六月二十九日 (星期二)

今日一起請了假,早上做完gym後,想過大空館,原來是日休館
加上今日天氣真的非常好,陽光普照,沒有雲,所以熱得很,唯有行過去Harbour City再算吧

沿途,老公仔說如果見到雪糕車就好了...

haha,真幸運,在如此天氣下,真的遇上了

遠處已經聽到它的音樂........

買了兩杯軟雪糕,快點吃,很易溶呢,它的雪糕真的很滑......夏日的消暑佳品呢

$7 for an ice-cream, it isn't really cheap, but for the quality and the texture of the ice-cream, it's worth a try.

however, the mister car isn't always at the harbor, so it really depend on luck, but i heard people saying that it's usuallty parked by the TST harbor during the weekends, so maybe gona try bumping into it during that time.

今日同男朋友興致勃勃入左西貢行
預左星期日勁多狗仔睇;又見到D漁民賣魚;
都幾有風味;不過今日天氣就麻麻;因為好焗!
見到雪糕車就買左1個軟雪糕SHARE啦

呢次食O既雪糕都仲係好多氣泡;但係好軟綿綿!
入口即溶~但係吾知係咪因為天氣定係其他因素;
總覺得個雪糕好似吾夠凍咁O既?!
希望下次會食到又凍又綿又好味O既雪糕啦!

招牌軟雪糕連雪糕筒, 完全可以用標題果五字來形容

味道香濃, 口感軟滑, 個筒脆卜卜, 加上底食 (只限7蚊果隻軟雪糕), 真係香港最好食既軟雪糕

果仁甜筒, 每次食親個筒都有部份淋左, 又多冰碎包住支筒, 雪糕頗硬, 常常令我覺得銷量一般

反而好多時蓮花杯個雪糕比甜筒軟身,

莫非銷情係 軟雪糕 > 蓮花杯 > 甜筒

今日去左食雪糕車O既軟雪糕~
1向都話雪糕車O既雪糕最好味;
又香又軟又滑!雖然每次食完都吾夠喉;
但係始終都係雪糕車好

今日食O既雪糕有好多LONG;
吾知係咪岩岩搞好呢D雪糕?
好軟牙!仲溶得好快;
不過雪糕車D雪糕1向都係咁;STYLE黎O既 =)

富豪雪糕行踪一生飄忽, 今日跟朋友逛到旺角花園街, 看來雪糕車司機都攰喇~~~
(仲有好多分身起港九新界行緊唔知者~)

是日下午茶:-
軟雪糕
一人一杯唔好爭!
等待變成期待, 看到雪糕轉呀轉, 好大枝呀!白雪雪的, 一咬就1/3咯.
好軟滑既雪糕, 質地似cream, 不過就唔夠牛奶味喇.
咁熱天氣, 食番杯先再有力行架嘛~~

食了咁多年, 都冇留意雪糕車上既溫馨提示
<< 小心兒童橫過>>
到底係提醒邊一位呢??

當我望見你，我就想起兒時點滴，
當你的雪糕車，播出「藍色多瑙河」音樂，令所有香港人知道雪糕車就在附近，
現在雪糕太多，但你依然佔有重要位置，地球咁大，我都能在荃灣與你相與，
真有緣，所以我要番個嘆嘆。
雲尼拿…雖然普通，但食落依然軟滑，味道勝過麥記同七仔。

周日同食家吃完串得起，在對面馬路見到雪糕車，天氣冷冷吃雪糕最過癮，就一人要番杯﹗

我偏愛軟雪糕，而食家就至愛富豪的甜筒，一人一個唔洗爭﹗

食家話富豪的甜筒雖未及貴價那些品牌滑溜，但雲呢拿味道香濃，面頭的碎花生及果仁超級香脆，佢話食其他牌子的都會因雪得耐而變腍，係呢隻唔會，好似新鮮灑上去一樣，見佢一陣就食哂就知好味﹗

再者佢話而家0的甜筒脆筒成日將最後一啖變成一舊朱古力，但這支明明是雲呢拿甜筒，所以坊間的甜筒佢都會掉棄最後一口，係富豪堅持使用原始脆筒，令佢可由頭嘆到尾，這叫享受﹗

在香港吃軟雪糕，平平地又最好味的非富豪雪糕車莫屬吧，味道濃郁而軟滑，入口即溶如綿花的感覺妙極，便利店跟風o左咁耐始終都係做唔到佢地既質感，好味好味﹗

$7支不算貴，很開心這兒會有雪糕車，下次見到都要再食先﹗

今日去完飲茶路過海防道,見到泊住雪糕車,由於平日實在太少見,雖然食飽了還是忍不住買了一杯軟雪糕和一個蜜瓜蓮花杯,各7元.

軟雪糕實在比連鎖便利店的出色,因為呢度實在太好味,又香奶味又夠滑,只是實在太快溶了.

至於蓮花杯小時候好喜歡吃的.大個了無食過了,今次食番又有一種新滋味.蜜瓜味印像中無食過,今次第一次食,雪糕唔會整得好硬,好易畢,蜜瓜味是清清淡,似有還無.要讚的是唔會太甜,夏天食也頗消暑.只是現在秋天意境差了點點

今次買雪糕時,竟然見到是一位女仕賣而唔係男仕,所以見到都幾驚喜呢??

好懷念細個每次聽到藍色多腦河的音樂,現在越來越少聽到,希望富豪雪糕車可以繼續經營下去,畢竟這是一個香港人的集體回憶啊

是日同屋企人family day,
去左大圍踩單車

太陽曬到正一正,
搞到我地幾個都汗流浹背,
踩踩下赫見富豪的蹤跡~~~
即刻個個仆埋去買雪糕~~~~

N咁耐冇食過富豪雪糕,
口感仍然係超級Creamy!!!
除左佢既軟雪糕之外,
其他都唔需要試~~
因為軟雪糕真係超級好味!!

想影相時我細佬已經呷了一口

我成日講5歲個時.最開心就見到雪糕車.
我不會吃甜筒...食到成手都係
個日叫左蓮花杯...6元.平靚正.又滑又不甜,個人覺得味道同貴價雪榚差不多
坐雪糕車個男人係黑面
但6元買回童年回憶.仲要係尖咀碼頭睇住夜景.十分值得!

一離開會場....就見到富豪雪糕車.......
雙眼發光似的望著那雪糕車
已有一段頗長時間無見過富豪雪糕的蹤影.....
奇怪的是....
雪糕車竟換了新包裝???

買之前..聽見前面位朋友講o左句"咁細杯ge!!"

好彩..我個杯一d都唔細
一入口.....wa.....好軟滑..好濃厚.......
好熟悉的口味.....
加上脆脆的筒....
好好好滿足.....

除o左富豪雪糕....
市場上其他軟雪糕.....都不能給我這滿足的感覺...

是晚, 約了齋妹睇戲, 因為老細突然要應酬而有幸地逃出我的地獄星期一, 可以早一點走, 先來到尖沙咀, 等女友放工吧.

天氣熱, 在碼頭等等等, 心想找些東西止止渴. 其實主要意思是想解解熱. 涼茶館不是, 買汽水又不想. 遠處望見雪糕車, 童心突起. 我要食雪糕！！！

行過去, 富豪雪糕, 由細係尖沙咀食到大, 從以前的Bedford麵包車, 到而家的Ford Transit. 永遠都是那滑滑的雲呢拿雪糕, 永遠都是那甜甜的威化筒. 要快快食, 不一兩啖, 便可以成隻吞落肚. 要慢, 小時候, 總愛慢食, 雪糕溶到成手都係, 慢慢舐, 慢慢享受那個軟雪糕.

富豪啊, 希望你永永遠遠, 為小朋友, 大朋友服務.

富豪的軟雪糕和甜筒賣7蚊，連花杯和橙冰賣6元，價錢與幾十年前不同，加價是少不免，味道主要有朱古力味和密瓜味的甜筒，全部都是香港設廠房製造，外表上沒有豪華的包裝，只有七、八十年代那一種簡陋的外表，沒有了虛榮的外表，但反而有一種樸實的美，在尖沙咀鐘樓下的富豪雪糕車很有風味，很多遊人都會光顧，香港旅遊協會是否應該宣傳一下這些香港地道文化，香港人也要珍惜一下自身的文化，麥當當、迪迪尼可能是好的舶來品，但我們的富豪雪糕車也不輸蝕的哦！


http://icuteee.mysinablog.com/index.php?op=ViewArticle&articleId=1768937

詳情請看: http://www.fotop.net/tonykafai/0903mrsoftee
莫問草根與富豪 雪糕窩心齊讚好 零食榕樹頭


http://www.fotop.net/tonykafai/cateringartwork/090315mrsoftee
15/3
是日從灣仔遊一番後，坐船到了尖沙咀碼頭，走到文化中心時，看見了「老朋友」富豪雪糕車，便買了一杯價值7元的軟雪糕。當時心想: 「多年沒吃過這麼滑的雲呢拿雪糕啊，相比便利店和快餐店的產品，真是與別不同。」

17/3
當時正在打算找地方吃晚飯，走到油麻地的廟街地帶時，一輛藍色的小貨車吸引了我的目光。原來它也是富豪雪糕的汽車，只是像巴士一樣「改頭換面」，換上Adidas慶祝60周年的廣告。可惜當時我仍未吃正餐，所以打消了一嘗雪糕的念頭。

29/3
是日與杜雲遜先生遊走旺角，希望再次尋找富豪雪糕車的蹤跡。閒逛一會兒後，便有所發現。原來軟雪糕已升價至7元，(怪不得上回職員沒有找零錢給我呢)。杜先生買了雪糕，我便嘗試巧克力蓮花杯的味道。在這個甜品店臨立的市區裏，依然能夠在街上購買「心頭好」，人生一樂也。

喜出望外，當我們走到波鞋街附近時，再次遇上另一輛雪糕車呢。人家說:「碰上雪糕車，是講緣份。」我信，真的有這回事。