我地一共9人去食 加一個bb
不好就是環境 因太細
服務一般...野食要等
但我都去了好多次

我地叫左鵝肝牛扒 肉質超好 鵝肝入口即溶 有9.5分
意大利雲吞 我覺得重味左小小但其它人覺得好好味..必吃但一碟得6隻
重有個蝦 超好味新鮮 咬落去好爽
芝士蛋煙肉意大利意粉 味道很好 i very like but 價錢貴d 不是好大碟 好像要$128-138
白汁青口價錢合理 $138 好像有12隻 好味新鮮 但我覺得如大隻些重好
pizze 我覺得ok but 我喜歡pizza hut 厚批
重有甜品 好食
9人好像$1700 但食這些我覺得超值

1. 香草燴羊膝配紅花意大利飯$165 ~ 汁醬很好味,濃得可以吞下兩碗白飯. 肉味濃得帶點羶香,伴碟的瓜菜很新鮮,煮得剛剛熟,咬落啖啖菜汁.
2. 瑪姬蓮達薄餅$69 /8”~ 內有新鮮蕃茄汁,芝士, 鮮香草. 一咬之下,一絲絲的芝士與咀吧糾纏. 餅底未算係最薄那種, 但仍然香脆.

今日朋友生日,一行5人專程到坑口村食LUNCH CELEBRATE

每人點了一個SET LUNCH, 分別叫左beef tenderloin 同Chicken Quesadillas.

一開始,garlic bread 同salad都好好食, 一心以為個main dish 會好好食,
點知個D 牛好生,而且血淋淋.(我地分別叫左5成同6成) , 但係生得黎又好韌,友人食完得只見剩下一灘血水,狀什恐怖.

PS. 叫了一杯HOT COFFEE , 重未飲過咁難飲的咖啡,好似是用粉開出黎的,但又不好飲.

下次都是去返隔離個間LARDO'S 食,好食好多..

街坊友人說坑口村有很多東西吃, 叫我不要次次來都是吃商場的食肆, 還特地車我過來, 且看有什麼好點子。原來都不是什麼舊村落, 倒像新界的那些村屋, 村口還有個大牌坊呢 (我真夠大鄉里)。我們本來想去 Lardos 吃扒的, 點知店家硬生生的說未到入座時間不准入去, 哼, 你不做我生意便算。行多兩步, 見到這家 La Piazza。外面有半露天的座位, 我們怕餵蚊, 知道有室內座位後便決定在這裡吃飯了。

這裡看是來是吃意大利菜的, 不過有一小角落闢作酒吧。只有朋友要駕車, 唯有忍忍口了。外面幾光猛, 反而餐廳內很有情調, 只有洋燭照明。我們旁邊有一大桌洋人在開懷大嚼, 把酒言歡之聲登時為小店增添不少歡樂氣氛。

人少吃不得太多, 一於重點出擊:

Tomato & Buffalo Mozzarella Cheese Pizza (small 8” $99)
不是因為店名才點薄餅的啦 (Piazza 不是 Pizza 是廣場呀), 但總得點一個的。點了最傳統的蕃茄水牛芝士薄餅。薄脆餅底香脆得像梳打餅, 不俗。水牛芝士是一球球放在餅上的, 餅底的芝士還是用上 mozzarella。一次過吃到兩種芝士的口感, 很特別; 水牛芝士一口一個, 有點彈牙, 而 mozzarella 就是一絲絲的, 有趣。加上蕃茄和羅勒葉, 更有意國風味。

Saffron Risotto w/ Seafood ($149)
被 saffron 吸引到了, 可是出來卻是白白的, 藏紅花不是黃色的嗎? 難道是太昏暗看不清楚了? 這個飯的忌廉下的太慷慨了, 整個飯有點黏糊糊得來又頗為膩口; 裡面的海鮮都是些魷魚蝦仁之類, 不很好吃不過肯定飽肚!

一餐飯, 沒有甜品又怎會圓滿呢? 我看見牆上的甜品餐牌已雙眼發光, 和友人一人點了一款甜品:
朋友本來要了雲尼拿雪糕的, 服務生說 Gelato ($28) 更好吃, 於是就轉了Gelato 啦。試了兩口, OK 吧。
我點的是 Lemon Sorbet, 我以為是像 Gelato 的那麼一小球, 原來是整個檸檬挖空後再釀入雪葩, 所以原來是很巨大的! 回過神來, 原來這個雪葩要 $50 的啊! (嗯, 跟我 AA 制的朋友, 真不好意思啊 ) 問那說得一口流利廣東話的南亞裔服務生, 才知此物是來貨, 不過也不錯, 檸檬味很清爽, 不算太甜, 不過實在太大, 跟友人努力下總算合力完成了它。

店內店外坐愈多人, 原來這裡也是人氣店喔。而且不用加一, 也吃得過呢。

謝謝朋友的推介。有機會再來開發一下。

今晚特登駕車入坑口村試食這間 La Piazza. 好彩有訂位, 如果唔係就要坐外面, 今日成三十多度, 坐出面實熱死
我們兩個人的菜單如下:
Baked Escargot $78 有六隻,但田螺肉較細少, 薯蓉焗得唔夠金黃
Napoletana soup $65 海鮮湯, 材料豐富.
Cream of Mushroom &
Crab-meat soup $55 忌廉味豐富, 蟹肉不少.
Pan-Fried Garoupa
Fillet $155 石班煎得非常香口.
Saffron Risotto with
Seafood $149 海鮮意大利飯, 有口感, 香濃芝士味

綜合意見: 食物有酒店的水準, 因為大厨是以前五星酒店厨司, 但環境就一般, 略嫌嘈吵. 其實這間食店主打應是pizza, 但我得兩個人, 怕食唔晒 但見隔離枱六個人, 叫了一客足有成十二吋大的pizza, 好似好好味, 大家不仿一試

叫左
1. set dinner
-有Mushroom & Scallop Soup,
-USDA (唔係USA) Angus Ribeye Steak +鵝肝
-Cheese Cake
2. Smoked Salmon Pesto Pizza
3.Chocolate Pudding

Mushroom & Scallop Soup: 濃,有不少帶子
USDA Angus Ribeye Steak+鵝肝: 牛排都幾大塊, 好味
Smoked Salmon Pesto Pizza: 意式薄pie, 好味
Chocolate Pudding 好味

2個人食岩岩好, 大家都好滿意.........
不過, 仲未講個cheese cake.....
我一食落口...唔...陣味好熟喎
覺得個cheese cake係超級市場買返黎的Sara lee"莎莉"芝士蛋糕, 圍邊仲有摺痕架...
真係慳啦!

我係住起坑口的原居民, 我知道呢間同隔離間Lardo唔係同一個老闆, 係不愉快之情況下,個chef離開Lardo自立門戶的

今日中午我倆慢慢地由寶琳走到坑口去, 只因吃慣了我家附近的餐館了, 而知道坑口區有一條坑口村, 裡面有數間美味的餐廳, 上次光顧過一間泰菜館, 今次就光顧另一間吃意大利的餐廳 - La Piazza.

這間La Piazza舖面小小, 但走的格局是高檔價錢, 一個lunch set已經是$80+, 其他散點的食品更是過百元... 既然來到意大利餐廳, 當然是吃意大利菜中最basic的, 除了意大利粉, 就是意大利薄餅... 我的習慣去決定一間餐廳的食物水準好與差, 就是取決於他們最basic最simple的菜式是否吸引的. 所以我點了一個Margherita Pizza - 香草蕃茄芝士薄餅, 而小S則點了Roasted Pork Tenderlo Set Lunch.

佈置都是以簡單的色調為主, 白色配上啡木的傢具, 絕對給人溫暖的感覺...

再來評評食品方面...

西蘭花忌廉湯 (賣相還不錯), 味道也很香濃

跟餐附上蒜蓉飽數片, 香脆可口

Set的主菜 - 燒西冷豬柳 (汁的味道ok, 不會太鹹, 但豬柳肉質比較粗糙, 鞋口; 配菜的意大利青瓜超青甜好口, 薯條也香脆得叫人再三吃下去)

我點的 Pizza Margherita - 可能同款的pizza, 我在其他地方也吃過, 這裡的相對地比較淡, 相信味淡的最大原因是因為蕃茄醬下得少 (可以從薄餅上的蕃茄的顏色深淺, 知道用的量有多少)... 芝士的質感還好, 但芝士味不濃, 那當然因為他們不是用上水牛芝士... 如果是用上水牛芝士, 芝士味會偏重... 愛芝士味濃的朋友, 我推介炮台山的心意店 和 tea & herb, 這兩間的蕃茄芝士薄餅做得真的不錯.
薄餅的取勝之處, 除了用料之外, 當然餅底也是另一因素. 本人比較喜歡薄而脆的餅底, 這間的餅底還是薄, 不過在餅邊的位置, 還是略厚一點, 當冷了時, 口感變硬, 讓我不想吃... 不過, 值得讚的, 是他們的香草用料, 是新鮮的basil, 應該是在烤好薄餅之後再放上, 那便不會把basil烤燶烤乾, 讓味濃當中, 為你的味蕾加一點點的清新感.

這一餐花上$171 (Set Lunch : $86 ; Pizza : $85), 沒有加一服務費.

地址: G/F, House 24, Hang Hau Resite Village, N.T., HK

(以上熟粹個人意見)

今晚去左坑口既La Piazza度dinner, 好有驚喜呀~

餐包係蒜蓉包, 熱辣辣又脆
焗田螺薯蓉, 個汁好好味, 薯蓉又滑
湯叫左周打魚湯 & 南瓜忌廉湯
雞肉磨菇忌廉汁天使麵, d天使麵煮得好好, 外面係軟, 食到中間係"卜"一聲咬斷左, 好耐無食過煮得咁好既angel hair喇~
海鮮pizza, 好多料, 餅底又好脆, 正~

好耐未試過食每一道菜都咁滿意既餐廳, 仲有環境同服務都好nice, 食完好開心

船河後包場係到食飯, 位位 $500, 抵唔抵食過至知, 不過點都係老細請, 話之佢

選擇太多, 只係講我同大舊食過乜

Me :
Mushroom Ravaoil : 個汁做得好 match, ravaoil亦夠煙un, 平平淡淡既開始
Napoletana Soup : 濃湯多料, 幾好
Tuna Steak with fries : 件魚都幾嚇人, 正正方方唔知係乜, 6 成熟都燒到鞋什什, 全無
魚味, 好在薯條仲係翠口, 咪死得
Chocolate Pudding : 全晚最好呢個, 皮薄朱力可以做到熔岩效果, 但水準唔夠standard, 個同事個件, 無野出既 ?!
Hot Moca : 得啖笑既開水


Smoked Salmon Mango salad : 夠fresh 既開胃菜
Mushroom soup : 成pet野 … 湯有湯, 磨茹還磨茹…都未飲過咁怪既湯. 好驚
Tonneralini : 正中茶記三絲炒意 …. ?!
Tiramisu : 唔似Tiramisu既Tiramisu
Ice Lemon Tea : Lemon 係苦既

呢餐得啖笑, $300位都比多佢, 仲要出長水遠黎到食, 絕無下次

從前鮮有踏足將軍澳，一直以為只有茶餐廳及中式酒樓，就算有西餐都大多是求其之作。

原本只打算到附近的日式餐廳食飯，蔡公子突然提議去坑口村食扒.....對於完全未去過的我而言，坑口村很有長洲/南Y島的感覺....幾間餐廳齊集於一處，有泰式﹑中式﹑PIZZA﹑扒房，還有糖水舖，簡直是一條龍式服務。想去的扒房但收10:30PM，唯有去第二選擇的PIZZA意粉店。

放棄了SET DINNER，點了鵝肝做頭盤，加個白汁海鮮意粉及辣雞PIZZA。鵝肝比想像中好吃，只是蔡公子嫌它太大塊不夠厚，寧可細塊但厚身點，口感會更好云云。我反而喜歡它薄薄地，食完感覺上沒那麼肥.....當然，我知那只是心理作用而已。

海鮮意粉太多白汁，雖然白汁是即時整出來的，但由於對太CREAMY的食物沒太大好感，還是覺得中環SOHO的至愛意粉餐廳煮得好點。但該意粉的用料很新鮮，為此值回不少分數。PIZZA的底很薄，SOURCE亦很好吃，細SIZE剛好兩個人份量。

食飽慢慢行回坑口地鐵店，如有胃口還可去聰嫂甜品食個糖水。下次，要試試20個好評的扒房~~~

請兩日大假，難得係平日，一早決定要去 Lardos Steak House 鋸塊靚扒，一點到涉竟然無位，估唔到平日 lunch 都要訂位，都唔知幾時先有機會再食，由於是日高達 31 度高溫，費事要阿媽等，便到另一邊的 La Piazza 食午餐，當然，都係鋸扒

一間小小的扒房，裝修不錯，感覺門面跟西貢的西餐廳一樣，本以為平日村口應該唔會太多人，但事實上有部份客都係有訂位的...

Lunch set 其實都有好多選擇，由前菜開始，可以選是日餐湯 (周打魚湯)、番木瓜雞沙律或菠蘿鴨胸沙律 ; 主菜可選擇的有烤肉眼扒跟意粉 / 薯菜、燴羊膝配薯菜 / 薯蓉或白酒汁煙肉蘑菇意粉，咖啡或茶，價錢由 $68 - 75 (不另加一)，比 Lardos Steak House 貴丁點兒.

我點了周打魚湯，湯不太杰不太稀，是我飲過云云周打湯中算是較好的，另要了五成熟的烤肉眼扒跟意粉，燒得剛好，不會太熟，肉眼部份位置有咬口，相信要 medium rare 會更好 (本人平時愛三成熟，今日竟然要了五成)，看似簡單的意粉味道都很有水準，不會太淋或太硬身。

至於我媽點了番木瓜雞沙律及燴羊膝配薯菜，單單沙律已經是一個 lunch 的份量，沙律汁剛好不會過甜，燴羊膝也比上次馬泰試的略大，肉質更嫩。

可惜最後的餐飯 - 凍奶茶過甜，不過我係唔應該響扒房叫凍奶茶的... 總的來說，將軍澳坑口村係一個隱世食庫，鋸扒的質素不俗 (收費也不俗)，也有一些連明星都光顧的大排檔，要睇波又有一間泰式 Bar，住了將軍澳近八年，是時候再發掘坑口村的美食了， Lardos Steak House ，希望下一目標會是你吧!

最後一提，雖然 Lardos Steak House 滿座，但佢地都有留我電話，有位時有打電話話我知，可惜，我已經響另一邊飲緊湯了

情人節去食飯, 預左一定貴, 不過無諗過將軍澳都要四佰幾, 兩人合共八佰幾…
套餐包括頭盤/ 湯/ 主菜/ 甜品及餐茶, 食物質數不錯

頭盤–兩人選了不同的頭盤, 好大份, 賣相不俗…
大蝦芒果沙律–蝦很新鮮, 芒果勁酸, 生菜及蕃茄加千島汁
XX鴨肉干批–有兩塊法包, 鴨肉干勁似厚切午餐肉, 味道似鴨肝加入一些較干的肉絲, 可加在法包上吃或空口吃也不會太咸。

湯–只得一款
鮑魚忌廉湯–稍淡, 有四五件貌似薯仔的東西, 但實為鮑魚的東西, 不過似煲完湯的螺頭。湯的量也頗多, 飲完飽了一半。

主菜–兩人同選一款
XX牛柳加鵝肝–牛柳的Size 只有女仕們的手掌(不計手指)大, 鵝肝約是牛柳的3/1大; 不可以吃太生的朋友也千萬不要叫七成熟或以上, 因為會過熟, 它這裡的五成比外面的七成還要熟, 我要了七成, 但實為九成半, 有點失望, 不過味道是OK的, 鵝肝煎得甘香, 外皮是脆脆的, 好吃!!!

甜品–檸檬慕絲蛋糕+ 朱古力雪糕一球
第一口的檸檬蛋糕是勁酸, 但酸的表層加上蛋糕及慕絲, 口感一流, 不會太甜, 且不膩; 第二口已經不覺得酸, 整體上甜品得不錯。

我們會再來試試其他餐牌上的食物, 因為其他人對這裡的評價也不錯。

Dinner.....很有水準, 雖然地點不太方便, 但值得專程搭車去食。(原來在愛護動物協會側)

> 澳洲生蠔-- (40分) 太重海水味, 即是好咸, 有點失望

> 鵝肝-- (80分) 比很多餐廳都煎得好

> 雜菜闊條麵-- (85分) 只用蔬菜, 竟然煮得很好

> Pizza -- (90分) .........

> 羊架-- (80分) 用料很靚, 略嫌配菜沒花心思, 只有幾片翠玉瓜

> 西冷-- (75分)

> 蘋果批& 心太軟-- (50分) ok 啦

一行5人, 多人食試得多款D, 遺憾沒有飲湯, 好快會再來!

** 上菜有序, 令你不知不覺吃得很舒服! **

琴晚試左呢間意大利餐廳, 八點幾去到, 差唔多坐滿.

因為鋪頭細, 所以張台唔係好大, 有D迫, 不過環境都幾親切.

兩個人點左一個煙三文魚沙律, 一份八安士肉眼扒, 一碟闊條面, 一枝白酒同一個朱古力布甸

最值得提係個甜品!!! 好好食!! 我下次一定要留肚食, 話就話係布甸, 不過係類似brownie, 外層脆同熱, 再加埋裡邊0既朱古力醬真係好正!! 一啖布甸一啖雪糕~~ 飽到想嘔都要繼續食!!

至於其他食物我都好滿意.

佢地上菜有次序, 唔會一次過推哂出黎(加上張台唔夠位), 所以每樣都熱辣辣好新咁食到第一啖.

服務亦好好!

有機會要再去試下佢地d pizza ^^

P.J.
La Piazza 同Lardos 並不是同一個Boss的。

因為我的2個朋友都在呢2間做過侍應生。

不過La Piazza 的Boss係以前幫Lardos做大廚的。

宜家自己搞間新餐廳而已。

2 間的分別是：
La Piazza 以Pizza & Pasta 為主。
Lardos 則以Steak & 頭盤好味為主。

但Lardos 的Grill Chef離開了, 現在可能冇咁好食。