香港小肥羊真係絶少幫襯, 一來貴, 二來任食只得荃灣店(但每人只送3両羊肉), 再加上深圳店價錢比香港店平成一半, 所以每次北上都任叫羊或其他都唔駛睇價錢就住叫… 不過尋日睇報紙, 真係俾佢既廣告吸引左去, 因為香港全線都有任點任食火鍋供應 (但每人都只送3両羊肉), 但重點係每人再加 $30 (見備註一) 就有多5款羊同海鮮, 您話吸唔吸引丫

<服務>
女部長見我哋有張送羊肉既 COUPON, 就跟住同我哋講 : 您哋得2個人可以唔駛加 $30每位任食喇, 因為送果碟有 6両, 再加埋本身既 6両都ok 架喇, 再叫其他嘢食囉, 唔好浪費嘛 ~ 讚!
另有個阿姐周圍幫人套櫈套, 仲鬼咁有禮貌咁講 : 唔好意思阻住您…, 其實又點會阻住丫, 唔該晒就真 ~ 讚!

<食物~推介>
清湯鍋 - 味道同大陸差唔多一樣咁濃
羔羊肉同極品羔羊 - 2款都好好味, 最緊要羶同軟熟
蜜蒜小羊柳 - 用黑椒等調味料醃製過, 肉質軟滑, 可以一試
羊肉3寶丸 - 羊肉丸超好味同羶, 蝦丸同墨丸就完全無味, 但無淨羊肉丸叫
厚切午餐肉 - 自從午餐肉脹價之後, 任食火鍋己好少有得食, 呢度有仲要厚切喎, 啱晒男友口味
羊肉水餃 - 羊肉少少羶, 水餃皮就薄薄不厚

後記 : 因為有6両極品羔羊送, 所以無加 $30 試下面5款羊同海鮮, 不過只加 $30 就有貴價材料食都好抵

備註 :
一. 每位加 $30, 可任點任食肉蒙極品和羊 / A級羔羊肉 / 羔羊立卷肉 / 極品羊肉 / 骨肉香髄 / 本地生蠔 / 珊瑚蚌 / 青口 / 白鱔片 / 基圍蝦
二. 每間店既價錢都好大分別, 銅鑼灣 $148, 荃灣就 $118, 而旺角就好似 $128… 而加任飲啤酒/汽水方面, 報紙話加 $10/位起, 但銅鑼灣店就要加成 $18…
三. 入座計2小時
四. 茶芥同花生都要各 $10 ~ "貴"

加一支汽水後 2人共消費 :$370

香港有四家小肥羊：荃湾、旺角、尖沙咀和铜锣湾。去过旺角和铜锣湾两家。

旺角那次，本来想吃火锅解馋，坐定了才发现，人均至少150才能搞定，而且汤底似乎就要100。怪不得香港同学总跑到深圳吃小肥羊。可是吃小点就不贵，虽然不好吃。后来到铜锣湾那家，晚上9点后的火锅套餐一人158，比散点划算多了。另外中午12点开始的自助小点，每人才40多块尽情吃，算是非常平的价钱。不过许多人等在门口，必须12点准时到才好。
小肥羊在内地是一个普通火锅店，到香港之后，火锅的相对价钱调高了，火锅外的消费则相对降低了。对于自助40多块的小点来说，店内装修太好了；对于人均消费150-300的火锅来说，装修又太差。所以不喜欢香港的小肥羊，觉得怪异。

据说旺角小肥羊在三家中装修得最差（没跟荃湾的比过），铜锣湾最好。照片里是铜锣湾的门口和店内。

下面話 "BOOK左檯都要等"
有何出奇? 人地做樓面 點樣控制到仲坐緊的客人呀,抬人走咩
唔駛火爆死,體諒下啦!

同家人去維園工展會,
之前想飲茶結果行返到銅鑼灣廣場,
原本想去德興但食小肥羊有$33下午荼,
問清楚都係$59全包就入啦

前菜小碟,好食!
流沙包,真係好"流",一咬開山洪暴發,好!
炸兩,小肥羊春卷,蘿蔔糕,ok
苗餃
芝麻涷糕,清清淡淡!

環境比我想象中好得多,
唔逼迫之余,
每張枱旁仲有張小茶几放茶壺,
裝修算得上有點清雅,
可惜部電視機太細,又得一部,
有等如無,不如唔好放.

員工大致頗有禮貌,
但同下面網友的遭遇一樣,
Ｄ伙計唔佑邊張枱打邊張枱，仲有無記性－－－問我地要咩茶問左三次！
完全一樣!

$59在銅鑼灣
有任食下午荼, 還有什麼好要求?

已經早一日打電話BOOK檯
用餐當日下午對方都有打電話俾我CONFIRM
然後去到就火爆死
3個人好準時去到想攞檯先
對方就話埋梗單好快有檯
點知等左45分鐘，人都一早到齊晒
佢先俾到檯我

已經一早BOOK定檯
都仲要等45分鐘
不停以對方埋左單但唔起身做藉口
又話會安排其他檯
到最後都係要同WALK IN嘅人一齊等

好左我地自己帶左支酒
佢都醒目免左80蚊開瓶費
另外再送兩榨飲品
條氣先順番D
總評先俾個OK佢

食物方面當然非常好食
清湯好入味
墨丸好彈牙
其他食物都新鮮

食物算是不錯
不過regulation 好有問題
1. 一張檯只比一個電池爐，但係我地15個人，最後被迫加$73 愛多個爐
(曾經同職員討論，他們說：『是你們放棄分檯坐，所以你地要爐要加$』)
但其實我們說：『我們先坐下，食住等旁邊的檯埋單』
最後旁邊走了，我們說過去，他們卻說有人訂檯(但還有很多空檯)

2. 埋單時check單，收了4份花生費，但從沒見過
我地問職員，職員都好老實答：『你地有沒有食都要收$，你要既我比番你』
這顯然不是職員服務問題，而是餐廳本身的問題

結論：這餐廳可指定訂某一張檯 & 記得食埋花生先好走 xd

今日明明一個好開心既日子, 因為難得有假放, 點知比呢間野D人攪到嬲到爆!!

事源, 我見到d食評話呢間野D野食ok, 我咪諗住今晚book 位食飯law! 我又見到佢可以book 位ma! 點知一打去, 有位小姐接聽左, 我話想今晚book 位, 佢問我 "你幾位呀!" <---態度幾串. 我答佢2位, 佢就立即答 "冇位wor!" <----態度勁差. 咁我再問幾點開始家, 佢答"全日都係, 你黎就黎啦! 唔黎就算" <----勁串! 對話就完左!

講真, 我諗住book 枱食飯姐, 冇得book咪話冇得book law! 又問我幾位仲咩呢, 姐多人就可以book, 少人就冇位! 咁間野都幾攪笑law! 仲好請唔請, 請左個一接電話就趕客走D接待員, 不知所謂!!!

以後我都唔會去呢間野!!!

今天是紅日假期，以為無位但下午3時到達都有位。
坐低，叫了龍井，很甘。
因不敢吃太多，所以就著來叫。
燒賣，涼泮青瓜，口水雞....不錯
綾魚球- 不太好
灼菜- 推介，很有菜味，多吃無妨，好過自己買來煮。
腸粉 - 很滑
值得一提的是遲來的蝦餃及爽肚，好采有等，晶瑩爽口，一定要吃。
隔離枱個阿姐追個馬拉羔，表示一坐低就叫都未來，很不滿，部長話無貨，她很失望，唔通真係咁好食

落CWB飲茶，爸爸話小肥羊抵食，加上我好想食羊，所以一於去試
佢有幾種食法：1. $58任食自助 2. 全散叫（大中小一律$10.8) 3. 套餐：$33/人，一人可以揀三碟點心／粉麵，經過一番計算，都係覺得套餐抵，我地三個人，可以點9樣野本來仲驚食唔晒，但係因為佢好細碟，所以都無乜難度
鴨胸粉皮：細細碟涼菜，好似麻醬唔夠，但係粉皮ＯＫ爽口，好味～
滑蛋牛肉河：唔油，而且牛肉唔韌～
蝦餃：無乜特別，正常
羊肉飽：羊肉餡比較少，但係勝在夠膻，我好鐘意
豬頸肉串：有孜然粉，比較辣，但係好味
羊肉串：都係比較辣，但係烤得耐左Ｄ，較燶，但係羊肉都唔會韌，好味～
時菜：比較大碟，不錯～
炸雲吞：好大件
榴槤布甸：幾滑，又香榴槤味，但係唔係太有特色～
菊花蜜：套餐送的，幾清潤，好味～
食物唔錯，令我懷念以前去東北西北旅行的日子，而且價錢平，但係服務好差，Ｄ伙計唔佑邊張枱打邊張枱，仲有無記性－－－問我地要咩茶問左三次！態度要好好改善呀！

尋日約左三五知己去打邊爐, 本來意屬譚魚頭火鍋, 但後來發現佢九點後有任食,
變相我七點入去散叫感覺好唔抵食. 所以最後都係決定去"小肥羊".

年幾前食過銅鑼灣呢間唔錯又近收工, 所以就book.

知道佢地有個 $158自選四送餐真係好抵食

我地三個人 (2女一男) 就有 12牒送. 根本就飽到冇可能食得晒.

叫埋一渣蘆薈汁, 一渣銀菊茶.

埋單680連埋加一

個人對數字沒概念, 但吃落口的全都是品質好的食物, 湯底比以前冇咁辣,
可能係要就番香港人既口味吧. 但都ok入口味濃.

短期內會再食

Went to try their Dim Sum buffet, $55 per person plus 10% service charge and tea.

Their Dim Sum range includes all the basics you can eat in any restaurant, such as the Prawn Hargau, Various rice rolls, Beef balls, chicken feet, dessert, and their Mongolian dishes.

I was surprised most of their dishes were satisfactory, the Har Gau was wrapped more like the Mongolian dumplings/Italian tortellini. The dishes that let it down were the beef balls, and lamb dumplings. The beef balls were very red, either caused by soda powder or being uncooked. The lamb dumplings were the worst, it tasted so foul, I wanted to puke after taking one bite.

一上到門口, 濃烈的香料味已撲鼻, 頓時開胃了不少!

和友人坐下, 梗係叫158蚊一位的餐啦!
一碟牛, 一碟羊, 另加d菜, 墨魚滑等.

湯底一上, 咦, 麻辣火鍋唔夠辣既???

比起上次食旺角分店, 辣到爆, 噴火咁滯, 筆了大半辣椒出黎都係咁噴火, 可謂差天共地
同姐姐講, 加辣椒要加10蚊!

咁冇計, 都要俾... 但加左都冇分別

羊及牛都好正, 滾一滾, 5,6 秒便可入口, 正!
肉都係麻辣湯底好點, 皮蛋清湯底則係滾菜合適點.
叫了油墨菜, 今次的好好.
另其他佩料都好新鮮.

服務ok 啦.

個湯底太差了, 好采d料都靚, 如果唔係我喊梗...

約左成班朋友包左個房食佢既BUFFET LUNCH~
佢地點心既選擇都OK. 唔多~ 又唔係太少
有一般酒樓既點心, 亦都有D奇奇怪怪既野
我地幾個都覺得呢間野D野一般黎講 都好鹹!!

唯一覺得OK 係佢既粉皮, 好CHEWY D麻醬味好重 好好味,,不過真係好鹹
佢個芒果+CREAM既甜品好一般~
個羊肉春卷.. 好似得一片咁~ 真係食唔出
個羊肉包好好食~肉汁好夠
個蒙古羊肉餅好似油炸飛碟咁 ,,見到就驚~~
因為我地係房,好難得先點都野~ 好似與死隔絕咁~

唔~ 我覺得都可以試下既~ 好似我咁 好鐘意食羊既人就真係可以黎一次~

一心諗住邊食邊睇大結局，就揀左呢間小肥羊。之前試過旺角果間，水準始終不及銅鑼灣或尖沙咀。

一行四人book定檯，選擇左四人自助餐，一個湯加十六樣送，甜品得兩種任食，其他自費。十六樣野食，樣樣都好新鮮，而且足料，所以食完都攬住個肚走。

十六樣野當中，我地叫左五碟羊及一碟肥牛，好新鮮，而且重試到不同部位既羊，如果有五個人，有一位免費，到時重可以有多款選擇添！

服務方面，絕對係一流，可能果晚個個都留係屋企睇電視，唔係全場滿座，所以一見有食完既碟，待應生都好快手收起，加湯又主動，見多骨既碟亦好快幫我地收，絕對係唔錯！

成餐都係食左$750，都唔使二百蚊一位，出面其他既任飲任食，都要$150（黃金時間），所以俾多少少有好野食同服務質素，點解唔選擇呢間呢﹖

好耐呣去過食過，因爲上次詏撬，當時len以後呣去了。今次同事請客，我哋book咗位 到達時遲咗，
叫左好多嘢 忘記咗帶相機 沒影到相，今次滴服務員服務態度非常嗞好，
出品仍然係好好味
海鮮拼盤好靚，和羊拼盤好食，烤羊鞍，櫻花和牛，仲有小肥羊春卷，其他呣記得啦，真係好食，ha次定要黎呢度再試, 好味！！！
服務菜品bei以前好咗，讚ha

叫左個自選餐，二個人可以叫任叫八樣野，
我同男朋友叫左四碟肉，雖則望落份量好少，原來食落好多
最後飽到食唔曬
我鐘意叫清湯底，好香中藥味
總括來說，叫咁多肉都係$200, 其實好抵食
下次會返大陸試下，人地詰平好多，　$100到