上次試過大排長龍既名店, 老實講真係好一般
因為我發現對比起呢間真係幾好食

我叫左個腩肉牛腱麻辣米線(中辣)
一上枱, 見個湯唔太紅, 以為唔會好辣
點知一飲......嘩...好正
唔太酸但OK麻辣
牛腱普普通通, 都有滷水味ge, 不過下次可以唔叫
腩肉就真係唔錯, 份量足又入味
酸菜都OK~但唔夠酸
總括黎講真係好唔錯啦
一定會返轉頭!!

呢間係我同老公當年既拍拖食店，一個禮拜去兩次，結咗婚之後中間都有一段頗長時間無食，近月先起公司同同事有時叫返呢間。
自從裝修後，我覺得味道有點唔同咗，感覺是湯底多咗好多香料，同以前嚟講都各有各好食啦。
米線量不少，頗彈牙，有時外賣來到公司仲有幾個字先食飯時間，放咗幾個字都 ok，當然即食會好很多。湯底酸酸的，尤其我鍾意食酸，每次叫一定叫多酸小辣。
腩肉 ~ 夠味，香料味重，唯然整片都好瘦，但又唔會好嚡同靭
水餃 ~ 皮小厚，但裡面韮菜等配料好好味
大腸 ~ 洗得幾乾淨，香料夠，令佢好入味但唔會感覺到肥膩
墨魚頭 ~ 細細粒，幾爽幾好咬，但完全無味，只能靠湯
腐竹 ~ 也是要靠既餸，垟而佢本身有豆味，再索湯，好味
鳳爪 ~ 無驚喜
蘿白 ~ 好甜但………..似用糖水浸出嚟既甜囉......
不過感覺味精重了點，食完會有點口渴......

上星期日同朋友行 citywalk, 果然冇估錯, 好悶....... 於是走番出黎行下行下, 去咗呢間食雲南米線, 見到有個低脂紅薯粉, 試下啦, 低脂夠吸引, 不過老實講真係一般般, 又酸又盛, 加咗菜同牛輾 , 可能我唔食辣, 冇咁好食, 不過我男友食酸辣, 佢都話係普通料, 廿幾蚊嘥錢........

今次我要同大家推介既我每個禮拜必食既雲南小窩米線。

自問係米線痴，食均荃灣既所有米線舖，始終都係雲南小窩米線既味道最好，d米線雖然幼身d，但係卻是我食過最彈牙既；而d湯底又可以調教到我最喜歡既酸辣味道，係我每次食完都要再返轉頭既動力。所以我話佢係荃灣首屈一指既！

雖然間間米線舖既配料間間都差唔多，而此間既腐竹一定唔可以錯過，超好味！讚！

平時常行經此店，但一直也沒有機會嘗試。由於在荃灣上班，這天下午終於有機會入去一試這雲南小鍋米線。

對於小鍋米線的認識，是在荃灣區另一長人龍店裡的老闆告知的。小鍋，即代表不辣，而且米線伴著肉碎隨配料奉上。

這次湯底也是走辣，但配料則選了辣的腩肉和豬肚。另叫了炸雞翼作為小食。

腩肉成長條形，辣味醒神，很入味，而且也切得薄薄的。而豬肚也是切成長條狀的，頗有咬口。

米線中規中矩，湯底則頗酸，幾醒胃。

炸雞翼則炸得香口，還殘留著不少的肉汁，點著甜酸醬來吃也滿足。

環境只是普普通通，還有些蒼蠅在飛呢。

這樣的一餐，花費才三十多元。之不過，同類型的雲南米線實在是多不勝數，希望此店還能發掘出獨樹一格的味道吧。

有機會會去Encore。

通菜唔當造既時候～除咗去泰國菜店舖外～都幾難搵到佢～可幸呢間舖係其中一間四季都有通菜食既米線舖！真係好難得呢～亦令我食咗３年都未變心

是日菜式：酸辣通菜牛丸米線
通菜唔當造～因此比較老～口感不爽脆～而且分量較以前少了～當然～我還是吃光光了～只因太喜歡
牛丸～好似未煮熟晒喎．．．入面仲係有少少凍（但未之於冰）～但幾爽口彈牙～煮熟咗應該唔錯～
湯底～酸辣的味道配合得剛剛好！很符合個人口味呢～而且芽菜的分量又係剛好一啖米線配少少芽菜～不過ｄ肉碎好似肥咗ｄ～
米線～有幾條硬咗少少～其他都無問題

衞生：基本上以前嚟食都好似無乜野～茶餐廳既衞生程度啦～不過今次就食到兩條類似竹簽既物體．．．

以米線嚟講～佢未必好出色～但味道真係唔差架～而且大部分時候都唔使排隊～好過隔離街既ｘｘ風味～anyway～為咗佢既通菜～我還是會來的

我好鍾意食米線, 可以日日食,可以自已一個人食， 食過咁多間連鎖店同小店，呢間係最正最好味!

首先你要選擇米線($18)，小鍋(唔辣)或酸辣，可以選大中小辣或唔辣，再選配料，有成三十幾款，4蚊一款。推介一定要叫腩肉!!

但如果唔食得辣，千祈要小心。上次黎就叫左腩肉同小辣，以為小辣辣會度咁咁好，結果辣到我面同耳仔紅哂，條脷痲痺..... 於是問一問伙計點解小辣會咁辣?! 阿姐話腩肉係辣既，加上小辣就好似中辣咁辣

唔食得辣但又想試腩肉，又想試可以叫阿姐分開上，咁D汁就唔會令碗米線辣啦!

所以今次學精，叫小鍋米線，配腩肉同西生菜，"小辣唔該"!

碗米線超大碗，D酸菜，九菜同肉碎已經佈滿碗米線，(老闆絕不吝嗇!!) 撲鼻而來的酸辣香味令冇乜胃口的我食指大動!! 腩肉唔肥唔油，好趙口，仲彈下彈下!!! 脆bok bok 生菜吸哂D湯，酸酸辣辣，正!! 仲有，D酸菜九菜多到可以叫少樣配料!! 食到碗底仲有酸菜九菜...

要食酸辣米線，必要黎呢度! 天氣凍，或者冇胃口，黎呢到食包你話正!

味道主要來自酸菜, 但都好好味!!
一碗麵都好大碗, 一個人食應該夠晒飽!!
仲有店入面有個職員好似"肥仔聰"...
佢地既服務都唔差, 比起出面餐廳果d老一輩既員工好好多!
打電話叫外賣服務都ok, 起碼都會問下仲有咩要,
唔會好似銀龍咁, 未講完就已經收左你線...
材料果d唔洗諗佢係新鮮, 好似雞絲呢d...
但個湯令成碗野食起上黎唔錯!!

我自問都好like食米線,而家搬左去荃灣呢個米線集中地,更加方便我,我自己試過好多係荃灣而又聽人講好食既舖,好多都麻麻,反而呢間係我自己無意中一個人入去食,反而仲有驚喜,次次都係叫腩肉,腐竹&蘿白,腩肉唔肥,好入味,腐竹用d薄身既,比起厚身腐竹仲有口感,又索晒d湯,蘿白一d渣都無,食完簡直超滿足..
而家呢間舖已經差不多一星期去1-2次,而家我又去食la,哈哈...

說過荃灣是麵食集散地，山西刀削麵、本地魚湯麵、港版山東拉麵各式其式，而近著馬會公園的小巷，數年前已被幾間雲貴川風味麵店霸佔著，成為獨特的麵食地標。

記得這裡有間不錯的雲南米線小店，做的過橋米線不錯，是日胃口麻麻，只想喝些熱湯，就來到這裡。一碗過橋米線外，看老闆站在門外大圓鐵桶前烤著羊肉串，幾特別，又點來試試。

街坊小店，做過橋米線幾認真的，大鍋熱湯端來，配料分置小碟上，靚姐在面前將熟油、調味料及配料加入湯中，死命的拌著，湯底不獨雞味，亦下了豬骨去熬，不夠奶濃要靠添加的調味了提味，比起附近幾間雲貴小店出色，但收四十八元，似乎可以做得好一點，配料惟一印象是鹹雞髀，用的雖然是無彈性的冰鮮貨，但醃得夠身，雞肉鬆腍很美味。

兩串烤羊肉，吩咐了少辣，然，下了的乾椒粉及孜然粉不少，辣得淚如泉下，總算見識了外省的「少辣」，羊肉下了不少梳打粉，不吃亦非算失，吃了反而傷身。

最後要了碗雲南地道甜品，玫瑰木瓜冰，是用木瓜籽浸水發成果凍狀，加入玫瑰蜜而成，清甜美味，這裡下了乾玫瑰花葉，是認真又美味的解辣巨星。

事後跟老闆閒聊兩句，原來門外大鐵桶燒著炭，有烤焗功能，聽說索價二萬大洋，確是新奇，但做不出軟熟油甘的烤羊串，再奇特亦只是笑話，個人而言絕不會為此再來。

今晚放工係街行下行下 , 行到這兒發現有間從未食過的食市 。由於老婆晚點才下班 , 而她又愛吃辣 , 那我就係外面望望牌有什麼餸是較好外賣的 .....
入到去 , 同收銀講要麻辣牛肉同麻辣豬耳一起載 , $15 x 2 = $30 都幾抵 !!! 一大個發泡膠碗剩著 , 打開偷食了一件豬耳 , 嘩 ~~~ 入味到不得了 , 我不愛吃辣的 , 但真是感覺到辣之中的香味 , 都唔知點形容好了 , 總之辣得來很香口 ...... 反而不麻只有辣 !
老婆回到家中 , 試過我買的外賣後 , 都贊頂瓜瓜 , 嚷著下次要帶她再去食呢 !

服務方面 , 個肥仔幫我跟得很足 , 廚房拿出來時再三問清楚是否兩餸 , well done , 下次會再幫趁你 , 呵呵 !

叫左一個 4餸酸辣米線. 麵就煮過火. 一路食d湯開始有d 糊糊地 (變左上海酸辣湯). 都真係幾難受.

** 此食肆的第四個OK **

尋晚(19-3-2008 Wed)同女友人CT,男友人RP,D打完羽毛球,約8:30pm左右到o黎食晚飯.由於我唔食得辣,所以我o既韭菜餃米線只有酸味.CT叫o左雲吞米線,D鳳爪,腐竹同唔記得咩米線,RP就有牛(月展)同唔知咩米線,另油菜同吉列豬扖大家share,RP,D同我都要杯凍豆漿.

不久,米線順我o地order o既次序逐碗送上,應該係即叫即整喇.睇見男仕們o既米線大大碗,我驚我o個碗係咪都咁大,o黎到,我o個碗得兩粒韭菜餃,有冇攪錯?但CT o既雲吞有幾粒啊,佢同我交換o左一粒o黎食.

好,起筷喇.啲餃冇乜特別,但米線就彈牙,唔錯但原來唔多,芽菜就多到不得了.

至於吉列豬扖,外層夠脆,肉亦夠鬆,我冇點甜酸醬食,覺得佢鹹o左啲.
豆漿就唔係好夠凍,豆味唔多.

我o個碗米線要成$22.00,覺得唔係咁抵食,但服務冇乜問題.

呢間米線我經常去食的..我想介紹比大家..一入鋪就會見到個肥仔哥哥..我每星期會去一至二次^^佢d米線真係好味^^夠彈牙..其它米線舖都整唔到包括魚米家.個湯底做得濃左d..不過都好開胃好味^^我每次都例食過橋米線近3個菜..再飲凍檸樂^^war好味

人多最驚係荃灣食晚飯,不過有朋友話好耐冇食過米線就拉大隊去,一行9個人,預左要分檯食,同檯既朋友叫左
2個"雲吞中辣米線" 1個"雞翼小辣米線" "我要左個腩肉雲吞米線小辣" 結果等左好耐先黎我個個同另外一個雞翼米線,另外2個等左十分鐘,催了又催,都話煮緊,

朋友個個雞翼係冰凍既,不過朋友都預左,但佢叫個個小辣一d都冇辣,我比左我少少湯佢試,佢話佢試到我個個係有辣味,而佢個個就一d都冇

佢問個哥哥仔(全場得一個哥哥仔,一個阿伯同2個阿姐) 佢望一望就話朋友,你都冇加腩肉一定唔辣啦
當堂呆左,原來小辣要加腩肉先有(以前都唔係咁既)
結果我比左d湯比朋友,同埋佢自己加辣椒油先有小辣效果,

食到我個碗都食晒,另外一檯既朋友都差不多食晒,朋友再問落單個哥哥,點解仲未到,如果未煮既都唔要喇
因為朋友已經唔想再呆坐落去,

個哥哥仔竟然話係佢地舖,未黎都既都要比錢,一係比個外賣兜裝起拎走,(竟然有如此條款)佢既理由係話朋友叫個2個係餐,杯野已經飲左,個面唔可以唔要,

我地而家係計返個2杯係正價價錢,而唔係成個餐唔比錢

大佬,而家係9個人7個都食晒,你仲話另外個2碗仲煮緊,你廚房燒柴既都煮好啦,而且d送其他朋友都有叫,又唔係得佢2個叫雲吞.

最後要朋友發爛,堅持扣起個2碗錢,如果唔係報警啦,之後個阿伯(可能係老闆)出黎話收返食左個7碗錢同飲品錢就算.另外未黎個2碗唔計.

我如果真係要去食米線既,真係唔需要再考慮呢間.