本來想再嘗榮式雞扒, 已經是12.20出門口, 榮式早已擠不入. 惟有改地頭.

事先Plan好的lunch, 一改之下, 不知如何食好, 便一路向北......

都是酒吧多, 一個人, 不打算食港式pub lunch, 看到有北方館子, 門面又不錯, 而附近又沒有其他吸引. 咁就入左黎坐低.

門面真的像一間比較高檔的食府, 入到去, 茶餐廳過茶餐廳. 點解...搭檯, 出去埋單, 趕客, 卡位繁忙時段二人坐一邊, ABCED餐 全部做齊. 仲唔係茶餐廳.

SET 2E, 回窩肉炒拉麵, 味道等同上海粗炒, 只是加了回窩肉上去, 味道點綴了一下. 可以說是不錯, 味道正宗(港式上海館).

將近食完, 一張單放在檯上, 先說聲多謝....不客氣地暗示, 食完你好走.

兩口子逛完food expo
成日咩都無到過肚
真係又餓又攰呀...-__-

咁啱男朋友之前係呢頭附近上過堂
話有間上海野好似幾好食...
咁就揸車去食啦....
星期一搵泊車位真係唔易搵架

入到去大約6點半到啦...
入坐率得1成
真係差到爆
明明條街咁旺都係咁....

坐底左都好快有杯水飲下...
之後叫左
X翠白肉 ($58)
好SO....個汁好甜....明明D 肉係pork,
但唔知點解會食到羊肉果隻so味

火瞳炖翅 ($58)
都好清甜...即炖....

大漠風沙雞 半隻($68)
無味無道....唔知佢放係上面既garlic 用野做咩囉...
應該 炸子雞好味好多

清炒時菜 ($38)
不過不失

清炒蝦仁 ($78)
呢個幾搞笑,因為我地見到佢得清炒,
諗住問下佢有無蝦仁炒蛋啦...佢好快答我無
應該要變通一下啦...唔好一成不變

p.s 其實呢間店d 侍應好似唔係好知自己店有咩食
問佢地一d好easy既野佢地都唔識答
or答到無綾兩可

已經有好一段日子沒吃中式食物了，加上小籠包癮發作，在幾番掙扎之下選了正隆而不去老店三六九。

安排入座後看看餐牌，留意到一個名字"古怪"的食物 - 淮揚雞火炒飯。問侍應何謂火，怎知道她又答不上來。反正也想吃個香口點的食物，便要了這個炒飯另加一客小籠包。

附送的豆漿是無糖那一種，豆味算不錯，口感也順滑。
待上了一會，炒飯終於到了。一看之下，原來火的意思是金華"火"腿，心想這個火字的意思真的那麼難記著嗎﹖其實在下單時，也在想淮揚雞到底又是甚麼一回事，不過單是一個火字已考起了侍應，也就沒有再追問下去了。這個炒飯實在令人驚訝，吃下去的味道，根本就如茶餐廳的雞粒炒飯無異。而且，金華火腿的味道完全迫不了出來，飯粒雖然炒得乾身，但是味道也是完全欠奉。最後，我竟然要出動後備大隊 - 鹽和白胡椒來增加味道..........
那麼小籠包又如何呢﹖這店還算是老實，餐牌上寫著灌湯小籠包。不過，始終覺得小籠包沒了那股肉鮮味，就算"湯汁"如何澎湃，也不再是正宗味道了。吃到這裡，真的後悔沒去三六九......

或者是我點不中好的食物吧，但是以炒飯來說，完全是不可以接受的水準。

星期五
行左大半個灣仔
最後決定食清淡中菜
水餃面 + 牛筋面中規中矩
頭盤OK大碟
鹽水鴨 + 小籠包就唔錯
不過服務就真係差左d...

有日去左灣仔的正隆食午餐, 簡宜係貼錢買難受....

仲要係我地幫襯左超過3年的食肆....

之前一個set lunch $38, 有一杯餐飲, 一個餸, 一碟菜和一碗飯....選擇都好多, 計落都幾抵食.

直至現在加至$42, 仲冇左碟菜, 選擇又小左....

成本真的上漲了, 都可以理解, 但係該食肆近來的服務態度都係唔可以理解...

我們一行9個人去食, 叫左8個餐和9隻小籠包...

起初叫左人來點菜, 那裡點菜通常都是叫number 的, 因為我地成日都有好多人一齊食, 雖然落單可以有點麻煩, 但係我地對於落單的方法都好有經驗..

我就叫左"一個2C, 和3A 至3G, 共8個餐", 我唔相信我的ORDER 唔夠清晰, 但O係O個個落單的侍應, 諗左好耐都唔明我講乜, 問左我地3次先勉勉強強落到張單.

之後飯到左, 我地問另一個侍應攞碗仔, 點知佢放上檯的時候好大力, 的碗好似就爛咁滯...我知道lunch time o係好忙, 但o係都唔應該咁樣發泄o係客人既身上...

最激氣就係來錯左o個餸, 我地同一位沒穿制服的女士(相信係話得事既人)講, 佢聽到之後就好不悅, 諗左2秒就好串咁質疑我們說"餸真係來錯還是你們自己叫錯?" 之後還好惡地說下次唔可以再換....

我地check 返張單(張單會在落order 後好快就會issue 給客人, 上面還有落單的時間), 我地根本就沒有落錯....

唉..只是想像平日一樣, 簡簡單單食一餐飯...點知就好似攪到去受氣...

我知道附近都好難搵位, 同埋lunch time 都會好多人o係度等位, 沒有了一兩個客人都唔會有損失.

Anyway, 我地公司的同事都唔會再幫襯了...

最後講返的食物, 大致上味道都可以, 不過份量就真係小o的...還又冇左碟菜.....至於小籠包都真o係好普通..總括而言, $42一個set lunch 在灣仔唔算特別貴, 但以咁既食物質素和服務態度就真o係唔係好抵..

本想選三六九老牌上海菜館，可惜友伴揀了裝修門面略勝一籌的正隆。一行七人坐本是六人的圓，似乎有點迫夾，也放不下不斷端來的菜，唯有不停叫侍應收回清掉的碟子。我們可說是點齊了所有在上海菜館能吃到的傳統食物：小籠飽(皮薄但肉餡味道普通)、燻魚拉麵(沒有試，因為另上的燻魚淋了太多漿油，拉麵是清湯的，而我想吃的是擔擔麵)、宫保雞丁(香口但太咸，嗜辣的我乾脆單把大紅椒送進咀中)、牛肉炒拉麵(普通)、豆漿(淡淡的但豆味濃)。另其他人點了一款菠蘿蝦炒飯，味道算不錯，但總覺泰菜色彩太濃，有點格格不入。整體來說，因為沒舍特別，相信不會再幫襯。

Lunch time 去試下呢間野啦...見佢門面唔錯~

一入到去,燈光已經比較暗...和同事點左牛展水餃担担面,豬扒拉面...

十多分鐘碗面送到...先講牛展水餃担担面,湯底是水煮牛肉的湯..看不見有担担面湯的花生醬...而所謂的担担面發脹得似碗米粉...啖而無味!! 而於拉面...唉....又係發脹左既..成碗公仔面架...

雖然價錢唔貴..一個餐都係30幾蚊...但食d甘既面...最衰過食碗10蚊既河粉!!服務生當顧客透明~

食唔過!!!

晚上九時許入坐卡位，二人套餐比單叫划算

自選

1. 冷盤- 醉雞:不大入味

2. 湯麵兩款(麵質ok)
a) 牛筋麵: 清湯，牛筋晶瑩很腍但可惜...超鹹!
b) 酸辣麵: 酸辣度十足，好吃

3. 小點- 北京(菜肉)水餃八隻(蘸醋): 熱騰騰，餡料鮮甜

4. 豆漿(熱/凍): 豆味濃郁

各份量足(可三人用膳)

晚上六時後另加一服務費

約左三個朋友係灣仔食飯，見到呢度有D好大張既卡位，同埋D野食都好似好吸引咁，就咁....就入左去食喇!!

先講環境，入到去見到裝修都OK既，同埋發現成鋪都係用卡位，都幾ARM而家時下人鐘意坐卡位，不過我見到有D卡位既坐位有D凹左，唔知係咪俾人坐得多...=.=|| 另外地毯真係要時不時換下喇，太舊仲擺出黎，真係幾肉酸。我見D員工係街出面拉返D地毯入黎，唔知係咪佢地日日洗以至D地毯一個個洞!

再講野食，我地幾個都算大食，所以叫左雞絲粉皮、四川香茅乾煸四季豆、四川乾煸辣子雞丁、水煮牛肉、小籠包同埋一個蒜炒西蘭花，仲有個黃金蝦球。

雞絲粉皮: 睇落幾大碟，不過D醬少左D，可能因為我地鐘意花生味重D，不過佢地都肯加俾我地，都幾好!
四川香茅乾煸四季豆:好香、好野味，送飯一流，不過多油多D，如果可以少油D既，會好D，會健康D嘛!
四川乾煸辣子雞丁: 香口，不過真係要趁熱食，等凍左味道差好遠=.=|| 夠麻夠辣聽講仲好似可以加辣添，ARM晒我地幾個鐘意食辣既人，呢個真係值得一試，我見好幾台人都有點
水煮牛肉: 呢個比起個雞丁辣好多，可能有汁掛...係幾好味，不過底下既粉皮可能吸晒D辣汁，真係辣到飛天，我地都要食到擦晒汗....
小籠包: 呢個OK啦，見到包入面有湯，不過SIZE唔容許一啖食晒，所以食果陣有D難攪，唔小心會流晒D湯。(呢個比起我之前係加連威老道分店食時有進步，皮薄左少許，同埋終於都見到有湯。之前既真係用黎打波都唔會穿又冇湯>_<)
西蘭花: 純粹想食個菜而叫，冇乜期望亦冇乜失望，少D油會好D
黃金蝦球: 呢個...俾佢玩死....個送一出到黎係好香，香到你引唔到手想即刻食...不過咁樣好易攪到燙親，我就食完一個之後發現口入面有少許甩皮>_<|| 不過又真係幾香口。

至於服務方面......咁大間鋪得兩個人做野，仲可以有咩服務要求可言丫，有人肯落單出菜埋單，我都算囉.... 雖然我都見好多地方都請緊人，可能真係難請人啦，不過咁樣都唔係辦法，好難留得住D客....

總括: 食完呢餐要飲涼茶，我同D朋友都幾滿意呢一餐。
同埋食完野仲可以慢慢傾計，因為客唔多，唔會太嘈，同埋唔會趕你走..

今日去食lunch

好快入到去

但，十五分鐘都冇人寫單！

派位個女仔多次行過，我地叫佢，佢初頭啋都唔啋，眼超超。叫多幾次，佢話："我帶位既。"

我知，但如果你態度好d話："你等等，我唔係落單既，我幫你叫人黎"，真係唔識做

結果我地要行出去搵人埋黎幫我地寫單。

到比錢，我地冇散銀，想分開比，收銀黑面話："我地收一個架喎"

唉...如果識笑住口講句："唔好意思"，又唔會激到我地啦

怒不可遏，直接問收銀："點解你地d服務可以咁差？"

扮聾扮啞...."係呀..佢帶位架咋"

唉......食物ok，但服務差到未試過咁差....

唔會再去

呢間野d樓面員工真係不知所謂！呢間野個老闆仲唔換下d員工，唔係遲早都比佢地累到遲早無客0來。

是緣今日係公司係呢間外賣時，打左成5分鐘個電話都唔通，於是打佢外賣單上的另一個電話，呢個電話一打即通，跟住同佢講叫外賣，但佢咩都無講只係講左"2865-1210" 呢個電話號碼，於是我再講叫外賣，佢就話叫外賣唔係呢個電話，要打2865-1210，跟住cut線。咁都算啦，於是再努力地打番個外賣電話，再打5分鐘，終於有個女職員接聽，我就同佢講叫外賣，佢就話等陣先，咁我以為佢要收錢(因為通常外賣電話都是收錢的職員接)，所以等佢一陣，點知係聽筒聽到佢同另一個員工傾計(因為有講有笑)，約成分鐘後佢終於聽電話，佢一拿起個聽筒就同我講話唔記得左，咁都算啦，跟住同佢落單，然後講地址。佢聽到個地址就話："咁遠呀！無咁快喎！" (只不過是港灣道)，於是我問佢要幾耐，佢就話："唔知呀！2點後啦！(當時已是1點45分)，咁我再問佢2點幾到呀？佢就話：唔知喎！我地仲有一個外賣未送。" 嘩！聽完之後真係好嬲，於是我同佢講唔駛喇！跟住收佢線！

大佬呀！人地食飯得一個鐘咋！已經早半個鐘打去啦！都預佢半個鐘送來，都有咁0既對待，真係好嬲。
之前都曾經叫過幾次來都無咁事，都唔知點解而家d職員服務態度真係差左好多，接緊外賣又掛住傾計，又話遠，又話唔知幾點送到！最嬲就係，你仲有幾多外賣未送唔關我事，只不過你地無效率咋！唔可以用來做籍口而唔想送外賣0羅！

其實果度咁多職員，是但求其搵一個去送外賣都多賺幾筆生意啦！d樓面職員成日掛住傾計(之前去堂食d職員成日企係出菜位傾計，叫都唔睬！)，棟晒係度都唔做野！個老闆係度就好d，個個都會扮有野做，走來走去。比人投訴都唔只一次啦！都無改進。又有一次係堂食時都有個男人投訴佢地落錯晒d單，燻魚變排骨，個職員死口都唔認係佢落，但個男人就認得佢，於是同個男人搵個經理同佢講都叫d職員唔好淨係掛住傾計，要做野，做錯又唔認，真係不知所謂！

唔講喇！最後奉勸及希望個老闆炒下d樓面職員，換班真係做野既人！只係d野好食係唔得架，服務都好緊要！唔係真係比呢班職員累死。

$18一碗拉麵，都幾彈牙。

0的侍應真係成日都漏單，不過態度都ok。
有時見到個老闆撓埋手黑晒面鬧班伙計，都幾影響進餐心情。

唔知點解呢間餐廳裡面，成日都有好多烏蠅周圍飛。

今日同朋友去行街, 行到晚就好疲倦, 打算找個地方醫肚同休息

我由開張惠顧到現在, 最近有位女待應冇做大約兩年右左, 但又見番佢返左黎做, 如果我係老闆就唔會請佢喇, 服務態度非常差邊個請到佢就冇運行啦!

人多去吃, 總會出現漏單問題. 愈是肚餓的人, 其order 就愈是漏單.

但平心而論, 這裡的擔擔麵當真不錯. 豆漿也很好. 而雞火炒飯也是很好.

8月19號同屋企人行完美食博覽, 見行得累, 隨便行入黎食啦, 見佢門面幾好。

坐低之後, 發現同我想像中出入甚大, 居然個waitress話唔夠人, 叫我地自己飲茶, 跟住我地落單既野食, 佢地落到錯哂, 唉, 最慘就係, d野都算咸, 我都算食得咸架啦, 點知仲咸過我平時食既野.