23-1-2010

上次喺對面飲咖啡 (http://www.openrice.com/restaurant/commentdetail.htm?commentid=2058168) 時留意到呢間上樓店, 呢日大家都被南丫島的 cheese & mushroom toast (http://www.openrice.com/restaurant/commentdetail.htm?commentid=2059247) 塞飽了, 不如上來坐吓, 飲杯嘢兼食個 light dinner 吧.

飲品叫了熱「金桂花蜜」, 色水好淡, 賣相清澈得很, 飲落甜度唔高, 無乜蜜糖味, 不過都叫有淡淡桂花香, 亦有肉眼睇得到的粒粒桂花碎, 算啦.

朋友的好似係蘆薈椰果荔枝茶, 同「仙」字頭連鎖的「荔枝玉露」味道近乎一樣

「主食」揀了「LA 炸雞扒」: 即「鹽酥雞走椒鹽」, 炸得熱辣辣, 皮薄脆無油, 肉就有少少乾及嚡, 不過蘸點另上的魚露 (?)「濕潤」一下, 酸酸甜甜又帶點鹹香, 還不錯的.

試了少少朋友的蒜蓉包, 係烘得成塊都好脆, 不過我覺得有點太乾, 食落又零蒜味, 感覺麻麻.

呢度除咗飲飲食食, 其實仲有畫睇又有書賣, 雖然本身無乜墨水又無乜文化, 不過喺富書卷氣息的環境下食嘢, 係幾寫意的.

埋單每人 60 幾 70 蚊, 比銅記的「0靚場」好得多, 上樓店嚟講都值得試試的.

午餐時間要找家餐廳有咖啡喝的，來到這區，就選擇了較靜要上樓的樓上Cafe，其店名叫藝術‧家，又看看它什麼葫蘆賣什麼藥。

上了一層樓梯，來到了此小店，有點像Coffee Assembly的感覺，但經過了走廊，走廊放了很多藝術作品，走到內堂的用餐區，比Coffee Assembly寬敞很多呢，也先坐下再研究餐牌，此店子的午餐由四十八元至六十多元不等，就看你選什麼主菜，餐內除了主菜外，也有餐湯及餐飲，餐飲可選十八元或以下的飲品，另外也有自選項目如加十元的蒜蓉包及二十元的甜品，但下午不想打嗑睡，所以也不點太多東西吃了，就簡簡單單來一個蒜香欖油鮮菌素菜炒長通粉吧。

先來的是餐湯，餐湯很明顯是罐頭湯，還要是開得過稀的罐頭忌廉湯，喝起來沒有忌廉香可言，比茶記的更差，也不用我大費周章再形容了。

主菜是點了蒜香欖油鮮菌素菜炒長通粉，所謂的鮮菌素菜，其實即是茄子及雜菇，這也難怪的，因為用太多水份的菜來煮意粉，好像又不太合適，而用上叉子舀兩舀，雜菇有冬菇、秀珍菇及蘑菇，菇下得夠多，吃起來爽爽腍腍的，吃得出有淡淡的蒜味，但橄欖油下得不足，加上長通粉煮得過腍過熟，部份通粉黏在一起，吃起來腍身得過份，而且咬起來有成口粉的感覺，是四十八元的貨色，也不能要求太多。

餐飲要了不用另加費的Single Espresso，因為如果Espresso是好喝的話，才再另點多杯Cappuccino慢慢嘆，問店家用了何地的咖啡豆，知道原來是用了哥倫比亞及印尼的豆溝出來的，相信味道應該會很平衡，剛柔並濟。過了不久，也有得喝了，先看其外觀，容量剛好大概二十五cc，杯子也是非常乾身的瓷杯，之後也先嗅一下，一點也不香，Crema超薄超稀，一點也不濃稠，再快呷一口，味道也真的是很薄，雖然酸度低，但影響不了我對這杯Espresso的評價，就是完全不合格，相信也不用再點Cappuccino了。

總括而言，環境是舒適的，下午茶來閒聊還可以，但千萬不要喝咖啡，喝檸茶檸水好了。

公司剛剛搬左去天后，尋晚放工後，一個人在附近睇下有乜食。經過電氣道，條街好多餐廳，但都係冷冷清居多，但抬頭一望，見到這間樓上Cafe有好多人，於是就走上去試試。
環境好舒服，仲發現有好多藝術品在這裡展出，對於熱愛Art 的我，簡直係正呀! 睇左好耐，好有禮貌的店員招呼左我坐底，看一看餐牌，開頭覺得冇乜特別，所以就隨意地叫左個$68 的Main course - "盬酥雞"，因為唯獨這個菜式我唔知係乜東東，所以想試下。此時，一位哥哥仔(後來我知道佢來係這cafe的老闆)好熱情地走來問我想唔想試下佢地一款好受歡迎的菜式--薄燒牛利。其實之前都在其他的地方食過牛利，無論在平價的韓燒店，或是在高級兼超貴的日本餐廳，坦白講，未有一間令我滿意。但既然佢話好受歡迎，就即管睇下咩料!
店員首先傳來香噴噴的什菌湯和蒜蓉飽，我話冇叫到喎?! 但原來佢話主菜已經包埋既，唔駛錢。um...正! 估唔到個湯可以咁好飲! 相比我上星期在一間高級意大利 餐廳飲的黑松露湯實在不惶多讓。但我上次個湯卻巳經要$98呀!!
食主菜了，"盬酥雞"即係酥炸雞塊，跟飯及配菜，好好食! 但我覺得最正係個汁，甜甜酸酸的，很開胃! 好喇，老闆介紹的牛利來了，馬上趁熱先試一塊 wa....好食到離晒譜!! 好入味但唔會咸、好淋、好香..! 一碟竟然只係$38咋，馬上order 多杯紅酒。不得了呀..連杯紅酒都咁正! 我問老闆邊度有得賣，佢笑笑口話佢有得賣囉!激死! 但原來佢話係直接從法國那邊的酒廠訂回來的，所以市面未必有得賣。
Anyway，真係估唔到天后區一幢唐樓中有間咁正既餐廳，令到我今晚食到超晒額 (我總共order左2份牛利和2杯house wine!)

今日(12-4-2009 Sun)同男友去專登o黎呢間,撐朋友o係o度擺展覽場,所以o係o度食個lunch.

o黎到坐低,睇吓友人o既作品,然後點菜,我同男友都要精選午餐,我要$65.00o既D餐,蜜糖黑椒焗豬手(切片)配白飯素菜,男友要$62.00o既蘑菇白汁燴雞柳天使麵.

好快,兩個有營餐湯到o黎,好香好熱,好creamy o既忌亷湯味,裡面有好多粒粒,有啲煙韌o既,呢個唔錯,有驚喜.

我o既蜜糖黑椒焗豬手(切片)配白飯素菜都好香,但汁少o左啲,唔夠伴飯食.豬手唔漏,但太少,炸茄子就唔唔掂,已經唔脆,唔好味.

男友o既蘑菇白汁燴雞柳天使麵有好多白汁,好濃,天使麵腍少少但可以,雞我就覺得鹹.

而我要熱柚子蜜,沖得唔太甜,可以o既.

男友就飲熱柑桔蜜,佢話好味.

服務:
好有禮貌,冇問題.

環境:
坐得幾舒服,而且有好多雜誌畀人睇,又有畫具畀人畫o野,又有DIY作品賣.

之前曾經食過，今日因為去天后工作所以又想去。
試左:

車厘茄肉丸濶麵
燒汁雞扒天使麵
餐湯係磨菇湯

食物保持水準，美味而不heavy。
這裹環境令你有閒閒嘅感覺，而且重有一些遊戲及畫具供客人取用，令lunch的一個鐘可以變得好悠長。

琴日我去左試Les Artistes Cafe,
佢果度個湯幾okay,唔似係用好多面粉打出黎的hea湯,
試佢個牛脷潛艇,又幾好味,份量都好足呀,
但係到我飲咖啡的時候,當侍應端上咖啡的時候,
我即時面色一沉........點解杯cream會0係微波爐度叮過嫁???
飲開咖啡既都知用cream代替奶的口感會更creamy,
但係cream係用蛋白做的,梗本就唔可以拎去叮!!
叮左既下場咪變左熟蛋白囉~

是日,我飲左杯一片片蛋白浮面的咖啡....
請咖啡店的東主留意,
只有牛奶先可以加熱的!!!!!

星期五再去 Cafe 食個 Tea...
今次要左個煙牛脷潛艇包...
個包熱熱地, D 芝士溶溶地...
煙牛脷的咸香加上生菜蕃茄的清新...
好好味~

這日... 我係Cafe仲見到張家輝!!
佢係到做訪問...
佢臨走仲買左好多件 cheese cake...
仲有同我講 bye bye 呀... 好 nice...

天后的食店真係愈來愈多，不過想搵間冇咁嘈的同朋友傾計聚一聚，所以揀左間樓上 Café，之前都有來飲花茶同食lunch，今次就來食晚飯啦！

我地叫左個牛仔柳，煎得好香，食落好 juicy，唔會死實實，冇諗過係 café都可以据個咁有質素的扒。另外仲叫左個黑松露帶子野菌忌廉意粉，最鍾意個汁夠creamy，雖然見唔到一片片黑松露，不過個汁好香松露味，超正！！

佢地個餅櫃有好多款 Cake，我要左件栗子芝士餅，cheese cake上面D栗子cream好滑，一個人食哂成件cheese cake都唔會覺得“漏”；朋友要左杯榛子奶茶，佢話個味好香甜，好特別，係出面都未見過有。

總括來講今晚餐飯都好滿意，下次要來試埋其他 cake 啦！！

潛艇包我好喜歡食
但用牛利做的還是第一次見
牛利好難煮得淋,未必整得好食,
但系用來做包真系未食過,
所以膽粗粗叫左份來試下,等左一會,
終於有了, 個賣相比我想像中靚(有相睇)
未食已經聞到牛利架香味, 食落去牛利整得好淋,
好香~~一D都唔硬, 個包都好鬆化,
原來系用法國洋蔥包,還以為系普通熱狗包,
值得一讚!! 配菜都好新鮮,
用牛利來做潛艇包,幾有創意,不過就太大份及醬汁就少左D,
食完個包已經好鬼飽, 本來系想試呢度cheese cake..
但真系食唔落嚕....下次再來試過...^^

上星期同個朋友預祝生日, 之前聽另外一個朋友介紹過呢間位於天后既上樓cafe, 所以就同成班friend去試下. 仲可以預訂埋芝士旦糕. 0個晚booking0左8:30pm, 等到成9:30至齊人叫野食. 好彩佢地有書又有唔同既手作仔睇下, 唔係等咁耐實令幾位早到既friend鼓譟. 低讚係佢地上野食都ok快, 我地成12個人, 上野既速度都差唔多.
我菜湯好飲, 唔係罐頭or結都死既雜菜, 係好清甜, 有d似法式洋蔥湯, 少少酸咁好開胃. 主菜要龍脷柳, 都唔錯, 煎得夠香. 最好係佢地有個純素菜既餐, 我個煩人on-diet friend至有選擇.
but, 最最令我地like佢地係我地想同生日個friend留到12點正日至切旦糕, 佢地雖然收11點, 但係見我朋友生日, 佢地都肯俾我地過12點切cake. 且service到尾都好nice, 好friendly, 亦好helpful.

是夜終於有時間上來這間咖啡店.

聽過同事說這裡的午餐好吃 , 也一心上來打打書釘.

不過結果是有點失望.

環境寬敞, 只是擺設各樣略覺是堆砌了一點.
是否藝術味道真是見人見智

其時沒有並多少客人 , 倒是有一班女生正在高談闊論
於是選擇坐在書架旁 , 可能因為這樣
書看了好一會也沒有人拿餐牌過來.

終於忍不住走到櫃檯前問問
點菜後看了一會書
很快先上湯和蒜蓉飽.

然後發現 , 竟然沒有餐具.
店中侍應也好像沒為意.
坐了好一會, 又忍不住走到櫃檯前問問
侍應的反應是發呆了一會 好像不知道我在問什麼
算了還是不說人了

已經有點氣 所以寄望食物
但蒜蓉飽和湯竟然是不夠熱.
湯的表面還是一點冷一點熱的
要不是肚餓可真不想入口

幸好還有豬柳的味道挽回一點分數

總的來說對這裡印象真的不好
需說是咖啡店但服務態度亦不能輕視
要客人下下走到櫃檯前問
印象分大扣.

我同姐姐一齊食左一個鴨胸Pizza 非常好味, 直得一試

銅鑼灣已試過很多餐廳, 想去其他地方覓食。朋友找到這間集書店與食店的餐廳。兩人點了dinner set雞扒配燒汁天使麵和double cheese chicken pizza。湯不錯, 是香草雜菌, 很香和不是罐頭湯。雞扒煎得又脆又香, 個人認為意粉配燒汁不是太合得來, 換了其他的汁會好些。最後的是甜品Blueberry cheesecake。對於愛好Cheesecake 的我一點也不覺得它是cheesecake, 除了沒有cheese 的味道外, 連blueberry 也是一般。

行完工展會，同3個朋友上去食野飲野坐陣，地方好舒服，同旺角以及銅鑼灣既二樓cafe好唔同，可能客群唔同，而銅鑼灣同旺角年青人多，去親d數上cafe會比較嘈，而今次呢間環境比較寧靜，可以舒舒服服咁傾計，仲有書買。

order左2個pizza、1個小食同兩壺花茶。雙層芝士雞pizza同煙鴨胸pizza，鹽燒牛脷，洋甘菊茉莉綠茶同埋粉紅玫瑰花茶。

雙層芝士雞pizza好好食，芝士味濃，煙鴨胸pizza都好正，材料夠，每一塊pizza都食到有一至兩件鴨胸。小食鹽燒牛利好香，本身以為好咸，食落又唔太肥膩，入口即溶，超正!

個花茶同出面飲開果d唔同，全部見到d花茶葉，唔同之前出去飲果d，茶包花茶，d花茶碎濕濕，fill左兩次水d花茶味都仲係好香。

埋單300蚊都唔洗，仲食得好飽=]

訂了三人桌，結果坐在盡頭的六人梳化，算是不錯的待遇。

沒有期望餐廳內充滿藝術氣息，老實說，小書店、掛牆畫、賣藝術品或自製品的「格格櫃」，對部分人來說可能很具姿態，但對真正讀art 的人來說，那數十幀跟「明星」合照的寶麗萊頗為作狀和土氣，再看cafe 的website更能感受到此店商業味之濃厚。

吃了晚餐，焗吞拿魚螺絲粉、羊排、鴨胸，起碼三碟菜一起上（請refer to 我對harmony cafe 的評價）。廚子十分稱職，菜肴都有西式味道，不會像港式茶餐廳，問要芝士粉，吃得出竟然是塊裝芝士磨出來的，並非現成超市貨色，抵讚。不過cappuccino 和花茶都無甚特別，cheesecake 更只是一般貨式。

侍應招呼不過不失，有點呆，但起碼笑容搭救。非梳化的座位（後來我們調了檯，坐近窗）不算舒服，但好在餐廳不會太吵。遺憾是當晚碰巧大廈水管出問題而沒有廁所水，我們問侍應可以怎樣時（當然是想她立即清洗一下）侍應竟然說沒有空，又不懂建議我們去哪兒才有其他廁所，可知cafe沒有廁所是很annoying的！