金鐘的日本餐廳不算多, 算得上好既日本餐廳便更少. 不過如果只為和朋友飯聚, 食物為其次的話, 這裡一定是好選擇. 為什麼? 一: 就腳(從東昌大廈走過來只是2分鐘), 二: 這裡食物選擇不少, 三: 價錢大眾化.

心裡一早便已盤算著要點吉列猪扖或親子飯. 朋友中的2位沒有來過這裡, 我也特意提醒他們魚生並非這裡的招牌菜. 他們都點了這裡很熱門的咖哩吉列猪扖飯, 另一位朋友每次都是"雞扖"頭號fan, 我因為想吃猪扖真味, 點了"淨"吉列猪扖飯.

套餐還配有數小碟醃菜, 一碗面豉湯. 一點薯仔沙律和生菜沙律, 以這個價錢來說, 還不算低食? 白飯的份量不多, 正合我心意, 我不點咖哩的另一個原因便是不想不自覺地把飯吃多了. 猪扖的份量很大, 一定比我手掌還要大, 就是伴有一點肥肉, 肉味很濃和肉質很好.

最後, 我把猪扖都全部吃掉, 白飯只是象徵式吃了幾口, 但很飽! 很滿足!

今日再次同由外地黎0既同事周圍食，由於同事先上山頂，呢度喺正山頂纜車站附近。當然之前亦都有聽過唔少人講過呢度應該一試，於是擇日不如撞日，就呢日去呢度食。

雖然己經7點半到左食飯時間，但由於係假日0既關係，位於商業區0既佢客人並唔多，如果冇睇錯，成晚連埋我地好似得4/5 枱客，其中好似有一枱係7/8 個日本人黎0既。

昏暗0既燈光，寧靜0既環境，非常之適合情侶傾密偈，又或者同客食飯。相反一大班人會比較難傾偈，畢竟唔可以講野講得太大聲嘛。

如果冇記錯，打開個MENU 好似係日/英MENU 黎0既。當然有D可以估啦，但係有D真係唔知點估，唯有問店員... ... 由於本人偏好食刺身壽司，是日我就叫北海丼 (亦即海膽三文魚刺身飯)。

此北海丼隨SET 附送蒸蛋、漬物以及麵豉湯。老實講我個人認為呢D都只係一般，不過個麵豉湯都還算OK 0既。

終於都食到個主菜 - 刺身飯喇 ! 老實講其實我真係好欣賞佢個超足料海膽同三文魚子 (而且係帶有好鮮甜0既感覺)，但係唔知點解食落去硬係冇一種DUM 一聲0既感覺。其實如果係去第二度食我相信個感覺會更加好，不過可能係因為對佢個期望比較高0既關係，食落感覺一般就有少少失望 (不過當然，我都唔係話期望食左曉飛啦)。要重申0既係佢唔係真係唔好食，我承認佢係唔錯0既，不過只係冇話好好食0既感覺啫。

不過與其將焦點放喺個飯度，我覺得呢間餐廳服務員個質素真係有好一般。頭先都講過，成晚好似得4/5枱客，但係佢地個服務員都好似有5/6個，你話係咪踢晒腳就應該唔會囉。但係我地每逢要叫野，加茶等等，要下下都揚晒手好一陣先見倒，而且有D時候需要班服務員0既時候佢地好似喺度擔天望地，叫天不應，叫地不聞，諗倒都有少少火

事前由於第2D人對佢地個評價都幾高，加上都算係高級餐廳，期望高相信都好自然。當然食物質素OK，而且喺呢度用膳有一種舒服0既感覺 ; 不過價錢真係唔平同服務質素真係麻麻，值唔值，見人見智喇。

剛剛今天中午用餐時吃沙律時, 發現蘿蔔絲在動, 原來是一條紅色的蚯蚓. 即時沒食慾了. 大半餘餐也吃不下. 不知是否已品嚐蚯蚓sashmi. 韓藉老板娘很好客, 請飲咖啡和隨行的餐也都免費了. 還願意承擔醫藥費. 但咖啡要一吹再吹下才拿來.

跟朋友約了好多次，想讓她試試我的飯堂之一。我說一定要試試這裡的 Bacon & Egg 午飯，她問﹕不是日本餐廳嗎?

是日本餐廳，聽說這裡的吉列物和咖哩比較多人喜歡，但我實在喜歡這裡的 Bacon & Egg 午餐。這午餐除了 Bacon & Egg，其實還有一件漢堡扒，但對我而言，那只是配角而已。

煙肉很香又有口感，不會乾得像樹皮。蛋呢，我吃了那麼多次，每一次都煎得剛好半生熟，perfect! 本來我不很喜歡好好的一碟主菜硬要加幾條一早煮好的意粉，但不知何故，配合這個 Bacon & Egg 來吃又會變成絕配。

朋友點的是煎三文魚，我試了一小口，也很香而且有魚油，不錯！

另一個朋友點的 Chicken in miso sauce，朋友挺喜歡的，我就覺得雞肉硬了點吧。

上次說過了，我每次來都一定要喝這裡的咖啡，不是很香濃那種，正對我口味！

唯一缺點，可能因為 open kitchen 的關係，吃完後總會覺得衣服有點油煙味...... >.<

昨日第一次請同事lunch，就揀左呢間日本餐廳

環境方面
餐廳環境唔錯，每張桌椅都好大，唔會覺得迫迫挾挾。
唯一一樣野唔好就係d油煙比較大，食完走出餐廳會嗅到身上有燒烤味

食物方面
我就揀左雜錦壽司定食，壽司都好新鮮，份量對我來說就啱啱好，裡面包括有:
- 甜蝦壽司 x 1
- 帶子壽司 x 1
- 青瓜壽司 x 6
- 三文魚壽司 x 1
- 吞拿魚壽司 x 1
- 海膽壽司 x 1
- 赤背壽司 x 1

價錢方面
講老實，平均消費都要$250，如果食晚飯就ok，但今次我係食lunch，所以我覺得貴左d。

服務方面
都算合格
事關我早一日已經訂左12:45pm，但去到都要我等左10分鐘先有位比我
到叫左菜之後就冇人招待我地，又冇人主動添水，下下要叫先招待。

最初來這餐廳，是因為方便，就在公司附近，而且如果唔介意坐 bar 檯，這兒多數都有位。

來了幾次之後，覺得愈來愈喜歡，因為試過很多樣不同的食品，都相當不錯的。

在無數次來吃午飯之後，今次是第一次來這裡食晚飯。晚飯比午餐要多選擇一些，但我因為突然很想吃滑蛋豬扒飯，所以叫了滑蛋豬扒飯。而朋友則叫了 stewed beef。

滑蛋豬扒飯 - 沒有太大驚喜，中規中舉吧，洋蔥很多。也滿意到我了~

Stewed beef - 朋友說相當不錯，特別喜歡那伴碟的意粉。我之前曾在午市吃過，牛腩炆得好焾，汁的味道很香很濃，加上一點 cream milk 在面，單看賣相已很滿足。

其實個人來說挺喜歡主菜前先吃個簡單的沙律，sauce 帶點酸甜，很清新。而飯後可選咖啡或檸水 (晚市可選雪糕)，我每次都選咖啡的，雖然我本身不好咖啡，但因為這兒的咖啡很香，所以小小的一杯也可為一餐劃上完滿的句號。

p.s. 推介午市 25 號食品，叫 bacon & egg，但其實還有漢堡扒的，因此很豐富。煙肉很有口感，絕非又乾又硬的泛泛之輩，而蛋呢，每次都是糖心的，非常美味！(有機會補回相片吧)

今天跟前同事和另一位同事都這日式餐廳用膳，奇怪的是今天客人不多，"很輕鬆"地便訂了座位。

兩位友人選的都是咖哩，一個是吉列豬扒，另一個是漢堡扒，而我點的是滑蛋吉列豬扒定食。

這兒是開放式廚房的設計，如果坐在bar頭那兒可以看到廚師們如何製作食物。看著他們熟練的手藝，不慌不忙的把每道菜製作出來，就好像在欣賞著電影般，十分有趣。

先上的是咖哩吉豬，色水較濃的咖哩味道也較一般的濃和帶著明顯的香料氣味。之後便是我要的卡知當-滑蛋吉列豬扒飯定食，撲向我的是一股香得可以的甜醬油味道，讓我差點兒便先開動了。最後來的是咖哩漢堡飯，厚厚的日式漢堡就好像壓扁了的特大獅子頭般，吸引非常。

這兒的漢堡是牛肉跟豬肉混合而成，這樣減低了使用全牛肉時過韌的情況，而豬肉肉質的滑、多汁和鬆軟，增強了漢堡扒的口感，味道就好像小籠包內的肉一樣的誘人。

這兒的吉列豬扒沒有用上梳打，所以肉質較為結實﹔雖則如此，豬扒並不會有烹調後變成"石頭般"硬。炸粉方面脆口的很，咬下去時立即"粉碎"，只會增加口感而不會影響。

廚師先將豬扒放進油鍋中炸至黃金，然後便會用刀先將豬扒切成條狀，在手起刀落的一剎，"卡滋"一聲豬扒便應聲切開，由此可見炸後的豬扒有多脆口。然後師傅將洋蔥放在那專用平底鍋上，加入甜醬酒，最後在上層放上剛炸好的豬扒，蓋上小鍋蓋用慢~中火把洋蔥煮熟，然後在關上火後再加入剛打好的蛋漿，再蓋上蓋子多待數分鐘。就這樣，地道的滑蛋豬扒飯便完成了。

此飯要做得出色，取決於甜醬油的味道、炸豬扒的功夫和火候及廚師在控制火力上的"功力"。醬酒要甜帶天然生哂的香味，豬扒最少有一厘米厚、有咬勁、多汁、不韌，火力上當然就是不能過火，否則豬扒整個外層炸粉過份吸收了醬油，便會變得過淋，最理想的是達至上脆下入味。

吃的時候，先聞到甜醬油香味，再移近一點便換了蛋的香味，咬下去時嘗到下層吸收了甜醬油，而上層在咬下去時仍然保持鬆脆，到最後豬扒肉質結實但不韌之餘還有肉汁。如果能夠完全符合以上各點，就會是一個完美的滑蛋吉列豬扒，而這店大致上也達至各點，可以說是我暫時吃過味道最好的一碗"卡知當"~

因為工作關係,要同同事們一齊留到夜晚十點幾,由於大家先知先覺,七點已經嗌定外賣。既然做得咁辛苦,唔好委屈自己,就食日本野!
不過,原來HAL唔係樣樣野都有外賣,而且外賣同堂食係唔同餐牌,同事本來想要個海鮮什麼定食,但係無外賣,唯有叫另一樣。
先講自己果個牛肉湯蕎麥麵,餐方好細心分開湯同麵上,估唔到,個麵好好味,有少少麥味,而且食既時候仲係暖,反而牛肉都幾多膏,令到個湯肥淋淋同頗油,不過牛既份量真係好多,食到飽得好緊要!至於個湯,同我想像中有出入,因為好濃,好有牛味。
大家又share左個前菜,叫海鮮什麼春卷咁上下,以為係炸物,但係原來好清新,用既係好似紙米卷既皮,白色既,裡面有海鮮之餘,仲有好多菜,如青瓜絲咁,食落竟然係爽口架!係一道又健康又清新既菜色!一客都有五六件。個汁係酸酸甜甜既紅色汁,我都唔知係乜,味道普通啦!
咁多個便當之中,其中一位同事既奄列蛋飯最香最正,本來見到個樣,同一般奄列蛋飯唔同,因為唔係用蛋包住飯,係蛋同飯分開左,蛋仲好似普通炒蛋添!以為佢唔好啦,點知原來好好味,牛肉係一舊舊咁,同牛肉湯蕎麥麵果d一塊塊唔同,亦好味好多!
至於燒牛肉飯同炸豬扒飯果d,同事意見係麻麻,一般啦!

她的名字不是春天嗎？

日替沒了,來的太晚了...要了這個[三街賣的急凍黑豚只30元一塊]

沒期望反而有驚喜,不要炸的是明智的一與當吉一比乜都死.

這個夠彈性沒用臭,油感合理...份量十足可以說有點兒多.最後完滿的

來了一杯燙口咖啡

好耐未食過咁好的豬扒,肉質剛好沒肉臭有油香.只是好貴下.

We’ve had lunch here this afternoon. It’s kind of traditional Japanese favorites. We has hamburgers with seafood (No.41 in lunch menu), well the taste is good if you like the traditional Japanese taste. Sets also come with small side dishes (miso-soup, egg plan, etc.) and a little cup of coffee is served at the end.

只看HAL'S的餐牌價錢會令人窒步，$800一客和牛(沒說明是否日本和牛)，$800一條Kinki（喜多次），知情者掩住半邊咀笑，實際上將價錢除以份量，比許多位於銅鑼灣的日式居酒屋還要來得便宜。環境坐得又舒適，不是說其他幾家中環日本料理不好，只是午飯時段，要找個可以談話的似模似樣日本料理店，除了這裡實在想不到還有那裡。只是中午好爆，晚上倒是不用預約。

晚上，先來一個魚肝芝士，這裡賣得比天勝和樂宴貴，但味道不一樣，用上的芝士較淡口但帶一點甜味。再來一個帆立貝大根沙律，味道不俗，大根沙律在日本是很庶民的前菜，但這個是富貴版大根沙律。

然後再來一個豚肉生薑燒，不是黑豚，用上了吃有機穀物的伊達赤豚，店採用開放廚房式設計，隔老遠都嗅到香氣，肉切的好厚，有咬口，有趣的是跟了一點點意大利粉。炸生蠔，大大隻，外脆內嫩，同行友人讚不絕口，我卻還是喜歡Tonkichi那個。最後來個明太子手握壽司，這個倒是和日本的一模一樣。

貴不貴，實在見人見智，但用來招呼海外來的客人，這裡一點也不失禮，幾家五星酒店的日本料理雖然不壞，但坐得比較拘謹，未能盡興，這裡樓底高，可以比較無拘無束一點。

(9/11/07)同上等朋友lunch聚舊,佢選左呢間。真係唔知有間咁既日本野。以木,竹做裝潢,感Nnatural,可惜開放式廚房,令有油煙味。
刺身類set,up to$220,非刺身類up to $110。朋友吃了special of the day 魷魚,三文魚籽,海膽飯$150,魷魚很lim口新鮮,其他的都唔錯。
我吃咖哩漢堡飯,附奉沙津,前菜(味林茄子),酸菜,面豉湯,很豐富。最愛日式咖哩,其實度度食都差唔多,但配漢堡,真係唔係成日有地方有。美中不足是,米飯不似日本米。
最後竟然有餐茶,大家也選咖啡。落少少奶,正合我味兒,而且細細杯,真係夠喇!

Since it is convenient to my friend, i chose this restaurant even the comments are not that good. But it is surprise that the pork steak is thick and juicy. Beef steak is good too with big portion. Coffee is good too. The only thing is the cook is in the middle and we all smell "oily" that lunch.

This restuarant in Central is quite crowded during lunch time. I went there last week. Price is expensive, anything is higher than $120. With that kind of price range food quality as well as service level is really average. I don't think I will recommand anyone to go to this resturant. Surprisingly it can survive for over 3 years!