經過油麻地，特意來吃一碗喳咋。

喳咋用料十足，有很多豆、芋頭、西米和椰絲等。很香椰子味，雖然很"杰"，但十分香滑，保持一貫水準。

真係得喳咋馳名?!?!?!?!

當日黠了合桃露, 點知上枱之後, 就發現顏色古古怪怪.
一食落口……
嘩~~~ 差到震
似煲左幾日賣唔晒再煲再賣又在煲又在賣
唔係即磨之餘, 重似開粉
食左兩啖令願唔食
比錢走人!

真係唔會再光顧

用＂喳咋＂黎做自己既舖頭名, 我估佢哋既喳咋就係佢哋拿手好戲. 但係我真係好耐都無食過芝麻糊, 所以我都係點番我既至愛"芝麻糊加湯丸".

熱辣辣既芝麻糊上枱, 第一啖放入口既時候食到有好香既芝麻味, 又唔會好水狀, 甜度係中等級別, 我個人喜愛既甜度甜左少少... 啱啱上枱熱到辣嘴既時候都仲OK, 但係凍左之後就黎覺有D甜過頭. 但係佢粒芝麻湯丸就好好味, 佢個芝麻涵仲甜過個芝麻糊, 但係夾係湯丸入面, 配埋湯丸既粉咁就啱啱好. 好味!

因為我本身食鐘意食熱野, 所以我都無留意, 但係我D FRD就話佢哋落ORDER想凍食既時候, 佢哋話得熱無凍. 但係我哋又見到有D又真係有凍食的喎. 可能係一DD糖水啦.... 另外, 佢D糖水係掛晒係牆上面, 用古代中國數字黎寫價錢. 雖然小學嗰陣有學過, 但係一早已經還番晒比小學MISS阿SIR. 幾特別, 食糖水學中文... HAHA!

芝麻糊普通, 下次可以試下其他糖水~~~

上星期買左「鵝記」喳咋,今日試「源記」。
我覺得好普通囉!「鵝記」同灣仔「發記」好食好多!「源記」唔夠芋頭。椰奶係多,但其實椰奶係無乜味ga ma!喳咋要有椰香,椰絲好緊要。佢既椰子唔知係咪唔靚呢?刨出的椰絲,烏眉恰睡,無生氣,份量一豌只見幾條。
「源記」唔係唔好食,不過有比較下,會揀另外o個(兩)間囉。

食完煲仔飯，我同男友行行廟街
突然見到有一間糖水舖，仲有好多人排隊喎～
見到果板寫出馳名：渣咋，生磨花生糊～
愛吃花生糊既男友見到
我又心思思想試下~
結果就入去試呀~

渣咋~好足料, 勁多豆, 甜味OK, 但係就食到有少少怪味(但又唔係臭味喎~ ) 唔通走咗奶係咁?
但都OK既

花生糊加湯圓, 湯圓勁差, 好硬, 但湯圓皮係用黃糖做, 好特別,但饀料好實, 好難食呀~
花糊就一般

但價錢就不是平宜呀~

我地三條友十點去到, 竟然坐到爆晒, 枱都冇得再加, 心諗: 0甘正, 人多成0甘, 加上個FD大力推介, 唯有行下街再返轉頭. 行0左大半個鐘終於有位, 當然要試下喳咋啦, 一人一碗. 好多花奶, 亦都好足料, 只係味道同阿媽屋企整0既冇乜兩樣, 搵唔到咩POINT可以誇獎.....唔.....好足料0羅......

吃過也不錯的咖哩後，和女友稍移玉步來了美都對面的源記，吃一吃甜品，這間源記跟彼岸的源記雖然是同名，但其實大家的強項是有所不同的，但同樣的是大家也很出名，彼岸馳名的是桑寄生蛋茶，此處出名的是喳咋。

也隨便的找了個位子坐，因為和女友已經是很飽了，所以決定二人分吃一碗喳咋，一位年青的男子用大匙羹在一個浸在熱水浮動不定的煲內舀一下，再加上點花奶即成，熱騰騰的端到了枱上。

未吃已經嗅到其椰漿的香味，用匙羹舀一下，真的是很豐富的材料，分別有椰絲、眉豆、紅豆、西米、芋頭、花生及紅腰豆等，加上濃濃的椰漿，吃起來是很香椰漿味，而且其稠度適中，吃起來很滑，絕對是花奶的功勞，加上材料與湯的比例適中，不會吃到滿口豆渣，紅豆、眉豆、花生、西米及紅腰豆都被煮得很軟腍，咬起來是粉粉的散出豆香，另外值得一提的是椰絲下得很足而又切得幼，使喳咋的味道更好，同時又不會令糖水很粗嚡，芋頭煮得軟腍夠哂粉，很不錯。

上述每樣的材料也做得出色，加上來當然是非常之美味，這碗喳咋的難忘程度，應該絕不比彼岸的桑寄生蛋茶低，正！

既然到了鵝記一吃她的所謂"澳葡式"喳咋，又怎會不欲回到在附近的源記再下一城 ? ...

仍是老舊的那一碗熱喳咋 --- 用料雖沒有鵝記的多，但這裡下的椰絲是比較重手，花奶份量亦落得不吝嗇，所以吃落亦是香得多；甜度方面是調得比鵝記的重，質感就沒有那麼稠，就個人而言，是較對口味....

想不到這兒的芝蔴糊也弄得不錯。吃落很滑又不算特別的杰身，甜味亦屬太座可接受的水平，是不過份的濃甜；同時亦有着淡淡的芝蔴香，沒有那種炒焦了的"囉味"....

若喜歡吃喳咋的朋友，絕對要來一試。若同樣喜歡芝蔴糊的，就更要快一點來了.....

之前都有食過佢地D渣咋... 真係...
今次因為約左朋友係附近食飯,
佢地提議食糖水,咁就去呢間啦...
今次無食佢地既渣咋~~
試左個叫做<白果腐竹雞蛋糖水>,
先講腐竹... 唔知佢地係唔係煲得勁過頭.... 完全搵唔到腐竹囉....
碗野....唔可以叫做腐竹糖水
D白果... 粒粒都係苦既....
雞蛋---正常, 糖水---都係正常----真係--糖加水囉...
我男友叫左個蜜瓜西米露,
個店員竟然問都唔問.... 就將D蜜瓜汁既西米露加哈密瓜...
我男友問係咩黎既???
佢先話因為無蜜瓜~ 所以用哈密瓜....
完全唔掂囉!!!

晚餐後在廟街逛逛，行吓行吓見到源記，記得呢度嘅喳咋不錯，所以就入咗嚟啦。我要喳咋($14)，老公要番薯糖水($11)。呢度鋪面不大，客人很多，人流又快，好似一有人走，跟住就有人入嚟，但又冇人排隊，真喺時問間啱啱好。

講番糖水，喳咋不錯，十分足料，有紅豆、眉豆、芋頭、西米和椰絲。芋頭很香很淋，加上花奶，十分香滑，好味道。但老公嘅番薯糖水就唔合格，番薯夠淋，但好乾又冇味，糖水唔甜又冇薑味。

昨晚一丁友經過呢間舖,口痕痕入去食碗合桃糊,可以用"份量十足"來形容,味道亦很濃,唯一不足係磨得太勁,期待食到少少合桃碎,不過咁大碗14蚊算係抵......店員服務態度一般,可以接受既~

去年夏天，闲散至傍晚，艺术机构大门紧锁，空空胃袋大口全开，也不知怎地会选择一个糖水店解决晚餐。
店铺简单到极，冷气阵阵，老式的数字很亲切，阿叔颇为礼貌客气。
冻渣咋，杂豆芋头画龙，每一样都煲得形散神不散，粒粒分明入口即化；椰汁淡奶点睛，香滑浓郁不腻口。一碗很快吃完，八九成饱了，盘算着下次再来帮衬

又來電影中心看戲, 還有十分鐘就開場, 本想先去美都飲杯奶茶, 赫見重門深鎖, 閘門外貼上鮮紅告示, 寫道店家正放著悠長假期, 唯有轉移陣地, 來吃在正對面, 上次因太飽未有機會吃的喳咋。其實店內還有其他糖水出售, 但既然以喳咋掛頭牌, 當然吃招牌菜啦。

還未坐低即來一碗凍喳咋, 看著牆上的舊式價錢標示, 我要做好一會文字推理才知道要多少錢。一埋位那碗喳咋已來了。首先是厚厚一層花奶, 為了試真喳咋料的味道先行撥開, 之後再混合一起吃就會很香滑的了, 而且也沒有下椰汁的油膩感覺呢。這裡的喳咋也相當足料, 落足紅豆、腰豆、眉豆、西米和芋頭, 絕對可以當飯吃, 煲得淋軟鬆化, 但由於是凍的關係, 感覺上比較黏稠 (yuck) 而且香味和甜味都不太顯, 吃得甜的, 點熱的該會較滿意。

店面簡約到無可再簡, 店員的招呼也如是, 吃完即閃。

彌敦道那邊好像還有家叫鵝記, 也是吃喳咋的, 下次來看戲行多兩步去比較一下。

今晚同大少食飽飯, 又去埋圓方換咗件衫, 咁就行番去廟街食糖水啦.......

入到去都係得2枱客, 可能時間尚早啦. 睇咗一輪之後, 大少order咗個合桃芝麻糊, 我就order咗個黑芝麻豆腐花...

我個黑芝麻豆腐花, 芝麻糊好似用粉開, 得個甜字, 又杰, 又無咩芝麻味, 豆腐花就好實...整體嚟講呢個真係"糖"水....

大少碗嘢都無咩味道, 都係好似用粉開咁無以前咁香, 味道係比之前差咗

二零零九的第一個凌晨，於圓方附近空地觀看了 IFC 煙花倒數後，隨人流走到了佐敦渡船角一帶，不論是堂記、重慶串燒皆大收旺場，唯有無奈地向油麻地方向進發。走過了油麻地警署，便到了廟街的源記喳咋，每次到電影中心看電影總會經過這間喳咋專賣店，但因本身不好豆類中式糖水而從未試過，新年新嘗試，就決定來一碗吧!

其實我點的是花生糊，妹妹卻拿來一碗花生糊喳咋，既來之則食之，花生糊味道還算香濃，內裡材料亦甚足，眉豆、紅豆、花生比比皆是，始終自己不好此道，當身邊人轉眼已輕輕易將原味喳咋解決時，我的卻仍舊原封不動似的，令我略感頭痛．．．心想總不能浪費美食 (雖然我不懂欣賞)，於是便合上眼，只花了十秒時間將所有東西吞下肚，總算是任務完成。

豆類中式糖水，看來還是與我無緣 (註: 是次因自身不好此道，故不作評分)