每次到元朗總要到大同買些手信才安樂。 雖然都不外乎是皮蛋酥, 但實在令人回味。 這裡的酥餅都是放在焗盤上讓客人自行挑選。

蓮蓉皮蛋酥$4: 另有加了紅薑的豆蓉餡, 但因小妹不愛吃薑所以選蓮蓉。 酥皮鬆化, 底部也是脆脆的不會濕透,真的要很輕手拿著, 以免弄散。內藏四分一隻皮蛋, 蛋白焗過後也不會乾硬得像橡皮一樣。 至於蓮蓉質感幼滑得似醬一樣, 不會又乾又實, 甜度適中,很容易就吃下一個呢!

老婆餅$3.5: 又買個和恆香的比較一下, 餅皮同樣香酥薄身, 只是內裡的餡未能得我歡心, 只吃到黏黏又帶煙韌的糯米糰, 完全沒有糖冬瓜、芝麻的香氣, 被恆香比下去。

見很多人都買了一袋四件的雞仔餅$16, 但因本身喜愛吃軟身, 對這種脆硬身的始終未敢嘗試。雖然老婆餅令我極為失望, 但看在皮蛋酥份上,還是會給個笑臉的。

中秋.我媽媽去買左2個月餅
太肥的我..每個食左好少
五仁月....十分香...有的好in...un感覺
單黃連蓉仲好...好硬......不太甜......好易入口.不油.好香

食左兩年大同 人地介紹 於是從此專心食大同
回晒油既月餅真係好香
絕無以前食月餅一切就散同一粒粒硬既蛋黃既問題
愈切愈開心 切落去完全分唔到邊d係蛋黃邊d係蓮蓉
特別我好鐘意食蛋黃
不過一定一定要等佢回油
回油之後既蛋黃入口即溶 同蓮蓉混為一體
一個字: 香

中秋la~~~~~最近真係月餅當正餐= =
係city super手痕見到好多月餅counter
今年揀大同試下有得散買
雙黃綠豆蓉
一打開
個餅塌塌地都有d驚
我懷疑佢擺左一段時間
之後一切
我把刀算薄同利
但皮同個餅都分離左= =
好啦都算
試埋味道
感覺好散得個油字
個黃都叫有少少蛋黃香
綠豆蓉麻麻地滑亦冇豆香
好差
仲有正宗紅豆月餅~
姐係冇蛋黃既~~
呢個個shape都唔夠挺身個底好塌
個皮今次冇咁散
紅豆蓉實淨夠棉
都叫有d豆味
完全對大同失望
唔會再try
係咁多

友人請食老婆餅。
好食過恆香好多！
個皮較薄，而且個餡好厚料。
咬落去，口感煙韌，唔太甜...
而且個餡夠厚，唔洗食皮多過食餡。

入到元朗不奇然便會想起「恆香」既老婆餅。今日我就試左「大同」既老婆餅，舊式的餅通常都會加入豬油，大同既老婆餅都不例外，不過，食落口都不太感到豬油既「油益」味。老婆餅既外皮係很薄的曲奇皮，很脆口但好易散，且較油膩，餡料都不太甜，但始終不及「恆香」既老婆餅咁香同軟。


棋子餅用了花生油造，味道適中不太甜，而且都香綠荳蓉的味道，反而冇老婆餅咁油。


最後，仲買了光酥餅，都幾好食，好有兒時既味道。

去年小魔怪爸爸係度買左一個十個黃既月餅,真係令我地大開眼界!
其實平時都有食過呢度既野,今次就等我落下COMMENT啦......

上星期五獨自途經大同,受到皮蛋酥既誘惑下買左3個$4荳蓉皮蛋酥(有紅薑)同1件$2.5馬仔孝敬屋企人

先講講荳蓉皮蛋酥(有紅薑),查理弟弟同小魔怪媽媽都一致認為恆香比較出色..

皮蛋酥:
荳蓉甜度岩岩好,但因為我果件冇左紅薑,食落好清淡,而且外層唔夠脆,好失望!
馬仔:
有驚喜,脆口,唔係平時食到坊間既林PAR PAR,唔錯!

下次試埋其他野先......

老媽入了元朗飲茶，去大同買了白餅俾我做手信，我第一次食，食落有些似光蘇餅，
又有些似饅頭，咬落有些煙un，都幾好。

沒有選擇麵包...因為看到新鮮出爐而又要留待明早作早餐....我會忍受不住誘惑, 於是買了些中式唐餅!

咸蛋散, $10.5...咸咸脆脆, 好熱氣!
崩沙, $10.5...甜甜脆脆, 一樣好熱氣!
雞蛋糕, $10.5...這個比榮華好食得多, 個子又大, 質感較幼細, 感度也高, 好飽肚!
臨出門見個嬸嬸買了數個白餅, $3.5, 她說比光酥餅好味, 吃下...比光酥餅甜, 不似光酥餅, 較鬆散, 但我較喜歡奇趣的光酥餅!

上次試過嚤囉酥幾好食, 再買大同的皮蛋豆蓉酥和雞仔餅試吓, 皮蛋豆蓉酥唔錯, 比恆香大個,
但我覺得恆香好似好食啲, 可能大同的外皮唔夠鬆化。

雞仔餅整得幾好, 不過我唔鍾南乳味, 所以食一舊算啦, 不過喜愛雞仔餅嘅人應該會覺得大同整得好好。

大同的雞尾包有賣紅豆餡味, $4大大個, 都幾好食架。

一早起身時候，睇見檯上的提子包，即皺起眉頭！想起兒時，吸收咗日月精華的提子車輪，個包稔稔地，d提子濕濕地，可以食第二樣嗎？

老媽一見我個樣，即派定心丸｛個包好食架！｝．無論老人家講既係真定假，都要尊重！拿起個包，俾面咬啖，又幾硬幾挺身，包同提子都好有口感，味道係我最愛的黑糖，而且跟提子硬多士相似，另一個兒時的最愛，以前唔食提子包的我，現在一咬鐘情．．．

吃着提子包，想尋回那兒時的快樂，可以嗎？

近排食完正餐總會食甜品, 不是糖水便是甜點, 今次就揀了老公既至愛 - 紅薑荳蓉皮蛋酥, $4, 我沒有 Idea, 於是一人買了一個, 暖暖的, 今次紅薑不多, 皮蛋既蛋黃少, 蛋白多, 荳蓉不過甜, 剛出爐夠酥, 這裡店員服務很好, 我周圍影相都無話我! 臨走前見到一排方包剛出爐, 新鮮? 新鮮!

去完好到底, 行過兩步就係大同老餅家, 未幫襯過, 見嚤囉酥幾靚仔, 拎上手仲暖暖地, 咁咪買佢返屋企試吓

未食過嚤囉酥, 食落又幾得意, 好似合桃酥+月餅, 仲有少少瓜子肉, 唐餅中我覺得幾好味道

試過嚤囉酥OK, 有信心試埋佢其他唐餅, 不過要下次先喇

每次到元朗例必走到這裡食零食, 買手信, 雖然吃了早餐, 但仍掃了三款 - 老婆餅, $3.5, 皮蛋豆蓉酥, $4, 皮蛋蓮蓉酥, $4 (原想買蛋黃蓮蓉酥, 可惜夾錯), 三款最鍾意食老婆餅, 因為少甜, 又滑滑, 簡簡單單! 皮蛋豆蓉酥有埋啲子薑, 食落可減低甜度, 蓮蓉酥最甜, 食完之後, 論到買手信俾同事 - 鹹蛋散, $10.5, 白芝麻餅, $8, 嚤囉酥, $10, 雞仔餅, $16, 口碑唔錯, 大家可試試!

R6

元旦元朗一日美食遊

芝麻餅：不太油，ok
老婆餅：只可說，還是'恆香'好