2
1
3
港鐵上水站 A3 出口, 步行約7分鐘
繼續閱讀
營業時間
星期一至日
07:30 - 22:45
以上資料只供參考, 請與餐廳確認詳情
食家推介
呢間酒樓原身叫金香漁港，沙士時已開業。經過輪迴轉手，而家叫一品燒鵝。 由於呢一區太少似樣的酒樓，所以早前是抱住「死就死啦」的心態嚟食。但原來佢點心又唔錯喎，最喜歡佢嘅自家製叉燒包，啲叉燒本身燒得香口，加埋個香濃海鮮醬汁非常滋味！每次必點。特別想讚佢個蝦餃。$12.8有3隻，每枱都會叫兩籠。沒有將貨就價，蝦餃包得實淨，唔會一夾就癡實筷子， 皮爽滑蝦肉爽甜，唔會一咬啲餡就散落四周，質素中上，比很多中高價茶樓的更好。讚！燒賣也不錯，隻鮑魚仔正常嘢，電7善落燒賣冇任何互惠互利的化學作用，純粹為左增加視覺效果😂， 兩粒賣$19.8我覺得不過不失啦。 挽吓手高級中菜的鮑魚燒賣鮑魚撻，賣成$30/粒都係俾呢隻鮑魚BB你食😂炸點都香脆熱辣，咸水角好食過九龍香格里拉的香宮（唔係講笑）。 呢間茶樓，價錢合理，質素中上，我覺得飲得杯落。不過有一樣嘢真係要彈，就係佢個廁所。真係入左去都要棄械投降出返嚟。太惡劣了，一地水，仲要隔住口罩都聞到臭！如果唔改善，幾好食都未必再去！但我都想俾個好評佢，希望佢盡快改善廁所嘅衛生問題啦。
繼續閱讀
今日放假,就去左屋企附近嘅石湖墟飲茶,呢間茶樓都去過幾次,除咗貪佢近之外,啲嘢食都OK同埋有好多款式揀!首先叫左個鳳爪排骨飯,我唔食鳳爪,淨係食排骨,每一粒都有啲肥膏吊住,幾好食!又嗌左一個腐皮卷,都算幾香脆!然後又嗌左一碟牛肉腸粉,腸粉皮好滑,牛肉亦都好淋,加少少豉油幾唔錯!屋企人又叫左一碟燒肉瀨粉,D燒肉雖然有D硬,不過皮係炭燒嘅,所以都算好香脆!至於蝦餃就唔算話好大隻,不過比都算皮薄餡靚!最特別嘅係每人可以嗌一籠鮑魚燒賣,每粒燒賣上面有一隻20頭嘅鮑魚仔,即刻高級曬唔同哂!
繼續閱讀
今日同上大人慶生~上大人話去呢間試下~本身有個不愉快經歷,既然上大人想去,所以好早就訂左位~去到唔係太多人~服務員好快就安排左一個近門口的位置比我地~放下茶水前菜我地就睇餐牌點餐~餐牌款式唔算多~菜名唔算好特別,一般酒樓的都有,簡簡單單~最後我地點了几味心儀的菜色双拼涼伴(拍青瓜拼海折) - 青瓜真心唔覺得佢有拍打過~原條上~而且蒜泥太咸~失去左蒜本身的清新辣味~海折入口好硬~ 一D都唔爽口~相信係雪得太耐,有D失望...燒味拼盤 - 厚切叉燒好硬~叉燒味好啖~燒肉唔係燒腩仔~而且皮唔脆~好可惜~仲有疑似鹵水鴨肶的東東~淋左汁都覺得肉質好乾身~白切鷄 - 話晒都係燒味出名的酒樓,當然要識下佢的鷄啦!! 白切鷄肥且大~相當厚肉,但煮得太熟~失去左鷄的嫩滑..菜胆豆腐 - 菜胆煮得唔會太淋,仍帶點爽口~唔錯~對簡單的菜唔會有過大的要求~上枱感覺不過不失,算係水準之作,但本來諗住清清地一個菜...可能因為必需地打個濃濃的茨汁~變得重口味了!!生炒骨 - 係我最中意的菜色!好好味~排骨炸得外脆內軟,外層包住酸咪咪的漿汁,茨汁唔會太厚太結身~正~!咸魚鷄粒炒飯 - 炒飯炒得一D都唔夠火候,感覺好濕,要用心感受先食得出好啖的咸魚香味~壽包 -壽包大大件~包皮唔算鬆軟,似係饅頭的感覺,入面有整整一個咸蛋黃比連容包住~好實在~形狀古古怪怪~一D都唔靚~上面d紅粉灑得感覺好敷衍了事,冇誠意~用黎蒸壽包的蒸籠仲粘住唔知几時留下的飯粒..好唔衛生...一路上服務員除左清枱上菜之外,要叫佢加水都有點困難~可能人手唔夠掛...應左你又走左去,唉~~~總括黎講..算係見識過佢的出品~可見的未來相信唔會再見,真心希望佢地他日可以有所進步店舖有蚊型洗手間供應,女的有兩格,雖然唔洗經過廚房,但都要小心地滑,洗手間迫迫細細濕濕窄窄…所以米之連人可以的話都係忍耐一下,搵另一個更好的解手吧~!!
繼續閱讀
這家茶樓前身為金香漁港，食物質素之差為街知巷聞。茶樓早在年前易手，食物質素有了不少改進。今次點的食物不多，但一行4人已經很夠飽。午市孖寶-有不同的小菜跟炒飯麵配搭。點了個喻意吉利的小菜-蓮藕炆豬手，再配雜菌炆伊麵。豬手出奇地多，而且很焾很入味。雜菌炆伊麵很夠味，值得一讚！叉燒包-很新鮮蒸製，包的口感很好，很有彈性。雞扎-普通，油了點。很老實地，雞扎用上了魚肚，不是豬皮叉燒腸-明顯地蒸過火，質素差珍珠雞-一籠兩件。糯米軟軟的，頗好吃上水區茶樓來說，這家人流相對較少。如果不想花太多時等位，不妨考慮一下這裡。
繼續閱讀
張姨姨話約我和媽媽及其他姨姨到這兒吃火鍋，我們當然去吃啦！但進去後，大失所望！菜類少之有少，得幾樣菜！我們唯有點紙上的食物，但紙上所選的只可以選肉類及丸那些，其他瓜及菜的，佢地話，去出面拿，唔可以係度點的！我真想問一句：咁你給紙我們填做什麼呢？玩弄我們的食客啊！給我們玩數獨？不知所謂！因為有其他姨姨，我才不發火大罵！我唯有係出面拿菜－只得白菜仔好吃，因為好爽，也有我最愛吃的冬瓜，冬瓜好鮮甜，正，亦有生根、芋絲這、烏冬些好好味，一入口很的食物，很滑！後來又有熟的食物，如：炸三文魚及炸雞翼，但太肥，所以我沒有吃！在來拿菜的時候，因為見有點心籠，於是，我問一位女侍應這是做什麼？她竟然惡劣的說：小姐，你來了好多次咁都唔知？哇！這是什麼態度？我何時來了很多次，今次我是第一次來！離譜！仲有，我唔明吃火鍋竟然沒有雞蛋的？粉絲要追了多次才來！而且粉絲一灼就淋的！而且汽水得好少選選擇！至於肉，都好好味，我喜歡吃雞片、羊肉及肥牛和蝦！因為這四樣都鮮甜，好滑，正！列入黑名單！
繼續閱讀