約左兩位朋友聚一聚,有同事食過話唔差同埋呢度唔分時段任食,可以比我地傾足成晚...哈哈

刺身
甜蝦好甜好新鮮,我地食左好多隻呀!
三文魚,左口魚,八爪魚,馬刀貝等好厚切大件,都幾新鮮!當既唯獨吞拿魚唔係好得,好多根!
卷物,手卷,壽司
有好多款,好似花之戀,鰻魚,炸軟殼蟹,海膽等等
壽司飯夠實淨,酸度夠~材料好新鮮,炸物香脆得泥又唔油膩!我地只叫左一round,因為d飯太大舊啦~食飯都食飽啦!
火鍋
要了豬骨湯底,配料有牛肉,豬肉,金菇,靈芝菇,冬菇,白蘿蔔,豆腐,粟米等..牛肉一般,菇類不錯,但最中意係粟米,超甜呢!我地叫左起碼4round~
天婦羅
蝦好爽彈牙,粉漿夠薄身,香脆而唔油膩
串燒
三文魚頭,羊扒,蝦,牛利等,做得唔係特別出色~我覺得只要材料新鮮的話就唔差得去邊...
料理
清酒煮蜆,好香酒味!蜆彈牙
八爪魚丸,日式燒餅,唔好食,太多粉槳了...
炸蝦,炸蠔,不錯呀,起碼唔會油淋淋~
炒雜菜,不知所謂,唔好出好過...
芝士年糕一d都唔好食,外野手好食好多!
總括泥講呢間都唔錯,刺身大件而且新鮮,唔會將貨就價,而且冇時間限制,真係捧腹而回呀!讚!

一月份為慶祝友人生日，友人推介呢間有陶板燒 + 任食蟹腳的放題，試過都算唔錯，＄２９８加一（小童４～１１歲，＄１９８加一），仲唸住有機會再同老公來食多次。

事隔兩個月，為工人離職吃fairwell dinner，又食同樣的放題，服務及品質真係相差十萬九千里！

５大２小（其中一位ｂｂ），４歲的小朋友唔舒服，所以另叫食物，侍應得兩三個，再三提我們小朋友不可食放題食物，仲要不時守侯在小朋友身後，方死佢食咁！

我地第一檯到，坐下即叫燒蟹腳，侍應話要等少少時間，點知等左一個鐘都仲未來！先來的剌身／燒到一面全黑的燒物，已經食晒，大家停晒手，無野食～

燒鵝肝，下面墊底的多士，全部個底都燶到黑，叫人唔好浪費食物，但係整到咁，叫人點食呢？！

多春魚又係，燶到頭黑尾黑～

刺身都算不過不失～

蟹籽沙律，得幾滴沙律醬，仲要ｄ青瓜絲同刺身墊底的青瓜絲一樣，沾不上果幾滴沙律醬，一ｄ都唔好食。

阿媽想要多一壺熱水（因檯面只供茶），侍應答一檯只俾一壺，只換了一杯熱水俾阿媽！！每次要再添熱水，都要叫幾次至有人加水～

個石油氣爐得一頭，menu包的陶燒和火煱只能活一個，不可另開新爐。阿媽想食熱野，咪叫侍應轉火煱啦，唔陶燒喇～～～～遞左張點菜紙良久，侍應換左煲火煱湯底，但係煲湯煲到乾晒水都未見火煱料上桌。

同層有２８人ｐａｒｔｙ，人地ｄ火煱料密密上，我地都有叫的手卷，人家食緊，我地仲等緊～～

叫個侍應跟跟單，因為一開波點既蟹腳仲未到，中間食左／未食／未到。。都唔多清楚，　再落又怕食唔到。。。。。個侍應ｐｒｉｎｔ左張水蛇春咁長的入單紙俾我地睇，上面有齊我地點過的食物。。。。。叫我地點分邊ｄ未到，邊ｄ食左呢？　　侍應提議我地全部再落單，我話明黎多左我食唔晒係唔會俾正價的（因張宣傳單係咁寫，食唔晒要俾正價）

到ｄ火煱料到左，石油氣又無晒。。。真係一波三折，係咪我地黑呢，＄１７８放題唔食，係都要食＄２９８，真係攞黎衰！！

對唔住屋企人～講佢地咁遠水路黎食呢間垃圾，個侍應生仲咳到無時停唔戴口罩，我地返到屋企唔駛睇醫生都算執番身彩。　

埋單，侍應拎住張入單紙問我，果個細路（４歲果位），幾多歲。。。

我指住為小朋友另叫的食物，話："佢４歲有多，但係自己再叫食物的，你的同事不是一直目及住她的嗎？"

地板痴立立，對鞋行到＂脊脊＂聲，terrible！

埋單＄１６ｘｘ，一定無下次！

某個星期四, 3個人去呢度食$178既任點任食

食左好多野呀
蕃茄火鍋 - 湯底好似罐頭湯咁
串燒 - 有d幾好食, 有d就好咸....
炸物 - 叫左天婦羅蝦, 南瓜, 芝士年糕, 都幾好味
sushi - 有花之卷~ 呢個好好味~~ 仲有蛋鰻魚卷都幾得意
刺身 - 叫左三文魚, 帶子, 甜蝦~ 都幾新鮮~
小食 - 叫左酒煮蜆, 幾好味, 日式燒餅, 麻麻地, 好粉, 洋蔥牛肉, 幾好
總括黎講都幾滿意, 而且平日唔係滿哂, 服務都唔錯~

遊食吟嚷居酒屋

路經此處無數次, 想試好耐, 今晚朋友生日, 一行八人, 盡情一試!!!

環境 - 有日本居酒屋feel, 分兩層, 我們被安排坐上層.

食物 - 種類都好多, 本人比較欣賞剌身,夠新鮮又甜又爽(帶子/魷魚/馬刀貝/海膽), 串燒以下三款極力推介 (牛利/羊鞍/豬頸肉), 火鍋 (配料OK, 番茄湯底一定要試).

服務員態度親切, 特別鳴謝Danny & Noddy, 帶俾我哋好多歡樂!!!

總結:食得開心, I'll be back!!!

約在半年前,朋友已經介紹我到'遊食吟嚷居酒屋'享受日本放題,可惜遲遲還未能夾到大家的時間,今天我們終於可以一起到這一間日本料理享受美食了.

今天,我們三位女子一起衝進"遊食吟嚷居酒屋",大家也有共同目標,都是狂食刺身,今天我們真的做得到.

其實今天我們9成都是order刺身,其餘的便只有order三隻海蝦,牛肉及帶子. 味道普普通通啦.

不過,我想讚揚這碟刺身. 本人很著重,刺身的大小及厚度,因有很多日本放題刺身小,厚度薄.但這一間放題,真的是厚切,而且份量也不小的,還有,最緊要的便是鮮甜.所以,真的是不錯.

我很明白,為什麼我的朋友會介紹這間日式放題給我,因她知道我在享受日本放題,是很著重吃刺身,反而其他熱食及炸物,我也很少order,而這間餐廳便很少熱食及炸物,都是和我一樣,很注重刺身. 最重要的是,刺身的質素也是不錯.

雖然刺身質素是不錯,但服務態度就麻麻地了. 特別是添飲這服務,每人+$6就可以享受無限添飲的汽水,但每一次添飲也需要長時間才有下一杯,這一刻人流不是多,職員人數是充足的.算啦+$6就有無限次添飲,外面一杯汽水都要$6啦. 沒有十全十美的.

總結也是不錯的.

又想食魚生飯，近近哋試吓呢間，我哋兩個都喺要北乃花魚生飯 ($70)，再Share燒淋魚干($20) 。魚干眞喺幾淋，味道一般，套餐跟miso soup 和蟹子沙律，miso soup 唔好味，蟹子沙律也是痳麻哋，有少量青瓜有苦味。

魚生飯有三文魚、吞拿魚、鮑魚、熟蝦、海膽和蟹子。好似好多款式，但每片也很薄，有幾片仲有筋，味道不好。飯又硬又冇味道，有D難食。望吓D飯，長長哋，原來唔喺日本米煮嘅，唔怪之得咁硬啦，應該唔會再嚟喇。

姊妹聚舊又去左食日本野任食..
今次依間都不錯...刺身幾新鮮選擇都幾多..
又有得打邊爐，而且個蕃茄湯底好夠味.
仲成晚唔分時斷任食....值得一讚﹗
但炸物就麻麻地.....燒物都OK，不過冇雪糕任食.....只有每次唔同既餐後甜品，冇得揀~

唔記得講有海胆送.....

上網見食平都算係ok~~所以走去試一試!!
我們一行三人7點入座, 餐廳格局都ok~~普通日本餐廳feel.

見到食日式放題~都好想一試~~不過當晚因為食完飯要去打波~
所以最後都係一人叫左個 "烏冬" 再加d sushi 及串燒~~原本都好想下次再黎試個放題~~
但係經過今次小試幾種食物後就打消左呢個念頭!!!!

我地睇左一陣~~叫左個哥哥仔黎take order~~ 問題就黎la~~因為個哥哥仔非常之唔專心

每樣野都要講成2 - 3 次先get 倒! 仲要take 到半路有人客入黎~~佢仲要 "2 啦騷衣嗎些"
之後又要再問我地一次食咩~~唉~~~~~~~~其實我知日本餐廳係要有呢ｄ禮貌~~
但係都可以處理得ｓｍａｒｔ　ｄ同ｐｒｏ　ｄ　ｋｅ～～～～

我地食左：
２　個天婦羅烏冬　（普普通通～～ｄ炸粉唔好～同ｐｏｒｔｉｏｎ細）
１　個九洲雞肉烏冬　（超唔得，唔知ｗｈｙ會變左茄膏湯烏冬　＋　吉列雞排　）
２　件三文魚ｓｕｓｈｉ　（普通）
２　件吞拿魚ｓｕｓｈｉ　（普通）
２　件帶子ｓｕｓｈｉ　（普通）
１　串燒牛利　（細到～～１８蚊得一串～～仲要得２片每片３ｃｍ　ｘ　３ｃｍ）

其實野食真係好一般～～放題ｋｅ質素～～好似我地唔係食放題就會覺得好差ｌｏｒ

全部野最唔得係九洲雞肉烏冬～又整得耐～～全部野一齊叫～～但係要等到我ｄ　ｆｒｉｅｎｄ　食完所有野先至黎！！仲要～～～湯底真係只有茄膏味而且無料到，雞排就似係非洲黎同好厚粉～～可能因為雞排本身太細了！！咁樣收人６０蚊又真係唔掂囉！！　茶餐廳都無咁差ｌａ（因為實在已經唔可以同ｄ　ｆｏｏｄ　ｃｏｕｒｔ　比，通常茶餐廳做日本湯粉係無咁好食）～～～好多人話佢烏冬好好食～～但其實又真係無想像中咁出色～～係幾滑ｌｏｒ～～～

總之試左幾樣野之後就覺得～～如果唔係想食任食～就唔好去ｌｏｒ～～　
但食任食佢又唔係好高質素～～太多餐廳好過佢～～
只係平ｌｏｒ～～～＄１７８任食！！

友人試過這裏的放題，今次飯聚所以叫我一試

環境: 我們坐下層，可能閒日關係，隔壁有四五張桌，所以唔嘈，細細聲都傾到計，桌之間都分得幾開

食物總類實在很多：

頭盤：要了招牌烏冬沙律及豆腐，個烏冬質感好正

刺身:我好仲意呢度o既甜蝦,好甜好新鮮~左口魚，三文魚都好正，大致上都好新鮮，個日係吞拿魚差左少少

壽司: 黃金魷魚、黑蟹籽..這個好少吃，我就一般la, 友人就很喜歡

手卷:食了海膽及軟殼蟹..好味

串燒:牛肉雞髀菇－－幾持別，雞軟骨、雞肉串、冬菇、雞皮、雞腎、多春魚及燒海蝦，全部都中上以上，係海蝦我覺得淡左D

料理:清酒煮蜆...d 蜆ok ..爽

燒物：炸蝦，茄子，蠔，八爪魚丸．．普通水準，個槳做得一般

飲品: 友人話汽水可以無限添飲，不過我地無叫到，另外飲左清酒


Overall 質素都係中上，放題黎講有咁既質都難得，食物種類比同類型既更多，上菜速度都快，但可能係閒日關係啦

以咁既價錢，只食刺身同串燒都值回價錢了

我覺得好適合一大班人既聚會，因為可以試多點款式

講咗好耐好耐! 今天終於成功約到了智勇双全請客，來遊食吟勁食一番日食放題，巧合地整天嚷着要食放題的為食鬼肥耶蘇竟然腹瀉不能來，令我明白到原來健康的人才可以日日有食神，我們只好祝福他早日康復。 我們選擇坐閣樓的榻榻米比較有風味，這裹有兩個價位的放題，因為不想别人太破費，我們揀了一百七十八元的日式牛肉火鍋放題，這個放題除了日式牛肉火鍋 Shabu Shabu 之外，還有多款和食、剌身、卷物、手握燾司、軍艦、手卷、燒物、炸物等食物供客人選擇，總共有八十九款食物，絕對能滿足各位飲食男女的口腹之慾。

火鍋
可從三種湯底選一種，我們選了傳統的猪骨湯底，鍋物的配料有牛肉、豚肉、金菇、靈芝菇、冬菇、白蘿蔔、草茹、粉絲、烏冬、豆腐、粟米、小唐菜和娃娃菜。

刺身
已有八款，分別是三文魚、吞拿魚、八爪魚、左口魚、魷魚、甜蝦、鱆红魚和馬刀貝。

卷物
有香葱拖羅蓉卷、花之戀、海鮮太卷、加洲卷及蛋皮鳗魚卷。

軍艦
有黃金魷魚、黑蟹籽和普通蟹籽。

手卷
有五款手卷，配料可選軟殼蟹、鮭魚、鰻魚、海瞻及香葱拖羅蓉。

手握壽司
更有很多款供應，有蟹柳、酢鯖魚、吞拿魚、八爪魚、甜蝦、赤貝、鰻魚、帆立見、三文魚、魷魚、熟蝦、玉子和腐皮。 7

燒物
燒物更有十八款之多，有鷄輭骨、鷄肉串、冬菇、牛肉鷄脾菇、羊鞍、燒牛脷、豚肉露荀串、猪頸肉、豚肉煑串、鷄皮、鷄腎、秋刀魚、多春魚、鷄中翼、牛柳串、三文魚頭、煙肉蕃茄串及燒海蝦。

炸物
炸物有多款天婦羅，最好吃的有土佐豆腐，炸出來表面有一層不油腻蘇皮，入口鬆化、軟滑又有豆香味，

飲之放題
這個放題除了全部連鍋物總共八十九款食物之外，飲品方面全枱每人只須加六蚊便可無限量任飲三款汽水，真是非常抵飲抵食。

除了無限量之外，最重要的是食品夠質素，這裹的魚生夠鮮甜、燒物夠熱辣香口、壽司夠實淨、炸物夠香脆、卷物夠鮮夠份量，雖然每位要超過二百元埋單，不過全部八十九款和食都有水準，絕對不是五十嵐的質素可比，最後真的是食到翻天覆地，差不多吃遍所有餐單上的食物，捧腹而回！ 滿足！！

已經係第二次食呢度o既$178日本牛肉火鍋任食! 鍾意呢度坐得舒服~而且憑單據一個月內可享晚市九折~呢個價錢可以食到火鍋, 刺身, 壽司, 串燒, 炸物..都ok抵食啦!

火鍋:揀左蕃茄湯底,我就覺得牛肉一般,有"根",咬唔到~ 烏冬配蕃茄湯底~正仲有好多配菜, 粉絲,娃娃菜,金菇..

刺身:我好欣賞呢度o既甜蝦,好甜好新鮮~仲有老公鍾意o既魷魚~

壽司:有我鍾意o既花之戀~帆立貝~

手卷:海膽相比第一次食冇咁新鮮, 但配合好新鮮o既紫菜~好味!

串燒:牛肉雞髀菇值得一試~有我鍾意o既羊"安",牛脷~有老公鍾意o既燒秋刀魚&燒多春魚~

我同老公都覺得好抵食呀! 以後晚飯就多一個選擇啦!

前晚同班fan去o左呢間店到食放題,一入到去唔知點解會
有一陣酸叔味,食物款色唔多,得d大路野,壽司只有7款比你
簡,整體食物o既質素一般,d刺身不太新鮮,d炸物同天婦羅都
炸得過曬火位,乾爭爭的!d小二o既態度亦唔太好,佢地可以比
曬d火鍋o既才料你,但唔比個爐你,問佢地,佢地會話做乜唔叫
埋,真係奇怪!!埋單一人都要$190,唔算話好貴,都可能一試o既!

記得我第一次來係2月6號, 那天係因為有朋友生日而前去的。之前一路都係聽人講呢度幾得有幾得, 所以我心裡面成日諗住要來試吓, 宜家終於都有機會了。

由於有朋友係來過所以特別推介咗蕃茄湯底火鍋, 同埋前菜o既手打烏冬沙津, 果然好味!!!! 之後仲有刺身啦~ 雖然價錢係$178 (有加一) 但係上枱的食物一d都唔會將貨就價。每一片刺身都大大片, 滿足晒為食o既我o地^^

另外仲有即叫即燒o既串燒, 我就特別推介煙肉蕃茄串了, 雖然唔係d咩特別食物, 不過match 程度係...... 好味到唔識講, 有機會大家可以去食吓。

昨天(事隔唔夠一個月)我又再去食, 因為我覺得呢度抵食又好食。當然就要帶埋三五知己來encore啦!!!! 今次encore o既部分就當然係蕃茄湯火鍋啦~ 因為我"發現"佢o地o既烏冬全部都係手打, 勁Q, 又滑, 再吸收埋D蕃茄o既鮮味真係好味到唔捨得停呢!!!!

跟住態度友善o既服務生又幫我o地點咗d我o地唔會點o既刺身俾我o地試, 一食, 嘩!!! 好味, 立即問吓係咩o黎啦~ 等我o地第日去到第二d地方都識食返丫嘛 ;p 原來白雪雪 o個d 就係左口魚刺身(其實小妹係好怕食魚的, 因為極度怕腥)而呢個左口魚一d都唔腥仲好好咪tim!! 另一樣爽口得o黎又好鮮味o既係叫做馬刀貝。

其他熟食都唔多講了, 不過值得一提o既呢就係呢度d壽司o既飯, 感覺非常住家feel, 唔會係出面食落用機壓o個d 冷冰冰o既感覺, 舊飯又壓到實晒, 一d都唔好食。呢度o既壽司好得!! 不過係d紫菜唔係好夠脆啫, 可能係我o地坐樓上, 運送期間"林"咗都未定, anyway 呢個係可以包容o既。

事關呢度仲有一大好處就係無限時間的, 鐘意坐幾耐都得, 又唔會因為我o地坐得耐都叫咗o野食唔來呀~o個d咁, 真係令人有賓至如歸o既感覺, 值得我再三推介俾我身邊o既朋友。

新年好忙呀, 週圍拜年週圍食野, 依家交功課了 :

年三十晚第一年跟男友同佢屋企人食團年飯, 有少少緊張 ^.< 一行8人晚上7點鐘去到上環"遊食", 侍應安排左我地坐上層類似"榻榻米"款式既坐位, 我望下餐牌, 都有幾款火鍋放題選擇....

唔駛二佰就食可以任食超過40多款既日式食品同火鍋湯料 ? 我再睇下d order 紙, 真係連刺身都任食, 我地點左$178既套餐, 滿4位仲送海膽一板, 又有清酒, 未食已經覺得抵 !

因為同男友一家人食, 我都唔好意思係咁影相, 我地叫左好多刺身, 串燒同天婦羅, 刺身比想像中大件而且新鮮, 串燒既種類好多, 最鍾意個燒牛脷~ 而天婦羅就中規中矩, 唔油膩, 炸日式年糕, 有芝士夾心, 煙煙韌韌好好味 ^^

遺憾冇影到那盤雜錦刺身, 有大大粒鮮帶子同其他8款刺身~

我地點左蕃茄湯底既火鍋, 蕃茄味好鮮甜, 我飲湯多過食入面d料哩~ 侍應好細心會幫我地加湯同添茶, 不過由於人客太多, 8點後再加的食品要稍微多等一會, 但都冇所謂啦, 反正我地不停點, 都食唔停 ~

坐左三個鐘, 我地問老闆點解唔分兩個時段, 限時任食會賺多d, 老闆話唔想咁趕, 想d客坐得舒服d, 可以慢慢食, 有口碑就夠... 我有點感動... 呢餐團年飯食得好開心, 而且好超值 ! 我一定會再幫襯 !

日本料理放題近期紅火了起來，單是中上環就有超過五家。自己也算「擦」得之人，所以有好幾家也間中光顧，但其中最常捧場的要數遊食了。不單自己，也招待過朋友死黨、家人長輩（老人家多數吃不慣這些口味，但連他們都說滿意）、甚至教友牧師！

今天工作較輕鬆，早了下班，來到這裡也不過六時一刻，也成了這晚的第一枱客。我和同伴點了$178一位（另加一）的放題，附送一款小食（我們要了蟹籽沙律和烏冬沙律）和甜點 － 日式甜年糕。不包飲品，但若要汽水任飲也只需另加每位六元。

日式放題一般都提供數個主要系列：刺身、壽司、卷物／手卷、一品料理（即熱炒）、串燒、炸物／天婦羅等；這裡的特色是同時供應しゃぶしゃぶ（日式火鍋）放題，在同業中很少見（附近一家新開張的店也剛推出了附しゃぶしゃぶ的放題）！這兒有三種湯底供選擇：清湯、豬骨湯和蕃茄湯；我最喜歡蕃茄湯，很開胃，我甚至會舀來喝！上桌的材料有很大一碟，牛肉好「得」，他們自慢（即引以為傲）的烏冬則彈牙。

刺身有八款可選，我把它們都點了，賣相新鮮。我較偏愛非魚類的刺身（特別是貝類），但今晚的吞拿柔軟鮮美而無筋，不錯！左口魚（圖右上）較少見，侍應送上了專用的沾料，顏色像醬油，食落酸酸的，跟食材很配合，充份帶出魚的鮮香；魚本身的彈口也很得意！角螺（圖右下）也脆口，但甜蝦則不及一生好吃了。壽司方面，只點了刺身類沒提供的赤貝和帶子，也相當新鮮。手卷的選擇有海膽，愛吃海膽的同伴點了兩輪，兩次的海膽也出奇地大粒，但不夠鮮甜（我提醒自己，這是放題餐，要求該合理些！）。

今晚的串燒也燒得漂亮：海蝦新鮮，但稍嫌差一點點才全熟；繼翼皮燒得很脆，雞軟骨也保持水準。有一道新的選擇：雞髀菇牛肉卷，雞髀菇十分juicy！今晚並沒有吃炸物，只點了每次來都必吃的芝士年糕：已溶化的芝士，加上年糕的煙韌，就是美味！

埋單四百，而且憑單據一個月內可享晚市九折。服務不錯，侍應的反應都很快，但有時會圍在一起聊天，給客人的觀感不太好，要改善。