開飯介紹
「丸龜市」是四國香川縣讚岐地方裡的一個城市。丸龜社長售賣祖籍的家鄉食品讚岐烏冬，並以爸爸的出生地命名，所以便叫「丸龜製麵」。即製、即煮、即食的日本讚岐烏冬 獨有的點餐方法，隨意選擇配料，吃多吃少，小食佐料，任君選擇！按個人喜好，創造完全屬於自己的個人口味！
繼續閱讀
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
招牌菜
食家推介
相關文章
有啲電影贈券就到期，唔用就好嘥，所以，趁到期前嚟到「isquare」嘅「英皇」睇番場戲，而之前，順道晌度搵搵食。因為時間所限，就唔可以太嘆，所以，搵咗「丸龜製麵」，一來佢近戲院層，二來烏冬啱晒我老婆。入門口左邊就已經喺開放式廚房，其實餐廳都深長，走入啲仲有好大片用餐區，地方真喺幾大。裝修以一貫和風木料為裝潢為主體，簡約而帶有溫暖感，枱與枱之間亦唔算排到好密。雖然名叫「製麵」，但其實喺間讚岐烏冬專門店，仲以全自助形式運作，由揀主食烏冬、選配菜、取調味、回收餐盤食具，都喺一條龍自己服侍自己。正正門口，抬頭一望就見到有咩烏冬選擇，但亦有少少飯類。櫃枱面就放咗啲新產品介紹，如果唔想多諗，又想試新嘢，咁就不妨喺呢啲新產品中考慮下。拎完烏冬之後，就喺一排天婦羅或炸物嘅自助吧，想食邊款就夾邊款，如果見到某啲款式無晒，同師傅講一聲即刻再做俾你，定價$12-$22，正所謂豐儉由人。未俾錢前，仲有最後一站，就喺加配嘢飲，都喺啲樽裝、罐裝飲品，定價唔平，但如果有選天婦羅，加配價會慳返啲。最後，除咗拎餐具，仲有一處自助調味料區，有清新嘅蔥花、微辛嘅薑蓉、卜卜脆嘅天婦羅脆粒及特製鰹魚醬油，更教埋你點好好利用啲調味料嚟提升滋味。和風蜆肉烏冬 $49、蟹棒天婦羅 $17、日式炸餃子 $21呢個喺老婆所選嘅組合，好在揀中份，啲烏冬份量已經好多，此外，蜆嘅份量亦喺好多，有相你見，而且，啲蜆唔錯，夠鮮味，又無沙；個湯頭好清香，烏冬滑溜有韌勁，好味喎！蟹棒天婦羅好大條，外層嘅除咗夠薄身，入口都唔算油膩，而蟹棒本身亦唔喺啲溝粉貨色，所以質素算OK；日式炸餃子比起煎嘅，成嚿都好脆身，裡面豬肉餡鬆化多汁，比預期好食。京蔥鴨肉湯烏冬 $57、野菜魷魚 $19、蕃薯天婦羅 $12小弟就試啲新款嘢，碗烏冬京蔥就俾咗好多，相反鴨肉就個人覺得有少少偏少，還好嘅喺啲鴨肉幾好味，嫩滑唔羶，有陣陣鴨肉嘅獨特香味，湯底喺醬油湯，算唔上好特別，OK嘅。野菜魷魚即喺混咗野菜嘅墨魚餅，口感都算唔錯，不過個人覺得好似墨魚成份唔喺好多；反而蕃薯天婦羅好食，因為炸得外層甘脆，裡面嘅蕃薯好夠粉，就充滿蕃薯味。豆漿 $15豆漿本應就$15一支，但個收銀哥仔好醒目，幫我搭埋最貴嘅炸物做套餐價，即喺將日式炸餃子加豆漿夾埋只需要$27，慳咗$9。「大和」啲豆漿唔錯嘅，豆味濃郁，又唔會太甜。食完之後，要麻煩閣下動身將托盤及食具送到去「返却口」，貫徹「全自助」嘛，其實家有唔少快餐店都有咁嘅做法，一人行多一小步，都好濕碎啫。食完再坐下，慢慢磨，校啱時間先過去戲院。由於今餐喺食湯烏冬，啱晒老婆口味，所以，佢都食得滿意，加上「丸龜」啲食物都算喺唔錯嘅，份量又夠。
繼續閱讀
今日想食日本野🇯🇵，但係又唔想食得咁貴喎，所以就決左食呢間啦。🌟冷烏冬🍜｜$33叫左個中size既，份量對女仔黎講岩岩好。個烏冬輕微凍凍地，幾煙韌爽口，再點埋d醬油，加d芝麻其實都幾好味。🌟炸雞天婦羅🍗｜$14D炸粉淋哂，已經一啲都唔脆。但係個沙律醬都調得幾好味，同埋有三舊，份量都幾多，所以以呢個價錢黎講可以接受。因為所有野係自助既，所以唔洗加一，食左$50都唔洗。🙃😋推薦指數：8/10
繼續閱讀
朋友，話你知！今日啲烏冬真係正到爆💥！我去咗丸龜製麵試咗佢哋嘅招牌烏冬，真係一啖麵，心情大晴🌞。首先，個燒雞温泉蛋烏冬啱晒我呢啲愛攪拌嘅食客，雞肉咬落去上汁又香口，加埋啲温泉蛋黃，攪一攪嗰陣，個汁都包裹哂條條麵，滑溜溜又涮嘴，真係食到停唔到口😋。但呢，我覺得豬軟骨烏冬就普通過啲，雖然豬軟骨腍滑，可惜啲麵條就無乜特別，比較了得嗰個燒雞烏冬嚟講，就差啲精彩，啲肉塊又少咗啲，味道重成唔夠足😕。再講吓炸物啦！我揀咗幾件出前哋嘅炸物，真係外脆內軟，又唔會太油，反映到厨師嘅手勢靚仔。喺呢種自助形式，自由揀選，真係幾百搭檔，輕鬆咗好多👌。換句話講，呢度睇落尋日尋夜都人流不斷，啲位坐得幾舒服，食完餐牌要自己收拾，環保低碳嘅小確幸🌱。總括落嚟，丸龜製麵絕對係件簡單、美味、抵食嘅好去處，下次食飯，我地又見！🥢🍜👀
繼續閱讀
今日係尖沙咀 iSQUARE睇戲，諗住係睇戲前食個快飯，所以揀咗丸亀製麵食烏冬。餐廳入邊都幾多座位，係自助形式，有超過10種口味嘅烏冬可以選擇，揀完烏冬仲可以加炸物，食完要自己搬番個托盤去回收處。今次嗌咗牛肉麻醬伴烏冬同炸野菜魷魚，佢嘅烏冬煙韌有咬口，撈埋麻醬同牛肉汁一齊食好夾，個味唔會太咸，牛肉嘅份量適中，嗌碗細嘢都已經夠飽。野菜魷魚入面有啲紅蘿蔔同椰菜嘅粒粒，同魷魚肉拌勻之後再拎去炸，食落魷魚味唔太重，口感似魚糕，但唔太油膩。總括嚟講，丸亀就係CP值高嘅平價烏冬之選！📍尖沙咀彌敦道63號iSQUARE國際廣場6樓609號舖位置就腳：🍊🍊🍊餐廳環境：🍊🍊🍊食物味道：🍊🍊🍊🍊整體CP值：🍊🍊🍊🍊🍊
繼續閱讀
Marugame is a self served undo shop which you take your own plate and choose your dishes and go to the cashier and pay, the service is so helpful hereOrdered Charcoal grilled chicken mixed undo, the taste is pretty nice, they don’t have soup insides, instead you can stick undo with half boiled eggs, and you won’t find it dry but so moisturized, the chicken pieces are yummy but not well cut, all pieces are connected insides:menu:Japanese quick undo shop having high cp value if you don’t mind self serving meal, the chicken undo is cool
繼續閱讀
您可能會有興趣的...