最後一站來到了天后的Mimosa Patisserie
點了芒果拿破崙及士多啤利拿破崙
與食家所言的一樣 服務員的態度有夠差的
問了要什麼後 我們答芒果拿破崙及士多啤利拿破崙
她便用有點不耐煩的態度問我們 "仲有無其他野要".
她的態度....唉....
食物方面 拿破崙挺夠酥脆的
芒果甜酸度較合理 士多啤利則略酸
與友人一人一半 即一人食一件的情況下
感覺到有點兒滯
加上 第三站文華的精采 及 此店服務員的態度.....
此店算不上一流唷
只可以說比普通好一點罷了...

另外 叉要一蚊一枝 店員說會損給聯合國什麼什麼基金?
如果是真的做善事的話 也可以接受的
希望不要以這種方法來欺騙顧客吧!

我之前一日打去預訂,因為我上網睇到d人話唔訂唔會買得到
我就訂咗一個十件嘅完整芒果拿破崙,打電話去訂嘅時候嗰個人真係串串地
不過又真係幾好味,本人覺得好味過Tony Wong嗰個芒果拿破崙

食過2次..水準keep到
芒果既份量唔多唔少o岩o岩好
芒果同d custard個味好夾
酥皮好脆好好食
第1次去個員工態度幾差串串地
但而家已經改善左

友人買過mimosa既拿破崙上黎公司比我食, 一路都想同老公分享.

上星期難得過海去北角, 走既時候打電話黎問有無供應, 確定有之後就搭兩個站黎買返屋企.
買左2x 芒果味 + 2x 士多卑梨味 拿破崙, 夜晚做甜品. 餅好香脆, custard 又好好味, 兩者真係配合得好好, 老公都好中意食.
咁好味既野一定好肥膩, 但一年都唔黎天后一次, 所以就放縱下啦~!
Lucky 我遇到既店員好有禮貌! 希望呢間店keep it up!

同男朋友掛住呢度的napoleon, 特登楂車去.
我一推門, 個黑面女人大聲加語氣甚不友善話: '小心小心' (似怕我整爛佢d嘢)
其實我唔知佢驚乜, 算, 我小心d, 同埋索勝出面等

一陣, 佢開門

'請問有無Napoleon ?' (因為個雪櫃無cake + 熄咗燈)
'有'
'我要両件吖'
'要咁多詐?"
'係'

我去買cake 食, 為開心, 同埋佢的napoleon 真係好食,
不過, 過完今次,我唔會再去買囉, 要睇面色, 同受氣
(一係叫男朋友買, haha)
雖則你係出名好食, 但唔代表要客人受氣囉
唔好意思, 今次要俾喊
(我之前有寫過對佢的食評, 係笑ga !!!)

七月二十二日 (星期四)

六月小姐買了Mango Napoleon請我們吃
多謝^.^辛苦了~專程到天后買回來中環

我與另一同事share一件,因為剛剛吃完了lunch^^
吃Napoleon是很自私的,因為很難和別人share
我吃了上面一層
果然好吃呢
很脆,而且cream的味道香滑
芒果本身亦甜
真是一件完美的Napoleon呢!

在幾間做Napoleon的餅店之中,我覺得:
Mimosa > Tony Wong > Agnes b.!

P.S. 不用錢的,當然是五個低食

早早返到教會退按金時宜，咁仲有兩個鐘，不如就去食傳說中既Mimosa啦。
仲以為好難搵，點知A2出口對面已經係金殿大廈啦。

叫左出名既芒果拿破崙，個皮鬆就鬆啦，但最好味既係Cream
(Custard味唔重)之間既香芒粒，新鮮有香味既，不過D餅碎都幾散@@"

個女店員對住我都ok既,但入左廚房就「暢所欲言」啦。
27蚊一件唔算貴,但我對佢既感受唔深囉。

今日有同事last day請大家食cake..其實之前食過佢o既芒果拿破崙2次..今次就試士多啤梨拿破崙!!食過3次..真係覺得唔寫食評介紹人食..會對唔住自己因為真係超好食~~!!

士多啤梨拿破崙
呢隻拿破崙有3層..每層都有大量鮮甜士多啤梨粒..加上濃度同甜味適中o既custard..真係超讚不得不讚佢o既千層餅都做到好鬆化~!!一d都唔硬又唔油~!!令人回味無窮!!

食過幾次napoleon, 都係時候試其他款式, 適逢上個月是三公主出生紀念日, 而她今年想吃Tiramisu, 就買了這個5"size, 4人吃剛好一次K.O.

這個Tiramisu味道唔錯, 都有咖啡香又creamy, 上面既可可粉又夠濃, 餅底係海綿蛋糕, 如多少少酒香就更好.

都係個句, 門面姐姐既attitude有待改善, 如果唔係個整餅師父了得, 真係搵人買都難.

幾年前在一個長輩壽宴飯局食了一件好好味既mango napoleon, 只知道cake shop係天后, 又唔好意思問主人家, 為有四圍試. 王老太成日都想再回味一番.

有日無意中係openrice睇到一編食評, 就估會唔會係呢間. o尋日下晝就打去問napoleon有無現成個裝(想買mother's day cake), 但原來要1日前訂, 咁我為有預留件裝放工後去攞, 還買多了件chocolate truffle.

王老太第一時問食第一口, 佢話就係呢種味道, 我都有少少印象係呢件. o的酥皮比Agnes'b既要脆, 又不太甜, 不過我嫌o的custard比較實, 唔夠滑, 總括來講都算唔錯, 會再幫襯其他cake.

o尋晚宵夜食napoleon餅, 飽到第二朝>_<!!!!

店員不算很友善 但很醒目
但可能其mille feuille實在太巴閉 要收埋-.-"
一入去蛋糕櫃不見其跡影
但一問之下 原來要幾多有幾多
mango napoleon $27 / pcs
買了3件。


很足磅 估計應有agnes b x2 那麼大 (maybe 2.5?)
最抵讚是mango 粒 filled.
跟custard混左一起 很美味

custard比agnes b的沒這麼甜 抵讚。

mille feuille那精髓 - 一層層果效 做得很出色 能見到的。

切開時因手要抓著 感覺到比較多油 很痴手.
口感鬆化 但個人不太喜歡.
感覺很濟肚 很怕。


抵吃.. 但不會再特意走去了。
openrice的朋友讀到天上有 2xx個笑臉 真的飛了幾個問號出來
可能口味不同啦.



more info @
http://venvennn.blogspot.com

屋企人超喜歡食, 差不多一個月食一次~
芒果同埋士多啤梨都有買, 始終都係最愛芒果味拿破崙，拿破崙個酥皮夠脆，好香既牛油味，吉士滑，每層都有吉士，保持水準~好味道!!!!
CHEESE CAKE就點都唔及拿破崙啦!!所以呢次之後都係只買拿破崙~

芒果拿破崙同埋士多啤梨拿破崙都有買,係就係貴左D 但終好過...買左返來又唔好食.


但我始終都係最愛個芒果味拿破崙，拿破崙個酥皮好好好好好脆，牛油味仍然好香，繼續保持一定水準~好好好好好好好好味道!!!!

想為晚上睇波做d準備，一於買d甜品黎睇波，路經天后，好自然諗起呢到既拿破崙。

拿破崙有兩個味，芒果同埋士多啤梨。兩款都有要到，不過都係鐘意芒果多d，個拿破崙個酥皮夠脆，好香既牛油味，吉士亦夠香滑，每層都有吉士同埋芒果/士多啤梨，整舊野又唔會太甜，好味道。

$27蚊件，係有水準既拿破崙。

今年的第一個生日蛋糕，是Mimosa的芒果拿破崙。

久仰這品牌大名，說了好耐要試要試，卻遲遲未有成事，萬料不到會吃到這生日蛋糕。

這件拿破崙，酥皮是酥香鬆脆，散發牛油香，吉士不會太甜，幼滑細膩，夾在中間的鮮芒果肉，清甜無比，相當好吃。整個組合，配搭天衣無縫。

再次說聲謝謝！