影片
以上資料只供參考, 請與餐廳確認詳情
相關文章
好耐冇去過火炭，由昔日嘅工業區，到今日部分土地演變成住宅區，但係歷史悠久嘅大排檔依舊不變，仍然每日製造無限嘅美食。但係呢種特色風味，好快就要結束，政府會收回土地起政府綜合大樓，所以趁路經此區，一嚐香港特色嘅原風味。我們一行6人叫咗下面9款菜式，每一款都只有呢類嘅大排檔，先食到呢種火喉。鑊氣，唔係好多餐廳都做到，甚至好多大酒樓，都做唔到大排檔果種食得出嘅鑊氣。生滾沙田雞粥第一次食呢個沙田雞粥，粥底鮮甜，但感覺唔似係用雞嚟煲，只係食到鮮味而無雞味；雞件好嫩滑，似係後加雞件落粥度煮，否則個肉質會好「鞋」。份量比我想像中大鍋，總體嚟講係好食，值得一試；金牌燒乳鴿平時唔點食乳鴿嘅我，見到咁靚都忍唔住食咗四份一隻，皮脆肉嫩，燒到啱啱好，味道亦都適中，一般燒乳鴿會有偏咸嘅情況，呢度個味道做個平衡做得好好；椒鹽豆腐(送)老細見我地叫咁多嘢，就送咗個椒鹽豆腐比我哋。我初時以為送嘅只係得幾舊，點知係好大碟，炸到金黃色非常之靚，而且係做到皮脆肉嫩，剛強嘅外表，內心竟然如此溫柔，就算冇得送叫一碟都值得；豉椒炒蟶子蟶子非常新鮮同巨形，煮得好夠鑊氣，熟度係做到分毫不差，剛剛好，肉質保持鮮嫩，豉椒嘅醬汁加上鑊氣，令到蟶子進一步提鮮，48蚊一隻，我覺得價錢合理，可以話街市買自己煮仲平，但係我冇能力做到咁出色嘅效果；酥炸大腸一向鍾意食大腸嘅我，好欣賞佢個大腸炸得脆亦唔太肥，腸內洗得夠乾淨，而且份量夠多，多到係食唔哂，始始炸大腸比較膩，好容易會有飽濟感；黃金墨魚咀我一向都麻麻地食墨魚咀，我唔鍾意佢有「骨」，佢呢個黃金墨魚咀，不單只粒粒都冇骨，而且十分嫩滑，嫩滑得嚟又有少少彈牙，加上極邪惡嘅鹹蛋黃外層，完全食唔停口，而且份量之多，就算不停咁食，都好似食極都食唔完咁，呢個真係超正，必食；椒鹽白飯魚炸得好鬆脆，金黃色炸得夠乾身，椒鹽嘅味道係剛好，平時我少食白飯魚都食多幾舊；豉油皇鵝腸上菜時都有啲愕然，點解會咁深色嘅，好似一堆蟲咁有啲驚嚇。味道唔錯，係我想要嘅味道，冇比佢嘅顏色影響到，鹹度係剛剛好，鵝腸好爽脆；西芹炒龍躉球原本個菜式係西蘭花炒龍躉球，問咗老細原來可以轉第二款菜，我哋揀咗西芹炒龍躉球。西芹我冇食到，淨係食龍躉，魚味濃，亦好嫩滑，呢種味道好耐都冇食過。幸運嘅係可以食到呢份滋味，家下除咗僅存嘅大排檔外，都唔太多地方食到呢種香港獨有嘅美味，鑊氣係更加難得。有人會覺得，大排檔唔衛生、環境差，可是食物質素同味道，先至係最重要。
繼續閱讀
辛苦咗一個星期, 打算懶一吓, 唔煮飯出街食. 自己喺個沙田友, 幫襯咗泰源都有好一段時間. 一路水準平平穩穩, 不過不失，勝在出菜夠熱 . 今晚發覺佢哋大有進步. 值得同大家表揚一下. 今日叫咗個生炒骨, 好出色. 先講食材, 一般人唔叫咕嚕肉叫生炒骨，係唔想食太肥，加上近骨位置啲肉比較香口, 又唔使咁肥，齋食豬腩肉. 泰源喺依方面好細心, 最近都好少有依啲良心食肆，願意花時間花工夫將食材做好. 睇得出佢哋好細心把所有排骨嘅肉切除之餘，細心把圍住骨頭部份嘅筋膜留低, 最最值得讚嘅就係冇一舊生炒骨係會有碎骨, 每一舊骨都完完正正. 可見其細心. 把生炒骨嘅精髓發揮到極致. 除咗食材方便，脆漿方便都做得唔錯，不惜工本. 大家都知道，做排骨位置嘅骨頭唔會太大，但係佢哋都可以將每舊生炒骨做到飽飽滿滿. 唔會似其他小炒店一味交行貨，薄薄一層脆漿或者生粉就算. 我同我老婆齋食咗碟生炒骨加半碗白飯已經爆曬. 抵食!
繼續閱讀
香港雖然唔大，但18區都各有特色名物，好似講起沙田嘅名物，又點少得沙田雞粥呢！但原來朋友從來都無食過，所以我今日帶佢去喺山尾街熟食市場隨意去咗呢間泰源大排檔。生滾沙田雞粥雞粥大大窩，最欣賞係粥底充滿雞香味，而且好綿滑，最重要係唔會有太多雞油同碎骨。金牌燒乳鴿乳鴿皮燒到好香脆，熱辣辣，加少少淮鹽，就更惹味。豉椒炒蜆order完一陣就上菜，速度之快令人難以置信，好在蜆無沙，尚算鮮甜。西蘭花炒鮮魷呢個西蘭花炒鮮魷嘅味道相對清淡，但勝在鑊氣足，加少少蝦醬或蠔油就得。豉油皇炒麵喺大排檔就最鍾意食豉油皇炒麵，貌似簡單，其實都好考功夫！炒麵夠鑊氣，條條麵都上晒色，配料有芝麻、豆芽同韮菜，加埋辣椒醬一齊食就錦上添花。椒鹽賴尿蝦喺Openrice網站上，明明話憑QR Code會送椒鹽賴尿蝦一客，可惜店員話賣晒只可以送椒鹽豆腐，但點知自己俾錢order就有架！賴尿蝦好香口，椒鹽味夠香。椒鹽豆腐喺Openrice網站上，明明話憑QR Code會送椒鹽賴尿蝦一客，可惜店員話賣晒只可以送椒鹽豆腐，呢碟送嘅豆腐又無令人失望喎，外脆內嫰，好香口！臘味糯米飯呢啲天氣，最啱就係食臘味糯米飯，我哋叫咗一碗試試，但糯米飯太過乾同太過硬，絕對可以唔洗試。
繼續閱讀
早兩晚同朋友遊車河，想食宵夜，就去左火炭搵大排檔，呢度好有大排檔風味，門口又可以擺車😅😅😅但野食普遍都偏咸，最好食係個雞粥，軟綿綿，啲雞都好有雞味，又嫩滑👍🏽👍🏽👍🏽炒蜆辣辣地，幾好味👍🏽👍🏽
繼續閱讀
好耐無嚟火炭食嘢了(´･ω･`)襯住大排檔仲係要把握時間食多幾次～我哋一行四人7:15到達，好快就可以入座了👏🏻🤍 金牌燒乳鴿（2隻）乳鴿啖啖肉，咬落去皮脆肉就有啲啲乾，點埋華鹽好滋味🫰🏻👏🏻🤍 生滾雞粥（1窩）馳名雞粥係不得不點既菜式，大大鍋粥 口感好綿(⁎⁍̴̛ᴗ⁍̴̛⁎)雞肉大大件 正啊🤍🤍 椒鹽鮮魷炸粉比較輕薄 椒鹽兜得均勻味道唔會太咸 岩岩好～🤍 豉椒炒蜆依味菜就相當麻麻 個芡好濃厚擺左一陣已經槳住左啲蜆 個芡好咸完全掩蓋蜆肉味道 份量都ok!🤍 金銀蛋白菜仔好怕出街食油林林既菜 湯浸既金銀蛋白菜仔就岩我哋啦～🤍椒鹽豆腐（餐廳送的）椒鹽豆腐一大塊 同出面食一粒粒既好唔多 點個泰式辣醬好夾 不過如果係一粒粒既話 口感應該會更加好🤍三罐可樂埋單$596 ｜人均消費$150
繼續閱讀