after my horrendous experience last time, i gave saikung another chance but this time went a bit further to the outskirt in Po Toi O (布袋澳). the venue this time was seafood island seafood restaurant “海鮮島海鮮酒家”, best known for its cuttlefish. variety wise, po toi o does not have as many kinds of sea creatures as its more famous peer such as lau fau shan and saikung pier, but for those that it caters (mantis shrimps, clams, scallops, cuttlefish, lobsters, and certain groupers), the animals defintely look happier and more lively. kitchen charges are already factored into price of the ingredients, and overall is about 20% cheaper than saikung pier and 5-10% cheaper than lau fau shan.

we placed our order at the aquarium section and got ourselves seated near the shore. after about 10 minutes, our dishes started arriving one by one.

mantis shrimps: we had 2 of the shrims steamed and 2 deep fried with salt & pepper. surprisingly, the steamed dish was very juicy and sweet, with a light but distinct taste of ocean slowly rising up the roof of my mouth. it is very important to have fresh mantis shrimps in steamed way because the meat would turn mushy ~15 minutes after the shrimps die. the fried ones were tasty as usual, with lots of fried garlic and red chili that made me crave for more. however, i must admit the mantis shrimps in lau fau shan are slightly better – they have bigger shrimps and more meaty/crisp.

razor clams with black beans: the razor clams were slightly overcooked and sauce was a bit too thick.

steamed scallops: a very delicious dish with the scallops steamed just right, and i was very happy to note that some of the garlic was pan-fried whereas some was steamed, which really brought out the freshness of the scallops.

fried cuttlefish with salt & pepper: this was definitely the highlight of our meal! we did not order the fried squid but had the cuttlefish instead, which has thicker and crispier meat. it was so yummy! the batter was very thin and felt light in my mouth, while the aroma of salty egg yolks was simply addictive. may saturated fat & cholesterol live forever!

steamed whelks: standard fare.

braised noodles with dried scallops and enoki: portion was very generous but we couldn’t find the other half of the dried scallops that we paid for. taste wise it was pretty standard but i am never a big fan of braised noodles anyway.

it was a lovely meal and we could not have cared less about our cholesterol reading. seating was very comfortable with gentle seabreezes blew away the fatique we developed from the long and weary transport. because of its remote location, it is also much less touristy/noisy. i feel that ingredient wise, lau fau shan probably has better catches and more variety, but there are dishes that po toi o really aces (cuttlefish).

i will surely come again next summer.

for full post with pictures: http://randomnomad.wordpress.com/2009/11/01/seafood-island/

好熱呀! 去完西沙出面沙灘睇人掘蜆, 之後去大清水睇靚黃昏景, 跟住BB話帶我去食海鮮啦.

我都係第一次去布袋澳, 地點好偏呀!

入黎見到好多游水海鮮好開心 入座先叫支可樂同忌廉解解暑.

跟住BB就同我出去點海鮮, 我心大心細, 其實次次食海鮮都係BB點, 我唔識點架, 不過BB話我生日係都要我選, 我唯有選一D簡單既餸啦.

我點左炒蟶子皇, 粉絲蒸扇貝, 椒鹽鮮魷, 薑蔥炒蟹同炒白菜仔.

炒蟶子OK, 蒸扇貝不錯, 椒鹽鮮魷就比想像中好得多啦, 又大碟又鮮味, 蟹係BB好鍾意食既野, 而我亦愈來愈鍾意食蟹, 我地食得好滋味呀, 食到白菜仔就太飽啦, 食剩大半.

飽飽啦就埋單, BB話呢度D海鮮算抵食, 我就唔知要幾錢, 因為係BB比錢, 多謝BB養肥左我

呢個布袋澳食海鮮之旅，朋友講左成個月，開始由六個話去既，最後得3個去，仲要係上次去西貢糧船灣食海膽果3個癡喪。由於怕天氣唔穩定，所以選擇MTR寶林落車轉小巴入去。

布袋澳同上次漁村feel 既糧船灣唔同，呢度多左d圍村既感覺，仲有得shopping，有d蝦乾咸魚買下。據Openrice所記錄，呢度有兩間酒家選擇，但我地無plan定要食邊間，只係見步行步。行左陣比發記既員工招左我地入去。食左少量野之後(詳情請往發記頁面)，決定去埋呢間。

都未去到酒家入面，我地已比個大堆頭魚缸吸引住！(雖然我張相引唔到人入勝，但實境確係幾大堆頭…)見到有墨魚同蝦剌身，我地又發功！櫈都未坐、枱都未搵，我地就落左order！2隻墨魚同半打蝦做剌身，仲有我為朋友們特別推介既貴妃蚌半打。落完order店員帶我地上左去有冷氣既室等食。比起另外一間既大自然feel 呢度似去左西貢d酒家甘。而且比起頭先果間，多d鬼仔鬼妹，後生仔女。

呢度上菜速度都ok，見到隔離枱飲樽裝汽水，我地都叫一人一支！

首先上既係墨魚刺身，雖然店員口講墨魚刺身但放左炸墨魚鬚係枱。我地呆左一下，而我心想："難道布袋澳呢度既人對”刺身”有一番新既定義，而且同我所認識既有好大差別？"店員見氣紛古怪，便開口解釋："刺身兩食ga~~"我地3個都笑左出黎！我想朋友們心所想既同我差唔多。刺身兩食，好彩剛才係門口無喪叫野，唔係真野食唔晒！

墨魚剌身：朋友好鍾意，食唔停口，而自己就覺得ok啦，嫌唔夠爽口(可能本身唔係食爽我唔知…)，但都鮮甜。師傅刀功都幾好，片片厚薄都差唔多。

墨魚刺身兩食既炸墨魚圈：粉漿多左、厚左d。炸得唔夠蘇脆，但墨魚本身好爽。奇怪既係…同一隻墨魚，生同熟既'爽度"竟有甘大偏差！

蝦剌身：同日式料理既牡丹蝦同甜蝦好唔同，佢唔係甜既，但超爽，蝦味比較淡，同泰式蝦刺身有d相似，但就點日本豉油同wasabi黎食既。

椒鹽蝦頭：本身對頭既部分唔感興趣，但呢個蝦頭令我破戒！蝦頭好香，呢個功勞當然歸蒜蓉所有la，但蝦本身既膏都居功不少！

貴妃蚌：鍾意食扇貝既朋友，你有多個選擇。我本身都係好鍾意食扇貝，但如果扇貝既產地唔係日本或個品種本身唔係靚，甘扇貝就好容易韌，同唔鮮甜。好食同價錢係成正比！但貴妃蚌就唔同，佢係食爽，同鮮，係街市買返屋企煮既容易，又超值！我家試過買到$8一隻，而且超爽甜既貴妃蚌！佢可以話係好穩陣既海鮮，因為唔難煮，而且抵食！所以貴妃蚌幾值得一試，當然唔係一定要入黎試la~~我係呢度叫黎食係因為朋友們未食過，所以試下，朋友仔食完都愛上！而呢度既貴妃蚌都幾好，但粉絲好碎，可能甘樣比較容易製作la。

總括而言，以布袋澳黎講，呢間係好過發記多多聲。無論係師傅既廚藝同食物既多樣性，都係呢度好d。但以食海鮮既地點黎講，我又覺得唔需要特登山長水遠入黎食！除非你係住布袋澳附近，又或者好似我地甘，抽起條筋想黎見識下布袋澳係點啦！Anyway入黎布袋澳，揀呢間有d保證，起碼唔會食到一肚氣！

我地一行五人睇完東港城之潛水展覽後，就到附近布袋澳食海鮮晚飯。
記憶中之布袋澳有兩、三間海鮮飯店及有墨魚刺身食的，而且印象中價錢合理， 海鮮非常新鮮，非常美味! 但都是五、六年前的事了。

我地到達布袋澳, 一直行入去見到有兩間海鮮飯店，一間唔覺有海鮮魚缸，而另一間有好多海鮮魚缸，其中最前有一缸活墨魚，但我覺得size比以前細隻左D。
由於有朋友未食過墨魚刺身，所以我地決定選擇 “海鮮島飯店”， 因為得佢有墨魚刺身，而 “發記” 就無啦。

搵左張檯坐低，我地三個女仔走到海鮮魚缸前睇下食D乜海鮮及睇下其他人叫D乜海鮮及幾多錢。其間有一個女侍應走埋呢問我地幾多人及話幫我地落單。
我地話五個人，跟住佢話 “得呀啦 , 你地想食乜, 我幫你預要幾多, 我地好均真架， 好老實架 唔會呃人架，唔係諗住做你地一次生意，而係希望你地會成日番呢食。 跟住我地問左賴尿蝦及墨魚幾錢兩及諗住 ”揀” 海鮮，佢話你地想食乜海鮮我幫你地落單就得呀啦，放心啦會幫你預呀啦，見佢講到甘 “老實” 於是我地就點左五樣海鮮，佢叫我地番去坐，我地唔為意又無堅持佢係我地面前 “揀”及 “秤” D海鮮。 唉!!! 甘樣連係我地面前秤海鮮都慳番!! 原來係用來 “鋪路”，等堆單check 價錢時無得同佢地 “抝 ” , 因為都唔知每樣野幾重! 賴晒野!

墨魚2食 (刺身&椒鹽) ($10/兩+$40刺身刀工錢) 大約 $230
這晚點了墨魚兩食，是 ”呃錢之最”!
墨魚刺身新鮮好味，但份量比較小，椒鹽墨魚頭、身，都係份量比較小，但味道ok.

油鹽水煮蜆 $40
但係呢左黑椒豆腐粉絲煮蜆湯 ? 既然沒油鹽水煮蜆，就早D講啦，唔需要甘， “隔硬” 質D野比客食，當我地傻瓜!!!
D 蜆又"UN", 煮得耐左，我估係過老或番煮，重衰過出面一般大排檔!!

椒盬賴尿蝦 ($14/兩，共3隻，但細隻)，大約 $330
真係發育不良!! 超細隻! 同出面海鮮缸之賴尿蝦size 有出入。 最衰我地誤信 “殷實商人” (近期黃子華套電視劇所指)，無要求佢逐樣海鮮秤，依家無得講。 而且又唔新鮮!! 3隻賴尿蝦有2隻好似死死地，得一隻新鮮。
其實賴尿蝦一死，D肉 就開始收水及“削”，一食就知，無得騙人!!!
只不過你會唔會同佢理論、投訴 ，而你架車又泊低左係山頂…又驚車身會花花地! 所以最多無下次，一般都唔會同佢地嘈，甘搵自己笨。
味道方面，可能唔新鮮所以D賴尿蝦勁炸，炸過後蝦肉好乾及D蝦膏好硬，完全唔掂! 又係 “呃錢之選”!

蒜蓉粉絲蒸扇貝 $80 (5隻)
都幾香D蒜蓉，不過扇貝就唔係好新鮮同冇乜味，粉絲超林及比較碎碎地...唔知點解呢???

薑蔥炒肉蟹 (1 隻) $260
全晚最好食，蟹夠大隻夠新鮮，好食!!

沙薑雞腳 $88
這個可算是好味，雞腳又夠大隻，但係一個 “古惑之小食” 呃錢!!!!
因為我地叫個時與侍應對話係甘 : 唔該比個 “沙薑雞腳” 呀!
我地自己又衰，無睇餐牌…係埋單時睇到張單 $1,400 幾…嘩!! 打個突 ! 食D甘普通海鮮都甘貴!!!跟住就check 清楚張單。 嘩! 點解沙薑雞腳要成 $88一碟??? 睇餐牌先發覺 small $48 (8 隻) medium $68 (12 隻) Large $88 (16 隻), 但係我地一共食左8 隻??...依家碟都收埋，野食又食左落肚，架車又泊係山頂….又要佢地架貨van 車番上去攞車，又驚架車加D 圖案……都係算啦自己知及最多係open rice 抒發下，希望大家有所警惕!

楊洲炒飯 $55
炒得過濕，味道也很一般，主要係飽肚的，不過size都大碟

蒜蓉炒西蘭花 $48
好細碟，味道一般 ，但都ok.

還有佢地上菜好有效率，好似一早煮好甘， 上檯時碟碟都微微暖。其實煮海鮮應該要好大火及熱辣辣上檯……唉! 古靈精怪!

以為散叫食物應比套餐質素好D、新鮮 D，而價錢相應提高是合理的。 唉 ! 是晚的話，就超搵笨啦。

5大人$1400幾埋單，偏貴。 一句講晒 “搵笨”，絕不會再光顧!!

呢餐飯好唔掂，但勝在飯腳好，吹吹水，過了一個愉快晚上。

如果真係想食海鮮，都係三聖邨及流浮山最好 ! 價錢合理，而且最緊要係新鮮，煮得好食!!!

美國表哥一家每年一度回港探親，搞左嗰西貢海鮮一日遊。。。。 一家10人，有大有細，晨早11點出發。。。

點解要揀海鮮島？幾年前去過一次布袋澳，而且OR大家都介紹海鮮島，所以特別介紹姨媽姑姐團去試一試囖。這裡的海鮮果然沒有讓大家失望。。。。

到了布袋澳，由於系星期五，泊車沒有問題；但系聽講假日會有困難。。（所以我特登星期五去咖，費事太多人嘛）

去到，老饕老爸話事。我們揀左嗰12人的套餐，標價$3280。（埋單加一$38xx）。。嗰套餐有9味菜，仲送一支紅酒；如果唔要紅酒，當日換了10支汽水。。。

套餐有咩食？睇睇以下菜單。。。

1. 白灼蝦
2.芝士焗龍蝦
3.椒鹽賴尿蝦
4.西蘭花帶子
5.花雕蛋白蒸蟹
6.大連鮑魚仔
7.清蒸東星斑
8.霸王雞
9.蟹子炒飯

味道如何？ 有圖為證，睇睇上面d相個caption就知道啦。。。。注：因為1-7項的菜分量太驚人，所以炒飯同雞根本吃唔到。。。唯有打包啦！

服務、上菜如何？ - 酒家一碟接一碟，食到我哋唔停口。。。仲有仲有，他們的夥計都不時幫我們換碟。。。服務都ok咖！

總結 - 去布袋澳食海鮮，平過西貢市中心好多好多！咁嘅價錢簡直超值啦，加上環境又夠風味；全港真系這裡唯一la。。最好搵夠14-15人去，多d人分，每人夾少d錢。。。食得開心d嘛~

餘下節目推介 - 跟住去埋清水灣玩，簡直perfect啦！

昨天係亞仔中五會考放榜的大日子, 全家人一直都十分緊張身為父母的我們, 當然
要請假陪佢返學取成績單啦, 結果比亞仔自己預期的低, 但幸好早幾天已開始找學校資料,
一收成績單已駕車去目的地, 都好好彩, 第一站已OK 收左. 大家放下心頭大石之余, 下午
有時間便去遊車河, 入到西貢已接近六點了, 爹地想起上星期佢公司請去過布袋澳食海鮮,
13 個人都只 4 千多元多抵食, 提議我們去試........
環境算OK 啦, 因6點鐘未算夜, 又是閒日人不多, 加上昨天氣清涼, 可以坐在最邊望住海景

亞女自己去撈了三隻瀨尿蝦, 成尺長,好大隻巨型, 椒鹽炒, 絕對一流, 幾乎每枱會叫的
原本想要豉椒炒蜆 , 但店家話我們已叫了聖子, 所以推介我們 order 胡椒蜆肉豆腐湯,
最初擔心胡椒重不好 , 但試落又有警喜, 啖湯超鮮甜 , D 蜆又新鮮仲 無嘜沙, 一個宇: "正"
豉椒聖子 , 薑蔥蟹都好 OK
聽到隔離枱說D 鮑魚蒸過火, 有D "鞋" 和 "UN" , 所以唔敢叫.
再黎 咕嚕肉, 炒唐生棻 , 紅燒豆腐都拍得住出面 D名店
驚D大細路唔夠飽, 仲叫埋金菇干燒伊麵 , 揚州炒飯, 侍應拿上來時, 就好後悔叫了, 因為
好大好大碟 (幾乎有平時餐廳的一碟半至兩碟) 最後都要打包碟伊麵帶回家

加埋 汽水, 送生果, 仲有加一, 四個人埋單$940 **但車位好小, 最好要早D到
( 環境, 價錢, 質素都好過鯉魚門 , 流浮山 , 不過如果佢地再 "免收加一" 咁就 very good 啦. )

去西貢行完山諗着搭的士去布袋澳食都仲有着數, 去開發記咁多次, 未試過有問題.
去布袋澳都係鍾意佢水準穩定又平過西貢兩成起碼.
海鮮島前年有另外朋友極力推介, 上次已中招一次, 感覺佢冇發記咁老實, 煮得亦一般化.
今次本來唔會去, 但今次尼個朋友話有朋友識得老細, 話尼間好的.
好! 又信朋友一次:
三大一小叫6碟野
1. 雞腳一碟 - 用清水滾熟才用鹽煑的雞腳, 好食有限!
2. 花龍蝦伊麵$20兩/４人份量 - 花龍蝦OK, 但伊麵太淋, 汁太杰.
3. 大連鮑魚$38/隻4隻 - 掌心大, OK
4. 瀨尿蝦3隻 - ４人份量 - ７吋蝦召鹽, OK
5. 召盬鮮魷一碟 - 一般水準, OK
6. 蒜蓉油麥菜 - 一般水準,OK
另酒開瓶費 $18
落單淨係問你幾多人, 又唔即時攞海鮮去磅.
埋單冇生果冇糖水 - 收$1,550, 係咪貴咗啲呢!
所以以後都係信番自已好的!

一如既往又一次唔記得轉入去布袋澳村路，結果要嚮哥爾夫球場門口轉番出來。
噢~ 點解次次都係噤?

嚮村口教人泊車的兩位先生依然豪氣，見車即問
“係咪食海鮮?"
"係“
”放低乘客，上番上面，有同事教你點泊架喇“

坐低叫左豉椒聖子、椒鹽瀨尿蝦、清蒸原隻鮮鮑魚、白灼海蝦、金菇瑤柱伊麵同油麥菜
基本上所有海鮮都好新鮮，不過個人還是比較喜歡清蒸既聖子。瀨尿蝦大大隻、鮑魚＄58 一隻，好好味、爽口彈牙肉又厚。白灼蝦新鮮無比，辣椒豉油好味。伊麵、油麥菜一般，不過好大碟。

好味

一班朋友駒車暢遊兼慶祝生日, 第一次光臨海鮮島....唔...好美味呀!

鮮蝦刺身 - 去揀海鮮嘅時候, 服務員推介呢個鮮蝦刺身, 果然無介紹錯, 一端上刺身. 嘩 好吸引呀! 鮮, 甜, 味美!

豉汁蟶子 - 大大隻蟶子, 爽口鮮甜.

花雕蒸蟹 - 清香嘅花雕蒸出滑蛋, 有創意, 好味!

蒜蓉粉絲蒸貴妃蚌 - ok

楊州炒飯 - 朋友話d飯用蛋炒, 所以帶金黃, 而且飯炒得乾身, 唔油.

炒龍蠆 - 一般, 但新鮮.

二月初三‧涼番

上次跟朋友吃完金九記，已經約定下次去布袋澳，就找個新年後的周五，由朋友驅車，來吃個海鮮晚餐。

平日來到，人客較少，這裡的景致當然也跟周未大有不同。店子只開了上面的位置，如朋友所言，一場來到，當然要選靠外邊的位置，喝著青島，吹吹海風，夜涼如水，一樂也。二人吃，隨便來幾味，要了個蜆湯、鮑魚四隻、瀨尿蝦及蟶子各兩隻、一碟炒飯，夠吃了。

蜆湯最先來，一大窩的，份量很足夠。湯底呈奶白色，湯料除了蜆，也有豆腐及中芹，下了不少的胡椒粒，聞起上來很香。喝一口，用上鮮蜆煮的湯，不費任何功夫也鮮美，亦帶點胡椒的辛辣，我們也愛喝湯，都認為對辦的。除了湯，蜆也鮮嫩爽甜，吃起來沒有沙，絕對比來一碟豉椒炒蜆好吃，二人一碗一碗努存的吃，每人吃了五、六碗，蜆殼是拆得滿滿的一碟。這個蜆湯，是推介的；

海鮮也一碟一碟的上桌，是晚的瀨尿蝦很夠件頭，足足有前臂般長。生猛貨色，當然是最簡單的烹煮方法就最好，就是清蒸是也。拆了殼來吃，爆滿的蝦肉吃起來鮮爽，其中一隻還是有焦的，吃得滿意。奇怪為何同碟會有一碟浙醋的，這樣新鮮的瀨尿蝦，直接的吃就是最美味了；再來是鮑魚，是晚的有兩個價位，16一只跟38一只，但看起來分別不大，而小的也肉厚，就每人兩隻，用上陳皮及豉汁去蒸。鮑魚新鮮，吃起來肉質自然彈牙爽甜，豉汁及陳皮也只是襯托而已。而最美味的莫還於附在一旁的內臟，甘鮮豐腴，人間美食；同樣爽甜彈牙的是蟶子，但反而選錯了煮法，豉椒扣了重芡，對味道是絕對的幫倒忙，其實來清蒸的更好。

也要來些澱粉質的，就來個海膽炒飯。一向覺得，海膽是最好生吃的，煮熟了味道打了大折扣，用來炒飯亦然，沒有了腴美的口感，也嚐不到鮮味。其實換了鹹蛋黃炒飯，更便宜好吃。不過撇開海膽不談，這裡的炒飯是做得乾身又香口的。朋友喜歡稔飯，跟喜歡硬飯的我剛好相反，所以這碟炒飯差不多是由我包了底，是值得一試的。

雖然也決定去別處吃糖水，但也吃吃這裡的，要了蕃薯糖水及昆布綠豆糖水。朋友的蕃薯糖水薑味重也夠香，我的綠豆沙也足料又夠火侯，各只賣七個大洋，絕對便宜抵吃的。

習習涼風吹來，吃著新鮮美味的海鮮，談談身邊的人共事，更新一下自己的近況，一周的疲勞怨氣，也都暫時消失得無影無踪，寫意。

埋單每人三百三，吃有水準的海鮮，也是差不多這個價位。開車，去坑口吃甜品。

下次又來布袋澳，不過就去隔離發記，二人吃的話，差過這裡很多！

星期日和友人到布袋澳食海鮮兼慶祝生日，雖然地點較為偏遠，但依舊人頭湧湧。本來「預訂」了隔鄰發記的枱子，到達後才被冷淡地告知「無得留枱，先到先得」。無得留枱唔係問題，問題係佢地係訂枱嗰陣無同你講，照同你「訂」喎？！最後決定到海鮮島進餐。

墨魚刺身 / 豉油皇墨魚：原隻墨魚兩食。墨魚刺身新鮮爽口，賣相亦不俗，果然是招牌菜。相較之下，豉油皇墨魚則較韌，亦少了一份鮮味。
香蒜瀨尿蝦：整碟菜炸得甘香，瀨尿蝦亦很鮮甜，味道不俗。
豉椒炒聖子：味道不及瀨尿蝦搶口入味，OK。
蒜蓉粉絲蒸扇貝：扇貝略嫌細隻了一點，肉質味道OK。
清蒸瓜子斑：游水海鮮，肉質嫩滑鮮甜，好食！
貴妃雞：非常韌及「鞋」，麻麻地。
菠蘿古魯肉：普普通通。
蒜蓉炒白菜 / 腐乳通菜：菜幾新鮮好食。
紫菜蟹子炒飯：紫菜腍了，口感差了一點。整體味道OK。

[12/4/2009; Sun]

老友好久不見, 和女友一行4人,去食海鮮,入了布袋澳.

伙計開張單就開始揀海鮮, 食D乜?

1) 清蒸原隻鮮鮑魚 => 值得一試
2) 墨魚剌身二食 => 刺身沒彈性, 不太新鮮(奇怪!), 但椒鹽墨魚頭就好香.
3) 蒜蓉粉絲蒸象拔蚌 => 新鮮
4) 蒜蓉粉絲蒸扇貝 => 好味
5) 清蒸蘇鼠班 => 蒸得0岩0岩好
6) 白灼海蝦 => 唔夠熱(奇怪!)
7) 海鮮湯 => 海鮮味不足
8) 豆豉鯪魚油麥菜 => 夠熱, 但沒什鯪魚

總括來說, 海鮮度一般
價錢同西貢相差無幾
全靠朋友好, 環境好, 過了一個難忘的晚上.

回想第一次到海鮮島已經是十多年前的事,在我記憶中,當時應該是沒有名字的,只是簡單的家庭式經營,地方只是現在的三份一左右,但是它們的海鮮是整得十分出色,簡單的煮法已非常美味!所以常常都會來光顧.

到今天已有四五年冇黎,味道已今非昔比,整間餐館也坐不滿一半人,如果食物水準不夠的話,看來電視效應也幫助不大.

這天點了鮮海膽刺身,是呃錢之最! $25 一隻,但內裏的海膽也不夠一茶匙. 仲話好抵......味道是比較鮮甜的,但不叫也沒損失.
第二樣豉椒炒聖子王,這個洗得幾乾淨,食落冇沙,但炒得冇以前咁好味,咁夠鑊氣.所以比佢一個ok~
第三樣係椒盬賴尿蝦,這個可算是好味,又夠大隻;但也不能吸引人山長水遠入來再食.
第四樣是墨魚兩食,刺身同埋椒盬墨蘇;刺身只算ok,不夠爽口;椒盬墨蘇就非常好,好爽!
另外叫左兩個小菜,一碟椒絲腐乳通,這個我想很難整得難食吧!不過都唔算太好食,完全冇鑊氣.
另外一個咕嚕肉,簡值係笑話!!又淋又好似食緊粉咁,完全食唔到個舊係乜.....請各位唔好諗住試,o徒錢!!

總括來說,加埋感情分,只可以比佢一個ok~希望它們看到這些食評後,會有所改進,回復當年的美味!

一段時間無去.....
上個星期六...一行9人..8大1小.........
去左食12果個餐.....再加左墨魚兩食..同雞腳.....
墨魚刺身仍然咁新鮮好味.....
雞腳一樣咁多肉入味....
不過....個餐既食物就......
先係個蟹....真係太發育不良.....
聖子好唔入味.....
扇貝太縮水...細過優之良品果d元貝....
雞...太"鞋"....
係得個瀨尿蝦...漁翁湯同魚係keep到水準.....
我唔想小左間選擇呀....
你地可唔可以做返好d?
價又加左....質素又差左.....
我地好難再山長水又遠黎食嫁喎.....

樓下的食友 Allinone
我好好奇想知你心目中的油鹽水係由咩組成0既呢?
另外, 上菜好快唔一定代表一早煮好的
如果係一早煮好, 你會食得出overcooked, 過熟的口感
但我食過好多次
次次都係熱辣辣, 剛熟唔奀
如果咁0既質素係翻煮所得
我唔介意
仲會問佢點先可以做到翻煮都有咁0既效果