裝飾氣氛不俗，在接待慮稍事停留即見女侍10米遠處外高呼：先生幾位？我還以為走進了茶餐廳！
嘗了招牌龍蝦天使麵，咪道合格，麵略熟。紅酒牛尾，量大抵食，牛尾稍肥。餐包慣例免費，No free lunch!
有很大改善空間。

呢度以前就好味, 而加真係食唔食都吧
唔明點解咁多人仲比笑臉囉

一入去, 個女capital就好冇禮貌咁問幾多位呀?
連加個請問或者比個笑容都冇

食物方面d面包凍冰冰
盤醋加油好臭, 見到都唔開胃
什菌意大利飯 好普通,
海鮮墨魚意粉賣相已經唔靚, 個汁好杰, 俱落去更加唔得, 毫冇墨魚汁味, 淨係得個color

一餐咁既野百幾蚊, 我去食大家樂好過

大埔呢個地方有一間咁優雅既食店真係好romantic呀!
難怪店內全部都係一pair pair～哈哈
pizza
黎食個氣氛..所以都唔記得幾$喇..
同又一城果間..仲差少少啦
不過太乾身我覺得,2個人又食唔哂..
食得多,會爆暗瘡囉..
所以食左2件我都收口喇..

車輪粉
最初食果時呢~好熱好好味喎我覺得,好creamy好香好重芝士味~
但食多幾啖...唔敢再食喇..
一個字---漏!

好喇€等我既甜品喇..
想order napoleon cake啦當然....
可惜..佢話冇囉~~

唯有下次啦~~

小蘑公發燒， 沒有胃口， 從學校回來路過Oliva， 看起來還不錯的樣子， 推門而入。
不同于附近的其他餐廳， 雖然是暗暗的燈光， 卻給人寬敞舒服的感覺， 不會太冷。
小蘑公沒有胃口，所以我們只點了“煙肉什菌菠菜寬面”， 本來還有“藍莓脆餅”（圖片上的樣子很可愛，上面還有一顆雪糕球）， 但是脆餅已經賣光光。。。小小失望， 只好用打扮的冰皮月餅代替啦。。hoho 好像有小小離題。。。

等了很久， 有一搭沒一搭地吃小塊的面包， 沾著乳白的醬汁， 小面包韌韌的， 差點就被我一個人全部消滅。。。。最后

主菜姍姍來遲， 竟是出奇的好吃， 濃濃的忌廉汁， 韌韌的菠菜寬面， 香而不膩的煙肉， 很搭的味道。。。吃得很開心 小蘑公也很喜歡 換作平時， 他一定可以全部吃到肚子里

明天也還想來嘗試， 想試試紅酒燴牛尾， 希望會好吃哦

友人生日...
順路係大埔揀左依間好評如潮既Oliva食飯

裝修幾令幾有情調

2個人叫左2個餐
焗豬排意粉 - 依個好好味!!d茄汁同出面食個d味有d唔同,我鐘意!!
紅酒牛 - 唔多覺有紅酒味..牛就一般

都會再返泥食過嫁

放工後,回到太和約了弟弟一齊午膳 想不到的溫度啊!真的是滿頭大汗才來到Oliva
這是大埔暫時排名第一的意大利餐廳...所以中午的時間都很多客!點了二個套餐...

先上了一碗羅宋湯,味道酸酸的,真的麻麻地...下次可能會選擇忌廉湯!

辣牛油汁蜆肉意粉 - 份量比預期多...好香!又帶點辣味~比較可惜的是小量蜆肉有沙失望!

芝士吞拿魚螺絲粉 - 眼見厚厚的一層芝士在上面...吞拿魚很多...非常足料...螺絲粉又不會太軟...剛剛好!

餐飲叫了凍奶茶...茶和奶&糖水是分開的!方便個人調教味道

這一餐我還是滿意的...相當抵食....下次還會再找機會試試其他....

間中都會去下, 食物都ok, o係大埔算係咁樣, 不過上次去完既經歷, 相信未必會再去, 事緣用coupon換左個豬仔骨, 無論賣相, 味道都好唔得, 豬仔骨既份量真係細, 係正常份量既4分1都唔知有冇, 而且, d骨真係骨only, 冇肉, 而且乾到離譜, 送得咁寒酸不如唔好送, 而且, 當日服務員既態度都係勁差, 同佢反映一下意見, 佢就問番我地, 咁你地想點, 送既冇得換, 大姐, 係之前食夠1千你先送, 又唔係free lunch, 之後望都冇望就走左去, 今時今日仲有咁既服務態度, 真係幾難得

被朋友投訴不寫和他們吃飯的札記。實情是把這裡已荒廢得太久了，
請等等，很快就會回來的了。

吃這餐的原因真的記不起了，是我的生日飯麼？不過人長大了，就發
覺出來吃飯的原因其實已經不再重要，重要的是那代表有人記得你，
你也重視人家。也只有這原因才會對食物有要求，也是繼續搜尋有質
素餐廳的動力吧？這兒就可以一次過滿足閣下的多個願望。

五個人(還是四個？)先來個甘筍忌廉湯，橙橙的很香濃。主菜當然是
pasta和pizza，pizza pepperonis雙併seafood，招牌的長方型比薩的外
表吸引，材料也十分慷慨，辣肉腸和海鮮加上芝士足以和批底成四六
之比，很豐富和美味的說。

是夜最佳的卻是龍蝦意粉，這道菜其實醬汁比材料更為重要，這裡的
龍蝦汁確實非常誘人。人家說炒飯要「金鑲銀」，這個龍蝦汁也同樣
緊緊的包裹著每條意粉，再稍稍加上蝦肉，非常非常鮮甜。

最後的大盤是羊膝，選上的羊咩應該很肥美，運動也似乎很足夠，所
以肉質很嫩，唯一就是羊味不太突出，但已算十分出色。

整體來說是一貫地穩定(2005-12-16食評)，食品和服務都很稱心。大
埔而已，其實一點不遠，總比吃大連鎖又要等位的那些好多了。

今日朋友生日~

朋友叫左個羊膝set dinner...
我叫左個芝士肉醬闊麵$60幾+20蚊有湯同野飲..

wa~~~黎左幾次....未試過覺得咁難食....
d麵好"un".....無芝士味.......肉醬好垃x...
本人好鐘意食芝士....肉醬意粉食得多...未試過食左1/4就食唔落....
見到朋友個羊膝幾大份....好後悔唔叫set......

環境ok...燈光較得有點暗...幾靜幾舒服...同朋友可以慢慢傾下計~

服務方面無咩特別可讚可彈....

下次都會再黎的~

不過唔會再食垃x闊麵啦....

真失望....
諗住好耐我去食.....咪黎幫趁吓咯...
點知跟以前真的差天共地....
上一次食是 大除夕.....食完都仍然回味.....
但上星期去....真係爛到爆....... d 飽無以前咁fresh...... 唔叫dwaiter都唔攞醋黎...
main course.... 都係差差差
無一樣野可以推介........
......
想食意大利野....
去大埔墟o個間把啦....!!

之前響呢度食過2次dinner, 水準都好參差, 時好時壞, 今次同男友黎食lunch, 睇下又會點~
叫左2個set lunch, 葡汁海鮮焗長通粉 & 燒肉眼扒拼薯菜, 價錢同佢隔離既鋪頭差唔多. 侍應問完我地要咩湯和主菜後就問埋我地要咩餐茶, 我估餐茶唔會咁快上呱, 點知, 個湯飲到一半, 杯餐茶就黎左 >.< 茶餐廳都識得等人食主菜食到一半/食完先上餐茶啦......

記得枱上的bread應該有黑醋及橄欖油沾既, 但又無比我地, 以為lunch時唔供應, 但之後見隔離枱剛坐了兩位女生, 經理就拿了給她們, 好明顯我地坐低時係無人理我地囉.....好彩叫佢比黑醋同油我地時, 佢都即時望一望張枱. 我諗佢都醒覺, 知道從來無人比過我地

食物質素ok既, 個長通粉好足料, 幾好味, 但肉眼扒就麻麻地; 連薯菜都....好淡, 好似就咁放落盐水度整熟拿上來咁囉, 響上面加5毫子咁大既沙律醬& 幾條煎過既火腿絲.

我叫左檸水做餐茶, 呢個幾好既, 因為d檸檬唔澀~

這餐廰聞名已久,心思思想試吓係咪真係咁好,
於是今次約了細妹,妹夫和二佬食番餐先...
時間是晚上七時,人不多,餐廳的燈光真係唔得,暗到睇menu都好困難,都預了意大利菜係貴,果然好貴,平均每樣菜都幾十至過佰,在難撰擇下,叫了三個晚餐,一個pizza,pizza 係長方形跟一般圓形的不同.,軟身的薄餅底,沒有特別
晚餐分別點了羊肶和,海鮮意大利炒飯另外點了煙肉roll,意大利米跟廣東米有點不同,圓碌碌的,咬落有口感,跟珍珠米有點相似,炒飯飯底混了芝士,味道不錯,但羊肶肉質不似食開的羊肉,肉質怪怪地,又完全冇肉味,更不要提羊味,最失望是甜品,是一件香蕉蛋糕,好失望呀,見到都飽晒啦
今次食到好飽,係食薯蓉,飯,蛋糕食飽,最後連餐茶都冇,真過份

好小會走到入黎大埔食野。
同日朋友介紹就walkin去左呢度試。
6點幾入場已經話要7點半交返場比佢地乎因為大把人BOOK 左枱.
入到去.坐個度真係幾暗下.
可以話冇燈直接照到.都係靠左右2邊D射燈反射.(得睇佢本MENU都睇得幾辛苦下..
點解唔可以加返個蠟燭係度呢.
個d冇任何waiter 介紹有咩好食.
聽我fd 話呢度d pizza ok既.
咁我地叫左個 意大利飯,一個pizza,同一個羊.
聽我fd講。可能呢家經濟唔好啦..好多野都冇左.
佢話之前佢地會有個凱撒沙律同埋一d唔同既麵包送上,同埋一d 醋上.
宜家佢冇左.lu.
原本想叫個豬仔骨..2百幾..好似幾好食咁..但大家傾完..冇叫到..
d野食黎得都幾快.
個意大利飯.唔錯.唔會整到濕得死..岩岩好.
pizza 味都ok.如果佢個底做得乾脆d會更好.
到羊...食落口感幾好.但羊味唔多夠.
仲呢度d檬茶/水都係無限refill 既..$28 都ok 嫁.
不過咁大柸比我3片薄檸檬.差左dd.可能我飲濃味d啦...同埋每次refill
你唔叫佢係唔會同你加檸檬既.
差唔多食完...傾緊想試下呢度既apple pie 個陣
佢已經同左我地埋單lu....有d 失望..
今次其實食得唔多.
因為大早食..冇咩時間..
希望有機會下次試多次..要記住book 枱
要試返個豬仔骨,同佢個牛尾先得.

其實間野都唔錯，特別大埔都比較少呢種餐廳。不過我想講以下幾點供大家參考：

－　原來十人或以上有最低消費每人$100，我開頭打去訂9位，跟住改左做10位，佢就話「10位以上有最低消費」，咁我就話我地10位，唔係10位以上，但當後都係輸左～～～所以呢，大家記住10人開始有呢個條例啦！

－　切餅費係指人頭計每人$5。我地9人就$45啦。不過收得切餅費，果ｄwaiter/waitress就唔係太醒目。我同朋友去完洗手間順便已經親自行去搵佢地講叫佢地上個餅，佢地問我地係邊台，我地指前面，仲要搞好耐先明。我又唔覺得有咁多人留餅．．．．

而我地影飽相，叫佢分餅，都係溝通要返一點時間咁啦！

另外，既然都叫得你上個餅，又完全無人黎執野，好彩我一直係咁叫，總算餅上前，ｄ杯盤狼藉消失晒。比較得意係佢埋數計少左呢個切餅費，等我地俾晒錢，佢又突然返黎叫我地要俾多ｄ咁，哈！咁應俾就大家都會俾既，但有ｄ搞笑。

－　服務係比較差，我同意之前有話ｄ人橫衝直撞好似好忙，但又幫唔到手。比較搞笑係我地班人多，所以好煩地想叫佢蒜蓉包（好食！）幫我地切開一半，佢地唔得，原因係：唔方便！！哈哈！跟住個豬仔骨切唔開，我其中一個朋友堅持叫佢地幫我地切，咁都肯既，但係又係講左好多野，出現左至少一個侍應後先拎去整啦！

－　煙三文魚pizza好睇唔好食，我地影相時好高興，食就好多個都話唔好同埋食唔晒啦。所以大家可以參考試其他。

－　其實野食同個場都唔錯既（假設你選既野食都選得岩），係服務可以再改善下啦！

原來星期日的下午這裡沒有 Set Lunch o架!

一坐下，侍應遞來了麵包，再問他們拎檻欖油，點來吃
不過個人對麵包就真係麻麻

我們 4 個人點了

龍蝦天使麵配海鮮忌廉汁︰這個好好味，每條天使麵都沾了忌廉汁，海鮮料有魷魚、魚塊、蝦
香草淡咖哩雞意大利飯︰淡咖哩....真係淡到冇咩味....
煙三文魚薄餅（細）︰我和朋友最鐘意食煙三文魚， 配上酸忌貳廉正正正!!!

不知是否我們細食o左，食剩了一件 pizza 和意大利飯

* 掛住食同傾計沒有拍下食物照