好少去天后, 因為係舊區, 冇乜行; 但今晚因公事關係在天后收工, 咁就順便食埋飯啦~

本來想去網友介紹的"燒鳥亭", 因為冇帶會員咭, 咁唯有下次才光顧了...

同老婆行來行去仍未有頭緒, 點知見到一間叫"澤田小廚", 好似幾多人食, 咁就膽粗粗行入去試啦~

先來啤啤佢先...用碗飲!? "係呀...用碗飲, 我呢度興" 落單亞姐答

吃醉鴿同九肚魚, 一等十幾十分鐘..... 鴿的肉有淡淡酒味, 又有肉香, 正!!!

幾分鐘後, 又來了......九肚魚, 都幾好味, 但似乎炸粉多了些!

最役就加多個牛仔骨, 無得頂!

http://hk.myblog.yahoo.com/tonykcng/article?mid=495&new=1

誤打誤撞入左去幫襯, 好在入左去, 如果唔係都唔知咁好!

豆角肉鬆炒四季豆: 個名好長唔係好記得係咪咁叫...果然係推介菜, 好甜好爽口, 佐酒或就咁食都唔錯!

xo醬西芹田雞煲: 一d xo醬味都冇,真係唔講唔知落左xo醬...西芹爽, 田雞好嫩, 都唔錯既, 味道唔濃就咁食都ok!

泥鯭粥: 味道一般, 魚味唔突出, 比d辟腥既陳皮絲搶晒, 但個粥底好綿!

最鍾意都係佢雪凍個碗黎飲朝日啤, 夠豪氣!

黎遲左冇得試佢個避風塘炒蜆! 同埋太少人食唔到好多野...下次黎再試海棠骨, 凍飽片, 口水雞!

OVERALL價錢OK, 食物質素都唔錯, 但係侍應態度就麻麻...

http://tkocell.mysinablog.com

今日屋企飯局，選了附近經濟實惠的餐廳，仔仔當然是首選。

豉油王炒麵---有鑊器，很香
京都骨---酸甜適中
魚翅燴瓜---可以
荷葉焗飯---可以
水蟹粥---粥底很綿，但蟹味不足
金針雲耳蒸雞---雞肉淡而無味

http://tkocell.mysinablog.com

仔仔was one of my favor restaurants. However, I went there last Friday, it has been renamed. The same boss but different manual. As expected, the taste has been changed. It is still a bit above average, but not as great as before.

今次失手，叫錯哂Ｄ餸 >.<

黄金魷魚鬚，漏!
腐乳蒸雞，嚡!
蒜蓉炒波菜，油!
沙薑鮑魚雞粒炒飯，乾!

其實個黄金魷魚鬚考唔錯架，考香咸旦黃味，送酒考goodz，不過幾舊就夠lu。。。

腐乳蒸雞就真係唔殿，又嚡又油又冇雞味又冇腐乳味，全錯呀！

唔得s！下次都係食番粥。。。

今次要比喊面。。。

朋友叫了幾次去(仔仔)消夜，昨日終於一行四人去開餐，因星期一11:00pm關係，店裹只座滿了一半人！坐下來伙記熱情地問是否要水蟹粥，因製作須時所以先落單，我們當然叫好，跟著友人再叫了金黄雞腎、XO醬炒黃喉&風沙蜆。
水蟹粥- 粥很綿，蟹很鮮味
金黄雞腎- 很好味，送啤酒一流
XO醬炒黃喉- 辣辣地，夠鑊氣
風沙蜆- 味道都很好，不過蜆不多
四款食品味道都很好，但都很高膽固醇！

三餸一粥連兩鑵一公升日本啤酒，結帳$278都幾底！
近年很少比廿幾元貼士，但店員服務很好，所以給$300唔使找！

P.S. 食到尾段走過對面明記甜品店，外買了個朱古力木糠布丁回店食，嘩！都有驚喜

The price is good. No extra charge.
That "Pregnant woman fired rice" is nice.
Als, fried pork chop is nice.
BUT remember booking in advance!

和朋友一行13 人到仔仔小廚晚飯。點了九個菜。

海棠骨- 幾軟熟, 入口即溶。
水蟹粥- 很綿，有點蟹味
蝦膏雞煲- 雞肉太咸了.. 但d 豆卜okay
黃金雞軟骨- 非常好食。強烈推介。
蝦醬馬拉盞通菜- 唔食通菜的~
炸蛋- 炸得幾香口，但味道不算突出
雲腿烏雞- ok
等等..

服務不錯，但環境實在太迫狹了。坐得很辛苦呢~ 看來下次還是人少少才去幫襯好了~

好耐無郁過，一郁就兩個鐘，本來諗住食西餐，但係為咗就啲friend泊車，於是去咗天后。其中一名波友提議去仔仔試下，去到門口，其門如市，心諗都唔會差到邊度去。入到去，睇到啲餐牌同埋人地檯上面嘅食物，已經食指大動。好快我地已經決定咗以下嘅食物：

海棠骨
油鹽水煮蜆
蝦乾馬拉盞通菜
凍鮑片
玫瑰醉鴿
沙薑雞肉炒飯

當然，打完波就唔少得要飲啤酒啦！同喜記一樣，係用雪凍咗嘅碗嚟飲嘅。海棠骨炆得好入味，又夠腍，撈飯一流；雖然筆者已經超重，但係都忍唔住食嗰塊又香又滑嘅肥豬肉。當個口仲含住塊肉嘅時候，油鹽水煮蜆又到喇！雖然蜆唔夠肥同甜，但係呢個唔係大廚能夠控制到，而且油鹽水已經幫佢攞番哂啲分番嚟！快，係呢度其中一個賣點。話咁快，通菜、凍鮑片、醉鴿同炒飯已經全部上哂檯。蝦乾通菜都幾惹味，蝦乾大大粒，好有咬口。食得辣嘅人，一路食辣辣地嘅通菜、一路大口大口咁飲啤酒，都幾爽。我諗住凍鮑片得四十幾蚊，應該唔會有乜特別，殊不知入口就有一D鮑魚味，係真唔係呀！醉鴿就爭少少，唔係好入味。至於炒飯，雞太老，應該要最後落鑊炒，而且薑味唔夠，改用薑蓉炒效果應該會更好。

價錢真係冇得投訴，一罐一公升Asahi 啤酒只係廿一蚊，連埋D食物總共三百六十二蚊，圍番每個人唔駛七十五蚊。我仲有好多菜式未試，一定會再嚟。

路過清風街, 見到有三間食肆, 呢間係最唔吸引(因為隔離兩間都是豪裝的), 但卻有不少人, 所以和朋友就入去試下, 一共叫了4樣野:
朋友話正, 所以一行十一人去食. 叫o左十個小菜, 一水蟹粥一荷葉飯.
海棠骨-似上海菜的"東坡肉",汁甜甜酸酸的, 喜歡濃味食物的話, 可以一試!
魚腩粥-粥底幾綿, 一碗其實有4飯碗的份量,兩個人就good fit喇!
蠔仔煎蛋-唔知係咪師父那晚心情唔好,煎蛋變了炸蛋, 好燶啊... 不過就幾大碟.
最後一樣係唔知乜野炒勝瓜, 味道就正常,但無乜特別.

朋友話正, 所以一行十一人去食. 叫o左十個小菜, 一水蟹粥一荷葉飯.
水蟹粥- 冇蟹味, 不過粥底幾綿
荷葉飯- 海鮮唔多新鮮
炸旦- 炸到過晒火, 皮有燒肉味, 有D杉口
酸辣蜆- 蜆細得可憐, 夾親都只係得個穀. 蜆肉細如蟻
風沙蜆- 上枱時唔多見有煙, 應該係炒定, 又係唔多見蜆肉, 同埋D風沙(即炸過o既蒜蓉)有陣油益味.
XO醬蜆肉油麥菜- 都幾好, 哩個反而多蜆肉(但都好細隻), 懷疑炒蜆o既蜆肉分拆一部份成哩個食送^_^
玫瑰露醉鴿- 我冇食, 但D朋友話好食
豆腐- 豆腐幾滑
黃金蝦- 炒得乾身, 但蝦肉不夠爽
海棠骨- 肉炆得好"林", 汁甜甜酸酸, 有D似京都骨D醬汁. 都幾好味
芝士焗田鷄 - 唔食田鷄, 但fd話幾好.
沙拉骨- 漏單

都幾人食, 但食完又唔覺有咩特別, 不過叫o左咁多o野都係消費八十蚊仲想點丫!

之前睇呢度食評,好多野想食,點知去到睇完餐牌,兩個人只係叫左:－

１）醉乳鴿
　　上菜個碟入面好多汁，伴以幾塊乾玟瑰花，唔講得話
　　好好食，中規中矩，個人比較喜歡”阿鴻小吃”既醉
　　乳鴿

２）炸雞翼尖
　　好香口，ｄ雞翼尖都幾大隻架，用黎送酒應該唔錯　

３）黃金雞軟骨
　　極力推介，咸咸香香，幾脆口，佢既做法似黃金蝦
　　不過再響外面包左層脆槳，脆槳做得好俐落，唔會
　　淋"bet bet",一"pat"野咁

是日晚飯唯一敗筆係以上２）＆３）都好熱氣，唔應該一齊叫

呢度地方都幾細，好快滿座，若果有心黎食最好早ｄ

By the way,發覺呢度附近都幾多野食，連近期頻頻見報既”別的鍋”都響隔離

好欣賞佢個炒飯,好乾身,粒粒分明,食完個碟底都無油,正呀!
其他小菜亦唔錯,價錢仲超抵呢!

Will go again
Just think that the 魚香辣雞…說勁辣不辣
味菜四寶not good…too little soup…not hot enough…
But I think the “Tin Chicken”is very good.
Fried 蜆also good
Congee also good

圓圓的膠碟加膠筷子, 用雪凍了的白粥碗飲啤酒, 是的, 我終於找到了妳.

去年, 發現北角“東寶”的水準每況愈下, 多番打聽之後, 發現原來某大廚離開了及自立門戶, 就是天后“仔仔小廚”. 浚今年已在此吃了很多次, 總結如下:

黃金蝦- 這是浚的最愛! 以前“東寶”做的很乾身, 黃金般的咸蛋黃牢牢地包著蝦的外殼, 香味和咸味適中, 就如你那強壯的臂膀把小女友緊緊地抱好, 讓她享受著一份恰可的安全感. 去年, “東寶”所做的, 已變成如切開美心雙黃月餅後, 咸蛋黃油漏遍一碟. 在“仔仔小廚”, 終於尋回這份失落了的口味和感覺. 蝦的質素不穩定, 時而新鮮, 時而普通, 因為是海鮮, 了解的.

仔仔炸蛋- 墨魚膠包著皮蛋來炸, 墨魚膠吃不到墨魚味, 皮蛋質數亦不好, 皮蛋心並非糖心, 吃時如聽到深圳二奶村某二奶含悢地拋出那句“郎心如鐵”的感覺.

避風塘田雞- 比較少人自已在家做田雞的菜, 還是交給菜館代勞吧. 走油後的田雞肉, 配上大量香蒜, 外脆內滑.

南乳炸豬手- 時而剛好, 時而太乾, 炸過頭, 如小女友的心情般不太穩定.

玫瑰露醉鴿- 上桌時已飄蕩著的酒香, 蓋盡在座眾猛男的麻甩味, 酒香肉滑, 跟冰凍的啤酒, 成為絕配. 從沒有用古龍水的你, 今夜吃過之後, 小女友會愛上你這股獨家的餘香.

蝦醬炒飯- 蝦醬夠香, 不會過咸, 飯亦炒得很乾身.

豉椒炒蜆- 蜆如某些藝人上圍一樣, 時大時細, 蜆夠大夠鮮時, 真的很可口, 否則…

如果要請吃飯的話, 這裡是一個好選擇, 不管是三人五菜, 六人九菜, 還是十人十三/四菜, 每人平均消費約一百圓.

單鋪位小店, 雖然並非款款完美, 亦希望“仔仔小廚”能努力保持水準, 或再精益求精. 從來都不懂聽及聽不懂Twins 的歌, 但是“下一站- 天后“, 浚還是會記在心的!