下午茶時間試下車品品

魯肉餃d魯肉好食, 面上仲有蝦籽, 值得推介

粉果方面, 由於佢比市面上o既粉果細, 所以6元5粒, 水準不過不失(始終鍾意食料多o既粉果)

梨茶好好飲, 好清甜

第一次去車品品，第一次受到咁熱情ge款待，相信往後仲會有無數咁多次............
我一早已經做定research..所以今日專承同男友仲有兩位朋友去車品品度食..我地o係旺角行過大角咀o個邊..講真..我好少過奧海城o個邊所以我係完全唔識去..但因為男友ge婆婆住o係附近ge安老院..所以由佢充當我地ge「盲公竹」..o係旺角行左大約20-30分鐘就去到大角咀o個邊...車品品位置都幾偏僻...不過我見到個招牌之後真係好開心..一入到去就見到老闆娘o係收銀處好親切咁歡迎我地...真係份外感動...呢d先係今時今日應有ge服務態度....
我地四個叫左好多野食...分別有：碗仔翅、魯肉餃、魯肉餃蝦籽湯麵、蝦籽白粥、咸肉、豬油渣、車品品雜麵、老闆娘特別推介ge丸丸、蘿蔔+豬紅+墨魚丸(剩「食送」)+腩汁。好啦,今次係我第一次食魯肉餃、蝦籽白粥同埋咁清甜ge蘿蔔...所以先講呢幾樣先..魯肉餃面頭有好多蝦籽，因為我未食過甜ge餃子ge關係..所以我第一啖覺得怪怪的..但之後食落又覺得好好味易接受..而個蝦籽白粥我同男友都好鐘意食...白粥好綿..同蝦籽味配合得天衣無縫..仲有d蝦籽味唔係太咸所以好好味...另外..個蘿蔔好清甜...係我食過最清甜ge蘿蔔...d蘿蔔再架埋腩汁係最好味..我下次去一定會再叫........碗仔翅好大碗好足料...味道o岩o岩好...男朋友好鐘意食碗仔翅所以都有研究開邊度ge碗仔翅好食..佢都話車品品ge碗仔翅係佢ge top 3...反而我一向對碗仔翅無乜研究但我都覺得好食...而豬油渣ge份量相對係比較少..所以其實有d唔夠喉..我驚男友唔夠飽所以叫多隻咸肉..老闆娘問要糖定鼓油..本來我一向都食開鼓油但老闆娘話糖好食d咁我就聽老闆娘話要左糖啦..效果又真係唔錯wor...不過我比較想咸肉入面有埋冬菇...而老闆娘推介ge丸丸係墨魚丸..同出面o個d好唔同..比出面食開o個d更加彈牙...飲品方面我地要左黑牛、金牛、梨茶同埋兩枝汽水...黑牛我好耐無飲過..當然要趁呢個機會懷舊一番..男友要左梨茶我飲左一啖覺得好清..但如果再甜少少就好啦..下次我要試埋紫牛同金牛~糖水方面我叫左大四喜..本來我唔知咩叫大四喜...但細咩之下先知原來大四喜係酒釀丸子...大四喜入面仲有d士多啤梨粒..當士多啤梨粒同桂花酒釀一齊食就會變得好match!男友話如果無左士多啤梨粒會好寡..士多啤梨粒就好似神來之筆一樣點綴左呢一碗大四起！店內雖然地方唔算大但係我覺得好企理...toilet都好乾淨...
老闆娘空閒時都會過黎同我地傾下偈...我地好奇之下問佢點解叫做車品品...哈哈..唔知其他人知唔知呢..如果大家想知可以問下老闆娘架..我相信佢會好樂意答大家...老闆娘溫暖ge笑容真係好少o係第二度搵到...希望大家都會為呢份笑容同熱情感動....
P.S. o係食野時我地幾個不斷咁加單，老闆娘對於我地胃口方面都大為驚嘆...
P.P.S.遲下我會再同男朋友去食架...車品品真係食過翻尋味..希望將來老闆娘研製更多好味ge菜色...多謝你呀老闆娘！呢一餐我地幾個都食得好開心！

聽日(6號)重開啦!!我唔係買廣告,
對於我呢D FANS黎講...真係好開心呀!!
又有機會試番老闆娘D手勢~~

認識車品品, 是大若前年的時候開始,0個時返學前會來食一碗車仔麵, 是我晚上上學的原動力.
正如好多人所講, 老闆娘的服務態度真的很好. 對員工亦是,是一位難得的老闆娘, 剛剛開店態度好的有很多, 看下去才知原來已有5-6年的歷史, 可以keep住服務態度實不容易.

梨茶亦是我的最愛, 冬天的時候飲是熱的, 很滋潤. 很喜愛..

值得在這裡表揚的是她曾經有一段日子公開某一天的利潤全數歸一個愛心籌款, 還於入數後貼上收據,十分誠實,愛心滿載..對我來說一間小食店,是一件深刻的事..

什麼時間來都是多人的, 客人大多都會跟她有傾有講.

遺憾未食過佢\\\既粉果,因好多時賣晒, 而且車仔麵同自製菜脯結合很美味...有一段時間她還自製麻辣油都很美味, 真的有很多唸頭, 敢於創新的老闆娘!

長話短說, 一個字---好!

我第一次幫襯, 老闆娘好親切, 不停咁講野,
我唔覺得煩, 我好鍾意佢果種態度,
因為佢有擺個心落去, 所以我之後都有keep 住幫襯,
雖然佢而家執左, 但係我都好希望呢個網可以留住佢個
名, 佢間舖開左檔新野我都唔想去試,
因為一定無以前咁好味, 野食佢都算唔錯.

現在結業真的很可惜! 期望佢仲會開多一間新舖,
幾遠都會去幫襯, 一言為定!

推介: 什米走內臟

一直係車品品熟客, 喜歡老板娘那份對食物及客人的熱誠,雖然唔係成日幫襯,但每次去到都有好窩心的感覺,點知有晚行過想食糖水,發現已經改名,非常失落.....老板娘如果再開舖,記住通知一聲,一定再幫襯
ps 非常懷念海螺藻西米糕

個價都ok la....平唔平,貴唔貴...不過等好耐lor真係...唔係特別野都等好耐...味道中中地...

於車品品closed 前兩天去食, 同我位同學放學後去等了1 hour ,都值得!!!
試咗蝦子魯肉餃& 啊婆蛋糖水.
魯肉餃內有甜的菜甫, 加上鮮甜的蝦子湯底, 一流!
至於啊婆蛋糖水, 比一般的蛋花糖水不同, 內有可口的甜雲吞皮,及一份老闆娘的熱誠!
往事真的只能回味!

誰說的
到車品品, 消費20元, 絕對足以推翻"平嘢無好"
蘿蔔: 入味
豬紅: 有咬口
牛腩: 炆得淋
碗仔翅: 足料

自製花梨蜜: 清熱潤喉

唯開鋪時間較晏, 太早到所以"魯肉餃" & "紅豆沙"重未ready, 遺憾.....

It was really good to me as I came back to Hong Kong this time and I met with the last night of Bon Bon Cafe.

A friend of mine took me to this small restaurant in Mongkok. He told me that it was the last chance for him to try the foods there because it was going to close afterwards. Lucky, he was a loyal customers there and he ordered everything for me. The foods were really fantastic and creative. Although it was my first time to try, I really missed the foods. It was a good experience for me to try those domestic and cutie food, together with excellent service and extreme low price.

I think it will be too difficult for my friend to find another good place like this.

Hope that Bon Bon Cafe will be back very soon. When I come back to Hong Kong next time, I would like to meet with you somewhere again.

突登楝星期四去車品品買外買, 因為都知星期五, 六會好多人, 但係由奧海城一轉入去, 遠睇已經見到有一條人龍, 車品品嘅威力真係驚人.
但係排吓排發覺原來呢條人龍係排緊堂食, 所以即刻殺上前面俾張外買紙老闆娘. 雖然做到頭暈暈, 但係老闆娘依舊笑容滿臉, 態度親切, 唔好意思前唔好意思後, 又多謝前多謝後, 就算等咁耐都係值得.
全香港嘅食肆應該要學吓呢種服務態度喇, 多嘢做都唔應該黑口黑臉對住客人

等咗大半個鐘先出到我地d外買, 老闆娘又多謝前多謝後咁送我地走, 即刻飛的返屋企食.

哎咗咩嘢食唔多講喇, 味道都唔多講喇, 不過當我打開魯肉餃個蓋, 一睇, 咦? 點解好似.....細隻咗咁多嘅? 我記得第一次食嗰陣時係好大隻架? 不過算啦, 味道搭夠就得啦.
糖心皮蛋同蝦籽白粥都係第一次食, 咸咸香香嘅蝦籽令到一個普通嘅白粥變得更加好味, 我仲撈咗d糖心皮蛋落去食添, 變得勁好味.

飯後當然唔少得糖水啦, 今次買咗紅豆沙同芝麻糊, 不過紅豆沙就稀咗少少, 而芝麻糊又杰咗少少, 好似變咗芝麻膏.

車品品已經結業, 遺憾嘅係唔能夠試晒每一樣嘢食, 希望有一日車品品可以帶俾我地一個喜訊, 喺某一個角落, 某一個地方再可以見番老闆娘啦

仲有, 老闆娘呀, 妳俾灟咗個好好味嘅碗仔翅我呀

第一次, 最後一次.

六時半來到, 已有不少人在門口集結. 得了個一一號籌.

七時多才開店. 一號籌? 一號籌進場. 一號籌落單, 一號籌和老闆娘吹水, 一號籌入單. 二號籌? 二號籌進場. 二號籌落單, 二號籌和老闆娘吹水, 二號籌入單. 一號籌還加單.

外面的人又焦急又妒忌.

心想, "邊有人咁做生意架, 好唔efficient喎."

如是者, 八時正, 終於到我. 一早盤算好, 要魯肉餃蝦子麵、溏心皮蛋、大四喜. (再追加秋梨茶.)

話題不知是如何開始的. 坐著坐著, 竟與同檯兩名食客, 身旁兩名輪籌人士聊起來. 還愈聊愈起勁. 萍水相逢, 只談吃喝, 不談煩惱, 也是一種浪漫.

臨走忘了問老闆娘:
1. 蝦子落得咁重手, 唔駛錢嗎
2. 皮蛋溏心到咁, 蘿蔔又完全無渣, 你會gm的嗎

她不會做生意, 才有這樣的車品品. 回家一路上, 不停在想.

桂花香還甜滋滋的在口腔不散.

第1次亦食最後1次黎食車品品!!
大約6:15pm去到,等左半小時先開鋪...
好好彩一開鋪我同朋友就有得入去坐!!
叫左好多野食..

碗仔翅+蘿蔔+甜蛋湯真係好正
係第2到真係食唔到。
其他既都唔錯,好味!!!

食既其間不停聽到老闆娘"唔好意思"
仲成日見到佢唔收$$ or收少d既情況!!!
老闆娘真係好好
如果車品品再開,記住係到通知聲呀!!

平時很少會在一間餐廳的最後一個營業日去幫襯，因為覺得此舉有點「運吉」。但是與幾十位OR食友一起「運吉」，熱鬧非常，感覺良好。

八時到來，一班見慣見熟的OR食友，加上在等位在食野的食客，少說也有數十人或站或坐在舖外，以一間位置吊腳的小舖而言，是一個小奇蹟之餘，也都蔚為奇觀的。

雖然大家都不預期會吃得到心儀的食物，但難得的是，老闆娘及肥叔叔在忙碌踢腳之際，都不忘照顧我們這些不請自來的搞事者的五臟廟，所以是晚所能吃到的，一點也不比平日為少。掛頭牌的四大甜品是阿婆甜蛋湯、大四喜、粗芝麻糊及老陳皮紅豆沙。四款吃勻，最喜歡的是甜蛋湯，簡簡單單，但又甜美順喉。大四喜是「桑子特別版」，三粒紅桑子，浸著桂花，賣相靚絕，是上得大檯的一味甜品。紅豆沙及芝麻糊當然保持一貫水準。另外亦當然有由第一次光顧吃到最後一次光顧都在吃的甜美無渣的蘿蔔，加上冬菇及老闆娘自製的可樂蛋，其實事先唔打底都夠晒飽。

除了食物，場面也熱鬧非常，幾十位食友在寒暄問暖，各自各精彩，有露露的馴小狗表演、幾位壯男食友的押酒示範、幾位靚女食友的暗渡陳倉、飲極唔完又源源供應的紅/白/啤酒、又有回歸男食友細訴他與某已轉倉的「心淡」女食友的斷藕但沒有絲連的迭事，當中還有他與前最多食評的女食友的種種瓜葛……真的要幾精彩，有幾精彩。

套用食友丁丁丁的標題，「別離是為了更美的相聚」，希望我們在某時某地，再嚐到老闆娘的手勢，再經歷是晚的熱鬧氣氛。

想看多一點是晚的相片，可以來這裡：http://www.imagestation.com/album/pictures.html?id=2107871741

3月28日

這是一間我很喜愛的小食店......位於大角咀
還只是食過一次...老闆娘親切的態度和特別的小食令我一試難忘...
最近得知老闆娘因為私人理由...要在本月底結束營業
以後唔知再有冇機會食到咁特別o既魯肉餃...決定親臨光顧最後的晚餐
夜晚6點鐘去到仲未開鋪,但門外已現一條小人龍
為了美食,我是願意等的
結果一等...便是1.5小時了......
我沒所謂,卻連累了陪我排隊的人,對不起呢...
可以,我認為這時間換來的,依然是值得

我急不及待...一個人去foodcourt度慢慢食,悠然自得~
我要記著這種味道,希望他朝我會搵得番依隻味...
老闆娘...妳點解要唔做呢? 我真係好唔捨得架......

原本以為做到月尾...原來,明天便是last day...
第二次,亦係最後一次...