飯局，請問大叔又有無諗過我朋友仔感受呢，若你生日時比人無啦啦迫你聽野又點呢？？同朋友慶祝生日都係想佢開心姐．．．．．但結果係．．．．在此要同朋友仔講句“對不起”

其實我係ｏｐｅｎ　ｒｉｃｅ　ｆａｎｓ，但未打過評語，我係度獻出第一次唔係因我好嬲，係因我知個老闆大叔會哩睇，我要告知他最後比都我的ｈａｒｄ　ｆｅｅｌｉｎｇ．．．作為客人的感受

主要想分享若下回他再勸客人傾計靜ｄ時，說一次就夠了，若客人唔改先再炸他吧．．．ＰＬＥＡＳＥ～因客人不是小學生啊！可能你唔ｃａｒｅ　ｄ客但也要為客人設下台階

最後我推介這餐廳比情人去，因可以細細聲講綿綿情話同埋黑ＭＡＭＡ　好浪漫架，最主要都係食環境

PS為朋友攪生日,內容幾有心思都好,只要係一PART,一句說話己經可以將心思化為烏有

其實唔係好明白點解會咁多人話態度唔好

上年我男朋友生日, 我預備o左個蛋糕同埋準備晚飯時演奏
下午去到餐廳時, 同老板講o左我o既安排, 佢亦都好友善(即使當時有人包場, 佢有野做), 聽哂我講o既野, 盡量配合我
晚上到達餐廳, 聽聞此餐廳的工藝茶不錯, 故點菜時點了一杯, 不久, 老板走過來, 主動提出更換一般工藝茶為「心心相印」,十分細心
用膳其間, waiter不斷為我們添水, 老板又不時問我地d野好唔好食, 令到我覺得好親切
食完飯, 老板及其他員工都好配合我, 完全附合我o既安排, 令到我男朋友好surprise
果次之後, 我地都有再去多一次, 服務依然係咁好

其實識得欣賞音樂o既人, 係唔會介意d歌係咩年代, 主要係聽得舒服就可以
不過, 都見到大部份投訴的食客都是包場的, 可能包場的部份需要改善啦~~
另一方面亦都很讚揚音樂人家會看看食評及回應, 不是很多餐廳會咁做, 重視客人的意見是十分重要的~~

最後, 支持音樂人家!