今日十五. 又係素食日喇

我轉左工後, 食過上環既寶咩咩素食
不過, 發現都係唔及開心素食呢度抵食, 好食同少味精ar!
所以寧願行番過離買lunch! 今日食xo 醬青瓜雞球~

同埋佢既湯真係清得離有材料既味道, 唔係重既"師傅"啦
今日我飲既係粉葛湯~好濃既豆同粉葛味~

上環寶咩咩既湯就....完全not ok 喇~ / __ \

我仲想講下面有網友話咩野"假素", "扮素既肉"
我想講間間素食餐廳, 就算去到台灣ar 都係咁架
就算你去超市去素食材料店, 都係好多呢d架啦

要懶修心養性既
請自己去食油菜全走啦, 再唔係自己煮喇
根本就唔關呢間店既事....

It's a very cheap vegetarian eatery. Food tastes very much like homemade. Very little MSG from what I can tell. And you get a good balance of vegetables and "fake meat" dishes to choose from. Its cooking style is Cantonese however it also offers dumplings and different noodles dishes.

For what it's worth, don't expect any service or presentation. Also on the 1st and 15th of every lunar month, during lunch time this joint gets extra crowded and hectic. Overall, it's a place if you want nothing more than a solid vegetarian meal.

來中環辦公事, 總喜歡中午前後時去, 因為順道可以離開金鐘這個鬼地方, 食飯去. 其實腸胃仍然在半康復狀態. 中午一個人lunch. 又是減葷吧. 於是, 便摸入這隱蔽的素依小館.

一向素食館的服務非常親切, 叫了一個什麼火腿飯, 一碗的, 份量夠就算. 浪費食物是不應該的, 尤其於素食館子. 國語大哥去盛飯, 每次都問客人夠不夠. 再盛餸時, 女腿不夠啊, 用面筋補上行不. 當然行啦, 頓時變兩餸飯, 不好麼.

味道清淡的, 是我喜歡素菜的只中一個原因 (主要原因是什麼? 識我既朋友實知), 飯用上紅米溝白米. 多點織維素, 多點健康. 其實店舖還有不少少點, 放在一旁的菜包看來是美味的, 但胃口有限.

叫了一杯豆漿, 熱的, 不知有否聽錯是即磨的....? 熱的豆漿, 味道香濃, 完全唔覺有水味. 而且起了一層薄皮. 雙皮豆漿乎? 豆味非常之濃, 好豆漿一杯.

又到lunch,但諗唔到食乜,於是有同事提議食齋.結果1大班人浩浩蕩蕩出發,之前未食過都唔知間舖咁的式的.

我地叫咗5個飯/麵及1個湯.

乾炒牛河- 好油,d"肉片"d味麻麻.
波蘿咕嚕肉飯- 賣相幾似真咕嚕肉,口感都ok,話晒d麵根炸過,都幾難唔似.
鰻魚飯- 好油....
牛扒飯- 個樣係漢堡扒個樣,咬開睇塊扒個樣真係有d似喎
星洲炒米- 可以接受,但同茶餐廳冇得比
牛肉湯- d牛肉好似貓糧果d肉碎咁,老實講有d食唔落口.不過個味都ok既.

總結:我會話佢係1間唔合格的素食館,不過價錢好平.個人覺得做素食館就算全部菜係實實在在既素都冇問題,因為素菜都可以好好食.但千奇唔好做扮葷既菜,因為呢d係高難度之作.如果做得唔好真係會好 好 好 難食.

九月廿四日(三)

是日沒胃口，又一個人吃午飯，便想到此處

粟米紅米粥HK$12 – 還有胡蘿蔔粒、冬菇粒

點心HK$3@
粉果
腐皮卷 - 沙葛、胡蘿蔔絲等

因為不想吃太多肉的原故, 所以午餐自己一個食的時候便多數會黎呢度食的。
好欣賞佢0的飯係用白米同紅米溝成的, 可以多0的纖維素之餘, 又唔係太硬, 真係好。
佢0的例湯亦都好好味的, 只係用豆同瓜煲都可以咁甜, 原來有時唔係話放好多肉先好的‧

我昨日見佢0的餸選擇麻麻地, 就叫左一個水餃素腸湯米, 嘩, 佢個水餃好好味, 0的料好似腐皮卷咁, 真係好正!!!

佢平時0的餸都好好的, 好多菜, 又唔係太油, 同埋最好的是平靚正嘛

呢排日日黎食咁滯, 吾係特別好好食,
而係中環價錢大眾化的素食吾多.
食開呢度, 見佢又幾多選擇,又吾算多油,
清清地, 幾健康.
店內比較迫, 午市日日逼爆, 有時要坐正風口位,
吹都啲飯菜凍晒.
有啲人會專登黎呢度食素水餃, 我食過,
佢用津菜頭做餡, 我覺得太硬, 試過一次夠.
幾鐘意食佢的蕃茄菜粒旦炒飯,
仲有腐皮卷, 豆漿都吾錯.
呢度的食客, 除咗女士, OL, 仲有吾少
西裝友, 青年/中年男士同外藉人士.
其實宜家好多人都開始食素(雖然未必日日食),
無奈坊間選擇吾多, 大家唯有迫晒黎呢類小店.

淨餸走飯　－　一個好簡單清晰既ｏｒｄｅｒ都唔知點解都可以錯

作為客人仲要次次自己ｃｈｅｃｋ，ｃｈｅｃｋ少次都鍺

白行數趟，忟到暈

以往既汁是一pat pat 的，現在已經濃度適中

比較同區我素食餐廳較清不油膩

*茄汁味菜式一流! 外賣送上加$6

今日食左佢個午飯,真係好好味!由其佢個茄汁味的黑椒汁扒,真係好味到震!唔駛任何配菜送飯都可以淨係食佢就夠!真係要推介!
但係d湯就認真麻麻,佢用椰菜煲的湯味道比清水多少許,只有眉豆同椰菜,真係冇咩味道咯,要改善一下.加d紅羅白.有待改進!

可能我大食, 叫佢個每日例飯, 竟然下晝3 點半就肚餓!
不過價錢就好平, well.....一分錢一分貨, 所以都合理!
不過我食既飯就有d 生, 好硬, 我已經係鍾意食硬飯既人, 都覺得好硬!

打包走人既, 因為人山人海....唉......中環!

係西營盤都都有分店..
買左豆沙西米角同埋馬荳糕
西米角個皮太厚，馬荳糕又太甜..不太好
但見人食個d飯好似不錯
遲d都會試下

素食系列﹝十﹞

又是大雨連天的一個早上，行不上勝香園，想打橫行去陸羽，就連石板街也如一條小河流，索性行上幾級，來這裡吃點東西，亦順便避雨。

在中環工作多年，一向也知有這間素食店，有時想幫襯，但總覺得環境幾惡劣，又時時都咁多人，所以多年來今早也只是初次到訪。有6款早餐，就選了粟米粥加兩件點心。

粟米粥幾多材料，除了粟米，還有紅蘿蔔絲、素肉等等，味道純味精，還要是下得頗重手。可能味道要緊，但其實早上吃一碗清淡的粟米粥，也不錯的，不用請到咁大個「師傅」坐鎮。點心兩款，選了蘿蔔糕及芝麻卷。前者煎過再翻熱，是真的有點蘿蔔在內的，不純是開粉，還有冬菇粒及紅蘿蔔絲，不過味道方面，當然還得「師傅」相助；芝麻卷又硬又實，沒有什麼味道，真的如嚼膠菲林卷。

埋單10蚊，又真的是經濟抵食，兼食得飽，還要是素食概念，應不愁客路。至於我嘛，帶著一口腔味精的感覺，速去裕興飲杯熱咖啡，沖淡那惱人的「after taste」才說！

題外話：進店時還以為這裡不開早市，因為所有餐桌也放滿了不同的食材，幾位阿哥阿姐在切不用的瓜菜，還要是邊切邊問點切。坐在一旁進餐，彷似進入了廚房坐Chef Table一樣，不過論感覺，當然是大相徑庭。

喺中環做野見過有呢間齋舖個招牌好耐,但今年決定食長齋之後至正式幫襯...先至知道原來中環都有12蚊個飯呢支歌唱.每日有特價餐單,改炒麵/河/米都只係加$3(一般雙拼飯$20).點心雖然選擇唔多,但味道ok...齋雞批真係要試試.

不過最唔好太早收工(話就話4:30,但3點鐘已開始洗廚房),晚餐又要另外諗

日前中午在中環，第一次去了開心素食用餐。之前好幾次都因太多人而作罷。店雖小，但環境及清潔程度都令人滿意。更令人驚喜的是能夠以低價享用大份量的食物。那兒每天有六種菜餚供選擇，選一種是二十元港幣，選兩種是二十五元港幣，都有附送一碗湯。這在中環可說是難得的平價，即使香港其他地方都未必吃得到。我因不是太餓，所以點了一樣菜。先是送來一大砲湯，味美料足，是蕃茄薯仔眉豆湯，單單那一大碗湯我就已經飽了一大半。接下來的飯也令人滿意。極力推薦。