4
3
2
港鐵元朗站 F 出口, 步行約11分鐘
繼續閱讀
營業時間
星期一至二
12:00 - 14:30
18:00 - 22:00
星期三
全日休息
星期四至日
12:00 - 14:30
18:00 - 22:00
以上資料只供參考, 請與餐廳確認詳情
無無聊聊同朋友搞左個元朗拉麵店大評賞，而第一站係地山謙。點解要去呢度？其實係有段故的年頭的情人節賣完氣球花諗緊雞地有咩食，行下行下就行到小茄子旁邊，發現巷仔有間新開的食店，因為門口係以傳統的日本拉麵店的紅燈籠，所以一眼就知食拉麵，又鑑於未食過就試下，食過之後就愛上了。題外話講完，原先第一站選取大家都未去過的麵家山下，但可惜去到門口先知18-19號休息，咁就碰運氣黎地山謙（因為此網話已結業，但其實仲開緊）。裝修同年頭黎的一樣以傳統日本的拉麵店的風格，位置分別係吧檯+高椅、二人檯的形式，一入門就見到一男一女黎招呼，男的係師傅，女的負責招待，有點奇怪得兩個人但可能上次黎係晚市所以多人手，今次午時黎食，所以少人足夠應付(?)，發現菜單改變左，以前係一張a4 size底面印刷菜單，而且以單一豬骨湯底為主，再配搭唔同食材，現在有好幾款選擇，今次我就試食秘製湯麵。湯：濃郁且清甜的豬骨湯麵：細麵：爽口，但食到最尾有少許規水味肉：薄切牛：簡單黎講同普通肥牛冇分別昆布：爽口但唔腥竹筍：爽口美中不足係冇蛋
繼續閱讀
好耐冇黎食就特登去食下，一路都覺得呢間拉麵好味過出面個d 過百蚊既拉麵。 今次黎到，見到d啊姨唔係度，變曬d妹妹仔，廚房d布長咗好多，擋住唔俾人睇師傅煮野，已經心諗「有古怪」。見到餐牌唔係以前咁，多咗好多選擇，但已經唔係以前咁正宗。見到個牌寫著可以轉烏冬，又心諗「咩玩法，拉麵店食烏冬？」 個餐牌上面d麵既display相有種見到都令人覺得應該要對覺得碗麵唔好咁大期望既感覺。好，即管叫黎食吓，兩個人叫咗個「大滿足」同埋咩「特製湯xxx」。係d布la度偷睇到個旺角味濃既年輕師傅煮麵，心諗如果佢有以前師傅fing拉麵個個手勢，就應該都好食、可以一試既，點知，唉算。。。 個麵出到黎一放低，「大滿足」個糖心蛋...又唔係全熟既，但係一定唔係糖心蛋咯.. 我食既係咩「特製湯底」個個拉麵，油真係太多。另外，食材一睇、一食都知道係冇得比較，費時多講，根本唔係個回事⋯⋯只可以話，佢上一手做得太好，都唔係佢既錯，只係我呢個上手食客唔會再想黎食。。。
繼續閱讀
今晚返到入元朗已經成9點幾，好多晚市都已經做左一大半，雖說元朗多野食，但想近落車地點又唔行咁遠之下，就去左雞地。雞地意指鳳琴街同鳳攸南街一帶，近年多左好多食店之餘，人氣也比以前旺盛，對我們食客來說，實在是個喜訊，而最最最緊要的，就是雞地離我們家7-10mins腳程，真係方便到極。在無idea之下，我地黎到位於巷仔中間的地山謙日本拉麵專門，店內雖小，但都可以坐到15-20人，左9點多的時候，都有8成滿，看來應該不錯。一坐底，就有menu和tea送上，menu選擇不多，小食加拉麵不到20款，飲品更只有汽水選擇。最後我地點左2款拉麵和2個小食為我們的dinner，上菜算快，前後不到5mins已有第一道小食，不錯，而且待應又會不時過來加茶，不用三吹四請，表現勤快。豬骨濃味拉麵: 味濃不會過咸，湯頭奶白，少少槳口，岩我口味。叉燒不算入口即溶但總算過得去，而溫泉蛋亦程現糖沁，拉麵夠彈牙，亦可掛上少許湯同吃，水準算是中上。醬油鮮味拉麵: 叉燒和拉麵跟上面說的一樣，不再多談。要講的就是湯底，先來喝一口，沒有想像中咸，因每次叫醬油味都總會覺得好咸，出奇地今次沒有這感覺。但整體覺得豬骨湯底的口味比較對版和岩自己的口味。芝士吉列豬排: 說穿了就是藍帶豬扮的化身，就是豬扒之間夾了芝士和火腿，我自己都做過同樣的菜，芝士落得不夠大方，只有正中間才有少許芝士，不像圖片般會漏芝士出來，而且不見得芝味濃郁，而且豬扒非常細小，只有女仕手掌一半的大，應該只可以是一人前吧，$18HKD一塊細小豬扒，其實都不算便宜。黑椒燒雞扒: 又是細小之作，只得4小件，卻賣$28HKD，而且沒有黑椒味，雞肉亦燒得乾身，不太好吃，但外皮燒得脆卜卜倒是真的。以平民價食到這拉麵其實算是不錯，唯獨小食則可以不試也吧！
繼續閱讀
由於晚飯想食日式拉麵但又得想試新店，好自然上黎openrice 睇到呢間嘅comments 唔錯，即刻起行喺好順福好順利兜兜轉轉都搵唔到間舖，企左喺小茄子門口，本來打算放棄，點知老公眼利望到條巷有人出出入入，終於搵到啦。店內陳設帶點日本風，雖然確實有啲迫硤，但無影響心情，因為，元朗食好野就要迫係硬道理拉麵款色不算太多，但我覺得問題不大，如果有為素食者設無肉餐單會更好。我叫的麵豉湯拉麵湯底味道對我來說剛剛好，叉燒不太肥，唔鞋，幾好。家人叫的鯷魚湯底拉麵就好清甜。最欣賞係個吉列芝士豬扒，你地記住一定要食；仲有燒茄子，因為用鐵板上，吱吱聲又熱辣辣，個汁好好味，而家諗起都想再食。個燒雞扒都唔錯，但冇咩特別。一定會再去👍👍不過食lunch會抵啲。
繼續閱讀
元朗愈閒愈多小型拉麵店。應該無咩外來人會特意來這裡覓食。所以只是推薦給元朗居民這間店鋪比較隱閉，位置小巷中，但食物質素並不失水準，價錢公道。拉麵價錢大約$60-$70左右一碗。總共有8款固定拉麵給選擇，另每個月都有一種特別拉麵，每月更換。今個3月的特選是粟米豬骨湯豚肉叉燒拉麵。小食大約有6款選擇，並不算太多種類。由於店鋪位置不大，每坐位的牆上都有一個掛東西的鈎，可以掛外套或者手袋。我今次選擇櫻蝦叉燒拉麵，一隻蝦，三大塊叉燒，叉燒不會太肥，也不會太硬食。另外，拉麵是直和幼細的那種麵，好好口感。
繼續閱讀